आइतबार, असोज १६, २०७९

प्रदेश १ मा ६१ हजार मात्रा कोरोनाविरुद्धको खोप खेर गयो

नेत्र पी अधिकारी  |  काठमाडौं, सोमबार, साउन ९, २०७९

नेत्र पी अधिकारी

नेत्र पी अधिकारी

सोमबार, साउन ९, २०७९, काठमाडौं

नेपाल समय

विराटनगर- प्रदेश १ मा कोभिड १९ विरुद्धको कोभिशिल्ड खोपको ११ हजार मात्रा खेर गएको छ। प्रदेश स्वास्थ्य आपूर्ति व्यवस्थापन केन्द्र, विराटनगरमा मौज्दात रहेको कोभिशिल्डको ११ हजार मात्रा खेर गएको हो। 

प्रदेश १ आपूर्ति व्यवस्थापन केन्द्रलाई असार अन्तिममा खोप आएकाले प्रयोग हुन नसकेको हो। केन्द्रका प्रमुख शम्भु साहले छोटो अवधिको खोप भएकाले प्रयोग हुन नसकेको बताए। ‘प्रदेश १ का कुनै जिल्लाबाट पनि माग आएन। खोपको म्याद सकिन पनि १५ दिन बाँकी थियो। त्यसैले ठूलो मात्रामा कोरोनाविरुद्धको खोप खेर गएको हो,’ उनले भने। जिल्लाहरूले खोप खपत नहुने भन्दै माग नगरेपछि खोप केन्द्रमै रहेको उनले बताए। 

स्वास्थ्य तथा जनसंख्या मन्त्रालयले असार अन्तिममा प्रदेश १ का लागि १२ हजार डोज कोभिशिल्ड पठाएको थियो। एक हजार डोज मोरङमा प्रयोग भएको केन्द्रका प्रमुख साहले बताए। यसअघि पनि खोप प्रयोग हुन नसक्दा अष्ट्राजेनेकाको ५० हजार मात्रा खेर गएको थियो। यसरी हेर्दा प्रदेश १ मा ६१ हजार मात्रा कोरोनाविरुद्धको खोप खेर गएको पाइन्छ।

७९ प्रतिशतलाई पूर्णमात्रा

प्रदेश १ मा ७९ प्रतिशतले कोभिड १९ विरुद्धको पूर्णमात्रा खोप लगाएका छन्। ४९ लाख ८२ हजार २४९ लक्षित जनसंख्या मध्ये ७९ प्रतिशतले खोप लगाएको आपूर्ति व्यवस्थापन केन्द्रले जनाएको छ। १२ वर्षमाथिका ८१ प्रतिशतले पहिलो मात्रा, ७९ प्रतिशतले दोस्रो र पाँच प्रतिशतले बुस्टर खोप लगाएका छन्।  

कुन खोप कतिले लगाए

प्रदेश १ मा कोभिड १९ विरुद्धको ६ प्रकारका खोप लगाइएको छ। कोभिशिल्ड, भेरोसेल, जोन्सन एण्ड जोन्सन, अष्ट्राजेनेका, फाईजर र मोर्डनाको खोप दिइएको छ। 

कोभिशिल्डको पहिलो मात्रा ४ लाख ४० हजार ८२१, दोस्रो मात्रा ४ लाख ७१ हजार ५४२ र बुस्टर ३ लाख ७९ हजार ८९८, भेरोसेल पहिलो मात्रा १७ लाख ४४ हजार ८७०, दोस्रो मात्रा १३ लाख ५९ हजार ८७१ र बुस्टर ४९ हजार ५९६, जोन्सन एण्ड जोन्सन (एक मात्र मात्रा) ५ लाख ७५ हजार ६० र बुस्टर ७ लाख ४८ हजार ७३२, अष्ट्राजेनेका पहिलो मात्रा ४ लाख २८ हजार १४२, दोस्रो ३ लाख ४० हजार ९३६ र बुस्टर ३ लाख ४४ हजार १३० जनाले लगाएको प्रदेश १ आपूर्ति व्यवस्थापन केन्द्रले जनाएको छ। 

केन्द्रका अनुसार फाईजरको पहिलो मात्रा १ लाख ४६ हजार ८८८, दोस्रो मात्रा ७२ हजार २८ र बुस्टर ९१ हजार २६९, मोर्डनाको पहिलो मात्रा ५ लाख ४१ हजार ६७६, दोस्रो मात्रा ४ लाख ७२ हजार ४०१ र बुस्टर ५ लाख १ हजार ७६ जनाले लगाएका छन्।

प्रदेश १ स्वास्थ्य आपुर्ती व्यवस्थापन केन्द्र

समग्रमा ३३ लाख ३२ हजार ३९७ ले पहिलो मात्रा, ३२ लाख ६७ हजार ३८ ले दोस्रो मात्रा र १४ लाख ३० हजार ७०१ ले बुस्टर खोप लगाएको केन्द्रका प्रमुख साहले जानकारी दिए।  उनका अनुसार प्रदेश १ मा शुक्रबारसम्म ७१ लाख ५७ हजार ४३९ मात्रा खोप आएको छ। उनका अनुसार कतिपयले पहिलो मात्रा अन्यत्र लगाएर दोस्रो तथा बुस्टर प्रदेश १ मा लगाएका कारण केही खोपमा पहिलो मात्राको तुलनामा दोस्रो तथा बुस्टर मात्रा बढी पनि देखिएको छ। 

जिल्लामा मौज्दात खोप कति?

प्रदेश १ का १० जिल्लामा भेरोसेल, जोनसन र फाईजर खोपको मौज्दात छ। ताप्लेजुङ, ओखलढुङ्गा, धनकुटा, मोरङमा कोभिड १९ विरुद्धको खोप मौज्दात नरहेको प्रदेश १ आपूर्ति व्यवस्थापन केन्द्रका कोल्ड चेन निरीक्षक राजेन्द्र श्रेष्ठले बताए। 

श्रेष्ठका अनुसार संखुवासभामा भेरोसेल ३ हजार १ सय डोज, सोलुखुम्बुमा भेरोसेल ५० र जोनसन २५०, खोटाङमा भेरोसेल ५ सय र  जोनसन २५०, भोजपुरमा भेरोसेल ७०, जोनसन १५ हजार, तेह्रथुममा भेरोसेल ३००, जोनसन ४ सय, पाँचथरमा भेरोसेल १ हजार ८ सय, जोनसन २ हजार ४८०, इलाममा जोनसन २ हजार ५००, झापामा भेरोसेल १ हजार २००, जोनसन २६ हजार ६००, फाईजर १ लाख २५ हजार २००, सुनसरीमा भेरोसेल १ सय, जोनसन ३ हजार, फाईजर १ लाख १८ हजार र उदयपुरमा जोनसन २ हजार ३८५ डोज मौज्दात रहेको छ। 

प्रदेश १ आपूर्ति व्यवस्थापन केन्द्रमा फाईजरको १ लाख ७४ हजार ८ सय मात्रा मौज्दात रहेको श्रेष्ठले बताए । उनका अनुसार म्याद सकिएको कोभिशिल्डको ११ हजार मात्रा पनि रहेको छ । प्रदेशभर ४ लाख १८ हजार डोज खोप बाँकी रहेको छ। अहिले दैनिक औसतमा २ हजार ८५० जनालाई खोप लगाउने गरिएको बताइएको छ। 

समुदाय स्तरमा खोप अभियान सञ्चालनको तयारी

कोभिड १९ विरुद्धको खोपका समुदाय स्तरमा अभियान सञ्चालन गर्ने प्रदेश स्वास्थ्य निर्देशनालयले तयारी गरेको छ । खोप केन्द्रमा खोपका लागि सर्वसाधारण आउन छाडेपछि समुदाय स्तरमा नै अभियान चलाउने तयारी गरिएको निर्देशक ज्ञानबहादुर बस्नेतले जानकारी दिए। 

'खोप नै खेर जानथालेपछि घर–घर पुग्नेगरि अभियान चलाउनुपर्ने देखियो,’ उनले भने। स्वास्थ्य कार्यालयहरूका प्रमुखसँग यसबारे छलफल भइरहेको उनले बताए। खोप केन्द्रहरूमा अहिले फाट्टफुट्ट मात्रै खोप लगाउने व्यक्ति आउने गरेको उनी बताउँछन्। 

‘५–११ वर्ष उमेर समूहका बालबालिकालाई अहिले विद्यालयमा खोप लगाउने कार्यक्रम भइरहेको छ। विद्यालयको कार्यक्रमपछि समुदायस्तरको कार्यक्रम अघि बढाइने छ,’ उनले भने।


प्रकाशित: July 25, 2022 | 13:31:50 काठमाडौं, सोमबार, साउन ९, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
प्रदेश न. १

ग्यास चुहिएर आगलागी

मेचीनगर नगरपालिका–६ स्थित विजय राजवंशीको घरमा आज आगलागी हुँदा रु १७ लाखको क्षति भएको छ।
नेपाल समय
प्रदेश न. १

एमाले नेताले दिएको मानसिक तनावका कारण पार्टी छाड्न बाध्य भएँ : पूर्व उपमेयर

मोरङको पथरीशनिश्चरे नगरपालिकाकी पूर्व उपमेयर तथा एमाले नेतृ यमुना विष्ट बास्तोलाले एमाले पार्टी परित्यागको घोषणा गरेकी छन्।
नेपाल समय
प्रदेश न. १

तेह्रथुममा कांग्रेसलाई डर, एमाले ढुक्क

सत्ता गठबन्धनको सहयोगमा प्रतिनिधिसभामा लड्न लागेको कांग्रेस ढुक्क भने देखिएको छैन। प्रतिनिधिसभामा केन्द्रीय सदस्य सीता गुरुङ र पूर्वसांसद तुलसी सुब्बाले टिकटको दाबी गरिरहेका छन्। गुरुङ सभापति शेरबहादुर देउवा निकट हुन् भने सुब्बा शेखर कोइराला निकट।
नेपाल समय
प्रदेश न. १

कार्यकारणी सदस्य कार्कीसहित १० नेताले जसपा त्यागे

जनता समाजवादी (जसपा)का केन्द्रीय कार्यकारणी सदस्य युवराज कार्कीसहित १० जना नेताले पार्टी परित्यागको घोषणा गरेका छन्।
नेपाल समय
प्रदेश न. १

प्रदेश १ सरकारद्वारा प्रदेश निजामती सेवा अध्यादेश २०७९ जारी, यौनिक अल्पसंख्यकलाई २ प्रतिशत आरक्षण

प्रदेश १ सरकारले सरकारी सेवामा यौनिक अल्पसंख्यकलाई २ प्रतिशत आरक्षणको व्यवस्था गर्ने गरी प्रदेश निजामती सेवा अध्यादेश २०७९ जारी गर्ने निर्णय गरेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना