बिहीबार, माघ १९, २०७९

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

काशीराम बजगाई  |  काठमाडौं, सोमबार, मंसिर १२, २०७९

काशीराम बजगाई

काशीराम बजगाई

सोमबार, मंसिर १२, २०७९, काठमाडौं

नेपाल समय
गठबन्धनमा प्रधानमन्त्रीका आकांक्षी नेताहरू

काठमाडौं– गत साता आइतबार सम्पन्न प्रतिनिधिसभा र प्रदेशसभा निर्वाचनको अन्तिम मतपरिणाम आउने क्रममा छ। यसैबीच सरकार गठनका लागि विभिन्न घटकहरु छलफलमा जुटेका छन्। नेकपा एमालेका अध्यक्ष केपी शर्मा ओलीले गठबन्धन तोड्न नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डलाई फोन गरेर सहकार्यको प्रस्ताव राखेका छन्। बाम गठबन्धन र एमाले–कांग्रेस मिलेमतोको सरकार गठन असम्भव छैन, तर यसको सम्भावना कम छ। सत्ता साझेदार दलहरुबाटै सरकार निर्माणका लागि गठबन्धनको पहिलो प्रयास जारी छ।

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्। कांग्रेसबाट शेरबहादुर देउवासँगै रामचन्द्र पौडेल, गगनकुमार थापा, प्रकाशमान सिंह र शशांक कोइरालाले प्रधानमन्त्रीको आकांक्षा राखेका छन्। चुनावअघि नै ‘प्रधानमन्त्री कार्ड’ देखाएर चुनाव प्रचारमा लागेका महामन्त्री गगनले निर्वाचित भएलगत्तै संसदीय दलमा लड्ने घोषणा गरिसकेका छन्। उनलाई समर्थन गर्ने भनेका छन् अर्का महामन्त्री विश्वप्रकाश शर्माले। तर गगन कांग्रेसमा डा. शेखर कोइराला समूहका हुन्। डा शेखरले भने प्रधानमन्त्री बन्ने र संसदीय दलको नेता बन्ने बारेमा मुख खोलिसकेका छैनन्।

आकांक्षा राखेका अन्य नेताले पनि गगनबाहेकले संसदीय दलमा लड्ने घोषणा गरिसकेका छैनन्। जसकारण गगनलाई संसदीय दलको नेता बन्न त्यति सहज देखिन्न। यदि, देउवाइतरका सबै समूह एक भएर साथ दिने हो भने मात्रै गगन संसदीय दलको नेता बन्ने सम्भावना देखिन्छ। देउवा शक्ति सन्तुलनमा लागिसकेका छन्। संसदीय दलको नेता बन्नका लागि उनले समानान्तर पहल थालेका छन्। कांग्रेसको विधानअनुसार दलको नेता नै प्रधानमन्त्री बन्ने प्रावधान छ। देउवा एकपटक पुनः प्रधानमन्त्रीमा दोहोरिने मुडमा छन्।

रामचन्द्र पौडेलले पनि भावी सरकारको नेतृत्वका लागि छलफल सुरु गरेका छन्। पौडेलले शनिबार साँझ प्रधानमन्त्री शेरबहादुर देउवालाई बालुवाटार पुगेर भेटेका छन् भने नेता विमलेन्द्र निधिलाई आफ्नै निवास बोहराटारमा बोलाएर छलफल गरेका छन्। सरकारको नेतृत्व गर्ने विषयमा पार्टीका अरु नेताहरुसँग पनि पौडेलले छलफल गर्ने उनी निकट एक नेताले बताए।

प्रत्यक्षमा १० सिट जितेर समानुपातिकतर्फ ‘थ्रेसहोल्ड’ कटाउन संघर्ष गरिरहेको नेकपा एकीकृत समाजवादीका केही नेताले चुनावमा गठबन्धनबाट सहयोग नभएको बताइरहे पनि उक्त पार्टी पनि गठबन्धनलाई अघि बढाउनुपर्ने पक्षमा छ।

यता, माओवादी अध्यक्ष प्रचण्ड पनि सत्ता समीकरणका लागि सक्रिय भएका छन्। केही ठाउँको मतपरिणाम सार्वजनिक हुँदै उनी शुक्रबार नै डिल्लीबजार कारागारमा नागरिक उन्मुक्ति पार्टीका संरक्षक रेशम चौधरीलाई भेट्न पुगे। नयाँ दलका रुपमा उदाएको उन्मुक्तिसँग एक स्वतन्त्रसहितको ४ सिट छ। सरकार निर्माणमा नपुगेका सांसद जुटाउन प्रचण्डले उन्मुक्तिलाई पनि जोड्न सक्नेगरी मुभ चालेका हुन्। उसो त उन्मुक्ति रेशमको रिहाइको बार्गेनिङ गरेर सरकारमा जाने पक्का छ। ‘रेशम रिहाइ’को प्रमुख एजेण्डासहित उदाएको यो पार्टीको मागसँग थोरबहुत प्रचण्ड र कांग्रेससमेत सकारात्मक छ।

रेशमलाई भेटेलगत्तै शनिबार प्रचण्ड प्रधानमन्त्री देउवालाई भेट्न बालुवाटार पुगेका थिए। उक्त भेटमा दुईबीच गठबन्धनलाई नै अघि बढाएर सरकार बनाउने सहमति भएको छ। सरकार गठनका लागि गठबन्धनको बैठक बोलाउने समझदारी भएको छ। यता, प्रचण्डले रेशमसँग सरकारमा सहभागी हुन आग्रह गरेकोमा रेशम पनि सकारात्मक देखिएको उन्मुक्तिका एक नेताले बताए। समानुपातिकसहित गठबन्धनसँग बहुमत पुग्ने देखिएको छ, तथापि भर्खरै उदाएका नयाँ दललाई पनि सरकारमा सहभागी गराउने प्रयास गठबन्धनको छ।

प्रत्यक्षमा १० सिट जितेर समानुपातिकतर्फ ‘थ्रेसहोल्ड’ कटाउन संघर्ष गरिरहेको नेकपा एकीकृत समाजवादीका केही नेताले चुनावमा गठबन्धनबाट सहयोग नभएको बताइरहे पनि उक्त पार्टी पनि गठबन्धनलाई अघि बढाउनुपर्ने पक्षमा छ।

यता एमालेले गठबन्धन तोडेर आफ्नो सरकार बनाउने प्रयास गरेता पनि पहिलो तयारी गठबन्धन जोगाउने सत्ता साझेदार दलका नेताको छ। गठबन्धन सरकार बनेमा प्रधानमन्त्री को बन्ने भन्ने पक्का भइसकेको छैन। तर, पहिलो ठूलो दल बनेको कांग्रेस प्रधानमन्त्री छोड्ने पक्षमा देखिन्न। ‘गठबन्धनको बहुमत पुगेको छ, गठबन्धनकै सरकार बन्छ, यस विषयमा नेताहरुबीच छलफल हुन थालिसकेको छ। गठबन्धनका सबै नेताहरु काठमाडौं आएपछि बैठक बसेर बाँकी सहमति हुन्छ,’ कांग्रेस प्रवक्ता प्रकाशशरण महतले भने, ‘स्वभाविक नेतृत्व कांग्रेसको हो, नेतृत्व विवादको विषय नै भएन।’ उनले प्रधानमन्त्रीमा देउवा नै दोहोरिने संकेत गरे। प्रधानमन्त्रीका लागि कांग्रेसमा ५ आकांक्षी देखिँदा कांग्रेसले कसलाई अघि बढाउँछ भन्ने प्रश्नमा नेपाल समयलाई उनले भने, ‘आकांक्षा राख्न पाइयो, संसदीय दलको चुनावमा सहभागी भएर नेतृत्व लिन सकियो।’ 

यता माओवादी भने प्रचण्डलाई नै प्रधानमन्त्रीको रुपमा अघि सार्ने पक्षमा छ। चुनावअघिको सहमति स्मरण गर्दै माओवादी महासचिव देव गुरुङले भने, ‘यो परिवर्तनको संवाहक गिरिजाप्रसाद र प्रचण्ड दुई जना हो, गिरिजाप्रसाद नभएको अहिलेको अवस्थामा यो परिवर्तनको सम्भाहक र अभिभावक प्रचण्ड नै हो।’ उनले प्रचण्डलाई नै प्रधानमन्त्रीका रुपमा गठबन्धनमा पार्टीले अघि सार्ने बताए। यद्यपि, उनले सरकार गठनमा बाम गठबन्धनको सम्भावनाबारे पनि संकेत गरे। ‘सबै नतिजा आइसकेपछि सुरुमा दलहरुबीच र त्यसपछि अन्य दलबीच छलफल भएर मध्यस्थविन्दू पहिचान गरी त्यसअनुसार सरकार गठनको प्रक्रिया अघि बढ्छ,’ उनले भने, ‘अहिले छलफल नै नभइसकेकाले यही हुन्छ भन्न सकिन्न, बाम गठबन्धनबारे छलफल भएको छैन, कुराकानी भएपछि यो हुनसक्छ भन्न सकिएला, कुराकानी नै नभइकन यही हुन्छ भन्न सकिन्न।’

अहिलेको परिदृश्यमा सरकार निर्माणमा माओवादी निर्णायक देखिन्छ। कांग्रेसले प्रधानमन्त्री पदमा दाबी नछाडेमा माओवादीले गठबन्धन जोगाउन प्रधानमन्त्री छाड्छ वा अन्य समीकरण खोज्छ? यसको निर्णय पार्टीको आधिकारिक बैठकले गर्ने देखिएको छ।


प्रकाशित: November 28, 2022 | 09:11:16 काठमाडौं, सोमबार, मंसिर १२, २०७९

तपाईं को प्रतिक्रिया

ट्रेंडिंग

प्रमुख प्रशासकीय अधिकृतसहित ७ जनाविरुद्ध भ्रष्टाचार मुद्दा दायर

मुगुको सोरु गाउँपालिकाका तत्कालीन प्रशासकीय अधिकृत उपाध्याय, वडा नम्बर ६ का तत्कालीन वडा अध्यक्ष, सब इन्जिनियर, निर्माण उपभोक्ता समितिका अध्यक्षसहित सात जनाविरुद्ध फिल्ड निर्माण गर्ने क्रममा गलत प्रतिवेदन तयार गरेको आरोपमा मुद्दा दायर गरिएको हो।

सत्ता गठबन्धनको बेमेलले राजनीति १० पुसतिर फर्किने संकेत

सात दलीय सहमतिबमोजित नेकपा माओवादी केन्द्र र प्रधानमन्त्री प्रचण्डले रास्वपालाई गृह मन्त्रालय दिन अस्वीकार गरेपछि १० पुसमा बुनिएको बालकोटको राजनीतिक गाँठो क्रमशः खुइलिने वा फुक्लिने अवस्थामा पुगेको छ।

बालुवाटारमा प्रधानमन्त्री प्रचण्ड–ओलीबीच गठबन्धनको भविष्यबारे छलफल

नागरिकता प्रकरणमा गृहमन्त्रीबाट गलहत्याइएका लामिछानेले पुनः सोही पद पाउनुपर्ने अडान लिएपछि पछिल्लो समय गठबन्धनभित्र मतभेद बढ्दै गएको छ।

अन्ततः रविले नपाउने भए गृह मन्त्रालय

सर्वोच्च अदालतबाट लामिछानेको नागरिकतासम्बन्धी मुद्दा फैसलाको पूर्ण पाठ नआएसम्म गृह मन्त्रालयको नेतृत्व आफैंसँग राख्ने निर्णयमा प्रधानमन्त्री प्रचण्ड पुगेका हुन्।

सत्ता गठबन्धनमा टुटफुटको शृंखला, सरकार त्याग्ने रविको संकेत

प्रधानमन्त्री प्रचण्डले सत्ता साझेदार राष्ट्रिय स्वतन्त्र पार्टीको जिम्मामा परेको गृह मन्त्रालय सुम्पिन आनाकानी गरेसँगै केन्द्रमा पनि गठजोड भत्किने अवस्था आएको हो।

कति 'सेफ जोनमा' छन् रवि?

रवि लामिछाने सर्वोच्चको आदेशले वैधानिक नागरिक बने पनि जिल्ला प्रशासन कार्यालयमा राहदानीमाथिको छानबिन प्रकरण अझै नसकिएकाले राजनीतिक रुपमा 'सेफ जोनमा' छैनन्।

एकीकृत समाजवादीले प्रधानमन्त्रीलाई ज्ञापनपत्र बुझाउने

देशको आर्थिक अवस्था नाजुक भएको भन्दै एकीकृत समाजवादीले यसलाई सुधार्न प्रधानमन्त्रीको ध्यानाकर्षण गराउन लागेको हो।

सिंहदरबार ताक्ने रवि लामिछानेको योजनामा माओवादीको अवरोध

आइतबारको बालुवाटार जमघटमा एमाले अध्यक्ष केपी ओलीले गृहमन्त्रीमा लामिछानेलाई नियुक्त गर्न र गठबन्धनको मर्मअनुसार चल्न सुझाए पनि सोमबारको माओवादी पदाधिकारी बैठकले गृह मन्त्रालय नछाड्न र रविलाई गृहमन्त्री नबनाउन दबाब दिएपछि अलमलमा प्रधानमन्त्री प्रचण्ड।

प्रधानमन्त्रीलाई भेटेपछि गभर्नरसँग छलफल गरे मेयर बालेनले

निजी सम्पत्तिमा महानगरले क्षति पुर्‍याएको भन्दै आन्दोलनसमेत भइरहेको छ। यस्तो अवस्थामा मेयरले संघीय सरकारबाट हुनुपर्ने सहयोगको अपेक्षासमेत राखिरहेका छन्।

आत्मदाह प्रयास गरेका पुरुषलाई बचाउँदा घाइते भएकी महिलाको मृत्यु

पोखरा महानगरपालिका-१३ काहूँखोलामा आइतबार एक व्यापारिले आत्मदाह प्रयास गरे। घर वहालमा बसेका युवकले शरीरमा आगो लगाउन खोजेपछि घरबेटीले डेरावाल युवकलाई बचाउन खोजेकी थिइन्।

थप समाचार

नेपाल समय
राजनीति

सांसदलाई सभामुख, उपसभामुखको खबरदारी, जनताका प्रतिबद्धता नभुल्न गराए सचेत

सांसदहरुले जनप्रतिनिधि थलोमा भुइँतहका नागरिकको आवाज उठाउन छाडेका र संसदीय विधिलाई बाइपास गर्ने क्रम बढेसँगै प्रजातान्त्रिक मूल्य–मान्यता र अभ्यासबारे प्रशिक्षित गराइन लागेको हो।
नेपाल समय
राजनीति

विवादको चौघेरामा रवि, पार्टी र जनस्तरको विश्वास ओरालो लाग्दै

पत्रकार हुँदा विधि र पद्धतिको ठूलो वकालत गर्न खोज्ने रवि सरकारमा पुगिसकेपछि आफै विधि र पद्धतिको धज्जी उडाएको भन्दै सामाजिक सञ्जाल र नागरिक स्तरबाट आलोचना भइरहेको हो।
नेपाल समय
राजनीति

गृह मन्त्रालय रविलाई फिर्ता दिनुपर्छ : एमाले अध्यक्ष ओली

रास्वपाले गृह मन्त्रालय पाउँदा मन्त्री कसलाई बनाउने भन्ने विषयमा अन्य पार्टीले भाँजो हाल्न नहुने अध्यक्ष ओलीको बोली।
नेपाल समय
राजनीति

राष्ट्रपतिमा एमालेको उम्मेदवार नै सत्तापक्षको हो : ओली

नेकपा एमालेका अध्यक्ष केपी शर्मा ओलीले राष्ट्रपतिमा सत्तापक्षको उम्मेदवार नै एमालेको हुने बताएका छन्।
नेपाल समय
राजनीति

मेरो मौनता आजसम्मका लागि मात्र हो : रवि

रास्वपा अध्यक्ष रवि लामिछानेले आफ्नो मौनता आजसम्मका लागि मात्रै भएको बताएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना