सोमबार, माघ २३, २०७९

मोरङका मतदाताको गुनासो– माग ठूला छैनन्, तर कहिल्यै पूरा भएनन्

नेत्र पी अधिकारी  |  काठमाडौं, सोमबार, कार्तिक २८, २०७९

नेत्र पी अधिकारी

नेत्र पी अधिकारी

सोमबार, कार्तिक २८, २०७९, काठमाडौं

नेपाल समय

बेलबारी (मोरङ)– दुर्गाकुमारी साह बेलबारी ९ मा बसोबास गर्न थालेको करिब १४ वर्ष भयो। उनले सडक छेउमा चिया नास्ताको पसल सञ्चालन गरेको पनि वर्षौं बितेको छ। उम्मेदवारसँग हरेक निर्वाचनमा उनको एउटै माग छ– पसलसँगै टाँसिएको सडक कालोपत्रे होस्। अघिल्लो प्रतिनिधिसभा, प्रदेशसभा, स्थानीय तह निर्वाचन तथा गत वैशाखमा सम्पन्न स्थानीय तह निर्वाचनमा पनि उम्मेदवारसँग उनले सोही माग गरिन्। निर्वाचनताका उम्मेदवारले हुन्छ भने पनि। तर पछि जस्ताको त्यस्तै। 

पटक–पटक उम्मेदवारलाई सडक कालोपत्रेको माग गर्दा पनि पूरा नगरेपछि यही मंसिर ४ गतेको निर्वाचनमा दुर्गाकुमारीले फरक पार्टीलाई मतदान गर्ने सोच बनाएकी छन्। उनले भनिन्, ‘एउटै पार्टीलाई मत दिँदा–दिँदा दिक्क भइयो, काम नै गर्दैनन् भने किन उनीहरुलाई फेरि मत दिने?’ सडक कालोपत्रे नहुँदा धुलो उडेर पसलमा राखिएका खानेकुरा कामै नलाग्ने हुने गरेको उनले सुनाइन्। दुर्गाकुमारीको जस्तै पीडा उनको आसपासमा रहेको पान पसल, किराना पसल सञ्चालकहरुलाई पनि छ।

उनीहरुले यस पटक सल्लाह गरेरै मत दिने योजना बनाएको बताए। उम्मेदवारहरु गाडीमा चढेर भोट माग्दै हिँड्ने गरेको उनीहरुको गुनासो छ। जनताको दुःख नेताहरुले कहिल्यै नदेखेको स्थानीय ६८ वर्षीय मालिक खवासले बताए। उनले भने, ‘नेतालाई पञ्चायत कालदेखि मत हालियो तर हाम्रो अवस्था जस्ताको त्यस्तै छ।’ सडक राम्रो होस्, सिँचाइ, कलको प्रवन्ध होस् भन्ने आफूहरुको चाहना भए पनि कहिल्यै सुविधा नपाइएको खवासको गुनासो छ। नेताहरुले चुनावमा मात्रै जनता खोज्ने उनले बताए। निर्वाचन जितेर गएपछि पनि जनताका कुरा सुनेमात्रै काम हुने उनको भनाइ छ। पञ्चायत कालदेखि जनप्रतिनिधि चुन्दै आए पनि आफ्ना दुःख कहिल्यै नहराएको उनले गुनासो गरे। 

बेलबारी–९ मा सिटी रिक्सा सञ्चालन गर्दै आएका ५० वर्षीय अर्जुन राजवंशी पनि नेताको व्यवहार देखेर दिक्क छन्। चुनावका समयमा राम्रा–राम्रा आश्वासन दिने तर निर्वाचनपछि भुल्ने परिपाटीका कारण जनताको जीवनस्तर उक्सन नसकेको उनको भनाइ छ। राजवंशीले भने, ‘स्वदेशमै बसेर केही गरौं भन्न खोज्यो, केहीमा पनि सरकारको सुविधा छैन।’ वैदेशिक रोजगारीबाट फर्किएर सिटी सफारी सञ्चालन गर्दै आएका उनले कांग्रेस, एमाले र माओवादी तीनै दलको काम हेरिसकिएको बताए। उनले भने, ‘सबै पार्टी हेरियो, काम कसैले गरेनन्।’ राजनीतिक पार्टीमा जनताका पीर मर्का बुझ्नुपर्छ भन्ने नै कहिल्यै नभएको उनको आरोप छ। आफ्नो स्वार्थबाहेक नेताहरुले अरु केही नदेखेको उनले बताए। राजवंशीले भने, ‘एउटै नेतालाई पटक–पटक पदमा पुर्‍याउनुपर्ने हामीले, अनि हाम्रै काम नगर्ने।’ पुराना नेताहरुको विकल्प खोज्ने बेला आएको उनले बताए। निर्वाचनबाट त्यो सबक सिकाउन आवश्यक भएको राजवंशीको भनाइ छ। 

बेलबारी ८ का ६८ वर्षीय सुविदार राजवंशीका पनि उम्मेदवारसँग ठूला माग छैनन्। उम्मेदवार आउलान् र भनौंला भनेर उनी बसेका छन्। उनको टोलमा कुनै उम्मेदवार पुग्न सकेका छैनन्। उम्मेदवार आए मल, बिउ, सुकुम्बासी समाधानको माग राख्ने उनले बताए। ‘हाम्रा लागि मल, बिउको समस्या ठूलो हो तर नेताहरुले यसलाई सामान्य रुपमा हेरिदिँदा समस्या भयो। उम्मेदवारले किसानलाई प्राथमिकतामा नै राखेनन्। चुनावका समयमा किसानलाई यसो गर्छौं र उसो गर्छौं भन्छन् तर त्यसपछि बिर्सिन्छन्,’ उनले भने, ‘साना साना मागमा पनि उनीहरुको ध्यान नपुग्ने भए उनीहरु गर्छन् चाहिँ के? हरेक जनताले नेतालाई खुरुखुरु मत दिने हैन, प्रश्न गर्नुपर्‍यो।’

कानेपोखरी ४ माझीगाउँका मानबहादुर माझीको पनि उम्मेदवारसँग ठूलो माग छैन। तर उनको माग पनि नेताहरुले सम्बोधन गर्न सकेका छैनन्। सडक कालोपत्रे होस्, बिजुलीबत्तीको राम्रो प्रवन्ध होस् भन्ने आफ्नो माग रहेको उनले बताए। वर्षौंदेखि धुलाम्मे सडकका कारण स्वास्थ्यमा नै समस्या हुन थालिसकेको तर नेताहरुले कहिल्यै कुरा नसुनेको उनको भनाइ छ। गाउँमा पोल नआउँदा बाँसका खम्बा गाडेर बिजुली बालेको उनले बताए। माझीले भने, ‘चुनावका समयमा बिजुलीको पोल गाड्ने भन्छन्, चुनावपछि हराउँछन्।’ नेताहरुको व्यवहार देखेर दिक्क भएको उनको भनाइ छ। गत वैशाखमा सम्पन्न निर्वाचनका समयमा पनि उम्मेदवारले त्यसैगरी झुक्याएको उनले गुनासो गरे। माझीले भने, ‘निर्वाचन जित्नेहरु गाउँ नै आएका छैनन्, हार्नेहरु त झन् कता गए गए।’

मोरङ केराबारी ८ का जीवन चेम्जुङ नेताहरुकै कारण पार्टीप्रति जनताको वितृष्णा बढेको बताउँछन्। नेताहरु आश्वासन दिने मात्रै भएको उनको भनाइ छ। नेताभन्दा जनता धेरै चलाख भइसकेको उनको बुझाइ छ। चेम्जुङ भन्छन्, ‘ जनतामा अब कसैले काम गर्दैन भन्ने बुझाइ भइसक्यो।’ नेताहरुको व्यवहारका कारण जनता अहिले निर्वाचनमा पनि खासै सहभागी नभएको उनले बताए। चेम्जुङले भने, ‘पार्टीप्रति वितृष्णा छ। चुनावी गतिविधि यस पटक खास छैन।’ जनताले खोजेजस्तो परिवर्तन हुन नसकेको उनले बताए। नेताहरुले जनताको चाहनाअनुसार काम नगर्दा पनि जनतामा निराशा बढेको चेम्जुङको बुझाइ छ। 


प्रकाशित: November 14, 2022 | 14:32:13 काठमाडौं, सोमबार, कार्तिक २८, २०७९

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
प्रदेश न. १

धिमालको सेउपाखा

धिमाल जातिलाई उर्लाबारी नगरपालिकाले पहिलो जातिका रुपमा मान्यता दिएको छ ।
नेपाल समय
प्रदेश न. १

मेलामा देखिएको विविधता

तामाङ जातिका युवायुवती ।
नेपाल समय
प्रदेश न. १

सुन्दर सुन्तले

पछिल्लो समय यो स्थान अन्तरिक पर्यटकहरुको रोजाईमा पर्ने गरेको छ।
नेपाल समय
प्रदेश न. १

खेलकुदमा सुधार गरी उपलब्धि हासिल गर्न सकिन्छ : गोकुल बाँस्कोटा

नेपाल खेलकुद महासङ्घको दोस्रो महाधिवेशनको तयारी सम्बन्धमा आज यहाँ आयोजित पत्रकार सम्मेलनमा पूर्वमन्त्री बाँस्कोटाले मुलुकको खेलक्षेत्रको राष्ट्रिय नीतिका तयार गर्नुपर्नेमा जोड दिए।
नेपाल समय
प्रदेश न. १

गुणस्तरीय शिक्षाका लागि निजी क्षेत्रको भूमिका महत्वपूर्ण : मुख्यमन्त्री कार्की

उच्च शिक्षालय तथा माध्यमिक विद्यालय सङ्घ नेपाल मोरङ (हिसान)द्वारा आयोजित खेलकुद सप्ताह–२०७९ को समापन गर्दै उनले शिक्षा क्षेत्रमा सरकारले गर्नुपर्ने लगानी निजी क्षेत्रले विद्यालयहरू सञ्चालनका लागि गरेको उल्लेख गरे।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना