शुक्रबार, मंसिर १६, २०७९

प्रदेश १ का मुख्य न्यायाधिवक्ता श्रेष्ठले किन बीचमै छाडे पद?

नेत्र पी अधिकारी  |  काठमाडौं, आइतबार, असोज ९, २०७९

नेत्र पी अधिकारी

नेत्र पी अधिकारी

आइतबार, असोज ९, २०७९, काठमाडौं

नेपाल समय
नवनियुक्त मुख्य न्यायाधिवक्ता परिवर्तन राई उच्च अदालत विराटनगरका कामु मुख्य न्यायाधिश सत्यमोहन जोशी थारुबाट सपथ प्रहण गर्दै (बायाँ) र निवर्तमान मुख्य न्यायाधिवक्ता भोजराज श्रेष्ठ।

विराटनगर– प्रदेश १ का मुख्य न्यायाधिवक्ता प्रा. भोजराज श्रेष्ठले राजीनामा दिएका छन्। गत मंसिर १३ गते मुख्य न्यायाधिवक्तामा नियुक्त भएका उनले १० महिनापछि शुक्रबार राजीनामा दिएका हुन्। प्रदेश सरकारले उनको राजीनामा स्वीकृत गरी आइतबार नयाँ मुख्य न्यायाधिवक्ता खोटाङका परिवर्तन राईलाई नियुक्त गरेको छ।

मुख्य न्यायाधिवक्ता प्रदेश सरकारको मुख्य कानुनी सल्लाकार हुने र संवैधानिक एवं कानुनी विषयमा प्रदेश सरकार वा प्रदेश सरकारले तोकिदिएको अन्य अधिकारीलाई राय सल्लाह दिने गरी राजनीतिक नियुक्ति गर्ने गरिन्छ। उनी नेकपा एकीकृत समाजवादी निकट बुद्धीजीवि परिषद् मोरङको अध्यक्ष भएलगत्तै मुख्य न्यायाधिवक्तामा नियुक्त भएका थिए। श्रेष्ठले गत असार २९ गतेको सर्वोच्च अदालतको निर्णय अनुसार वरिष्ठ अधिवक्ताको उपाधि पाएका थिए। उनी जनता बहुमखी क्याम्पस इटहरीका पूर्व क्याम्पस प्रमुख पनि हुन्। 

किन छाडे पद?
प्रदेशमा मुख्य न्यायाधिवक्ता र संघमा महान्यायाधिवक्ताको काम, कर्तव्य र अधिकार एकै प्रकृतिको हो। सामान्यतया सरकार परिवर्तन भएपछि मुख्य न्यायाधिवक्ता, महान्याधिवक्ताहरुले स्वतः राजीनामा गर्ने चलन छ। शेरधन राई मुख्यमन्त्री भएको समयमा नियुक्त भएका चुडामणि आचार्य दुईवटा सरकार रहँदासम्म पदमै रहे। एमालेकै नेतृत्वको सरकारले निरन्ततरता पाएको र छोटो अवधिको सरकार भएकाले उनी परिवर्तन भएका थिएनन्। पाँच दलिय गठबन्धनबाट नेकपा एकीकृत समाजवादीका राजेन्द्रकुमार राई मुख्यमन्त्री भएपछि उनले पदबाट राजीनामा दिएका थिए।

आगामी मंसिर ४ का लागि प्रदेश र प्रतिनिधिसभाको निर्वाचन तय भइसकेकाले सरकार काम चलाउ अवस्थामा छ। यस्तो अवस्थामा मुख्य न्यायाधिवक्ता पदबाट श्रेष्ठले राजीनामा दिएका छन्। पछिल्लो समय मुख्यमन्त्री र श्रेष्ठबीच कानुनी परामर्श नै हुन छाडेको श्रोतको दाबी छ। सरकारको सल्लाहकार भएपनि मुख्यमन्त्री राईले उनलाई बेवास्ता गर्ने गरेको बताइएको छ। मुख्यमन्त्री राईले कानुन विज्ञका रुपमा पेशलकुमार न्यौपानेलाई नियुक्त गरेका थिए। उनले न्यौपानेलाई मुख्य न्यायाधिवक्ता नियुक्त गर्न खोजेका थिए। न्यौपाने जुनियर भएको भन्दै पार्टी वृत्तमा उनलाई मुख्य न्यायाधिवक्ता नबनाउन दवाव परेपछि उनी पछि हटेका थिए। मुख्य न्यायाधिवक्ता बनाउन नपाएका उनले लगत्तै कानुन विज्ञ नियुक्त गरेका थिए। यसअघिका मुख्यमन्त्रीहरु शेरधन राई र भीम आचार्यले यसरी कानुन विज्ञ नियुक्त गरेका थिएनन्।

उनीहरुले तत्कालिन मुख्य न्यायाधिवक्ता चुडामणि आचार्यसँगै कानुनी परामर्श गर्ने गरेका थिए। तर मुख्यमन्त्री राईले मुख्य न्यायाधिवक्तासँग भन्दा पनि कानुन विज्ञ न्यौपानेसँग कानुनी परामर्श गर्ने गरेको स्रोतको भनाइ छ। पछिल्लो पटक न्यौपानेले प्रदेश १ को निर्वाचन क्षेत्र पूर्वाधार विशेष कार्यक्रमको रकम खर्च गर्न रोक लगाउने निर्वाचन आयोगको निर्णयविरुद्ध परेको रिटउपर प्रदेश सरकारका तर्फबाट सर्वोच्च अदालतमा बहस गरेका थिए। मुख्यमन्त्री राईले आफूसँग कानुनी परामर्श नै गर्न छाडेपछि उनी राजीनामा दिने मुडमा पुगेको बताइएको छ। 

एकीकृत समाजवादी निकट कानुन व्यवसायीहरुले भने मुख्य न्याधिवक्ताको राजीनामालाई चुनावी रणनीतिका रुपमा बुझ्नुपर्ने बताएका छन्। पार्टीमा देखिएको समस्यालाई मिलाउनका लागि पनि नयाँ नियुक्त भएको हुन सक्ने उनीहरुको भनाइ छ। 

पूर्व सहमति अनुसार छाडेको हुँः श्रेष्ठ
मुख्य न्यायाधिवक्ताबाट राजनीमा दिएका श्रेष्ठले पूर्व सहमति अनुसार नै पद छाडेका बताएका छन्। नियुक्तिकै समयमा आधा–आधा गर्ने सहमति भएको उनले बताए। श्रेष्ठले भने, ‘फिप्टी–फिप्टीको सहमति थियो। असार मसान्तसम्ममा मैले छाड्ने सहमति थियो। असोज ८ सम्म बसियो।’ सरकार समक्ष आफ्नो कुनै असन्तुष्टि नरहेको उनले जिकिर गरे। उनले भने, ‘पहिले भएको सहमतिलाई पालना गरेको हुँ।’ सहमतिमै पद छाडेको बताए पनि श्रेष्ठ सपथ ग्रहण समारोहमा उपस्थित भएनन्। मुख्यमन्त्री राई, सामाजिक विकास मन्त्री राजन राई कार्यक्रममा सहभागि भएपनि उनी प्रदेश प्रमुखका कार्यालयमा भएको समारोहमा अनुपस्थित रहे। 

पार्टीमा छलफल नै भएनः रेग्मी
नेकपा एकीकृत समाजवादीका पोलिटव्युरो सदस्य महेश रेग्मीले मुख्य न्यायाधिवक्ताको राजीनामा र नयाँ नियुक्तिबारे पार्टीमा कुनै छलफल नभएको बताए। निवर्तमान मुख्य न्याधिवक्ताको राजीनामा र नयाँ नियुक्तिबारे आफूलाई केही थाहा नभएको बताए। उनले भने, ‘प्रदेश सरकारकै कार्यकाल सकिन लागेको समयमा नयाँ नियुक्ति नगरेको भए हुने थियो।’


प्रकाशित: September 25, 2022 | 15:40:43 काठमाडौं, आइतबार, असोज ९, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
प्रदेश न. १

पुनः मतगणनाको माग गर्दै सञ्चारमन्त्री कार्कीको निवेदन, गणना अवरुद्ध

हिजो शनिबारदेखि अवरुद्ध भएको सुनसरी क्षेत्र नम्बर ४ को मतगणना अझै सुरु हुन सकेको छैन।
नेपाल समय
प्रदेश न. १

प्रदेश र प्रतिनिधिसभामा मोरङबाट १२ जनाको डेब्यु

अन्तिम परिणाम अनुसार मोरङमा प्रतिनिधिसभामा २ र प्रदेशसभामा १० जना पहिलो पटक संसद प्रवेश गर्दैछन्। प्रदेशसभा पहिलो पटक प्रवेश गर्ने एक जना संविधानसभा सदस्य पनि छन्।
नेपाल समय
प्रदेश न. १

सत्ता र प्रतिपक्षी दुवै गठबन्धनलाई पाखा लगाउने 'जोगी सर'

स्थानीय, प्रदेश र प्रतिनिधिसभा निर्वाचनको निश्चित हुनु अघिदेखि नै उनले क्षेत्र नं. ५ लाई लक्षित गरी आफ्नो उपस्थितिलाई बाक्लो बनाउँदै अघि बढेका थिए। प्रतिनिधिसभा सदस्य निर्वाचनको मिति टुंगो लाग्यो ।
नेपाल समय
प्रदेश न. १

कृष्ण सिटौलालाई हराउँदै राजेन्द्र लिङ्देन निर्वाचित

झापा क्षेत्र नम्बर ३ बाट प्रतिनिधिसभा सदस्यमा राजेन्द्र लिङ्देन विजयी भएका छन्।
नेपाल समय
प्रदेश न. १

मोरङ-५ 'क'मा कांग्रेसका गनगाई निर्वाचित

निकटतम प्रतिस्पर्धी नेकपा एमालेका सन्तोषकुमार साहले ९ हजार ४ सय २ मतान्तरले पछि पार्दै गनगाई चुनिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना