आइतबार, असोज १६, २०७९

राम्चेढुंगामा राष्ट्रिय विभूति उद्यानदेखि मन्दिर निर्माणसम्मका योजना

नेपाल समय  |  काठमाडौं, बिहीबार, असार ३०, २०७९

नेपाल समय

नेपाल समय

बिहीबार, असार ३०, २०७९, काठमाडौं

नेपाल समय

बागलुङ- गलकोट नगरपालिका–७ मल्मस्थित राम्चेढुंगालाई पर्यटकीय गन्तव्यका रुपमा विकास गर्न विस्तृत परियोजना प्रतिवेदन (डीपीआर) तयार पारिएको छ। चालु आवमा वडाले दिएको रु तीन लाख बजेटबाट ‘डीपीआर’ बनाइएको राम्चेढुंगा पर्यटन विकास केन्द्रले जनाएको छ। ‘पायोनियर आर्किटेक्ट एण्ड कन्सल्टिङ इञ्जिनीयर्स’ले ‘डीपीआर’ निर्माण गरेको केन्द्रका अध्यक्ष विष्णु थापाले बताए।

'डीपीआरमा रु १६ करोडको लागत अनुमान छ, त्यो बढेर २० करोडसम्म पुग्न सक्छ,' उनले भने, 'अब लगानीका स्रोत जुटाएर पूर्वाधार निर्माणका कामलाई अगाडि बढाउँछौँ।' ‘डीपीआर’मा राष्ट्रिय विभूति उद्यानदेखि मन्दिर निर्माणसम्मका योजना समेटिएका छन्। अध्यक्ष थापाका अनुसार १७ रोपनी क्षेत्रफलमा संरचना बनाइनेछ। 

'सबै राष्ट्रिय विभूतिका सालिक राखेर त्यसलाई उद्यानमा रुपमा विकास गर्ने योजना छ,' उनले भने, 'मनकामना मन्दिर, फोहोरासहितका पोखरी, कटेज, हेलिप्याडलगायत संरचना बन्छन्।' अध्यक्ष थापाले टुक्रे योजना र बजेटले राम्चेढुंगाको पर्यटन विकासमा अपेक्षित उपलब्धि हासिल हुने नदेखिएपछि ‘डीपीआर’मार्फत काम अघि बढाउन लागिएको बताए। 

पर्यटकीय सम्भावना बोकेर पनि पूर्वाधार र प्रचारप्रसार अभावमा राम्चेढुंगा ओझेलमा छ। पछिल्लो समय केन्द्र र स्थानीयको सक्रियतामा राम्चेढुंगा विस्तारै गन्तव्यस्थलका रुपमा उजागर भइरहेको छ। यसअघि गलकोट नगरपालिकाको रु १० लाख बजेटबाट सडक, पदमार्ग, खेल मैदान, वनभोजस्थल, शौचालय, घेराबारलगायतका काम गरिएको थियो।

गण्डकी प्रदेशको पर्यटन मन्त्रालयबाट विनियोजित रु ११ लाख बजेटबाट सांस्कृतिक सङ्ग्रहालय भवन पनि बनेको छ। ‘डीपीआर’मार्फत राम्चेढुंगाको दिगो र व्यवस्थित विकास अघि बढेमा जनस्तरबाट पनि सहयोग जुट्नेमा केन्द्र विश्वस्त छ। 

केही प्रवासी नेपाली पनि लगानीका लागि इच्छुक देखिएका छन्। मनोरम भू–वनोट, प्राकृतिक वातावरण र हिमशृङ्खला अवलोकन त्यहाँको मुख्य आकर्षण हो। गाउँको उत्पादन, कला र संस्कृतिले पनि राम्चेढुंगा पुग्ने आगन्तुकलाई लोभ्याउँछ। 

समुन्द्री सतहदेखि एक हजार ९०० मिटर उचाइमा अवस्थित राम्चेढुंगा ‘प्याराग्लाइडिङ’का लागि पनि उपयुक्त मानिएको छ। वडा कार्यालयको पहलमा तीन वर्षअघि ‘प्याराग्लाइडिङ’को सफल परीक्षण उडान गरिएको थियो। राम्चेढुंगा नजिकको गाउँ टोक्रीमा सामुदायिक घरबास (होमस्टे) सञ्चालनको लागिसमेत पहल अघि बढाइएको छ।

वडाध्यक्ष राजबहादुर थापाले राम्चेढुंगाको विकासमा पहिले स्थानीय नै कस्सिनुपर्ने धारणा राखे। 'पर्यटनमा सबैको हातेमालो चाहिन्छ, राज्यका निकायले पनि लगानी बढाउनुपर्छ,' उनले भने, 'डीपीआरमा टेकेर पर्यटकीय पूर्वाधार खडा गरेमा राम्चेढुंगा जिल्लाकै आकर्षक गन्तव्यस्थल बन्छ।' उनले ‘डीपीआर’ कार्यान्वयनका लागि आर्थिक स्रोतको जोहो नै मुख्य चुनौती रहेको भन्दै वडाका तर्फबाट लगानी भित्र्याउन पहल गरिने प्रतिबद्धता जनाए। 

यसै पनि गलकोट र आसपासका आन्तरिक पर्यटकको रोजाइमा पर्ने गरेको राम्चेढुंगालाई बृहत्तर विकास गरी देशमै चिनाउने लक्ष्य केन्द्रले लिएको छ। राम्चेढुंगालाई पर्यटकीय लेक घुम्टेसँग जोड्ने गरी पदमार्ग पनि बनिरहेको छ। एकीकृत पर्यटन विकास योजनाले राम्चेढुंगाको मुहार फेरिनेमा स्थानीय आशावादी छन्। मध्यपहाडी पुष्पलाल लोकमार्गबाट पाँच किमी कच्ची सडकको मोटर यात्रामा राम्चेढुंगा पुग्न सकिन्छ। पैदलयात्रा गर्न रुचाउनले एक घण्टामा गन्तव्यस्थल पुग्न सक्छन्। 

त्यहाँ पुग्दा देखिने अन्नपूर्ण र माछापुच्छ्रे हिमशृङ्खलाले पर्यटकलाई आकर्षित गर्छ। गलकोट उपत्यका पनि राम्चेढुंगाबाट मनमोहक देखिन्छ। राम्चेढुंगा पुग्दा आसपासमा पर्ने गलकोट दरबार, गाईघाट झरना, खुला आधुनिक मूर्तिकला सङ्ग्रहालय लगायतलाई पनि गन्तव्य बनाउन सकिन्छ।


प्रकाशित: July 14, 2022 | 22:50:00 काठमाडौं, बिहीबार, असार ३०, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
गण्डकी

रोजगारी गुमाएकालाई अनुदानमा अटो रिक्सा

लामो समय विदेश बसेर कोरोना महामारीको समयमा घर फर्किएका बागलुङको बरेङ गाउँपालिका–१ धुल्लुबास्कोटका कुमार रानाले अहिले आफ्नै गाउँमा व्यवसाय गर्दै छन्। महामारीको समयमा रोजगारी गुमाएर घर फर्किएकालाई गाउँपालिकाले साथ दिएपछि रानाले गाउँमै व्यवसायी बन्ने अवसर पाएका हुन्।
नेपाल समय
गण्डकी

तनहुँमा दुई बालिकाल‍ाई बलात्कारको कसुरमा एकजनालाई १९ वर्ष कैद

तनहुँ जिल्ला अदालतले भानु नपा–३ माझीवनका ३३ वर्षीय रमेश तामाङलाई १९ वर्ष कैद र दुवै पीडित बालिकालाई एक-एक लाख क्षतिपूर्ति दिने फैसला सुनाएको छ।
नेपाल समय
गण्डकी

खगराज अधिकारी प्रतिनिधिसभामा पनि सिफारिस

नेकपा एमालेका संगठन विभाग प्रमुख खगराज अधिकारीको नाम कास्की क्षेत्र नम्बर १ बाट प्रतिनिधिसभा सदस्यमा सिफारिस भएको छ।
नेपाल समय
गण्डकी

पृथ्वीसुब्बा फेरि प्रदेशमै लड्ने, खगराज पनि प्रदेश झर्ने

नेकपा एमालेका केन्द्रीय उपमहासचिव एवं गण्डकी प्रदेशका संस्थापक मुख्यमन्त्री पृथ्वीसुब्बा गुरुङ फेरि प्रदेशसभामै चुनाव लड्ने भएका छन् भने गण्डकीकै खगराज अधिकारी पनि प्रदेशमा झर्ने भएका छन्।
नेपाल समय
गण्डकी

गण्डकीका पूर्वमुख्यमन्त्री गुरुङ फेरि प्रदेश सभामै चुनाव लड्ने

नेकपा एमालेका केन्द्रीय उपमहासचिव एवं गण्डकी प्रदेशका संस्थापक मुख्यमन्त्री पृथ्वीसुब्बा गुरुङ फेरि प्रदेश सभामा नै चुनाव लड्ने भएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना