मंगलबार, माघ ११, २०७८

कांग्रेस प्रदेश १ सभापतिमा उद्धव थापासँग गुरुराज घिमिरे दुई मतले पराजित

नेत्र पी अधिकारी  |  काठमाडौं, सोमबार, मंसिर २०, २०७८

नेत्र पी अधिकारी

नेत्र पी अधिकारी

सोमबार, मंसिर २०, २०७८, काठमाडौं

नेपाल समय

विराटनगर‒ नेपाली कांग्रेसको १४औं महाधिवेशन अन्तर्गत भएको निर्वाचनमा प्रदेश १ सभापतिमा झापाका उद्धव थापा निर्वाचित भएका छन्। संस्थापन (देउवा‒सिटौला) समूहका थापाले संस्थापन इतर (पौडेल‒कोइराला) समूहका नेता गुरुराज घिमिरेलाई २ मत अन्तरले पराजित गरेका छन् ।

सोमबार बिहान सम्पन्न अन्तिम मत परिणाम अनुसार थापाले ८४४ मत प्राप्त गरे भने घिमिरेले ८४२ मत ल्याए । 

सभापति सहित नौ जना प्रदेश पदाधिकारीमा दुई जना संस्थापन इतर समूहका छन्। महामन्त्री उमेश थापा र सहमहामन्त्री रोहितकुमार साहबाहेक संस्थापन‒सिटौला समूहकै नेताहरू निर्वाचित भएका छन्।

प्रदेश सभापतिमा संस्थापन समूहले जितेसँगै केन्द्रीय सभापतिमा दाबी गर्दै आएका डा. शेखर कोइरालालाई झड्का लागेको छ। जिल्ला सभापतिहरूमा संस्थापन समूहको शक्तिशाली उपस्थिति सहित प्रदेशमा संस्थापन समूहको पदाधिकारीमा वर्चश्व देखिनुले डा. कोइरालालाई अप्ठ्यारोमा परेका छन्। 

आफ्नै गृह नगरमा भएको प्रदेश अधिवेशनमा डा. कोइरालालाई झड्का लागेको कांग्रेस नेताहरू बताउँछन्। उनलाई संस्थापन समूहले जिल्ला अधिवेशनदेखि नै घेराबन्दी गर्दै आएको थियो। 

उपसभापतिमा संस्थापन‒सिटौला समूहका रमेशजंग रायमाझीले ८९० र टंकप्रसाद राईले ८ सय ४७ मत ल्याएर  निर्वाचित भएका छन्। 

महामन्त्रीमा भूपेन्द्र राई ८ सय २४ र उमेश थापा ८ सय २३ मत ल्याएर विजयी भएका छन्। सहमहामन्त्री महिलामा प्रमीला गच्छदारले ८ सय ३७ मत ल्याएर विजयी भएकी छन्। खुल्लातर्फ सहमहामन्त्रीमा खड्ग फागोले १ हजार  २६,  विनोदकुमार बस्नेत ७ सय ४७ र रोहितकुमार शाहले ६ सय ६५मत ल्याएर विजयी भएका छन्। 

शनिबार भएको मतदानमा १ हजार ८०४ मतदाता रहेकोमा १ हजार ७५२ मत खसेको निर्वाचन समितिले जनाएको छ। 

९ जना प्रदेश पदाधिकारी सहित १४ जिल्लाबाट महिला १४ र खुल्ला १४ सदस्य, प्रत्येक निर्वाचन क्षेत्रबाट ६ महिला र १३ खुला सदस्य, खसआर्यबाट महिला ७ र खुला ५, जनजातिमा महिला ७ र खुला ८, मधेसी महिला एक र खुला एक, दलित महिला एक र खुला दुई, थारु तर्फ महिला एक र खुला एक, मुस्लिममा खुला एक, अल्पसंख्यक र अपांगमा एक सदस्य पदका लागि निर्वाचित हुने बताइएको छ। 

को हुन थापा?

वि.सं. २०३४ सालतिर काठमाडौंको शंकरदेव क्याम्पसबाट नेविसंघको इकाईबाट राजनीतिक जीवन सुरु गरेका थापा २०३५ सालको जनमत संग्रहमा निरंकुश पञ्चायती व्यवस्थाविरुद्ध बहुदलीय व्यवस्था स्थापनका लागि बहुदलको प्रचार अभियानमा सक्रिय थिए। उनले बिपी कोइरालाको सुरक्षा दस्तामा समेत रहेर काम गरेका थिए। 

कांग्रेसको झापा अर्जुनधारा गाउँसमितिको सचिव∕सभापतिको हुँदै उनले झापा क्षेत्र नम्बर  २ को क्षेत्रीय सभापति, जिल्ला सचिव, जिल्ला उपसभापति र दुई कार्यकाल जिल्ला सभापतिको जिम्मेवारी पुरा गरिसकेका छन्। 

वाणिज्य शास्त्रमा स्नातक गरेका थापा थापा ज्ञानेन्द्र शाहको शाहीकालमा सेनाको युनिफाइड कमान्डद्वारा पक्राउ परी चारआली ब्यारेकमा बंकरमा थुनिएका थिए। प्रदेशमा कांग्रेसको भूमिका अझ स्पष्ट रूपमा अघि बढाउन र लोकतान्त्रिक सक्तिबीच सन्तुलन कायम गरी संघीय गणतन्त्र संस्थागत गर्न आफूले अझ भूमिका निर्वाह गर्ने उनले बताए।


प्रकाशित: December 6, 2021 | 06:47:31 काठमाडौं, सोमबार, मंसिर २०, २०७८
नेत्र पी अधिकारी

नेत्र पी अधिकारी

अधिकारी नेपाल समयका प्रदेश १ प्रतिनिधि हुन्।
काठमाडौं, सोमबार, मंसिर २०, २०७८

थप समाचार

एसएसबीले हटायो दसगजाको पोस्ट

विराटनगर महानगरपालिका नजिक नेपाल–भारत सीमा क्षेत्रको दसगजामा आफूखुसी निर्माण गरेको पोस्ट भारतीय सीमा सुरक्षा बल (एसएसबी)ले हटाएको छ।

प्रदेश नं १ : एक हजार २८३ मा कोरोना संक्रमित थपिए

पछिल्लो २४ घण्टाको अवधिमा प्रदेश नं १ मा एक हजार २८३ जनामा कोरोना संक्रमण पुष्टि भएको छ। जसमा एक हजार ४९२ जनाको पीसीआर परीक्षण गर्दा ८४६ र ९८२ जनाको एन्टिजेन परीक्षण गर्दा ४३७ जनामा कोरोना संक्रमण भएको सामाजिक विकास मन्त्रालयले जनाएको छ।

सामूहिक बलात्कारका आरोपी मानव बेचबिखनका फरार अभियुक्त

मोरङको सुन्दरहरैचा-४ बलियाको एक होटेलमा शुक्रबार राति भएको सामूहिक बलात्कार घटनाका आरोपी मानव बेचबिखन मुद्दाका फरार अभियुक्त भएको खुलेको छ।

प्रदेश १ सरकारले मुख्य राजमार्गमा सीसी क्यामेरा जोड्ने

प्रदेश १ सरकारले महेन्द्र राजमार्ग अन्तर्गत सप्तकोशीदेखि मेची पुलसम्म र कोशी राजमार्ग अन्तर्गत विराटनगर रानीदेखि धरानसम्म सीसी क्यामेरा जडान गर्ने भएको छ।

होटलकै कामदारको सहमतिमा सामूहिक बलात्कार, पीडितको अवस्था चिन्ताजनक

मोरङको सुन्दरहरैंचा नगरपालिका–४ बलियाको एक होटलमा महिलामाथि सामूहिक बलात्कार घटनामा संलग्न दुई जना पक्राउ परेका छन्।

विराट राजाको दरबार उत्खनन्

मोरङको बुधनगर भेडियारीस्थितका विराट राजाको दरबार भनिएको स्थानमा अहिले उत्खनन भइरहेको छ। पुरातत्व विभागबाट गरिएको उत्खननअनुसार विराट राजाको दरबार भनिएअनुसारको उत्खननबाट ऐतिहासिक वस्तु वा भाग्नावशेष पाइएको बताइएको छ।

ट्रेंडिंग

नेपाल समय
राजनीति

सभापतिमा देउवाको एक महिना, देखिएन सुध्रिने संकेत

‘पार्टीमा पुस्तान्तरणको एजेन्डा सेट भएको छ। रुपान्तरणको सन्देश महाधिवेशनले दिएको छ। पदाधिकारीमा युवाहरुको प्रवेश भइसकेको छ। अब सभापतिजी विधि र पद्धती अनुसार नै चल्नुहुन्छ भन्‍ने लागेको थियो। तर, उहाँको कार्यशैलीमा सुधारको छाँट देखिएन,’ ती पदाधिकारी भन्छन्, ‘प्रश्न उठाउँदा झपार्नुहुन्छ। बोल्न दिनुहुन्‍न, अनि कसरी सुधारको अपेक्षा राख्‍ने?’
नेपाल समय
समाज

काठमाडौंका गेस्ट हाउस : महिलाका लागि असुरक्षित बन्न थालेका हुन्?

'घटना बढ्दै गएपछि हामीले गेस्ट हाउसमाथि निगरानी बढाएका छौं। गेस्ट हाउस छिर्दा र बाहिरिने ठाउँमा सीसी क्यामेरा अनिवार्य रुपमा लगाउन निर्देशन दिएका छौं।'
नेपाल समय
समाज

काठमाडौंको सुन्धाराबाट 'दंगाली छोटे डन' पक्राउ, यस्ता छन् कसुरका शृंखला

'दङ्गाली छोटे डन' उपनामले परिचित विकास पुन काठमाडौंबाट पक्राउ परेका छन्। प्रहरीको केन्द्रीय अनुसन्धान ब्युरोले उनलाई काठमाडौंको सुन्धारास्थित होटल भ्यू ग्लोबलमा लुकीछिपी बस्दै आएको अवस्थामा सोमबार पक्राउ गरेको हो।
नेपाल समय
समाज

इतिहासमा आज : अमेरिकी राज्यमा राजतन्त्रको अन्त्य, जापानमा शक्तिशाली भूकम्प

आज सन् २०२२ जनवरी १७। विश्‍वभर आजका दिनमा भएका महत्वपूर्ण घटनाहरुलाई यहाँ समेटेका छौं।
नेपाल समय
राजनीति

चुच्चे नक्सामा बढ्यो भारतको हैकम, कूटनीतिक पहलमा यसरी पन्छियो सरकार

'सरकारको प्रवक्ताले बोल्ने त एउटा कुरा भयो, अर्को परराष्ट्र मन्त्रालयले कूटनीतिक नोट पठाउनुपर्थ्यो। अर्को कुरा भारतीय दूतावासले विज्ञप्ति निकालेपछि दिल्लीस्थित नेपालको दूतावासले विज्ञप्ति निकाल्नुपर्थ्यो।'

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2022. Design & Development by Cn’C