शुक्रबार, मंसिर १६, २०७९

सरकारमाथि राष्ट्रपतिको हस्तक्षेप, क्याबिनेटका प्रस्ताव जानकारी गराउन पत्र

नेपाल समय  |  काठमाडौं, आइतबार, असोज ९, २०७९

नेपाल समय

नेपाल समय

आइतबार, असोज ९, २०७९, काठमाडौं

नेपाल समय

काठमाडौं- नेपालको संविधानले आलंकारिक राष्ट्रपतिको परिकल्पना गरे पनि पछिल्लो समय राष्ट्रपति विद्यादेवी भण्डारीले भने आफ्नो सक्रियता बढाउन थालेकी छन्। नेपालको संविधानको धारा ६६ को उपधारा २ मा राष्ट्रपतिले मन्त्रिपरिषद्को सिफारिस वा सम्मतिबाट मात्रै काम गर्ने उल्लेख गरिएको छ। 

'राष्ट्रपतिले यो संविधान वा कानुनबमोजिम अधिकारको प्रयोग वा कर्तव्यको पालना गर्दा यो संविधान वा संघीय कानुन बमोजिक कुनै निकाय वा पदाधिकारीको सिफारिसमा गरिने भनि किटानीसाथ व्यवस्था भएको कार्यबाहेक राष्ट्रपतिबाट सम्पादन गरिने अन्य जुनसुकै कार्य मन्त्रिपरिषद्‌को सिफारिस र सम्मतिबाट हुनेछ। त्यस्तो सिफारिस र सम्मति प्रधानमन्त्रीमार्फत पेस हुनेछ,' उक्त धारामा उल्लेख छ।  

संविधानमा राष्ट्रपतिलाई मन्त्रिपरिषद्‌ वा प्रधानमन्त्रीले दिएको कार्य मात्र गर्ने भन्‍ने उल्लेख गरे पनि राष्ट्रपति भण्डारीले भने सरकारमाथि नै हस्तक्षेप गर्न थालेकी छन्। राष्ट्रपति भण्डारीले मन्त्रिपरिषदका निर्णयबारे आफूलाई नियमित रुपमा जानकारी गराउन प्रधानमन्त्री तथा मन्त्रिपरिषद कार्यालयमा पत्रसमेत पठाएकी छन्। 

उनले पठाइको पत्रमा ‘मन्त्रिपरिषद बैठकको निर्णयबारे नियमित रुपमा जानकारी नगराइएको’ मा असन्तुष्टि व्यक्त गरिएको छ। ‘मन्त्रिपरिषदबाट हुने निर्णयबारे नियमित जानकारी गराइएन भन्‍ने राष्ट्रपतिको गुनासो रहेछ, त्यही अनुसार राष्ट्रपतिको कार्यालयले पत्र पठाएर चासो देखाएको हो। त्यो पत्र मुख्य सचिवज्यूसमक्ष पेस भएपछि के गर्ने टुंगो लाग्नेछ, तर अहिले मुख्यसचिवज्यू बिरामी भएर अस्पताल भर्ना भएकाले पत्र अघि बढेको छैन,’ प्रधानमन्त्री कार्यालय स्रोतले भन्‍यो।  

प्रधानमन्त्री कार्यालय स्रोतका अनुसार क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएकी हुन्। 

राष्ट्रपति कार्यालयले भने संविधानको धारा ८१ अनुसार राष्ट्रपतिले प्रधानमन्त्री कार्यालयलाई पत्र पठाएको दाबी गरेको छ। संविधानको धारा ८१ भनिएको छ, 'प्रधानमन्त्रीले देहायका विषयहरुमा राष्ट्रपतिलाई जानकारी गराउनेछ- मन्त्रीपरिषद्‌का निर्णय, संघीय संसद्‌मा पेश गरिने विधेयक, खण्ड क र ख मा उल्लिखित विषयमा राष्ट्रपतिले जानकारी मागेको अन्य आवश्यक विवरण र नेपालको समसामयिक परपस्थिति र वैदेशिक सम्बन्धका विषय।'

धारा ८१ को 'क'मा मन्त्रिपरिषद्‌को निर्णय जानकारी गराउने उल्लेख गरिएको छ। तर, प्रधानमन्त्री कार्यालय स्रोतका अनुसार क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएकी हुन्। 

यसअघि दुवै सदनले दुई-दुई पटक पारित गरेको नागरिकता विधेयकलाई प्रमाणीकरण नगरेर अस्वीकार गरेकी राष्ट्रपतिले फेरि सरकारसँग मन्त्रिपरिषद्‌मा पठाउने प्रस्तावबारे जानकारी गराउन माग गरेकी हुन्। यति मात्र नभएर राष्ट्रपति भण्डारी यसअघि सरकारको आग्रहलाई लत्याउँदै चिनियाँ कम्युनिस्ट पार्टीले आयोजना गरेको चीनको नयाँ सुरक्षा रणनीति मोडल ग्लोबल सेक्युरिटी इनिसियटिभ (जीएसआई) को बैठकमा सहभागी भएकी थिइन्। सरकारले भने नेपाल असंलग्‍न परराष्ट्र नीति अवलम्बन गर्ने भएकोले कुनै पनि मुलुकको सुरक्षा रणनीति बैठकमा सहभागी नहुने राष्ट्रपतिलाई सुझाएको थियो।

यो पनि


प्रकाशित: September 25, 2022 | 21:48:33 काठमाडौं, आइतबार, असोज ९, २०७९

तपाईं को प्रतिक्रिया

ट्रेंडिंग

काठमाडौं महानगरको प्रस्टीकरण : तीन निकायको सहकार्यमा अनधिकृत सुकुम्बासी बस्ती हटाउँछौं

राष्ट्रिय भूमि आयोगले काठमाडौं नगरभित्रका सुकुम्बासीको समस्या समाधान गर्न ढिलाइ गरेपछि आफैं अगाडि सर्नुपरेको प्रस्टीकरण काठमाडौं महानगरले दिएको छ।

समानुपातिकतर्फ १ करोड मतगणना हुँदा कुन दललाई कति?

निर्वाचन आयोगका अनुसार आज बिहान ९ बजेसम्म एक करोड आठ लाख दुई हजार ९०७ मतगणना भएको छ।

देशव्यापी सांगीतिक यात्रामा निस्किँदै नेपथ्य

देशको पूर्वी कुनादेखि पश्चिम कुनासम्म आफ्ना लोक–रक धुन सुनाउने योजनाका साथ नेपथ्य यसै साता काठमाडौंबाट बाहिरिने भएको हो।

असुरक्षित सडकको सिकार भएका महावीर

वैज्ञानिक समाजवादी पार्टीमा जोडिएपछि सेलिब्रेटी छविप्रतिको मोह घट्दै गएको थियो। समानता र विभेदको अन्त्य उनका अर्जुन दृष्टि थिए। उनको उद्देश्य र काम जात व्यवस्था अन्त्य गर्नेमा केन्द्रित थियो।

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।

धनुषा ४ मा कांग्रेसका यादवले ६८६ मतले लिए अग्रता

मतगणना जारी रहँदा नेपाली कांग्रेसका महेन्द्र यादवले आफ्नो अग्रता बढाउँदै लगेका छन्। मतगणनाको सुरुदेखि नै नेकपा (एमाले) रघुवीर महासेठले अग्रता लिएका थिए।

सरकार गठनको पहिलो प्रयास गठबन्धनले गर्ने, प्रधानमन्त्रीको दौडमा को–को?

सत्ता गठबन्धनकै सरकार बने प्रधानमन्त्री को? कांग्रेसभित्र कम्तीमा ५ आकांक्षी देखिँदा माओवादी अध्यक्ष प्रचण्ड पनि यसैको दौडधूपमा छन्।

धनुषा ४ मा रघुवीर महासेठलाई पछि पार्दै कांग्रेस उम्मेदवारको अग्रता

धनुषा ४ मा नेपाली कांग्रेसका उम्मेदवार महेन्द्र यादवले अग्रता लिएका छन्। आइतबार साँझबाट पछि परेका उनले पछिल्लो अपडेटअनुसार अग्रता कायम गरेका हुन्।

कर्जा-निक्षेप अनुपातमा राष्ट्र बैंक लचक

तोकिएको कर्जा–निक्षेप अनुपात नपुगे बैंक तथा वित्तीय संस्थालाई लाग्ने जरीवानालाई तरलता जोखिममा समेत आधारित हुने गरी पुनरवलोकन गर्न सकिने व्यवस्था गरी लचकता अपनााएको हो।

थप समाचार

नेपाल समय
राजनीति

प्रचण्ड निवास खुमलटारमा जितको बधाइ दिन रोक

चुनावमा उत्साह हुने परिणाम नआएको र दैनिक काममा समेत असर पर्ने देखिएपछि पार्टी कार्यकर्ता तथा शुभेच्छुकलाई बधाइ दिन खुमलटार निवास नआउन भनिएको हो।
नेपाल समय
राजनीति

देउवापछि प्रचण्डसँग राउतको भेटवार्ता, किन दौडधुपमा छन् सीके?

आवश्यक परेको खण्डमा संघीय सरकारमा सहभागी हुन सकिने तर मधेशको नेतृत्वमा जनमत पार्टीको दाबी रहेको उनको भनाइ छ।
नेपाल समय
राजनीति

गृहमन्त्री खाण र नेकपा प्रवक्ता प्रकाण्डबीच भेटवार्ता

भेटमा यसअघि सरकार र आफ्नो पार्टीबीच भएको सहमति कार्यान्वयन गर्न प्रकाण्डले आग्रह गरेका थिए। भेटमा पूर्वकानुन मन्त्री गोविन्द बन्दी, महान्यायाधिवक्ता खम्मबहादुर खाती र गृहसचिव विनोदप्रकाश सिंह पनि सहभागी थिए।
नेपाल समय
राजनीति

प्रधानमन्त्री र सीके राउतबीच भेटवार्ता, सत्ता सहकार्यबारे छलफल

बिहीबार दिउँसो आपसी सहकार्यको प्रस्ताव बोकेर राउत बालुवाटार पुगेका थिए। भेटमा नेपाली कांग्रेसका नेता विमलेन्द्र निधि र उपसभापति पूर्णबहादुर खड्का पनि सहभागी थिए।
नेपाल समय
राजनीति

झलनाथ खनाललाई जनमत स्वीकार्न एमालेको आग्रह

खनालले इलाम १ को निर्वाचन प्रक्रियामा प्रश्न उठाउँदै कर्मचारीसँग मिलेर आफूलाई हराएको बताएपछि एमालेले यस्तो चेतावनी दिएको हो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना