मंगलबार, मंसिर १३, २०७९

द्वारिकलालले पार्टी छाड्दा एमालेमा हाइसन्चो!

विनय बाह्रकोटी  |  काठमाडौं, आइतबार, असोज १६, २०७९

विनय बाह्रकोटी

विनय बाह्रकोटी

आइतबार, असोज १६, २०७९, काठमाडौं

नेपाल समय

इटहरी–  इटहरी उपमहानगरपालिकाका पूर्वमेयर द्वारिकलाल चौधरी नेकपा एमाले परित्याग गरी नेकपा माओवादी (केन्द्र ) प्रवेश गरेका छन्। चौधरीको पार्टी परित्यागलाई एमालेले सहज रूपमा लिएको छ। एमालेभित्र विद्रोही रहेका चौधरीको माओवादी प्रवेशले एमालेका स्थानीय नेताहरू ढुक्क देखिएका छन्।

पूर्व सुनसरी जिल्ला अध्यक्ष रहेका चौधरी पत्रकारलाई दुर्व्यवहार गर्ने र नाकको डाँडी भाँच्ने अभिव्यक्तिपछि चर्चित भएका थिए। त्यस लगत्तै महिलामाथि अश्लील शब्द प्रयोग गरेका उनी आफ्नै नेता कार्यकर्ता विरुद्ध खनिए। एमाले नेताहरूले बारम्बार सम्झाउँदा समेत उनको शैली परिवर्तन भएन। एमालेका स्थानीय नेता रामप्रसाद चौलागाईंविरुद्ध सामाजिक तथा भौतिक आक्रमणमै उत्रिए।

एमालेका नवौँ जिल्ला अधिवेशनमा पराजित चौधरी केन्द्रीय सदस्य बन्ने दौडमा थिए। अध्यक्ष केपी शर्मा ओलीको लिस्टमा नपरेपछि उनी जिम्मेवारीविहीन हुन पुगे। स्थानीय निर्वाचनमा पुनः मेयर बन्ने आकांक्षा राखेका उनले भूमिपुत्र चिन्न नसकेको र यसको मूल्य चुकाउनुपर्ने भन्दै प्रतिक्रिया दिएका थिए।

पछिल्लो समय पूर्व उपमेयर लक्ष्मी गौतम, जिल्ला अध्यक्ष रेवती रमण भण्डारी र नगर अध्यक्ष यामकुमार सुब्बा विरुद्ध अभिव्यक्ति दिँदै आएका छन्। एमाले स्थायी कमिटी सदस्य भीम आचार्यको विरुद्धमा देखिएका जिल्ला अध्यक्ष भण्डारीलाई उनले गालीगलौज गरिरहे। मेयरको कार्यकालको अन्तिम समयमा भण्डारी र गौतमलाई चिढ्याउन आचार्यलाई प्रमुख अतिथि बनाएर दर्जन बढी आयोजना उद्घाटन र शिलान्यास गरे। त्यस लगत्तै उपमेयर गौतमको गाडी खोसिदिए।

गाविस अध्यक्ष हुँदै जिल्ला सचिव र अध्यक्ष भएर प्रभावशाली भूमिकामा रहेका चौधरी भूमिकाविहीन भएपछि पार्टी अध्यक्ष ओलीविरुद्ध लागेका हुन्। पार्टी परिवर्तन गर्ने समाचारपछि प्रतिक्रिया दिँदै उनले ओलीको अहंकार धूलिसात पार्न आफू माओवादी प्रवेश गर्न लागेको बताएका छन्।

चौधरी दुई कार्यकाल हासपोसा गाविस अध्यक्ष भए। हासपोसा हाल इटहरी उपमहानगरपालिकामा गाभिएको छ। जसको कारण चौधरीले उपमहानगरपालिकाको पहिलो मेयर बन्ने सौभाग्य पाए। माओवादी प्रवेश गरेर सुनसरी २ (क) को प्रदेश सभा सदस्यको उम्मेदवार बन्ने तयारीमा छन् चौधरी। एमाले भित्रको प्रभावशाली नेता प्रवेश गराएको बताउँछन् माओवादी नेताहरू। तर एमाले नेताहरू भने द्वारिकलाल चौधरीले पार्टी छाड्दा हाइसन्चो भएको प्रतिक्रिया दिन्छन्।

चौधरीको प्रभाव खासै नभएका कारण कुनै असर नपर्ने बताउँछिन् केन्द्रीय सदस्य लक्ष्मी गौतम। चौधरीकै कार्यकालमा उपमेयर समेत रहेकी गौतम पार्टी परिवर्तनलाई सहज मान्छिन्। जिल्ला अधिवेशनमा २२ सय ८० प्रतिनिधिमा जम्मा ८० मत ल्याउनेको कुनै प्रभाव नभएको उनले टिप्पणी गरिन्। आगामी निर्वाचनमा झनै पार्टी सशक्त भएर अगाडि बढ्ने उनको भनाइ छ।

‘चौधरी कस्तो नेता हो भन्ने सबैले बुझेका छन्। पार्टीका निष्ठावान मत कतै जाँदैनन्। हिजो पार्टीको जिल्ला इन्चार्ज भएको धर्मराज निरौला नेकपा एकीकृत समाजवादीमा जाँदा पनि कुनै असर भएन भने चौधरीले पार्टी छाड्दा एकरती समस्या हुँदैन। उनले मेयर हुँदा गरेका गतिविधिमा सबै जानकार छन्। समुन्द्रमा एक लोटा पानी झिक्दा केही असर पर्दैन,’ उनले भनिन्।

एमालेमा अब शुद्धीकरण अभियान सुरु हुने उपमहानगर कमिटी सचिव रुपेश बस्नेत बताउँछन्। पार्टीभित्रका अराजक गतिविधिको र अस्वस्थ प्रतिस्पर्धाको अन्त्य भएको उनले बताए। हिजो चौधरी मेयर हुँदा पार्टीले शिर उठाउन सक्ने अवस्था नभएको स्मरण गराउँदै उनले अबका दिनमा नेकपा एमाले छाती खोलेर जनताको घरमा जान सक्ने अवस्था भएको तर्क गरे। स्थानीय तह निर्वाचनमा नेकपा एमालेले प्राप्त गरेको परिणामका पछाडि उनको हात रहेको एमालेले ठहर गरेको उनी बताउँछन्। यसलाई एउटै पाटीमा बसेर आफ्नै नेता कार्यकर्ताको बेइज्जत गर्ने अराजक गतिविधिको अन्त्य भएको संकेतको रूपमा लिनुपर्ने उनले बताए।

नेकपा एमाले उपमहानगर कमिटी अध्यक्ष यामकुमार सुब्बाले चौधरीका कारण पार्टीमा कुनै समस्या नआउने प्रतिक्रिया दिए। एउटै व्यक्ति सधैभरि शक्तिशाली र प्रभावशाली बन्न सम्भव नभएको भन्दै उनले चौधरीको प्रभाव कमजोर भएको तर्क गरे। नेकपा एमालेको संगठनमा कुनै प्रभाव नपर्ने भन्दै उनले केही मत प्रभावित भए पनि चौधरीका कारण एमालेमा निष्क्रिय कार्यकर्ता अब सक्रिय हुने तर्क गरे। 


प्रकाशित: October 2, 2022 | 10:38:14 काठमाडौं, आइतबार, असोज १६, २०७९

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
प्रदेश न. १

पुनः मतगणनाको माग गर्दै सञ्चारमन्त्री कार्कीको निवेदन, गणना अवरुद्ध

हिजो शनिबारदेखि अवरुद्ध भएको सुनसरी क्षेत्र नम्बर ४ को मतगणना अझै सुरु हुन सकेको छैन।
नेपाल समय
प्रदेश न. १

प्रदेश र प्रतिनिधिसभामा मोरङबाट १२ जनाको डेब्यु

अन्तिम परिणाम अनुसार मोरङमा प्रतिनिधिसभामा २ र प्रदेशसभामा १० जना पहिलो पटक संसद प्रवेश गर्दैछन्। प्रदेशसभा पहिलो पटक प्रवेश गर्ने एक जना संविधानसभा सदस्य पनि छन्।
नेपाल समय
प्रदेश न. १

सत्ता र प्रतिपक्षी दुवै गठबन्धनलाई पाखा लगाउने 'जोगी सर'

स्थानीय, प्रदेश र प्रतिनिधिसभा निर्वाचनको निश्चित हुनु अघिदेखि नै उनले क्षेत्र नं. ५ लाई लक्षित गरी आफ्नो उपस्थितिलाई बाक्लो बनाउँदै अघि बढेका थिए। प्रतिनिधिसभा सदस्य निर्वाचनको मिति टुंगो लाग्यो ।
नेपाल समय
प्रदेश न. १

कृष्ण सिटौलालाई हराउँदै राजेन्द्र लिङ्देन निर्वाचित

झापा क्षेत्र नम्बर ३ बाट प्रतिनिधिसभा सदस्यमा राजेन्द्र लिङ्देन विजयी भएका छन्।
नेपाल समय
प्रदेश न. १

मोरङ-५ 'क'मा कांग्रेसका गनगाई निर्वाचित

निकटतम प्रतिस्पर्धी नेकपा एमालेका सन्तोषकुमार साहले ९ हजार ४ सय २ मतान्तरले पछि पार्दै गनगाई चुनिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना