बिहीबार, माघ १९, २०७९

सत्ता र प्रतिपक्षी दुवै गठबन्धनलाई पाखा लगाउने 'जोगी सर'

नेत्र पी अधिकारी  |  काठमाडौं, शुक्रबार, मंसिर ९, २०७९

नेत्र पी अधिकारी

नेत्र पी अधिकारी

शुक्रबार, मंसिर ९, २०७९, काठमाडौं

नेपाल समय

विराटनगर– सामाजिक अभियन्ता योगेन्द्र मण्डल (जोगी सर) ले एक वर्ष अघिदेखि प्रतिनिधिसभा सदस्यमा उम्मेदवारी दिनेगरी आफ्नो अभियान सुरु गरेका थिए। नेकपा एमाले प्रदेश कमिटीका सदस्य रहेका जोगीले मोरङ–५ बाट उम्मेदवारी दिनेगरी पार्टी गतिविधि र सामाजिक अभियानलाई निरन्तरअघि बढाइरहेका थिए।

स्थानीय, प्रदेश र प्रतिनिधिसभा निर्वाचनको निश्चित हुनु अघिदेखि नै उनले क्षेत्र नं. ५ लाई लक्षित गरी आफ्नो उपस्थितिलाई बाक्लो बनाउँदै अघि बढेका थिए। प्रतिनिधिसभा सदस्य निर्वाचनको मिति टुंगो लाग्यो । जोगीको नाम क्षेत्रीय कमिटीले सिफारिस गर्यो। उनलाई प्राथमिकतामा राखेर केन्द्रीय सदस्य रामलाल साह र स्थानीय नेतृ राधा पासवान सहित तीन जनाको नाम सिफारिस भए पनि मण्डलको टिकट गत असोज २० गतेसम्म एमालेबाट निश्चित थियो।

असोज २१ गते एमाले अध्यक्ष केपी शर्मा ओली र जनता समाजवादी पार्टीका अध्यक्ष उपेन्द्र यादववीच चुनावी तालमेल गर्ने सहमति भयो र प्रतिनिधिसभाका १७ सिट जसपाको भागमा पर्यो। १७ सिटमा मोरङ ५ पनि पर्यो। जोगी सर अलमलमा परे। एमालेबाट प्रतिनिधिसभामा उम्मेदवारी दिने उनको सपना पूरा हुन सकेन। उनी के गर्नेमा अलमलमा परे। उनको अभियानमा सँगै हिँडेका साथीहरुसँग परामर्श गरे र स्वतन्त्रबाट उम्मेदवारी दिने निर्णयमा पुगे। एमाले प्रदेश कमिटी सदस्य पद त्याग गर्दै उनले स्वतन्त्रबाट मनोनयन दर्ता गरे। उम्मेदवारी दिएदेखि नै जोगीको चुनावी अभियानमा सयौंको सहभागिता हुँदै गयो।

स्थानीय, प्रदेश र प्रतिनिधिसभा निर्वाचनको निश्चित हुनु अघिदेखि नै उनले क्षेत्र नं. ५ लाई लक्षित गरी आफ्नो उपस्थितिलाई बाक्लो बनाउँदै अघि बढेका थिए। प्रतिनिधिसभा सदस्य निर्वाचनको मिति टुंगो लाग्यो ।

मंसिर ४ गते भएको निर्वाचनको ८ गते साँझ घोषणा गरिएको अन्तिम परिणामबाट उनी निर्वाचित भए। उनले निर्वाचन जित्ने लक्षण मंसिर ५ गतेदेखि शुरु गरिएको गणनाबाट देखिएको थियो। लगातार अग्रता कायम राखेर उनी विजयी हुन सफल भए।

मण्डलले २१ हजार ८२० मत प्राप्त गरे। उनका निकटतम प्रतिद्वन्द्वी माओवादी केन्द्रका उम्मेदवार शिवकुमार मण्डलले  १७ हजार ४८६ मत प्राप्त गर्दा एमाले जसपा गठबन्धनबाट उम्मेदवार बनेका जसपा नेता राजकुमार यादवले १७ हजार ३९० मत प्राप्त गरे। राप्रपा उम्मेदवार रेवतबहादुर थापाले २ हजार ४७९ मत प्राप्त गरे। मण्डलले मतगणना सुरु भएदेखि नै अग्रता बनाएका थिए।

माओवादी केन्द्रका नेता तथा पूर्वमन्त्री सत्ता गठबन्धनका उम्मेदवार शिवकुमार मण्डल र एमाले–जसपा उम्मेदवार राजकुमार यादवलाई पाखा लगाउँदै सांसदमा निर्वाचित भएपछि उनले भने, ‘जनतासँग गरेका बाचा भोलिबाटै शुरु गर्छु।’ मतदाताको काम सकिएको अव आफ्नो काम शुरु भएको जोगीले बताए। जनताले अनुभूति गर्ने गरीको काम आफूले गर्ने उनले बताए।

को हुन् योगेन्द्र मण्डल ?
मण्डल सामाजिक अभियन्ता हुन्। उनी जीवन विकास समाजका संस्थापक हुन्। मोरङको साविक अमाही बरियाती गाविसमा २०५२ सालमा गाउँका दुई बालकलाई ट्युसन पढाएर जीवन विकासको अभियान सुरु भएको थियो। गाउँमा योगेन्द्रभन्दा पनि उनी जोगी सरकै उपनामले चिनिन्छन्। मतदातामाझ जाँदा पनि उनी त्यही नामले नै परिचित भए।

योगेन्द्रको अगुवाइमा शिक्षा, स्वास्थ्य र कृषिमा गरिब परिवारलाई सहयोग गर्न जीवन विकास समाज संस्था स्थापना गरिएको थियो। समाजले २५ वर्षमा तीन लाखभन्दा बढी मानिसलाई आर्थिक रूपमा अघि बढ्न सहयोग गर्यो। सामाजिक अभियान सञ्चालन गर्यो। अरूको खेतमा काम गरेर पेट पाल्ने परिवारका छोराछोरी पढ्न नपाएको देखेर सहकारीमार्फत गरिबी कम गर्ने र विद्यार्थीलाई पढाइको व्यवस्था मिलाउने उद्देश्यले २०५४ मा समाज दर्ता गरिएको थियो।

योगेन्द्रका अनुसार अमाही बरियातीको सुकुम्बासी बस्तीका दुई दाजुभाइ शिवचरण र देवनारायण मण्डलका कारण जीवन विकास संस्था स्थापना गरिएको थियो। उनीहरू अहिले जीवन विकास लघुवित्तका शाखामा प्रमुखको जिम्मेवारीमा कार्यरत छन्। हाल समाजले चार पालिकाका ६ स्थानमा बाल विकास केन्द्र सञ्चालन गरिरहेको छ। त्यहाँ ५०० भन्दा बढी बालबालिका पढ्छन्।

विद्यालय व्यवस्थित होस् भनेर समाजले १० करोड रुपैयाँको अक्षयकोष खडा गरेको छ। बालशिक्षाका लागि बेग्लै भवनमा अध्ययनरत बालबालिकालाई विद्यालयले पौष्टिक आहारसमेत उपलब्ध गराउँछ। समाजले गैरनाफामूलक सीटीईभीटीको तालिम कार्यक्रम पनि सञ्चालन गर्दै आएको छ।

समाजलाई द अरब गल्फ प्रोग्राम फर डेभलपमेन्टले ‘क्वालिटी एजुकेसन फर अल’ पुरस्कारबाट सम्मानित गरिसकेको छ। तीन लाख अमेरिकी डलरको यो पुरस्कार सन् २०१८ मा संयुक्त राष्ट्रसंघको जेनेभास्थित कार्यालयमा स्पेनकी महारानी सोफिया र साउदी अरबका राजकुमार तलाल विन अब्दुल अजिजले मण्डललाई प्रदान गरेका थिए। तीन करोड १० लाख रुपैयाँबराबरको उक्त रकममा त्यति नै थपेर कोष खडा गरिएको छ।

विद्यालयहरूको शिक्षा सुधारमा एक करोड १० लाख रुपैयाँ खर्च गरिएको छ। ६ करोड रुपैयाँको अक्षय कोष बनाई त्यसको ब्याजबाट दिगो विकासका १७ वटा लक्ष्य राख्ने व्यक्ति वा संस्थालाई वार्षिक १५ लाख रुपैयाँको ‘दिगो विकासका निम्ति जीवन विकास पुरस्कार’ प्रदान गरिन्छ। सन् २००५ मा समाजले नेपाल डेभलपमेन्ट मार्केट प्लेसको ‘लौन, अब त केही गरौँ’ शीर्षकको १४ लाख रुपैयाँ राशिको पुरस्कार पनि पाएको थियो।


प्रकाशित: November 25, 2022 | 09:17:02 काठमाडौं, शुक्रबार, मंसिर ९, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
प्रदेश न. १

खेलकुदमा सुधार गरी उपलब्धि हासिल गर्न सकिन्छ : गोकुल बाँस्कोटा

नेपाल खेलकुद महासङ्घको दोस्रो महाधिवेशनको तयारी सम्बन्धमा आज यहाँ आयोजित पत्रकार सम्मेलनमा पूर्वमन्त्री बाँस्कोटाले मुलुकको खेलक्षेत्रको राष्ट्रिय नीतिका तयार गर्नुपर्नेमा जोड दिए।
नेपाल समय
प्रदेश न. १

गुणस्तरीय शिक्षाका लागि निजी क्षेत्रको भूमिका महत्वपूर्ण : मुख्यमन्त्री कार्की

उच्च शिक्षालय तथा माध्यमिक विद्यालय सङ्घ नेपाल मोरङ (हिसान)द्वारा आयोजित खेलकुद सप्ताह–२०७९ को समापन गर्दै उनले शिक्षा क्षेत्रमा सरकारले गर्नुपर्ने लगानी निजी क्षेत्रले विद्यालयहरू सञ्चालनका लागि गरेको उल्लेख गरे।
नेपाल समय
प्रदेश न. १

व्यावसायिक असफलतामा अप्रिय निर्णय नलिन उद्योग संगठन मोरङको अपिल

इलामका व्यवसायी प्रेमप्रसाद आचार्य र विराटनगरका व्यवसायी मोहन न्यौपानेको घटनाले सम्पूर्ण उद्योगी व्यवसायीका साथै देशलाई नै स्तब्ध पारेको उद्योग संगठन मोरङले बताएको छ।
नेपाल समय
प्रदेश न. १

ऋणको भार थेग्न नसकेर विराटनगरका व्यवसायीले आत्महत्या गरे

विराटनगरको शनी रोडमा इलेक्ट्रिक पसल सञ्चालन गर्दै आएका न्यौपानेलाई आफ्नै घरमा झुण्डिएको अवस्थामा फेला पारिएको जिल्ला प्रहरी कार्यालय मोरङले बताएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना