बिहीबार, जेठ १२, २०७९

चामेको बागडोर दोस्रोपटक सम्हालेपछि घलेले भने– सबै काम पर्यटनसँग जोडेर गर्छु

नेपाल समय  |  काठमाडौं, शनिबार, वैशाख ३१, २०७९

नेपाल समय

नेपाल समय

शनिबार, वैशाख ३१, २०७९, काठमाडौं

नेपाल समय

काठमाडौं– मनाङको चामे गाउँपालिका अध्यक्षमा नेकपा एमालेका उम्मेदवार लोकेन्द्रबहादुर घले निर्वाचित भएका छन्। यसअघि पनि अध्यक्ष रहेका घलेले पुनः गाउँपालिकाको बागडोर सम्हाल्ने अवसर पाएका हुन्।  

चामेमा ६१० मत खसेकोमा उनले ३२० मत प्राप्त गरेका थिए। घलेले कांग्रेसका उम्मेदवार छिरिङ दोर्जे लामालाई ४१ मतले पराजित गरेका हुन्। गाउँपालिका उपाध्यक्षमा भने कांग्रेसका उम्मेदवारले जित हात पारेका छन्। 

०७४ को चुनावमा घले २१४ मत ल्याएर जितेका थिए। उनका निकटतम प्रतिद्वन्द्वी अनिता लामाले १७३ मत प्राप्त गरेकी थिइन्। यसपटक घलेले अघिल्लो चुनावमा भन्दा धेरै मत ल्याएका छन्।

चामे गाउँपालिका चीनको स्वशासित क्षेत्र तिब्बतसँग सीमा जोडिएको गाउँपालिका हो। चामेवासीको सांस्कृतिक जीवन पद्धतिमा तिब्बती प्रभाव पाइन्छ। चामे पर्यटकीय स्थल पनि हो। घले यसपटक अघिल्लो कार्यकालमा पूरा गर्न नसकेका काम गर्न चाहन्छन्। पर्यटन प्रवर्द्धन त छँदैछ, तातोपानी कुण्ड पुनर्निर्माण गर्नेलगायत थुप्रै योजना उनका छन्।

अध्यक्षमा निर्वाचित भएलगत्तै अध्यक्ष घलेले नेपाल समयसँग कुरा गर्दै आफ्ना योजना सुनाएका छन्। 

अघिल्लो पटक गरेको कामका कारण यस पटक पनि चामेवासीले मलाई मत दिनुभयो। चामेवासीहरुको सेवामा खटिने अर्को मौका दिनुभयो। सबै जनतालाई धन्यवाद छ। अब मैले एमालेको नभएर सबै जनताको अध्यक्ष भएर काम गर्नुपर्ने छ। चामेवासीको आर्थिक हैसियत उकास्न म काम गर्नेछु।

चामेवासीको प्रमुख आर्थिक स्रोत नै पर्यटन हो। हिमाली पर्यटकीय गन्तव्य धेरै छन्। तर, पर्यटकीय गन्तव्यहरूमा सहजै पुग्न सडक पूर्वाधारको विकास छैन। वर्षामा हिलाम्मे र हिउँदमा धुलाम्मे सडकहरू छन्। मेरो पहिलो प्राथमिकता नै सडक पूर्वाधारको स्तरोन्नति हो।

सुरुमा त म चामे–डुम्रे सडक र चामे–बेशींसहर सडक कालोपत्रे गर्नेगरी काम अघि बढाउँछु। अघिल्लो पटक पनि पूर्वाधार विकासमै मेरो ध्यान थियो। सडकको स्तरोन्नति भएपछि बिहान ६ बजे काठमाडौंदेखि बस चढ्दा दिउँसो २–३ बजे पर्यटक चामे आइपुग्छन्। त्यसपछि चामेमा पर्यटन व्यवसाय पनि राम्रो हुँदै जान्छ।

यहाँको समस्या बिजुलीबत्तीको पनि हो। मर्स्याङ्दी कोरिडोरको गाउँपालिका भएकाले बाढी पहिरोका कारण अवरुद्ध हुँदा बिजुलीको दिगो भर छैन। यसको व्यवस्थापनमा म जोड दिनेछु। अर्को कुरा, मैले यसअघि नै चामेमा बसपार्क बनाउने योजना अघि सारेको थिएँ। त्यसपटक जग्गा खरिद प्रक्रिया अघि बढाएँ। अब चामेमा व्यवस्थित सदरमुकाम बनाउने छु। सदरमुकाम भए पनि चामेमा व्यवस्थित बसपार्क नहुँदा सबैलाई मर्का परेको छ। 

प्राचीन बौद्ध गोन्पाहरूको संरक्षण, गोन्पा शिक्षा कार्यान्वयन, सरकारी विद्यालयलाई आवासीय बनाउनेदेखि शिक्षाको क्षेत्रमा धेरै काम गर्ने सोच छ। हेरौँ, कतिसम्म काम हुन्छ। विशेषगरी पर्यटनको विकास गर्न म लागिपर्नेछु। सबै कुरालाई पर्यटनसँग जोडेर हेर्छु।

पहिला पनि मैले गरेको भनेको, पर्यटन प्रवर्द्धनलाई नै विशेष प्राथमिकतामा राखेको थिएँ। प्रत्येक वडामा आधारभूत स्वास्थ्य चौकीहरु, बसपार्क, धुलाम्मे बाटोमा पिच गराउने काम गरेँ। अब संघीयता लागू भएपछिको कार्यकाल भएकोले गाउँपालिका भवनदेखि वडाका भवन बनाउनेसम्मका काममा ध्यान दिनुपर्र्छ।

यसपटक खेल मैदानहरुको पनि स्तरोन्नति गर्नु पर्नेछ। यसअघि हामीले तातोपानी कुण्ड पनि बनाएका थियौँ, त्यसलाई बाढीले बगायो। अब मैले त्यसलाई पुनर्निर्माण गर्ने योजना बनाएको छु। 


प्रकाशित: May 14, 2022 | 13:28:35 काठमाडौं, शनिबार, वैशाख ३१, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

धनगढीको गेटालाई अलपत्र पारेर देउवाको गृहजिल्लामा नयाँ मेडिकल कलेज किन?

आर्थिक वर्ष २०७३/०७४ बाट गेटामा कलेज निर्माण थालिएको थियो। मेडिकल कलेज पूर्वाधार निर्माण विकास समितिका कार्यकारी निर्देशक हेमराज पुजाराका अनुसार मेडिकल कलेजमा पूर्वाधार निर्माणको काम ९० प्रतिशत सकिएको छ।

स्थानीय सरकार हाँक्ने नारीशक्ति

अहिले चुनिएका महिला प्रमुख मध्ये कोही यसअघि पनि पालिका हाँकिसकेका छन्, कसैले उपप्रमुखको जिम्मेवारी सम्हालेका छन् भने कोहीले अघिल्लो निर्वाचनमा पराजय भोगेका थिए।

कोअर्डिनेटरले यौन दुर्व्यवहार गरेको भन्दै सेन्ट लरेन्स कलेजका विद्यार्थी आन्दोलित

कलेजकै कोअर्डिनेटर जनार्दन अधिकारीले कक्षा ११ को छात्राहरूमाथि यौन दुर्व्यवहार गरेको भन्दै विद्यार्थीले प्रदर्शन गरेका हुन्।

दमकको धक्काले झापामा हल्लिएन एमाले, माओवादी 'निल'

देशभर एमालेलाई बढार्न माओवादीलगायतका पाँच दलहरुलाई वैशाखी बनाएको कांग्रेसले कचनकवलमा भने राप्रपालाई पारस्त गर्न एमालेलाई वैशाखी बनायो। झापामा एमालेलाई परास्त गर्न राप्रपासँग पनि तालमेल भएको छ। यी तथ्यहरुलाई केलाएर हेर्दा दलका सिद्धान्त र विचारको सबैभन्दा ठूलो मजाक झापामा बन्‍यो।

काठमाडौंको १ लाख ३७ हजार मत गनियो, बालेनको फराकिलो अग्रता कायमै

स्थानीय तह सदस्य निर्वाचन २०७९ अन्तर्गत काठमाडौं महानगरपालिकामा करिब १ लाख ९० हजार मत खसेकोमा आज साँझसम्ममा १ लाख ३७ हजार ४५२ मत गनेर सकिएको छ।

भरतपुरको मतगणना स्थगित

एमालेका ती प्रतिनिधिलाई प्रहरीले नियन्त्रणमा लिएको र एमालेले उनको रिहाइ नभएसम्म मतगणना स्थगित भएको निर्वाचन अधिकृतको कार्यालयले जानकारी दिएको छ।

भरतपुरमा अब १४ हजार मत गन्न बाँकी, कसको मत कति?

रेनुले ४५ हजार ८८७ मत प्राप्त गर्दा नेकपा (एमाले)का विजय सुवेदीले ३४ हजार ९९३ मत प्राप्त गरेका हुन्। स्वतन्त्र उम्मेदवार जगन्नाथ पौडेलले १३ हजार ९३७ मत प्राप्त गरेको मुख्य निर्वाचन अधिकृतको कार्यालयले जनाएको छ।

राप्रपा बन्ला राष्ट्रिय दल?

स्थानीय निर्वाचनको लोकप्रिय मतमा नेपाली कांग्रेस, नेकपा एमाले, नेकपा माओवादी केन्द्र, नेकपा एकीकृत समाजवादी, जसपा, लोसपासँगै राप्रपा छ। राप्रपाले पाइरहेको मत हेर्दा अबको संघीय निर्वाचनबाट राष्ट्रिय पार्टी बन्ने सम्भावना देखिन्छ।

भलिबलमा भविष्य खोजिरहेका धीरज, जसलाई खेलबाटै देशको शीर उँचो पार्नु छ

१६ वर्षकै उमेरदेखि भलिबल खेल्न सुरु गरेका धीरजले राष्ट्रिय टिमको जर्सीमा खेल्ने सपना भने साकार पार्न सकेका छैनन्। तर, जीवनको एक कालखण्डमा राष्ट्रिय टिमको जर्सी लगाएर खेल्ने उनको सपना मजबुत बन्दै गइरहेको छ।

काठमाडौं महानगरमा १ लाख २८ हजार मतगणना हुँदा कसले कति पाए?

पछिल्लो गणनाअनुसार प्रमुख पदमा स्वतन्त्र उमेदवार बालेन्द्र साह (बालेन)को अग्रता थप फराकिलो बनेको छ। उनले ४३ हजार ८५० मत पाएका छन्।

थप समाचार

नेपाल समय
गण्डकी

एमालेका प्रतिनिधि नबसेपछि पोखरामा मतगणना रोकियो

पोखरा महानगरपालिकाको मतगणना रोकिएको छ।
नेपाल समय
गण्डकी

पोखराका दुईवटा वडामा पुनः मतगणना गर्न एमालेको माग

पोखरा महानगरपालिकाका दुई वटा वडाको पुनः मतगणना गर्नुपर्ने माग नेकपा एमालेले गरेको छ।
नेपाल समय
गण्डकी

पोखराका लागि यस्ता छन् धनराज आचार्यका योजना

कास्कीको पोखरा महानगरपालिकाको मेयरका उम्मेदवार धनराज आचार्यले पोखरालाई पर्यटनको राजधानी घोषणा गर्न सरकारसँग औपचारिक प्रस्ताव गर्ने बताएका छन्।
नेपाल समय
गण्डकी

व्यासमा कांग्रेसको किल्ला भत्काउन सकेन एमाले–स्वतन्त्र गठबन्धनले

तनहुँको व्यास नगरपालिका प्रमुखमा नेपाली कांग्रेसका उम्मेदवार वैकुण्ठनाथ न्यौपाने विजयी भएका छन्।
नेपाल समय
गण्डकी

पोखरामा नेकपा (एस) का आचार्य जित नजिक

पोखरा महानगरपालिकाको मतगणना करिब ७५ प्रतिशत सकिएको छ। मेयरमा सत्तारुढ गठबन्धनबाट मेयरका प्रत्यासी नेकपा एकीकृत समाजवादीका धनराज आचार्य झन्ड‌ै ३ हजार ३ सय मत नेकपा एमालेका कृष्ण थापाभन्दा अघि छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना