सोमबार, असोज १०, २०७९

प्रदेश १ को नामकरण : सबै दलका आ–आफ्नै अडान

नेत्र पी अधिकारी  |  काठमाडौं, शनिबार, असार २५, २०७९

नेत्र पी अधिकारी

नेत्र पी अधिकारी

शनिबार, असार २५, २०७९, काठमाडौं

नेपाल समय
शुक्रबार मुख्यमन्त्री कार्यालयमा बसेको सर्वदलीय बैठक

विराटनगर– सात प्रदेशमध्ये ६ वटाले प्रदेशको नामकरण गरिसकेका छन्। प्रदेश १ ले कहिले नाम पाउने हो, टुंगो छैन।

राजधानी टुंयाएको प्रदेश १ ले चालू अधिवेशनबाटै प्रदेशलाई नाम दिने गरी प्रदेशसभामा प्रतिनिधित्व गर्ने दलहरू प्रयासरत रहे पनि उनीहरूका फरक–फरक मतका कारण नाम पाउने/नपाउने टुंगो अझै लागेको छैन।

चालू अधिवेशनबाट नाम दिने गरी प्रदेशसभा अहिले अनिश्चितकालका लागि स्थगित गरिएको छ। 

प्रदेशसभाको ५ वर्षे कार्यकाल सकिन लागेको छ। आगामी मंसिरमा निर्वाचन भए ४ महिना मात्रै बाँकी छ। दलहरूले प्रदेशको नामकरणको विषयलाई अहिले गम्भीरताका रूपमा लिएर अघि बढेका छन्।

नामकरणका लागि प्रदेश सरकारमा प्रतिनिधित्व गर्ने दलबीच शुक्रबारसमेत गरी तीन वटा सर्वदलीय बैठक बसिसकेका छन्। तीन वटै बैठक औपचारिकतामा मात्रै सकिएका छन्। सामान्य छलफलबाहेक केही हुन सकेको छैन।

शुक्रबारको बैठकमा प्रदेशसभाको चालू अधिवेशनबाटै प्रदेशको नाम टुंगो लगाउने विषयमा दलहरूबीच प्रारम्भिक कुराकानी भएको मुख्यमन्त्री राजेन्द्रकुमार राईले बताए।

उनले भने, ‘प्रारम्भिक चरणको बैठक भएकाले आ–आफ्नो दलका तर्फबाट धारणाहरू प्रस्तुत गर्ने काम भयो। सुरुआती बैठक भएकाले अहिले दलहरूका तर्फबाट प्रारम्भिक धारणा आएको छ। प्रदेश नामकरणका विषयमा सबै दलले लचकता अपनाउने र साझा सहमति खोज्ने कुरा भएको छ,’ मुख्यमन्त्री राईले भने । 

नामकरणबारे कुन दलको के प्रस्ताव ?

प्रदेशसभामा प्रतिनिधित्व गर्ने दलहरूमध्ये प्रमुख प्रतिपक्षी नेकपा एमाले र राप्रपा भूगोलका आधारमा प्रदेशको नामकरण गर्नुपर्ने पक्षमा रहेका छन्। सत्तारुढ नेकपा माओवादी केन्द्र, एकीकृत समाजवादी, जनता समाजवादी पार्टी र संघीय लोकतान्त्रिक राष्ट्रिय मञ्च पहिचानको पक्षमा उभिएका छन्।

शुक्रबारको सर्वदलीय बैठकमा नेपाली कांग्रेसले कुनै नाम प्रस्ताव गरेन। 

एमाले संसदीय दलका नेता भीम आचार्यले प्रदेशको नाम भूगोलका आधारमा नामकरण गर्नुपर्ने बताएका छन्। जातीय आधारमा भन्दा पनि भूगोलका आधारमा नामकरण गर्नुपर्ने पक्षमा आफूहरू रहेको उनको भनाइ छ। उनका अनुसार एमाले प्रदेशको नाम कोशी राख्नुपर्ने पक्षमा छ। अन्य दललाई आफ्नो पक्षमा पार्ने काम भइरहेको उनले जानकारी दिए।

एमालेले चालू अधिवेशनबाटै नामकरणका लागि पूर्वमन्त्री हिक्मतकुमार कार्कीको संयोजकत्वमा समिति गठन गरेको छ। कार्कीले एक चरण सबै दलहरूसँग छलफल गरिसकेका छन्।

दलहरूले आ–आफ्नो प्रस्ताव पेस गरे पनि विकल्पबारे छलफल जारी राख्न सबै सहमत भएको उनले बताए। पूर्वमुख्यमन्त्री शेरधन राईले एमालेमा नामकरणबारे कुनै समस्या नरहेको दाबी गरे। 

नेकपा माओवादी केन्द्र एकल पहिचानका आधारमा नामकरण गर्नुपर्ने पक्षमा देखिएको छ। आर्थिक मामिलामन्त्री तथा माओवादी संसदीय दलका नेता इन्द्रबहादुर आङ्बोले प्रदेशको नामकरण एकल पहिचानका आधारमा राख्नुपर्ने बताउँदै ‘किराँत’ उपयुक्त हुने दाबी गरे।

मुख्यमन्त्री एवं नेकपा एकीकृत समाजवादीका नेता राजेन्द्र राईले बहुपहिचानलाई मिलनबिन्दु बनाएर नामकरण गर्नुपर्ने बताउँदै आएका छन्। कोसी, किराँत वा सगरमाथा किराँत राख्नुपर्ने उनको भनाइ छ।

सत्तारुढ जनता समाजवादी पार्टी संसदीय दलका नेता तथा स्वास्थ्यमन्त्री जयराम यादवले प्रदेशको नाम ‘किराँत, लिम्बूवान, शेर्पालुङ मधेस’ राख्नुपर्ने बताउँदै आएका छन्। मन्त्री यादवलाई नामकरणको सहजीकरणका लागि प्रदेश सरकारले यसअघि संयोजकको जिम्मेवारी दिएको थियो। 

सत्तारुढ संघीय लोकतान्त्रिक मञ्चकी नेतृ एवं सामाजिक विकास राज्यमन्त्री विष्णुमाया तुम्बाहाम्फेले प्रदेशको नाम पहिचानका आधारमा किराँत, लिम्बूवान राख्नुपर्ने बताउँछिन्। 

९३ सदस्यीय प्रदेशसभामा एमालेका सभामुखसहित ३९, कांग्रेसका २१, माओवादी केन्द्रका १५, एकीकृत समाजवादीका १०, जसपा ३ र राप्रपा र संयुक्त लोकतान्त्रिक मञ्चका १–१ जना छन्। 

प्रदेशसभाबाट एमालेका २ जनाले स्थानीय तह निर्वाचनमा उम्मेदवारी दिन राजीनामा दिएका थिए भने माओवादी केन्द्रका एक सांसद पदमुक्त भएका छन्।


प्रकाशित: July 9, 2022 | 11:56:56 काठमाडौं, शनिबार, असार २५, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
प्रदेश न. १

प्रदेश १ का स्वास्थमन्त्रीले कार्यकक्षबाट हटाए राष्ट्रपति र प्रधानमन्त्रीको तस्बिर

प्रदेश १ का स्वास्थमन्त्री जयराम यादवले आफ्फ्नो कार्यकक्षबाट राष्ट्रपति विद्यादेवी भण्डारी र प्रधानमन्त्री शेरबहादुर देउवाको तस्बिर हटाएका छन्।
नेपाल समय
प्रदेश न. १

प्रदेश १ का मुख्य न्यायाधिवक्ता श्रेष्ठले किन बीचमै छाडे पद?

मुख्य न्यायाधिवक्ता प्रदेश सरकारको मुख्य कानुनी सल्लाकार हुने र संवैधानिक एवं कानुनी विषयमा प्रदेश सरकार वा प्रदेश सरकारले तोकिदिएको अन्य अधिकारीलाई राय सल्लाह दिने गरी राजनीतिक नियुक्ति गर्ने गरिन्छ।
नेपाल समय
प्रदेश न. १

कोसी राजमार्गको वन क्षेत्रमा फोहर फ्याँके पाँच हजार जरिवाना

संखुवासभाको खाँदबारी नगरपालिका–९ स्थित उत्तर–दक्षिण कोसी राजमार्गको वन क्षेत्रमा फोहर फ्याँके रु पाँच हजार जरिवाना गरिने भएको छ। ढुंगेधारा र तुम्लिङटारबीच सालघारी वन क्षेत्रमा फोहर फ्याँके रु पाँच हजार जरिवाना गरिने डिभिजन वन कार्यालयले जनाएको छ।
नेपाल समय
प्रदेश न. १

नवौँ राष्ट्रिय खेलकुद प्रतियोगिता : प्रदेशमा खोटाङलाई ११ वटा स्वर्ण पदक

गत भदौ २९ देखि असोज ८ गतेसम्म १ नं प्रदेशका विभिन्न जिल्लामा सञ्चालन भएको प्रतियोगितामा खोटाङका लागि सितोरियो करातेमा छ, पौडीमा दुई, बक्सिङ, शारीरिक सुगठन र भारोत्तलनमा एक–एकवटा स्वर्ण पदक प्राप्त भएको हो।
नेपाल समय
प्रदेश न. १

मोरङमा चाडपर्व लक्षित सुरक्षा योजना लागू, १३ सय प्रहरी परिचालन

मोरङ प्रहरीले चाडपर्व लक्षित सुरक्षा योजना लागू गरेको छ। दसैं, तिहार, छठलगायतका चाडपर्वलाई केन्द्रीत गरेर विशेष सुरक्षा योजना लागू गरिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना