बिहीबार, असोज २०, २०७९

उच्च अदालत विराटनगर देशकै उत्कृष्ट, दुई वर्ष नाघेका मुद्दा शून्य

नेत्र पी अधिकारी  |  काठमाडौं, बुधबार, भदौ १, २०७९

नेत्र पी अधिकारी

नेत्र पी अधिकारी

बुधबार, भदौ १, २०७९, काठमाडौं

नेपाल समय

विराटनगर- उच्च अदालत विराटनगरको मुख्य न्यायाधीश भएर तिलप्रसाद श्रेष्ठ आए। विराटनगर आएपछि उनले अदालतमा दुई वर्ष नाघेका मुद्दाको चाङ देखे। मुद्दाको चाङलाई शून्यमा झार्ने योजनाका साथ उनले घोषणा गरे ‘उच्च अदालत कस्तो विराटनगर जस्तो’। 

उच्च अदालत विराटनगरलाई नमुना अदालत बनाइछाड्ने प्रतिबद्धताका साथ काम अघि बढ्यो। उनको योजना सफल हुँदै गयो। अघिल्लो आर्थिक वर्ष २०७७–०७८ मा दुई वर्ष नाघेका मुद्दा शून्यमा झारियो। अदालतले यही रफ्तार समायो। प्रतिबद्धतालाई आर्थिक वर्ष २०७८–०७९ मा पनि अदालतले कायम राख्न सफल भएको छ। १२ जना न्यायाधीशको दरबन्दी भए पनि ९ जनाले अदालतको कार्यसम्पादन गर्दै आएका छन्। 

दुई वर्ष नाघेका मुद्दा कसरी भए शून्य 

अदालतले दर्ता भएका मुद्दालाई वर्गीकरण गरी सरल, सामान्य, विशेष गरी वर्गीकरण गर्दै आएको छ। 

६ महिनासम्मकालाई सरल, एक वर्षसम्मकालाई सामान्य र एक वर्ष नाघेका १८ महिना भित्रकालाई विशेष समूह भनेर वर्गीकरण गरी काम गर्ने गरिएको छ। 

यसरी अदालतले १८ महिना नाघ्ने प्रकृतिका मुद्दालाई व्यवस्थापनका लागि छुट्टै अभियान फाँटको व्यवस्था गरेको अदालतका सूचना अधिकारी ओम सुवेदीले बताए। उनका अनुसार अदालतले डिसीएम (फरक मुद्दा व्यवस्थापन) फाँट बनाएको छ। 

अधिकृत स्तरको कर्मचारीको नेतृत्वमा रहेको अभियान फाँटले १८ महिना नाघ्ने मुद्दालाई व्यवस्थापन गर्दै आइरहेको सूचना अधिकारी सुवेदीले बताए। अभियान फाँटले १८ महिना नाघेका मुद्दा शून्य बनाउने गरी काम गरिरहेको उनले बताए। 

अभियान सञ्चालन भएपछि कोरोना कालमा पनि यस कार्यलाई निरन्तरता दिइएको अदालतका रजिस्टार जितेन्द्रबाबु थपलियाले बताए। उनका अनुसार गतवर्षको कोरोना संक्रमितको संख्या उत्कर्षमा पुगेका समयमा पनि १८ महिना नाघेका मुद्दालाई प्राथमिकतामा राखेर काम गरिएको थियो।

‘मुद्दाका पक्षलाई गाडीमा हालेर पनि ल्याइएको छ,’ उनी भन्छन्। अदालतबाट गाडी घर लगेर ल्याइएको उनको भनाई छ। रजिस्टार थपलियाका अनुसार कोरोना संक्रमण उच्च भएका समयमा सात मुद्दालाई पेसी हालेर फैसला गरिएको थियो। उच्च अदालत विराटनगरले अभियानको साख गिर्न दिएको छैन। 

उच्च अदालत मध्ये उत्कृष्ट

आर्थिक वर्ष २०७८–०७९ मा समग्र मुद्दा तथा रिटको लगत, फर्छ्यौटको विवरण अनुसार उच्च अदालत सबैभन्दा माथि छ। गत आर्थिक वर्षको असार मसान्तसम्ममा उच्च अदालत विराटनगरमा दुई वर्ष नाघेका मुद्दाको संख्या शून्य पारिएको थियो। 

विराटनगरको शून्य हुँदा ३५ जना न्यायाधीश भएको उच्च अदालत पाटनमा दुई वर्ष नाघेका मुद्दा १ हजार २६ रहेका छन्। उच्च अदालत जनकपुरमा १ सय ७९, वीरगन्ज इजलासमा २ सय ४७, राजविराज इजलासमा १ सय ७१, नेपालगन्ज इजलासमा १८, बुटवल इजलासमा १३ मुद्दा दुई वर्ष नाघेका छन्। 

गत आर्थिक वर्षका १ हजार ९ सय ७८ मुद्दा चालु आर्थिक वर्षमा जिम्मेवारी सरेर आएको रजिस्टार थपलियाले बताए। उनका अनुसार अदालतले चालु आर्थिक वर्षमा ३ हजार १ सय २६ मुद्दा दर्ता हुने अनुमान गरिएको छ। साउन महिनामा मात्रै ३ सय ९ वटा मुद्दा दर्ता भएको उनले बताए। थपलियाले भने, ‘साउन महिनामा १ सय १५ वटा मुद्दा फर्छ्यौट गरिएको छ।’ दुई हजार १ सय ७२ मुद्दा बाँकी रहेको उनले जानकारी दिए।

उच्च अदालतलाई उत्कृष्ट बनाउनका लागि समय–समयमा सेवाग्राही सन्तुष्टिको सर्वेक्षण गर्ने गरिएको, अदालत मातहतका मोरङ, सुनसरी र उदयपुर अदालतमा नियमित अनुगमन गर्ने गरिएको, फैसला तयारीको जानकारी नियमित रूपमा टेलिफोनमार्फत गराउने गरिएको, एसएमएसमार्फत मुद्दाको सूचना दिने गरिएको सूचना अधिकारी सुवेदीले बताए। उनका अनुसार उच्च अदालतमा साङ्केतिक भाषा लगायतका नौ जना दोभासेले सेवा दिने गरेका छन्। 

उनका अनुसार उच्च अदालतले सुरु गरेको समुदायमा अदालत कार्यक्रम स्थानीय तहमा प्रभावकारी भएको छ। उनले भने, ‘समुदायका व्यक्तिहरूलाई अदालतका काम करबाही र जनताको गुनासो सुन्नका लागि मुख्यन्यायाधीश नै पुग्ने गर्नुभएको छ।’ समुदायमा अदालतका साथै कारागारका कैदीवन्दीलाई लक्षित गरी न्यायिक शिविर पनि सञ्चालन गरिएको उनले बताए। कोरोनाका कारण केही समय स्थगित दुवै कार्यक्रमलाई निरन्तरता दिइने उनको भनाई छ।

कुन न्यायाधीशले कति मुद्दा फर्छ्यौट गरे?

आर्थिक वर्ष २०७८–०७९ मा तत्कालीन मुख्य न्यायाधीश तिलप्रसाद श्रेष्ठले सबैभन्दा बढी ७ सय ३२ वटा मुद्दा फर्छ्यौट गरेका छन्। ३ हजार २४ फर्छ्यौट भएका मुद्दा मध्ये उनी एक्लैले २४ प्रतिशत फर्छ्यौट  गरेका थिए। 

गत चैतमा सर्वोच्चमा सरुवा भएर गएका श्रेष्ठले अन्य न्यायाधीशको तुलनामा सबैभन्दा बढी फर्छ्यौट गरेको उच्च अदालतको विवरणमा उल्लेख छ। कामु मुख्य न्यायाधीश सत्यमोहन जोशी थारुले ३ सय ९८, दिनेशप्रसाद यादवले १ सय ४५, कृष्णकमल अधिकारीले ५ सय ६९, रामबहादुर थापा १ सय ७, राजनप्रसाद भट्टराई ५ सय ६१, मुरारीबाबु श्रेष्ठ ६ सय ३५, मिलनकुमार राई ६ सय ७२, किरणकुमारी गुप्ता ५ सय ६२, जगतनारायण प्रधानले ४ सय ६७ मुद्दा फर्छ्यौट गरेका छन्। 

सरुवा भएर गएका प्रेमराज ढकाल ३ सय ६६, यमुना भट्टराई ३ सय ८८, तेजनारायणसिंह गनगाईले ४ सय ४२ मुद्दा फर्छ्यौट गरेको रजिस्टार थपलियाले बताए। उनका अनुसार न्यायाधीश यादव र थापा हालै सरुवा भएर आएका कारण फर्छ्यौटको संख्या कम भएको हो।


प्रकाशित: August 17, 2022 | 11:19:35 काठमाडौं, बुधबार, भदौ १, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
प्रदेश न. १

मोरङमा निर्वाचन कार्यालय आज खुल्ने

आगामी मंसिर ४ गते हुने प्रदेश र प्रतिनिधिसभा निर्वाचनलाई लक्षित गरी मोरङमा बिहीबार एकै पटक निर्वाचन कार्यालयको उद्घाटन गरिँदैछ।
नेपाल समय
प्रदेश न. १

द्वारिकलालले पार्टी छाड्दा एमालेमा हाइसन्चो!

पूर्व सुनसरी जिल्ला अध्यक्ष रहेका चौधरी पत्रकारलाई दुर्व्यवहार गर्ने र नाकको डाँडी भाँच्ने अभिव्यक्तिपछि चर्चित भएका थिए। त्यस लगत्तै महिलामाथि अश्लील शब्द प्रयोग गरेका उनी आफ्नै नेता कार्यकर्ता विरुद्ध खनिए। एमाले नेताहरूले बारम्बार सम्झाउँदा समेत उनको शैली परिवर्तन भएन।
नेपाल समय
प्रदेश न. १

ग्यास चुहिएर आगलागी

मेचीनगर नगरपालिका–६ स्थित विजय राजवंशीको घरमा आज आगलागी हुँदा रु १७ लाखको क्षति भएको छ।
नेपाल समय
प्रदेश न. १

एमाले नेताले दिएको मानसिक तनावका कारण पार्टी छाड्न बाध्य भएँ : पूर्व उपमेयर

मोरङको पथरीशनिश्चरे नगरपालिकाकी पूर्व उपमेयर तथा एमाले नेतृ यमुना विष्ट बास्तोलाले एमाले पार्टी परित्यागको घोषणा गरेकी छन्।
नेपाल समय
प्रदेश न. १

तेह्रथुममा कांग्रेसलाई डर, एमाले ढुक्क

सत्ता गठबन्धनको सहयोगमा प्रतिनिधिसभामा लड्न लागेको कांग्रेस ढुक्क भने देखिएको छैन। प्रतिनिधिसभामा केन्द्रीय सदस्य सीता गुरुङ र पूर्वसांसद तुलसी सुब्बाले टिकटको दाबी गरिरहेका छन्। गुरुङ सभापति शेरबहादुर देउवा निकट हुन् भने सुब्बा शेखर कोइराला निकट।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना