बिहीबार, भदौ २, २०७९

मोरङका ९३ प्रतिशत उम्मेदवारद्वारा निर्वाचन खर्च बुझाउन आलटाल

नेत्र पी अधिकारी  |  काठमाडौं, आइतबार, असार १९, २०७९

नेत्र पी अधिकारी

नेत्र पी अधिकारी

आइतबार, असार १९, २०७९, काठमाडौं

नेपाल समय

विराटनगर- स्थानीय तह निर्वाचनको अन्तिम मतपरिणाम सार्वजनिक भएको एक महिना बितिसकेको छ। तर, निर्वाचनमा उम्मेदवार बनेकाहरूले निर्वाचन कार्यालयमा खर्च बुझाउन आलटाल गरिरहेका छन्। 

स्थानीय तह निर्वाचनमा मोरङबाट ४ हजार ३ सय बढी उम्मेदवार बनेका थिए। निर्वाचन कार्यालयमा ७ प्रतिशतले मात्रै खर्चको विवरण पेस गरेको प्रदेश निर्वाचन कार्यालयका प्रमुख लेवन कश्यप अधिकारले बताए। 

निर्वाचन आयोग ऐन २०७३ को दफा २५ अनुसार निर्वाचन सकिएर अन्तिम मतपरिणाम घोषणा भएको ३० दिनभित्र उम्मेदवारले चुनावका बेला आफूले गरेको खर्चको विवरण बुझाउनुपर्ने व्यवस्था छ। चुनावमा प्रयोग गरेको सवारीसाधन, कार्यकर्ता एवं प्रतिनिधि परिचालन, कार्यालय सञ्चालन, प्रचारप्रसार, इन्धन, ढुवानीलगायतमा गरेको खर्चको विवरण उम्मेदवारले निर्वाचन आयोगलाई बुझाउनुपर्ने हुन्छ। 

कार्यालय प्रमुख अधिकारीले तोकिएको समयमा खर्चको विवरण नबुझाउने उम्मेदवारलाई कारबाही हुने बताए। खर्च विवरण नबुझाउने उम्मेदवारलाई निर्वाचन (कसुर तथा सजाय) ऐन २०७३ को दफा ३१ को उपदफा ४ बमोजिम १५ हजार रुपैयाँसम्म जरिवाना हुने कानुनी व्यवस्था छ। 

स्थानीय तह निर्वाचनका समयमा भएको खर्चको विवरण चाँडो बुझाउन पत्राचारसमेत गरिसकिएको अधिकारीले बताए । उनले भने,‘ खर्चको विवरण नबुझाउनेलाई कानुनअनुसार कारबाहीको प्रक्रिया अघि बढाइने छ।’

निर्वाचन आयोगका अनुसार नगरपालिकाका प्रमुख र उपप्रमुखका लागि चार लाख ५० हजारसम्म, गाउँपालिकाका अध्यक्ष र उपाध्यक्षलाई तीन लाख ५० हजार र वडाध्यक्षका लागि दुई लाखसम्म खर्च गर्न सक्ने सीमा तोकिएको छ। सीमा नाघेर खर्च गर्नेलाई भने ऐनको दफा २६ अनुसार सोही बराबरको जरिवाना हुने कानुनी व्यवस्था छ। 

गत वैशाख ३० गते सम्पन्न निर्वाचनका लागि मोरङमा विभिन्न राजनीतिक दल र स्वतन्त्र गरेर प्रमुख, उपप्रमुख वडाध्यक्ष, खुला सदस्य, महिला सदस्य र दलित महिला सदस्यसमेतका पदमा ४ हजार ३ सय ४६ जनाले उम्मेदवारी दिएका थिए। ३ सय १५ जना उम्मेदवारबाट मात्रै निर्वाचन आयोगलाई खर्चको विवरण प्राप्त भएको कार्यालय प्रमुख अधिकारीले बताए।  

निर्वाचनमा ८ सय २९ जना निर्वाचित भए। स्थानीय तहमा निर्वाचित जनप्रतिनिधिहरूले भने निर्वाचन लगत्तै बजेट निर्माणमा लाग्नु परेका कारण खर्च विवरण पेस गर्न नसकेको बताएका छन्। उनीहरूले चाँडै पेस गर्ने बताए।


प्रकाशित: July 3, 2022 | 07:05:00 काठमाडौं, आइतबार, असार १९, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

कांग्रेस केन्द्रीय समितिमा थपिँदै आठ महिला

संविधानअनुसार अहिले कांग्रेसको केन्द्रीय समितिमा महिलाको संख्या ३३ प्रतिशत नपुगेका कारण ३३ प्रतिशत पु¥याउन आठ जनालाई केन्द्रीय समितिमा मनोनयन गर्न लागिएको हो।

पञ्चायती व्यवस्थाका हार्डलाइनर मरीचमानको अविचलित राष्ट्रवाद

तीन दशक लामो पञ्चायती व्यवस्थाका अन्तिम प्रधानमन्त्री मरीचमान सिंह २०४६ को बहुदलीय व्यवस्थाका कारण राजा वीरेन्द्रबाट बर्खास्तीमा परे। त्यो समय कसैसँग नझुक्ने अडान लिएर बसेका मरीचमान भारतको नाकाबन्दी, जनआन्दोलनको उभारलगायत यिनै र यस्तै घटनाक्रमले कतै नायक बने, कतै खलनायक।

आरजुबारे देउवाको त्यो वचन तर यो प्रयास!

पार्टी सञ्चालनका सन्दर्भमा होस् वा सरकार सञ्चालनमै पनि किन नहोस्, आरजु हावी भइरहेकी छन्। यसलाई राजनीतिक जानकारहरुले देउवाको उत्तराधिकारी हुने प्रयासका रुपमा बुझेको देखिन्छ।

प्रचण्डसामु बाबुरामको 'बाध्यात्मक शरण'

सात वर्षअघि माओवादी विचारधाराको औचित्य समाप्त भएको घोषणा गरेर कम्युनिस्ट विचारधारा पूर्ण रूपमा त्यागेको बताएका बाबुराम नयाँ पार्टी खोलेर पनि राजनीति उँभो लाग्ने छनक नदेखिएपछि प्रचण्डतिरै लहसिनुपर्ने बाध्यतामा पुगेका छन्।

२०७४ मा जसले जिताए, तिनै बन्नेछन् विष्णु पौडेलको तगारो

रुपन्देहीको निर्वाचन क्षेत्र नम्बर २ बाट लगातार पछिल्ला ३ निर्वाचन जितेका विष्णु पौडेल नै एमालेबाट निर्विकल्प उम्मेदवार हुन्। पौडेलले २०६४, २०७० र २०७४ को निर्वाचनमा क्रमशः भक्ति पाण्डे, डा. बाबुराम भट्टराई र युवराज गिरीलाई हराएका थिए।

राष्ट्रपतिद्वारा नागरिकता विधेयक फिर्ता : अब के हुन्छ?

यसअघि तत्कालीन प्रधानमन्त्री केपी शर्मा ओलीले ल्याएको नागरिकता अध्यादेश भने जारी गरेकी थिइन्। असंवैधानिक रुपमा संसद् विघटन गर्दै ल्याएको नागरिकता अध्यादेश जारी गरेकी राष्ट्रपति भण्डारीले संसद्‌बाट पारित गरेको विधेयक भने फिर्ता गरेकी हुन्।

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

थप समाचार

नेपाल समय
प्रदेश न. १

उच्च अदालत विराटनगरद्वारा आठ ट्रक सुपारी बरामद प्रकरणमा अन्तरिम आदेश दिन अस्वीकार

उच्च अदालत विराटनगरले आठ ट्रक सुपारी बरामद प्रकरणमा अन्तरिम आदेश दिन अस्वीकार गरेको छ।
नेपाल समय
प्रदेश न. १

उच्च अदालत विराटनगर देशकै उत्कृष्ट, दुई वर्ष नाघेका मुद्दा शून्य

अधिकृत स्तरको कर्मचारीको नेतृत्वमा रहेको अभियान फाँटले १८ महिना नाघ्ने मुद्दालाई व्यवस्थापन गर्दै आइरहेको सूचना अधिकारी सुवेदीले बताए। अभियान फाँटले १८ महिना नाघेका मुद्दा शून्य बनाउने गरी काम गरिरहेको उनले बताए।
नेपाल समय
प्रदेश न. १

मेची अस्पतालमा जनशक्ति अभाव, बिरामीलाई सास्ती

झापाको भद्रपुरस्थित मेची प्रादेशिक अस्पतालमा लामो समयदेखि जनशक्ति अभाव रहेको छ। जनशक्ति अभाव भएपछि बिरामीले सास्ती खेप्नु परेको छ।
नेपाल समय
प्रदेश न. १

प्रदेश १ मा प्रदेश सांसदलाई एक करोड दिने कार्यविधि स्वीकृत

आगामी भदौ १५ गते भित्रमा योजना पेश गर्ने गरि सोमबार बसेको मन्त्रिपरिषद्को बैठकले निर्वाचन क्षेत्र पूर्वाधार विशेष कार्यक्रम(सञ्चालन) कार्यविधि, २०७९ स्वीकृत गरेको हो।
नेपाल समय
प्रदेश न. १

प्रदेश १ का स्वास्थ्य मन्त्रीलाई कालो झण्डा देखाउने पाँच जना पक्राउ

प्रदेश १ का स्वास्थ्यमन्त्री जयराम यादवलाई कालो झण्डा देखाउँदै प्रदर्शन गर्ने पाँच जनालाई प्रहरीले पक्राउ गरेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना