सोमबार, मंसिर १९, २०७९

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

विनय बाह्रकोटी  |  काठमाडौं, मंगलबार, असोज ११, २०७९

विनय बाह्रकोटी

विनय बाह्रकोटी

मंगलबार, असोज ११, २०७९, काठमाडौं

नेपाल समय

इटहरी- मोरङ क्षेत्र नम्बर ३ नेकपा एमालेको प्रभावशाली क्षेत्र हो। नेकपा एमालेका भानुभक्त ढकाल यसअघि प्रतिनिधिसभामा विजयी भएका थिए। भारी मतान्तरले विजयी हुने अपेक्षा गरेको एमालेलाई निर्वाचन परिणामले केही सशंकित बनायो। 

४२ हजार ४ सय १३ मतसहित विजयी भएका ढकाललाई पछ्याउँदै कांग्रेसका सुनिल शर्माले ४० हजार ५ सय ६ मत पाएका थिए। १९ सय  ७ मतान्तरले मात्र पराजित शर्माले यस पटक चुनावी परिणाम आफ्नो पक्षमा पार्ने कोसिस गरिरहेका छन्। कांग्रेसभित्रको असन्तुष्ट पक्षसँगको नियमित सम्पर्क र संवादले उनी बलिया बन्दै गएका छन्। तथापि १४ औं महाधिवेशनमा उनीसँग असन्तुष्ट कांग्रेसीले उनलाई सहयोग असर पुर्याउने प्रस्ट छ। 

तथापि यसअघि माओवादी केन्द्रसहित वाम गठबन्धनमा रहेका ढकाललाई भने यस पटक चुनौती थपिएको छ। २०७० सालमा तत्कालीन मोरङ ८ बाट संविधानसभा सदस्यमा निर्वाचित भएका चन्द्रबहादुर गुरुङले एमाले पार्टी परित्याग गरेका छन्। उनीसँगै केही प्रभावशाली नेताहरू नेकपा एकीकृत समाजवादी पार्टीमा लागेका छन्, जसको असर ढकाललाई पर्ने निश्चित छ। 

त्यससँगै शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्। गाउँ घुमेर मतदाता रिझाउने काममा लागेकी छिन् उनी।  

मेडिकल कलेजको कनेक्सन 
शर्मा प्रदेश १ को प्रतिष्ठित नोबेल मेडिकल कलेजका सञ्चालक हुन्। संस्थापक सेयर सदस्य रहेका शर्मा अहिले एकल मालिक भएका छन्। काठमाडौं विश्वविद्यालयबाट अनुमति प्राप्त नोबेलसहित काठमाडौं मेडिकल कलेज पनि शर्माले नै चलाउँछन्। 

शर्मा सहित बिपी कोइराला स्वास्थ्य विज्ञान प्रतिष्ठानका उपकुलपति डाक्टर ज्ञानेन्द्र गिरी, नवराज पाण्डे, आदित्य खनाल र उमेश पाण्डेले नाबेल अस्पताल सञ्चालनमा ल्याएका हुन्। माओवादी द्वन्द्वकालको अन्त्यतिर सञ्चालनमा आएको अस्पतालले थुप्रै माओवादी घाइतेको उपचार गर्यो। यसले पनि माओवादी नेताहरूसँग निकट हुने मौका पाए उनले। 

शान्ति प्रक्रियामा शर्माले तत्कालीन नेपाली कांग्रेस सभापति गिरिजाप्रसाद कोइराला पुत्री सुजाता कोइरालासँग निकटता बढाए। शान्ति प्रक्रियाको क्रममा माओवादी नेतासँग उनको सम्बन्ध झनै प्रगाढ बन्दै गयो। त्यसमा पनि वर्षमान पुनसँग उनी निकट रहे। त्यसैको बलमा माओवादी रापतापको समयमा गिरीलगायत अन्य लगानीकर्ताको सेयर किनेर मेडिकल कलेज आफ्नो निजी स्वामित्वमा ल्याए। 

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

केहीपछि सञ्चालनमा आएको विराट मेडिकल कलेजमा सेयर हाल्न पुगे गिरी। नोबेलपछि विराट मेडिकल कलेजको सञ्चालक बनेका उनी पुराना कांग्रेसी समेत हुन्। कांग्रेस नै भए पनि शर्मासँगको टकराव र समयक्रमले उनी एमाले निकट हुन पुगे। 

२०७४ को प्रतिनिधिसभा निर्वाचनमा शर्मा मोरङ ३ बाट उम्मेदवार बने। शर्मालाई बदला लिने सोचमा थिए गिरी। त्यही क्रममा उनी एमाले उम्मेदवार भानुभक्त ढकालसँग नजिकिए। गिरीले खुलेरै ढकाललाई सहयोग गरे। ढकालले पनि गिरीको गुन फर्काउने बहाना खोजिरहेका थिए।  

केपी ओली नेतृत्वको सरकारको पालामा कानुन न्याय तथा संसदीय मामिला मन्त्री भए ढकाल। केही समयपछि उनी स्वास्थ्य तथा जनसंख्या मन्त्री बने। त्यही क्रममा बिपी प्रतिष्ठानको उपकुलपति पद खाली थियो। तत्कालीन उपकुलपति राजकुमार रौनियारलाई अख्तियार दुरुपयोग अनुसन्धान अयोगले पक्राउ गरेको थियो। गिरीको अनुरोधमा प्रतिष्ठानका सहकुलपति समेत रहेका ढकालले कुलपति तथा प्रधानमन्त्री ओलीलाई आग्रह गरे। ओलीले सकारात्मक संकेत दिएपछि गिरी उपकलुपति नियुक्त भए। प्रतिष्ठानको विधानविपरीत प्राध्यापक नभएका गिरी उपकुलपति भए।  

आगामी मंसिर ४ गते हुने निर्वाचनमा ढकालले पुनः गिरीको साथ खोजेका छन्। शर्माले उपचारको मार्फतबाट बनाएको माहोललाई ढकालले गिरीको मार्फतबाट चिर्ने कोसिस गरिरहेका छन्। गिरी पनि शर्मालाई कमजोर बनाउन पाए आफू प्रतिष्ठानमा कायम रहन सक्ने बुझाइमा छन्।

आ–आफ्नै दाबी 
नेकपा एकीकृत समाजवादीका युवा नेता मिलन बस्नेत ढकालले स्वास्थ्य मन्त्री हुँदा घोटाला गरेको विषय चुनावी मुद्दा बन्ने बताउँछन्। मोरङ जिल्ला कमिटी सचिवालय सदस्यसमेत रहेका बस्नेत यस पटक ढकाल ५ हजारभन्दा बढी मतान्तरले पराजित हुने दाबी गर्छन्। ढकाल मन्त्री हुँदा धेरै बदनाम भएको हुनाले यस पटक गठबन्धनलाई सहज हुने उनको बुझाइ छ। 

नेपाली कांग्रेस क्षेत्रीय सभापति गणेश खड्का कांग्रेसका उम्मेदवार लोकप्रिय भएका कारण विजय निश्चित भएको बताउँछन्। ५ वर्षमा ८४ हजार बिरामीको निःशुल्क उपचार गरेको स्मरण गराउँदै उनले मोरङ ३ का मतदाता दलभन्दा माथि उठेर भोट हाल्न तयार रहेको बताए। सुनिल शर्माले धेरै गरिबका छोराछोरीलाई निःशुल्क पढाएको देखेर नोबेल मेडिकल कलेजबाट अधिकांश स्थानीयले सेवा पाएको उनको तर्क छ। अघिल्लो पटक पनि थोरै मतान्तरले पराजित भएका कारण यस पटक गठबन्धनको पनि सहयोग हुँदा विजय निश्चित भएको उनले बताए। 

एमाले क्षेत्रीय अध्यक्ष भोला अधिकारी स्थानीय तहको निर्वाचनमा गठबन्धन हुँदा पनि खासै असर नपरेको बताउँछन्। अघिल्लो पटक कांग्रेस एक्लै भिडेको सुन्दरहरैचा नगरपालिका समेत यस पटक गठबन्धनसँग एमाले एक्लैले विजयी भएको कारण आफूहरू बलियो भएको उनले सुनाए। 

मोरङ–३ मा कानेपोखरी गाउँपालिकाका ४ वडा, पथरीशनिश्चरे र बेलबारी नगरपालिकाका ८–८ वडा र सुन्दरहरैचाका ६ वडा पर्छन्। त्यसमध्ये बेलावारीको उपमेयर बाहेक अन्य पालिकामा एमालेले मेयर, उपमेयर सहित अधिकांश वडा जितेको छ। यसले पनि एमाले बलियो शक्ति रहेको अधिकारीको तर्क छ। 


प्रकाशित: September 27, 2022 | 12:31:22 काठमाडौं, मंगलबार, असोज ११, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
प्रदेश न. १

पुनः मतगणनाको माग गर्दै सञ्चारमन्त्री कार्कीको निवेदन, गणना अवरुद्ध

हिजो शनिबारदेखि अवरुद्ध भएको सुनसरी क्षेत्र नम्बर ४ को मतगणना अझै सुरु हुन सकेको छैन।
नेपाल समय
प्रदेश न. १

प्रदेश र प्रतिनिधिसभामा मोरङबाट १२ जनाको डेब्यु

अन्तिम परिणाम अनुसार मोरङमा प्रतिनिधिसभामा २ र प्रदेशसभामा १० जना पहिलो पटक संसद प्रवेश गर्दैछन्। प्रदेशसभा पहिलो पटक प्रवेश गर्ने एक जना संविधानसभा सदस्य पनि छन्।
नेपाल समय
प्रदेश न. १

सत्ता र प्रतिपक्षी दुवै गठबन्धनलाई पाखा लगाउने 'जोगी सर'

स्थानीय, प्रदेश र प्रतिनिधिसभा निर्वाचनको निश्चित हुनु अघिदेखि नै उनले क्षेत्र नं. ५ लाई लक्षित गरी आफ्नो उपस्थितिलाई बाक्लो बनाउँदै अघि बढेका थिए। प्रतिनिधिसभा सदस्य निर्वाचनको मिति टुंगो लाग्यो ।
नेपाल समय
प्रदेश न. १

कृष्ण सिटौलालाई हराउँदै राजेन्द्र लिङ्देन निर्वाचित

झापा क्षेत्र नम्बर ३ बाट प्रतिनिधिसभा सदस्यमा राजेन्द्र लिङ्देन विजयी भएका छन्।
नेपाल समय
प्रदेश न. १

मोरङ-५ 'क'मा कांग्रेसका गनगाई निर्वाचित

निकटतम प्रतिस्पर्धी नेकपा एमालेका सन्तोषकुमार साहले ९ हजार ४ सय २ मतान्तरले पछि पार्दै गनगाई चुनिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना