सोमबार, मंसिर १९, २०७९

ओलीको 'कोर टिम' संसद्‍बाहिरै, विघटनमा साथ दिने अधिकांश नेता पराजित

काशीराम बजगाई  |  काठमाडौं, बिहीबार, मंसिर ८, २०७९

काशीराम बजगाई

काशीराम बजगाई

बिहीबार, मंसिर ८, २०७९, काठमाडौं

नेपाल समय

काठमाडौं– स्थिर सरकारको प्रतिवद्धतासहित नेकपा माओवादी केन्द्रसँग चुनावी तालमेल र त्यसपछि एकता गरी ०७४ मा नेकपा एमालेका केपी शर्मा ओलीको नेतृत्वमा नेकपाको बहुमत सरकार बन्यो। ०७४ फागुन ३ गते स्थिर सरकारको प्रतिवद्धता गरी उनी प्रधानमन्त्री बने तर उक्त कार्यकालमा ओलीले १८ पटक मन्त्रिपरिषद् पुनर्गठन गरे।

२०७७ पुस ५ गते उनले पहिलोपटक प्रतिनिधिसभा विघटन गरे। तत्कालीन नेकपा ७ जना मन्त्रीले राजीनामा दिए। प्रतिनिधिसभा विघटनको चौतर्फी विरोध र आलोचना भइरहँदा ओलीले भने चुनावी मन्त्रिमण्डल गठन गरे। जसमा उनले हरेक कदममा आफ्नो बचाउ गर्ने र गलत निर्णय गर्दा पनि साथ दिने नेताहरुलाई मन्त्री बनाए। ओलीको ‘किचेन क्याबिनेट’मा रहेर उनलाई सुझाव दिने विभिन्न क्षेत्रका व्यक्तित्वहरु, जसले संसद् विघटनमा उनलाई बलियो साथ दिएका थिए। ती अधिकांश नेताहररूलाई यसपटक जनताले अनुमोदन नगरी अस्वीकार गरेका छन्।

एमालेका महासचिव समेत रहेका ओलीका विश्वासपात्र शंकर पोखरेल दाङ २ मा पराजित भए। उनलाई नेकपा माओवादी केन्द्रकी रेखा शर्माले १९६ मतले पराजित गरिन्। शर्माले २६ हजार ८७७ मत पाउँदा पोखरेलको पक्षमा २६ हजार ८७७ मत खसेको थियो।

काठमाडौं ५ मा वरिष्ठ उपाध्यक्ष ईश्वर पोखरेल तनहुँबाट उम्मेदवार बन्न आएका प्रदीप पौडेलले पराजित गरेका छन्। पोखरेललाई पौडेलले ५ हजार बढी मतान्तरले हराए। यहाँ पौडेलले १५ हजार २३७ मत ल्याउँदा पोखरेललाई १० हजार १७५ प्राप्त भएको थिए। 

खोटाङमा एमालेका प्रमुख सचेतक विशाल भट्टराईलाई हराउँदै माओवादीका रामकुमार राई पासाङ निर्वाचित भएका छन्। भट्टराईलाई पासाङले २ हजार ६६९ मतले पराजित गरे। यहाँ पासाङले ३१ हजार ३५१ मत पाउँदा एमालेका भट्टराईले २८ हजार ६८२ मत प्राप्त गरे।

ओलीका अर्का चर्का समर्थक राजन भट्टराई काठमाडौं ४ बाट पराजित भए। उनलाई कांग्रेसका गगनकुमार थापाले करिब ८ बजार मतान्तरसहित हराएका हुन्। यहाँ थापालाई २१ हजार ३०२ मत प्राप्त हुँदा भट्टराईले १३ हजार ८५५ मत पाएका थिए।

यस्तै ओलीका अर्का विश्वास पात्र महेश बस्नेत पनि भक्तपुर २ मा पराजित भएका छन्। बस्नेतलाई कांग्रेसका दुर्लभ थापाले ८२३ मतले हराएका हुन्। यहाँ दुर्लभले २३ हजार ५०० मत पाउँदा बस्नेतले २२ हजार ६७७ मत पाएका थिए।

ओलीको ‘किचेन क्याबिनेट’मा रहेर उनलाई सुझाव दिने विभिन्न क्षेत्रका व्यक्ति, जसले संसद् विघटनमा उनलाई बलियो साथ दिएका थिए- ती अधिकांश नेताहररूलाई यसपटक जनताले अनुमोदन नगरी अस्वीकार गरेका छन्।

ओलीका कानूनी सल्लाहकार अग्नि खरेललाई कांग्रेसका विश्वप्रकाश शर्माले १५ हजारभन्दा बढी मतान्तरले हराए। एमालेको प्रभाव क्षेत्र मानिने र ०५६ यता निरन्तर जित्दै आएको यो क्षेत्रमा खरेलले २५ हजार ३४९ मत मात्रै पाए। उनलाई हराएका शर्माले ३९ हजार ६२४ मत ल्याएका थिए।

ओलीका कट्टर समर्थक ऐन महर बझाङमा पराजित भए। उनलाई नेकपा एकीकृत समाजवादीका भानुभक्त जोशीले १ हजार १ मतान्तरले हराए। यहाँ जोशीले २८ हजार ४१३ मत पाउँदा महरले २७ हजार ४१२ मत पाएका थिए।

ओलीको संसद् विघटनपछि पहिलोपटक मन्त्री बनेका गणेशसिंह ठगुन्ना पनि दार्चुलामा पराजित भएका छन्। उनलाई कांग्रेसका दिलेन्द्रप्रसाद बडूले २ हजार १३४ मतान्तरले हराए। बडूले २८ हजार ५१५ मत प्राप्त गर्दा ठगुन्नाले २६ हजार ३८१ मत पाए।

ओलीको संसद् विघटनलाई समर्थन गर्दै एमालेमै बसेका पूर्वमाओवादी खेमाका अधिकांश नेता पराजित भएका छन्। कैलाली ३ मा नागरिक उन्मुक्ति पार्टीका गंगाराम चौधरी निर्वाचित हुँदै गर्दा गौरीशंकर चौधरी प्रतिस्पर्धामै आउन सकेनन्। यहाँ गंगारामले २३ हजार १२० मत पाउँदा माओवादीका कृष्णकुमार चौधरीले १७ हजार ७४९ मत पाएका थिए। पूर्वमन्त्री गौरीशंकर ९ हजार ८७४ सहित तेस्रो स्थानमा सीमित भए।

यस्तै कैलाली ४ मा लेखराज भट्टलाई कांग्रेसका वीरबहादुर बलायरले पराजित गरे। यहाँ बलायरले २६ हजार १७१ मत पाउँदा एमालेका भट्टले २२ हजार ५८७ मत पाएका थिए। 

संसद् विघटनको पक्षमा खुलेर ओलीको समर्थन गने शेरधन राई, शान्ता चौधरी, कोमल वली, प्रदीप ज्ञवाली, भानुभक्त ढकाल, शेरबहादुर तामाङ र लालबाबु पण्डित पनि पछि परेका छन्। 

संसद् विघटनमा चर्को साथ दिने सूर्य थापा, टोपबहादुर रायमाझी, कृष्णगोपाल श्रेष्ठ किसानलगायतका नेताले भने जित निकालेका छन् भने गोकुल बास्कोटा, रघुवीर महासेठ, विष्णु पौडेल, जुलीकुमारी महतो र सुबास नेम्वाङले अग्रता कामय राखेका छन्।


प्रकाशित: November 24, 2022 | 19:31:41 काठमाडौं, बिहीबार, मंसिर ८, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
राजनीति

तत्काल गठबन्धनको विकल्प खोज्ने पक्षमा छैनौँ : माओवादी केन्द्र

पार्टी केन्द्रीय कार्यालय पेरिसडाँडामा आज बसेको पदाधिकारी बैठकले गठबन्धन फोड्ने वा तोड्ने पक्षमा नरहेको निष्कर्ष निकालेको हो।
नेपाल समय
राजनीति

बुटवलबाट प्रदेश राजधानी नसार्न माग गर्दै कांग्रेसले बुझायो ज्ञापनपत्र

काम चलाउ सरकारले कर्मचारी आवास, प्रदेशसभाका सांसद बस्ने पूर्वाधार नभएको स्थानमा जबर्जस्ती मन्त्रालय लैजाँदा प्रतिकूल असर पर्ने भन्दै राजधानी हतारमा नसार्न माग गरेको हो।
नेपाल समय
राजनीति

दोलखामा फेरि माओवादी उम्मेदवार कार्कीले लिए अग्रता

दोलखामा पछिल्लो मतपरिणाम अनुसार पुनः सत्ता गठबन्धनका तर्फबाट माओवादी केन्द्रका उम्मेदवार गंगा कार्कीले अग्रता लिएका छन्।
नेपाल समय
राजनीति

अन्तर्घात गर्नेको सूची केन्द्रमा पठाउन कांग्रेसको निर्देशन

नेपाली कांग्रेसले यही मंसिर ४ गते सम्पन्न प्रतिनिधिसभा र प्रदेशसभा सदस्य निर्वाचनमा पार्टीभित्र अन्तर्घात गरी असहयोग गर्नेको सूची केन्द्रमा पठाउन निर्देशन दिएको छ।
नेपाल समय
राजनीति

प्रहरीको मनोबल बढाउन सरकारले सहयोग गर्छ : गृहमन्त्री

नेपाल प्रहरी सिंहदरबार सुरक्षा गणका प्रहरी कर्मचारीसँग सामूहिक भोजनपछि आयोजित समारोहमा बोल्दै उनले प्रहरी अधिकृतहरुलाई पनि प्रहरीको मनोबल बढाउनका लागि आवश्यक कार्य गर्न निर्देशन दिएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना