सोमबार, मंसिर १९, २०७९

तीन डाक्टरले एउटै मञ्चबाट भने– डाक्टर शेखरलाई पराजित गरे पछुताउनुपर्छ

विनय बाह्रकोटी  |  काठमाडौं, सोमबार, कार्तिक २१, २०७९

विनय बाह्रकोटी

विनय बाह्रकोटी

सोमबार, कार्तिक २१, २०७९, काठमाडौं

नेपाल समय

इटहरी– नेपाली कांग्रेसमा टिकट नपाएर पनि सबैभन्दा बढी चर्चामा रहेका ३ नेताहरू अहिले चुनावी अभियानमा छन्। अर्थविद् डाक्टर स्वर्णीम वाग्ले र डाक्टर गोविन्दराज पोखरेलले देशव्यापी अभियान तय गरेका छन्। 

शुक्रबार काठमाडौं–५ मा कांग्रेसका युवा नेता प्रदीप पौडेलको लागि मत मागेर शनिबार विश्वप्रकाश शर्माको क्षेत्र झापा–१ पुगे वाग्ले। केन्द्रीय सदस्य डा. पोखरेल र वाग्लेले एउटै मञ्चबाट शर्माको पराजय भए देशलाई नै क्षति पुग्ने तर्क गरे।

मेचीनगर उद्योग वाणिज्य संघको सभाहलमा आयोजित कार्यक्रममा वाग्लेले कांग्रेसको घोषणापत्रबारे प्रस्ट पारे। जलवायु परिवर्तनदेखि नेपालको भूराजनीतिक प्रभावको विषयमा उनले बुझाए। भारत र चीनको उदय र पश्चिमा मुलुकको सापेक्षित गिरावटले नेपालमा पार्ने प्रभावबारे मिहीन ढंगले विश्लेषण गरे। कार्यक्रममा सहभागी युवाहरूले नेपालको अर्थतन्त्र सुधारका अवसर र सम्भावनाको विषयमा प्रश्न गरेका थिए। जलवायु परिवर्तन र आदिवासीका मुद्दाको विषयमा युवाहरूले डा. वाग्लेसँग जिज्ञासा राखेका थिए।

राजनीतिक नेतृत्व सबै कुरामा दक्ष नभए पनि विज्ञहरूसँग सल्लाह लिएर काम गर्दा धेरै फलदायी हुने डा. पोखरेलले बताए। उदार छवि भएको नेतालाई निर्वाचित गर्न सके विज्ञको सल्लाह अनुसार काम गर्ने उनले प्रस्ट पारे। मुलुकको भाग्य र भविष्यको गति निर्धारण गर्ने अन्तिम क्षेत्र भनेको राजनीति भएकाले नेताहरू इमान्दार र सक्षम हुनुपर्ने उनको भनाइ थियो। 

करिब ३ घण्टा लामो कार्यक्रमपछि वाग्ले र पोखरेल मोरङ क्षेत्र नम्बर ६ को कार्यक्रममा सहभागी हुन पुगे। नेपाली कांग्रेसका नेता डाक्टर शेखर कोइरालाको क्षेत्रमा आयोजित कार्यक्रममा डाक्टर मिनेन्द्र रिजाल प्रमुख अतिथि थिए। नेपाली कांग्रेस सुन्दरहरैचा ७ नम्बर वडा समितिले आयोजना गरेको खुला कोणसभा कार्यक्रममा तीनै जना डाक्टरहरूले अर्का डाक्टर शेखर कोइरालालाई विजयी गराउन आग्रह गरे। 

सम्बोधनका क्रममा डा. वाग्लेले कांग्रेसले घोषणापत्रमार्फत आर्थिक समुन्नतिको बाटो तय गरेको बताए। नेपाल एसियाको दोस्रो गरिब देश भए पनि नियमित सात प्रतिशत आर्थिक वृद्धिको लक्ष्य हासिल गर्ने आधार सहित संकल्पपत्र ल्याइएको भन्दै आश्वस्त पारे। बीपी कोइरालाको समाजवादको सपना पूरा गर्ने साहस र क्षमता डाक्टर शेखर कोइरालामा देखेको बताउँदै उनले समुन्नत नेपाल बन्ने–नबन्ने मंसिर ४ ले निर्धारण गर्ने उल्लेख गरे। 

 टिकट नपाएर पनि सक्रिय भएका तीनैजना डाक्टर घोषणापत्र र कांग्रेस नेतृत्वको सरकारको औचित्यबारे प्रस्ट पार्दै देश दौडाहामा छन्।  

उडन्ते कुरा भन्दा पनि आधार सहित गर्न सकिने विषमात्र संकल्प गरिएको उनको भनाइ थियो। ‘हालसम्म नेपाल खराब कुशासनमा गाँजिएको मुलुक भएको हुनाले फड्को मार्न नसकिएको हो। शेखर कोइरालालाई विजयी गराएर एक इमान्दार र केही गरौं भन्ने हुटहुटी भएको नेतालाई संसदमा पुर्याउनु होला। यो मेरो विनम्र अनुरोध हो। डा. कोइरालाको पराजयले यस क्षेत्रको मात्र नभएर सिंगो देशलाई क्षति पुग्छ। कोइराला पराजित हुँदा पछुताउनु सिवाय हामीसँग कुनै विकल्प हुँदैन,’ उनले भने। भ्रष्टाचार न्यूनीकरण, ऐननियम सुधार, सामाजिक सुरक्षादेखि अन्तर्राष्ट्रिय मामिलामा नेपालको चासोका विषयमा उनले प्रस्ट पारे। 

डा. पोखरेलले भारत स्थिर अर्थतन्त्रको आकार बोकेर दरिलो अवस्थामा रहेको बताउँदै मंसिर ४ मा राम्रो नेतृत्व छान्न सक्दा नेपालले पनि फड्को मार्ने बताए। ‘हामीले नाति–नातिनाको भविष्य हेरेर भोट हाल्नुपर्छ। अल्पकालीन आश्वासन दिएर वा राष्ट्रवादी कुरा गरेर भन्दा अब हुने नाति पुस्ताको भविष्य हेरेर भोट हाल्नुहोला। डाक्टर शेखर कोइराला जस्तो नेता उम्मेदवारको रूपमा पाउनु नै तपाईंहरूको भाग्यको कुरा हो। उहाँ विजयी हुनुभयो भने मन्त्री मात्र हैन, प्रधानमन्त्री बन्ने क्षमता राख्नुहुन्छ,’ उनले भने। 

कांग्रेसले ल्याएको घोषणापत्रमा कुनै कुरा पनि उडन्ते नभएको उनले दाबी गरे। लोककल्याणकारी राज्य स्थापना गर्नको लागि कांग्रेसलाई मत दिन उनले आग्रह गरे। यो अर्थतन्त्रको जग कांग्रेसले बसाएको बताउँदै डा. पोखरेलले सरकारले सबैलाई जागिर दिने भन्दा पनि जागिरका अवसर सिर्जना गर्ने प्रस्ट पारे। लगानी गर्ने वातावरण बनाएर रोजगारी बढाउने र निजी क्षेत्रलाई लगानीको माहोल मिलाउन सरकार लाग्नुपर्ने उनको भनाइ छ। पार्टीको आन्तरिक झगडाका कारण गलत व्यक्तिले मत पायो भने त्यसको पाप नाति पुस्ताले सम्म बेहोर्नुपर्ने डा. पोखरेलले बताए।

डा. रिजालले भने, ‘यस क्षेत्रको समग्र विकासको लागि डाक्टर शेखर कोइरालालाई मत माग्न आएको हुँ। तपाईंहरूले शेखर कोइराला जस्तो मान्छे पाउनुहुन्न। मतदानको सानो त्रुटिका कारण धेरै ठूलो मूल्य चुकाउनुपर्ने हुन सक्छ। ५ वर्ष अगाडि भन्दा अहिले शेखर कोइराला बलियो कद भएको नेताको रूपमा चिनिनुहुन्छ। उहाँको जितले यस क्षेत्रको उचाइ बढाउँछ।’ शेखर कोइरालालाई सांसद बन्ने अवसर प्रदान गरे उनलाई देशको आवश्यकताले प्रधानमन्त्री बन्ने अवसर दिने उनले बताए। 

तीन डाक्टरले मात्र सम्बोधन गरेको कार्यक्रममा उनीहरुले डाक्टर कोइरालालाई मत मागेका थिए। चुनावी अभियानमा सक्रिय रहेका तीनै डाक्टरले टिकट नपाउँदा देशैभर कांग्रेस नेतृत्वको आलोचना भएको थियो। कांग्रेस उम्मेदवार विजयी गराउने र घोषणापत्र बुझाउने अभियानमा लागेका डा. वाग्ले र डा. पोखरेल राष्ट्रिय योजना आयोगका पूर्व उपाध्यक्ष हुन्। कांग्रेसभित्रको शुद्धिकरण अभियानमा लागेका रिजाल भने १४ औं महाधिवेशनमा महामन्त्रीमा पराजित भएका थिए। 

उत्तरी मोरङमा सम्बोधनपछि तीनैजना डाक्टर कोइराला निवासमा पुगेका थिए। टिकट नपाएर पनि सक्रिय भएका तीनैजना डाक्टर घोषणापत्र र कांग्रेस नेतृत्वको सरकारको औचित्यबारे प्रस्ट पार्दै देश दौडाहामा छन्।  

यो पनि


प्रकाशित: November 7, 2022 | 12:16:40 काठमाडौं, सोमबार, कार्तिक २१, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
प्रदेश न. १

पुनः मतगणनाको माग गर्दै सञ्चारमन्त्री कार्कीको निवेदन, गणना अवरुद्ध

हिजो शनिबारदेखि अवरुद्ध भएको सुनसरी क्षेत्र नम्बर ४ को मतगणना अझै सुरु हुन सकेको छैन।
नेपाल समय
प्रदेश न. १

प्रदेश र प्रतिनिधिसभामा मोरङबाट १२ जनाको डेब्यु

अन्तिम परिणाम अनुसार मोरङमा प्रतिनिधिसभामा २ र प्रदेशसभामा १० जना पहिलो पटक संसद प्रवेश गर्दैछन्। प्रदेशसभा पहिलो पटक प्रवेश गर्ने एक जना संविधानसभा सदस्य पनि छन्।
नेपाल समय
प्रदेश न. १

सत्ता र प्रतिपक्षी दुवै गठबन्धनलाई पाखा लगाउने 'जोगी सर'

स्थानीय, प्रदेश र प्रतिनिधिसभा निर्वाचनको निश्चित हुनु अघिदेखि नै उनले क्षेत्र नं. ५ लाई लक्षित गरी आफ्नो उपस्थितिलाई बाक्लो बनाउँदै अघि बढेका थिए। प्रतिनिधिसभा सदस्य निर्वाचनको मिति टुंगो लाग्यो ।
नेपाल समय
प्रदेश न. १

कृष्ण सिटौलालाई हराउँदै राजेन्द्र लिङ्देन निर्वाचित

झापा क्षेत्र नम्बर ३ बाट प्रतिनिधिसभा सदस्यमा राजेन्द्र लिङ्देन विजयी भएका छन्।
नेपाल समय
प्रदेश न. १

मोरङ-५ 'क'मा कांग्रेसका गनगाई निर्वाचित

निकटतम प्रतिस्पर्धी नेकपा एमालेका सन्तोषकुमार साहले ९ हजार ४ सय २ मतान्तरले पछि पार्दै गनगाई चुनिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना