आइतबार, असोज १६, २०७९

सवारी कर जरिमाना सच्याउँदै गण्डकी प्रदेश

भीमा पन्थी  |  काठमाडौं, बिहीबार, साउन १२, २०७९

भीमा पन्थी

भीमा पन्थी

बिहीबार, साउन १२, २०७९, काठमाडौं

नेपाल समय

काठमाडौं– सवारी कर जरिमाना २०० प्रतिशत लगाएपछि विवादमा परेको गण्डकी प्रदेशले सवारी कर जरिमाना दर सच्याउने भएको छ। सेवाग्राहीबाट जरिमाना दरको विरोध भएपछि प्रदेश सरकारले सच्याउन तयारी गरेको हो।

प्रदेशको भौतिक पूर्वाधार, सहरी विकास तथा यातायात व्यवस्था मन्त्रालयका उपसचिव टीकाराम पौडेलले जरिमाना दर सच्याउन प्रक्रिया अगाडि बढाइएको बताए। ऐनमै अस्पष्टता हुँदा अप्ठेरो परेको प्रवक्तासमेत रहेका पौडेलले जानकारी दिए। 

‘कानुनतः जरिमाना असुली ठीकै हो। तर ऐनमै अस्पष्टता हुँदा अप्ठेरो परेको हो’, उनले भने, कसरी हुन्छ, पहिलाको जसरी नै उपयुक्त जरिमाना दरको व्यवस्था गर्ने तयारी भएको छ।’ पौडेलले जरिमाना लगाउनुपर्ने ग्राहकको सवारी कर संकलन अहिलेलाई स्थगित गरिएको र क्याबिनेटले निर्णय गरेपछि सोहीअनुसार पुनः सुचारु हुने बताए। 

‘ऐनअन्तर्गत दफा व्याख्यामै कमजोर भएपछि बाधा–अड्काउ फुकाउन क्याबिनेटकै निर्णय कुर्नुपर्ने हुन्छ,’ उनले भने, ‘प्रस्ताव क्याबिनेटमा लैजान मन्त्रालयमा पत्राचार गरेका छौं। सेवाग्राहीको हित विपरीत निर्णय भए पनि पहिलाजस्तो समयावधिअनुसार जरिमाना संकलन गर्ने व्यवस्थाका लागि तयारी भएको उनको भनाइ छ। सवारी जरिमाना तिरिसकेका ग्राहकको रकम अहिले फिर्ता नगरिए पनि आउँदो वर्षको कर कट्टीमा समाहित गरिने उनले बताए।

बाझिएकै ऐनमा टेकेर मनपरी जरिमाना

गण्डकी प्रदेश सरकारले सवारी करमा मनपरी जरिमाना असुलेको देखिन्छ। सरकारले पछिल्ला दिनमा सवारी कर समयमा नतिरेका सेवाग्राहीलाई २ सय प्रतिशतसम्म विलम्ब जरिमाना लगाएको छ। 

गण्डकी प्रदेशअन्तर्गत अर्थ मन्त्रालय, भौतिक पूर्वाधार, सहरी तथा यातायात मन्त्रालय र यातायात व्यवस्था विभाग कास्कीले ‘प्रदेश सवारी तथा यातायात ऐन २०७६’ अनुसार जरिमाना असुली गरेको स्पष्टीकरण दिएका छन्।

यातायात व्यावस्था विभागका प्रमुख डिल्लीराम रिजालले अहिलेको आर्थिक ऐनमा जरिमानासम्बन्धी व्यवस्था नगरिएको र प्रदेश सवारी तथा यातायात ऐनअनुसार जरिमाना लगाएको बताए। अर्थ मन्त्रालयका प्रवक्ता पौडेलले पनि रिजालको स्पष्टीकरणमै सहमति जनाएका छन्। 

यद्यपि उक्त ऐनमा जरिमानाका लागि समयावधि तोकिएको छ। तर सरकारले सवारी करको व्यवस्था गरेको दफा १७६ को खण्ड ‘घ’ मा रहेको अस्पष्ट व्याख्यालाई अपव्याख्या गरेर मनपरी जरिमाना असुलेको देखिन्छ। 

प्रदेश सवारी तथा यातायात ऐन, २०७६ अनुसार यस्तो छ जरिमानासम्बन्धी व्यवस्था 

दफा १७६, 

क. म्याद नाघेको पहिलो ३० दिनसम्मलाई ५ प्रतिशतका दरले

ख.त्यसपछिको ४५ दिनसम्मलाई १० प्रतिशतका दरले

ग. त्यसपछि सो आर्थिक वर्षको अन्तसम्मलाई २० प्रतिशतका दरले 

घ. सोही आर्थिक पाँच वर्षसम्म नाघे दोबर दस्तुर तिर्नुपर्नेछ। 

उल्लिखित ऐनमा स्पष्ट रूपमा म्याद नाघेको समयावधि १ वर्षसम्मका लागि स्पष्ट खुलाइएको छ। अन्त्यमा ‘घ’ खण्डको व्यवस्था भने अस्पष्ट देखिन्छ। सरकारले सोही अस्ष्ट व्यवस्थामा टेकेर म्याद नाघेको एक–दुई दिनमै दोब्बर जरिमाना लिएको छ। 

प्रवक्ता पौडेलका अनुसार सवारी ऐनअनुसार गर्ने भनेर आर्थिक ऐनबाट जरिमानाको व्यवस्था हटाइएको हो। पुरानो ऐनअनुसार म्याद सकिएको ९० दिनभित्र वार्षिक सवारी कर तिर्दा जरिमाना लाग्ने व्यवस्था थिएन। 

गत आर्थिक वर्षको आर्थिक ऐनको दफा १८ मा सबै सवारीधनीले प्रत्येक आर्थिक वर्षको चैत मसान्त वा सवारी दर्ता किताब नवीकरण गर्ने म्याद जुन अघि हुन्छ, सो म्याद समाप्त भएको मितिले ९० दिनभित्र बुझाइसक्नुपर्ने उल्लेख छ। 

सो अवधिभित्र नबुझाउनेलाई समयावधिअनुसार जरिमाना दर तोकिएको छ। जसअनुसार ९० दिन कटेपछिको पनि ३० दिनभित्र ५ प्रतिशत, त्यसपछिको ४५ दिनसम्म १० प्रतिशत र आर्थिक वर्षको अन्त्यसम्मलाई २० प्रतिशतका दरले जरिमाना लिई सवारी साधन कर दाखिला गराउनुपर्ने व्यवस्था थियो।

आर्थिक वर्ष नाघिसक्दा पनि सवारी साधन कर दाखिला नगरे सवारी करमा ३२ प्रतिशतका दरले जरिवाना लिइ असुल गर्नुपर्ने ऐनमा उल्लेख थियो ।

कुन सवारीमा कति परिर्वतन?

प्रदेश सरकारले अहिले कार, जीप, भ्यान र माइक्रोबसमा १ हजार सीसीसम्म २२ हजार, त्यसपछि १५ सय सीसीसम्म २५ हजार, २ हजार सीसीसम्मका गाडीमा २७ हजार र २ हजार ५०० सीसीसम्मका गाडीमा ३७ हजार सवारी करको व्यवस्था गरेको छ। 

त्यसैगरी २ हजार ५०० देखि ३ हजार सीसीसम्मका गाडीमा ५० हजार, ३ हजार देखि ३ हजार ५०० सीसीसम्मका गाडीमा ६० हजार र त्योभन्दा माथि सीसी भएका गाडीमा ६५ हजार रुपैयाँ सवारी कर तिर्नुपर्दछ। 

मोटरसाइकल तथा स्कुटरमा पनि सरकारले सीसीअनुसार सवारी कर लगाएको छ। १२५ सीसीसम्मका दुई पांग्रेमा ३ हजार, त्यसपछि १५० सीसीसम्म ५ हजार, १५० देखि २२५ सीसीसम्म ६ हजार ५ सय, त्यसमाथि ४ सय सीसीसम्म १ हजार १००, त्यसमाथि ६५० सीसीसम्म २० हजार र सो सीसीभन्दा माथिका स्कुटर, बाइकमा ३० हजार रुपैयाँ सवारी कर लगाइएको छ। 

गत वर्ष कार, जीप, भ्यान र माइक्रोबसमा १००० सीसीसम्म २० हजार, त्यसमाथि १ हजार ५०० सीसीसम्म २२ हजार, त्यसपछि २ हजार सीसीसम्म २५ हजार, २ हजार ५०० सीसीसम्म ३४ हजार, २ हजार ९०० सीसीसम्म ४० हजार र त्यसभन्दा माथि सीसीका गाडीमा ५६ हजार सवारी कर लगाइएको थियो। 

मोटरसाइकल तथा स्कुटरमा गत वर्ष १२५ सीसीसम्म २ हजार ६००, २५० सीसीसम्म ४ हजार ५००, ४०० सीसीसम्म ९ हजार ५०० र त्योभन्दा माथि सीसीका दुईपांग्रेमा २० हजार सवारी करको व्यवस्था गरिएको थियो। 


प्रकाशित: July 28, 2022 | 14:10:00 काठमाडौं, बिहीबार, साउन १२, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
गण्डकी

रोजगारी गुमाएकालाई अनुदानमा अटो रिक्सा

लामो समय विदेश बसेर कोरोना महामारीको समयमा घर फर्किएका बागलुङको बरेङ गाउँपालिका–१ धुल्लुबास्कोटका कुमार रानाले अहिले आफ्नै गाउँमा व्यवसाय गर्दै छन्। महामारीको समयमा रोजगारी गुमाएर घर फर्किएकालाई गाउँपालिकाले साथ दिएपछि रानाले गाउँमै व्यवसायी बन्ने अवसर पाएका हुन्।
नेपाल समय
गण्डकी

तनहुँमा दुई बालिकाल‍ाई बलात्कारको कसुरमा एकजनालाई १९ वर्ष कैद

तनहुँ जिल्ला अदालतले भानु नपा–३ माझीवनका ३३ वर्षीय रमेश तामाङलाई १९ वर्ष कैद र दुवै पीडित बालिकालाई एक-एक लाख क्षतिपूर्ति दिने फैसला सुनाएको छ।
नेपाल समय
गण्डकी

खगराज अधिकारी प्रतिनिधिसभामा पनि सिफारिस

नेकपा एमालेका संगठन विभाग प्रमुख खगराज अधिकारीको नाम कास्की क्षेत्र नम्बर १ बाट प्रतिनिधिसभा सदस्यमा सिफारिस भएको छ।
नेपाल समय
गण्डकी

पृथ्वीसुब्बा फेरि प्रदेशमै लड्ने, खगराज पनि प्रदेश झर्ने

नेकपा एमालेका केन्द्रीय उपमहासचिव एवं गण्डकी प्रदेशका संस्थापक मुख्यमन्त्री पृथ्वीसुब्बा गुरुङ फेरि प्रदेशसभामै चुनाव लड्ने भएका छन् भने गण्डकीकै खगराज अधिकारी पनि प्रदेशमा झर्ने भएका छन्।
नेपाल समय
गण्डकी

गण्डकीका पूर्वमुख्यमन्त्री गुरुङ फेरि प्रदेश सभामै चुनाव लड्ने

नेकपा एमालेका केन्द्रीय उपमहासचिव एवं गण्डकी प्रदेशका संस्थापक मुख्यमन्त्री पृथ्वीसुब्बा गुरुङ फेरि प्रदेश सभामा नै चुनाव लड्ने भएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना