बुधबार, असोज १२, २०७९

फिरौती माग्‍न साथीको छोरी अपहरण

नेत्र पी अधिकारी  |  काठमाडौं, बुधबार, साउन ४, २०७९

नेत्र पी अधिकारी

नेत्र पी अधिकारी

बुधबार, साउन ४, २०७९, काठमाडौं

नेपाल समय
बालिका अपहरणमा संलग्न दुई आरोपित।

विराटनगर– विराटनगरबाट अपहरणमा परेकी एक वर्षीया बालिकालाई प्रहरीले ४८ घण्टापछि भारतको विहार दरभङ्गाबाट सकुशल उद्धार गरेको छ। सोमबार बिहान विराटनगर रोडशेष चोकबाट अपहरणमा परेकी बालिकालाई नेपाल भारतको बोर्डर एरियाबाट बुधबार बिहान सकुशल उद्धार गरी घटनामा संलग्न अनु साह र रवीन्द्र साहलाई पक्राउ गरी प्रहरीले सार्वजनिक गरेको छ। 

कसरी भयो बालिकाको अपहरण?

करिब दुई महिनाअघि मोरङको बुढीगंगाका दिपेन यादवलाई अपरिचित नम्बरबाट फोन आयो। फोनमा सामान्य कुराकानी भयो। विस्तारै फोन आउने क्रम बाक्लिँदै जान्छ। उनलाई फोन गर्ने व्यक्ति विराटनगर–५ कारखाना टोल बस्ने २७ वर्षीय अनु साह हुन्छिन्। 

फोनबाट कुराकानी बाक्लिँदै गएपछि उनीहरुको भेटघाट हुन्छ। भेटघाटका क्रममा अनुलाई दिपेनले सबै कुरा सुनाउँछन्। उनले आफ्नी श्रीमती अध्ययनको सिलसिलामा काठमाडौंमा बस्ने गरेको र आफूसँग एक बच्चासमेत रहेको अनुलाई सुनाउँछन्। दिपेनसँगको नियमित फोन सम्पर्क र भेटघाटपछि उनले छोरी हेर्ने रहर गर्छिन्। अनुले कर गरेपछि सोमबार बिहान दिपेनले आफ्नो कारमा १ वर्षकी छोरी निशिकालाई हाली घरबाट निस्कन्छन्। दुवैजनाको भेट विराटनगर रोडशेष नजिकको स्वागतम होटल नजिक हुन्छ।

अनुलाई कारमा चढाएर उनीहरु महेन्द्र मोरङ क्याम्पस जाने रोडतर्फ लाग्छन्। कारमा बसेकै समयमा अनुले आफूसँग ल्याएको बच्चाको कपडा फेरिदिन्छिन् र पुरानो कपडा आफूसँगै राख्छिन्। बच्चालाई पनि उनले आफ्नै साथमा राख्छिन्। कारबाट ओर्लंदा पनि उनले छोड्दिनन्। महेन्द्र मोरङ क्याम्पस नजिकको चिया पसल पुगेपछि दिपेनले दुई कप चिया अर्डर गर्छन्। अनुले चिया खान मान्दिनन्। उनले मास्क पनि खोल्दिनन्। बच्चालाई साथमै राखेकी उनले केही बेरपछि फोन गर्नका लागि भन्दै दिपेनसँग मोबाइल माग्छिन् र बाहिर निस्कन्छिन्। 

मोबाइल लिएर बाहिर निस्कँदा सोही स्थान नजिकै घटनाको मुख्य योजनाकार विराटनगर–६ रामपुरका २७ वर्षीय रवीन्द्रकुमार साह मोटरसाइकलमा तयारी अवस्थामा हुन्छन्। उनी पहिलेदेखि नै सो स्थानमा मोटरसाइकल लिएर अनु र बच्चालाई लिनका लागि तयार भई बसेका हुन्छन्। बच्चासहित दुवैजना प्र.०१–०२०४६ प ७४१० नम्बरको मोटरसाइकल चढी सुनसरीको दुहवी, इनरूवा, सप्तरीको राजविराज हुँदै कुनौली नाका पुग्छन्।

कुनौली पुगेपछि मुख्य योजनाकार रवीन्द्रले भारतीय गाडी रिजर्भ गरी दरभंगा पठाई उनी विराटनगर फर्कन्छन्। उनी विराटनगर फर्किएलगत्तै अनु साहको मोबाइलमार्फत बालिकाका हजुरबुबा दीपक यादवलाई फेसबुक लगायत सामाजिक सञ्जालमा बालिका हराएको कुरा पोस्ट गरेको भन्दै हटाउन धम्की दिन्छन्। अपहरित बालिकाबारे भोलि फोन आउछ, शान्त भएर बस्न भन्दै म्यासेज पठाउँछन्।

रवीन्द्रले अनुको मोबाइलबाट म्यासेज गरेपछि अपहरणकारी नजिक पुग्न प्रहरीलाई सजिलो भएको प्रारम्भिक अनुसन्धानबाट देखिएको छ। प्रहरीको प्राविधिक टोलीले मोबाइलमा पठाइएको एसएमएसका आधारमा रवीन्द्रलाई पक्राउ गरेपछि बालिका दरभंगामा पुर्याइएको थाहा भएको मोरङ प्रहरीका प्रमुख एसपी शान्तिराज कोइरालाले बताए। उनका अनुसार भारतीय प्रहरीसँग समन्वय गरी दरभंगा प्रहरीले अनुलाई बालिकासहित पक्राउ गरेर जोगबनी नाकासम्म ल्याइदिएको थियो।

बालिकाको अपहरण गरेर बुवा दीपेन तथा हजुरबुवा दीपक यादवसँग १०–१५ लाख रूपैयाँ फिरौती माग्ने योजना बनाएको पाइएको एसपी कोइरालाले बताए। 

मुख्य योजनाकार रवीन्द्र को हुन्?

रवीन्द्र दिपेनका सानैदेखिका साथी हुन्। आर्थिक अवस्था मजवुत भएका दिपेनको घर नजिकै बुढीगंगा १ मा रवीन्द्रले श्रीराम ट्रेडर्स पसल सञ्चालन गरेका छन्। सामान्य आम्दानी गर्दै आएका रवीन्द्रले पैसाको लोभमा परेर दीपेनसँग पैसा असुल गर्न आफ्नी प्रेमिका अनुलाई प्रयोग गर्छन्। तीन वर्षदेखि प्रेममा रहेका उनले अनुमार्फत फोन गर्न लगाएर दिपेनसँग नजिक बनाएर बालिका अपहरणको योजना बनाएको प्रहरीको प्रारम्भिक अनुसन्धानबाट खुलेको छ।  

मुलुकी फौजदारी अपराध संहिता २०७४ अनुसार सो कसुर स्थापित भए पीडकलाई सातदेखि १० वर्षसम्म कैद हुनसक्ने कानुनी प्रावधान छ। 



प्रकाशित: July 20, 2022 | 18:15:20 काठमाडौं, बुधबार, साउन ४, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
प्रदेश न. १

प्रदेश १ सरकारद्वारा प्रदेश निजामती सेवा अध्यादेश २०७९ जारी, यौनिक अल्पसंख्यकलाई २ प्रतिशत आरक्षण

प्रदेश १ सरकारले सरकारी सेवामा यौनिक अल्पसंख्यकलाई २ प्रतिशत आरक्षणको व्यवस्था गर्ने गरी प्रदेश निजामती सेवा अध्यादेश २०७९ जारी गर्ने निर्णय गरेको छ।
नेपाल समय
प्रदेश न. १

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।
नेपाल समय
प्रदेश न. १

उदयपुरका व्यापारीले दसैँमा शतप्रतिशत बढाए गाडीभाडा

१० दिन अगाडिसम्म गाईघाटदेखि बलाम्ता, ताम्लिछा, जाँतेसम्म पुग्नका लागि प्रतिव्यक्ति रु ५ सय सवारी भाडादर भए पनि अहिले प्रतियात्रु एक हजार रुपैयाँ असुल्न थालिएको यात्रु देवराज राईले जानकारी दिए।
नेपाल समय
प्रदेश न. १

प्रदेश १ का स्वास्थमन्त्रीले कार्यकक्षबाट हटाए राष्ट्रपति र प्रधानमन्त्रीको तस्बिर

प्रदेश १ का स्वास्थमन्त्री जयराम यादवले आफ्फ्नो कार्यकक्षबाट राष्ट्रपति विद्यादेवी भण्डारी र प्रधानमन्त्री शेरबहादुर देउवाको तस्बिर हटाएका छन्।
नेपाल समय
प्रदेश न. १

प्रदेश १ का मुख्य न्यायाधिवक्ता श्रेष्ठले किन बीचमै छाडे पद?

मुख्य न्यायाधिवक्ता प्रदेश सरकारको मुख्य कानुनी सल्लाकार हुने र संवैधानिक एवं कानुनी विषयमा प्रदेश सरकार वा प्रदेश सरकारले तोकिदिएको अन्य अधिकारीलाई राय सल्लाह दिने गरी राजनीतिक नियुक्ति गर्ने गरिन्छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना