सोमबार, माघ २३, २०७९

यस्तो छ कांग्रेसभित्र समानुपातिक सूची निर्माणको अन्तरकथा

तीर्थराज बस्नेत  |  काठमाडौं, आइतबार, असोज ९, २०७९

तीर्थराज बस्नेत

तीर्थराज बस्नेत

आइतबार, असोज ९, २०७९, काठमाडौं

नेपाल समय
कांग्रेस सभापति शेरबहादुर देउवा र नेता शेखर कोइराला

काठमाडौं- सत्ताको नेतृत्व गरिरहेको दल नेपाली कांग्रेस निर्वाचनअघि विवादको भूमरीमा छ। मंसिर ४ गते हुने प्रतिनिधिसभा र प्रदेशसभा सदस्यको निर्वाचनका लागि निर्वाचन आयोगमा पेस भएको समानुपातिकतर्फको बन्दसूचीले कांग्रेसमा विवाद चर्किएको हो। संस्थापन समूहले समानुपातिकको बन्दसूचीमा एकलौटी गरेको भन्दै शेखर कोइराला समूह आक्रमक बनेको छ। 

शनिबार मात्रै खबरदारी सभा गरेर शेखर समूहले देउवा समूहलाई चेतावनी दिइसकेको छ। समानुपातिकतर्फ र प्रत्यक्षतर्फ ४०/४० प्रतिशत भाग दिनुपर्ने माग शेखर समूहको छ। ४० प्रतिशत भाग नदिए संघर्षमा उत्रने शेखर समूहको चेतावनी छ। निर्वाचन आयोगमा पेस गरिएको समानुपातिकतर्फको बन्दसूची सच्याएर आफूहरूलाई ४० प्रतिशतको ग्यारेन्टी गर्नुपर्ने देउवासँग शेखर समूहको माग छ। ४० प्रतिशत भाग आफूहरूलाई नदिए १ प्रतिशत पनि नचाहिने तर्क उक्त समूहले गरिरहेको छ। 

शनिवार खबरदारीसभामा बोल्दै शेखर समूहका नेता गुरुराज घिमिरेले भनेका थिए, '४० प्रतिशतको भाग खोज्ने प्रतिपादक तपाईं (देउवा) हो। हामी तपाईंकै बाटोमा छौं। कार्यकर्तालाई न्यायोचित अवसर चाहिन्छ। ४० प्रतिशतभन्दा १ प्रतिशत पनि हामीलाई मञ्जुर छैन। अब टुलुटुलु हेरिबस्दैनौं।'

निर्वाचन आयोगले असोज १६ गते सम्म बन्दसूची सच्चाउने समयसीमा तोकिदिएको छ। आयोगले दिएको समयसीमाभित्र बन्दसूची सच्चाउनुपर्ने अडानमा शेखर समूह छ। संस्थापन समूहले सूची नसच्याए संघर्षका कार्यक्रम अघि बढाउने चेतावनीसमेत दिएको छ। यसका लागि घेराबन्दीदेखि आमरण अनशनसम्मका कार्यक्रम तय गर्ने तयारी शेखर समूहको छ। 

नेपाल समय
शेखर समूहको खबरदारी सभा।

'हामी भरेभोलि समीक्षा गर्छौं। समानुपातिकको सूची नसच्चिए नेताहरुलाई अनुरोध गर्ने, खबरदारीसभा गर्ने त भइहाल्छ। त्यसबाहेक गठबन्धनको बैठक  र पार्टीको टिकट वितरण गर्ने संसदीय समितिको बैठक बसिरहेको बेला घेराउ र नाराबाजी गर्ने हो,' शेखर समूहका नेता मनोजमणि आचार्य भन्छन्, 'यति हुँदा पनि माग सम्बोधन नभए सानेपामा रिले अनशन र आमरण अनशन गर्नेसम्मका संघर्षका कार्यक्रम गर्न सक्छौं।'

शेखर समूहले  समानूपातिकको बन्दसूचीमाथि प्रश्न उठाएर संघर्षका कार्यक्रम तय गर्ने तयारी गरिरहँदा बन्दसूची कसरी तयार भयो? बन्दसूची बनाउने प्रकियामा को-को हावी भए र निर्वाचन आयोगसम्म पुग्दा के-के भयो? यो सामग्रीमा सोही विषयलाई केलाइएको छ।

देउवाले चालेको त्यो चुतर चाल
असोज ३ गते कांग्रेस समानुपातिकको बन्दसूची तयार गर्न पार्टीका पदाधिकारी, पूर्वपदाधिकारी र प्रभावशाली केन्द्रीय सदस्यको बैठक बोलाएको थियो। प्रधानमन्त्रीको सरकारी निवास बालुवाटारमा बिहान ८ बजेदेखि बैठक सुरु भयो। प्रधानमन्त्रीसमेत रहेका सभापति शेरबहादुर देउवाले बैठक नै सुरु नगरी भनेका थिए, 'साथीहरूले प्रदेशगतरुपमा छलफल गर्नुहोला। सहमति जुटाउनु होला। सहमति जुटेपछि निर्वाचन आयोगमा बन्दसूची बुझाउने हो। म चाहिँ संविधान दिवसको अवसरमा आयोजित कार्यक्रमतर्फ लागेँ।'

त्यसपछि देउवा टुँडिखेलतर्फ लागे। नेताहरु प्रदेशगत रूपमा समानूपातिकको बन्दसूची तयार गर्न छलफलमा जुटे। देउवा ११ बजे बालुवाटर फर्किएका थिए। तर जारी छलफलमा भने उनी उपस्थित भएनन्। जबकि छलफल अपराह्न ४ बजेसम्म चलेको थियो। 

नेपाल समय
प्रधानमन्त्रीसमेत रहेका कांग्रेस सभापति देउवा। आफूहरूलाई साइड लगाउने देउवाले कुटिल चाल चालेको ठहर शेखर कोइराला समूहको छ।

छलफल चलिहरँदा निर्वाचन आयोगमा बन्दसूची बुझाउन महामन्त्री विश्वप्रकाश शर्मा, सहमहामन्त्रीद्वय महालक्ष्मी उपाध्याय डिना र जीवन परियारलाई समानुपातिकको सूची बुझाउन निर्वाचन आयोग जान भनियो। उनीहरू निर्वाचन आयोग पुगे। निर्वाचन आयोगमा सहमहामन्त्री बद्री पाण्डे, सुदुरपश्चिम प्रदेशका सभापति वीरबहादुर बलायर र मधेस प्रदेशका सभापति कृष्ण यादव पनि निर्वाचन आयोग पुगेका थिए। 

समानुपातिकको सूची सभापति देउवाबाट अनुमोदन गराउने जिम्मेवारी मुख्यसचिव कृष्णप्रसाद पौडेलले पाएका थिए। पौडेल आयोग पुग्दा गण्डकी र लुम्बिनी प्रदेशसभाको मात्रै समानुपातिकको सूचीमा सहमति भएको थियो।

यता बालुवाटारमा नेताहरू प्रदेशसभाका समानुपातिक उम्मेदवार छान्न व्यस्त भए। उनीहरुले प्रतिनिधिसभाको बन्दसूचीबारे छलफल गर्ने समय नै पाएनन्। देउवाले नेताहरुलाई प्रदेशसभाको बन्दसूचीमा अलमल्याएर कसैलाई थाहै नदिई प्रतिनिधिसभाको बन्दसूची मुख्यसचिव कृष्णप्रसाद पौडेललाई निर्वाचन आयोगमा पेस गर्न पठाएको स्रोतको दाबी छ। 

समानुपातिकको सूची सभापति देउवाबाट अनुमोदन गराउने जिम्मेवारी मुख्यसचिव कृष्णप्रसाद पौडेलले पाएका थिए। पौडेल आयोग पुग्दा गण्डकी र लुम्बिनी प्रदेशसभाको मात्रै समानुपातिकको सूची सहमति भएको थियो।

सभापति देउवाले अधिकांश नेतालाई छलफलमा अलमल्याइदिएर निर्वाचन आयोगमा सूची दर्ता गराएको छनक शेखर समूहले ४ गते बिहान मात्रै पायो। निर्वाचन आयोगमा बुझाइएको बन्दसूचीमा संस्थापन समूहले गडबढ भएको छनक पाएपछि सहमहामन्त्री जीवन परियार बिहान ४ बजे आयोग पुगेका थिए। उनले दलित महिलातर्फ संस्थापन समूहले एकलौटी गरेपछि आफ्नो समूहका २ जनाको नाम समावेश गरेका थिए। दलित महिलातर्फको सूचीमा नेता मीन विश्वकर्मा हावी भएको सूचना परियारले पाएका थिए। 

समानुपातिकको सूची सभापति देउवाबाट अनुमोदन गराउने जिम्मेवारी मुख्यसचिव कृष्णप्रसाद पौडेलले पाएका थिए। पौडेल आयोग पुग्दा गण्डकी र लुम्बिनी प्रदेशसभाको मात्रै समानुपातिकको सूची सहमति भएको थियो।

बन्दसूचीमा शेखर समूहका सीता मिजार र कोपिला विकको नाम थपेका थिए। तर बन्दसूचीको सबै नाम परियारले हेर्न पाएनन्। स्रोतका अनुसार निर्वाचन आयोगका कर्मचार र कांग्रेसका मुख्यसचिव पौडेलले समय घर्कन लागेको भनेर परियारलाई बन्दसूची हेर्न दिएनन्। आयोगले ४ गते बिहान ७ बजे मात्रै बन्दसूची रुजु गरेर सकेको थियो। बन्दसूची रुजु गर्न निर्वाचन आयोगमा बसेका मुख्य सचिव पौडेलसहित कांग्रेस केन्द्रीय कार्यालयका कर्मचारी ४ गते केन्द्रीय कार्यालयमा थिएनन्। 

प्रदेशमा सहमहामन्त्री हाबी 
प्रदेशको समानुपातिकतर्फको बन्दसूची बनाउँदा सह-महामन्त्रीहरू हावी भएका थिए। प्रदेशसभापतिहरू बैठकमा सहभागी गराइएपनि सहमहामन्त्री हावी भएको छलफलमा सहभागी नेताहरुको दाबी छ। 

'प्रदेश सभापतिलाई बैठकमा सहभागी गराइयो। तर सह-महामन्त्रीहरु हामी हुनुभयो। हामीलाई त थपनाजस्तै बनाइयो,' बन्दसूची निर्माण प्रक्रियामा सहभागी एक प्रदेश सभापतिले भने। प्रदेश नम्बर १ मा भीष्मराज आङ्देम्बे, मधेस प्रदेशमा महेन्द्र यादव, बागमती प्रदेशमा महालक्ष्मी उपाध्याय डीना, गण्डकीमा जीवन परियार, लुम्बिनीमा किशोर सिंह राठौर र कर्णालीमा उपसभापति पूर्णबहादुर खड्का हाबी भएका थिए। कर्णाली प्रदेशबाट प्रतिनिधित्व गर्ने सहमहामन्त्री छैनन्।

सुदुरपश्चिममा भने सहमहामन्त्री बद्री पाण्डे बन्दसूची बनाउँदा सहभागी भएपनि प्रभावी हुन नसकेको स्रोतको दाबी छ। सो प्रदेशमा सभापतिपत्नी आरजु राणा र प्रदेशसभापति वीरबहादुर बलायर हावी भएका थिए।  

नेपाल समय
प्रधानमन्त्री एवम् सभापतिपत्नी डा आरजु राणा देउवा। समानुपातिक बन्दसूचीमा उनी हाबी भएको कांग्रेस नेताहरूको आरोप छ।
कुन प्रदेशको सूची कसरी बनाइयो? 
प्रदेश नम्बर १ प्रदेश सभाका लागि समानुपातिक बन्दसूची बनाउँदा शेखर कोइराला, कृष्ण सिटौला, सहमहामन्त्री आङ्देम्बे र प्रदेश सभापति उद्धव थापाबीच बालुवाटारमै छलफल भएको थियो। छलफलमा नेताहरूबीच सहमति पनि जुटेको थियो। तर उनीहरूबीचमा भएको सहमति अदलबदल भएको आरोप शेखर समूहले लगाएको छ। 'नेताहरुबीच सहमति भएको सूची बालुवाटार (आरजु राणा)ले अदलबदल गरिदिनुभयो,' शेखर समूहका एक नेता भन्छन्। 

मधेश प्रदेशको सूची तयार पार्न नेता विमलेन्द्र निधि, सहमहामन्त्री महेन्द्र यादव र प्रदेशसभापति कृष्ण यादवबीच छलफल भएको थियो। तर मधेश प्रदेशमा शेखर समूहका नेतालाई सूचीमा समावेश नगरिएको आरोप लागिरहेको छ।  

बागमती प्रदेशको बन्दसूची तयार प्रक्रिया अझ रोचक थियो। मकवानपुरको राजनीतिमा सह-महामन्त्री महालक्ष्मी उपाध्याय डिना र प्रदेशसभापति इन्द्र बानियाँबीच टकराव छ। जबकि दुवै नेता संस्थापन समूहका हुन्। उनीहरूबीचको टकराव बन्दसूची तयार गर्ने क्रममा पनि देखिएको छ।

बागमती प्रदेशको बन्दसूची तयार गर्ने क्रममा सहमहामन्त्री डिना, प्रदेशसभापति बानियाँ, नेताहरु प्रकाशमान सिंह र प्रकाशशरण महतबीच छलफल भएको थियो। बन्दसूची बुझाउन नेताहरु आयोग पुग्दा सहमति जुटिसकेको थिए। तर प्रदेशको सूची बालुवाटारभित्र सिंह, महत,  डिना र प्रदेश महामन्त्री राजु श्रेष्ठले तयार गरे। प्रदेशसभापति बानियाँलाई किनारामा पारियो। बालुवाटारभित्र बनेको सूची निर्वाचन आयोगमा बुझाइयो।

यसपछि प्रदेशसभापति बानियाँ र प्रदेश उपसभापति मोहन बस्नेत र केन्द्रीय सदस्य मोहनबहादुर बस्नेत असन्तुष्ट छन्। सिंहनिकट रहेका प्रदेश उपसभापति बस्नेत शनिबार भएको शेखर समूहको खबरदारीसभामा समेत उपस्थित थिए। डिना हावी हुँदा बानियाँ समेत असन्तुष्ट बनेका छन्। 

गण्डकी प्रदेशको सूची नेता रामचन्द्र पौडेल, उपसभापति धनराज गुरुङ, सहमहामन्त्री जीवन परियार, नेता गोपालमान श्रेष्ठ र प्रदेशसभापति शुक्रराज शर्माले बालुवाटारमा टुंग्याएका थिए। तर क्रम संख्या तलमाथि गर्न गोपालमानले दबाब दिइरहेका थिए। जसका कारणले धनराज र जीवन परियारले पौडेलको सहमति लिएर अलग्गै सूची लिएर निर्वाचन आयोग पुगेका थिए। र दुवै सूची हेरेर आयोगमै क्रम संख्या मिलाइएको एक नेताले जानकारी दिए। 

नेपाल समय
समानुपातिक सूची बोकेर निर्वाचन आयोग पुगेका महामन्त्री शर्मालगायत।

लुम्बिनी प्रदेशसभाको समानुपातिकतर्फको सूची सहमहामन्त्री किशोर सिंह राठौर, केन्द्रीय सदस्य एंव गृहमन्त्री बालकृष्ण खाण र प्रदेशसभापित अमरसिंह पुनले सिंहदरबार निजिकै रहेको होटल बसेरामा बसेर टुंगो लगाइसकेका थिए। बालुवाटार बैठकमा लुम्बिनी प्रदेशको सूचीका बारेमा औपचारिक छलफल मात्रै भयो। लुम्बिनीको बन्दसूचीमा खासै असन्तुष्टि रहेन। त्यसको कारण शेखर समूह निकट पुनलाई समेत निर्णय प्रक्रियामा सम्मानजनक भूमिका दिइयो। 

कर्णाली प्रदेशको सूची तयार पार्दा उपसभापति पूर्णबहादुर खड्का हावी देखिए। उनले कर्णाली प्रदेश सभापति ललितजंग शाही र केही केन्द्रीय सदस्यसँग खड्काले छलफल गरेका थिए। शेखर समूहका नेतालाई भने छलफलमा सहभागी गराइएन। खड्का हाबी भएको बन्दसूचीमा डमी नाम राखिएको आरोप शेखर समूहको छ। खड्काले सुर्खेत र त्यसमा पनि आफ्नो निर्वाचन क्षेत्रका बाहुल्य नेताको नाम बन्दसूचीमा राखेको ती शेखर समूहको आरोप छ। 

'समीर विक्रम बीसी भनेर नाम राखिएको छ। हाम्रो बुझाइमा उहाँ डम्बरविक्रम बीसी हो। सुशील बमको नाम देखियो। उहाँ सुशीला बम हो। सीतादेवी वली भनिएको छ। हाम्रो अनुमानमा उहाँको नाम सीता ओली हो। भलीमाया बुढा भनिएको छ। जुन मान्छे अहिलेसम्म हामीले चिनेका छैनौं,' शेखर समूहका एक नेता भन्छन्, 'यी उदाहरण मात्रै हुन्। सुर्खेत-१ का मात्रै ३ जनाको नाम सूचीमा छ। १६ जनामध्ये १५ जनाको नाम सही छैन।'

सुदुरपश्चिम प्रश्चिम प्रदेशको बन्दसूची तयार पार्दा नेताहरु एनपी साउद र रमेश लेखकलाई समेत 'बाइपास' गरिएको छ। बालुवाटारमा बन्दसूचीबारे छलफल हुँदा साउद सुदुरपश्चिमबाटै प्रतिनिधित्व गर्ने एक केन्द्रीय सदस्यलाई फोन गरेर सोध्दै थिए, 'बन्दसूचीबारे छलफल भइरहेको छ भन्ने सुनेँ। तपाईंलाई बोलाएको छ?' जवाफमा ती केन्द्रीय सदस्यले भने, 'मलाई पनि बोलाइएको छैन।' सुदुरपश्चिमको बन्दसूची आरजु र प्रदेशसभापति बलायरले तयार पारेको स्रोतको दाबी छ। छलफलमा समेत सहभागी नगराइको भन्दै साउद र लेखक समेत असन्तुष्ट बनेका छन्।  

रुष्ट गगन, बोलाउँदा पनि गएका छैनन् बालुवाटार
महामन्त्री गगन थापा सिट बाँफाँट समिति र कांग्रेसको समानुपातिक उम्मेदवार छनौटप्रति असन्तुष्टि जनाउँदै गठबन्धनको बैठकमा जान छाडेका छन्। आइतबार पनि सिट बाँडफाँट कार्यदलको बैठक भएको थियो। आइतबार पनि बैठकमा सहभागी नभएका गगन त्यसअघिका तीन वटा बैठकमा सहभागी भएका छैनन्।
नेपाल समय
महामन्त्री गगन थापा। देउवा पक्षले समानुपातिक बन्दसूचीमा एकलौटी गरेको भन्दै असन्तुष्ट उनी पछिल्लो समय गठबन्धन कार्यदलको बैठकमा पनि जान छोडेका छन्।
उनलाई सिट बाँटफाँट कार्यदलका सदस्यसमेत रहेका सरकारका प्रवक्ता ज्ञानेन्द्रबहादुर कार्कीले २ पटक फोन गरेर बैठकमा सहभागी हुन अनुरोध गरेका थिए। तर गगनले आफू बैठकमा उपस्थित नहुने जवाफ फर्काएका छन्। 

'पार्टीको आन्तरिक छलफलमा सभापतिले समय दिनुभएको छैन। यो भनेको हामीलाई अपमान गरेको महसुस भएको छ। त्यसकारण म बैठकमा आउँदिनँ,' थापाको भनाइ उद्धृत गर्दै स्रोतले भन्यो, 'मलाई टिकट नदिएपनि हुन्छ। साथीहरुलाई न्याय गर्नुहोला। कांग्रेसलाई जिताउन म देशभर हिँड्नेछु। तर १०० सिटभन्दा तल गठबन्धनमा सहमति नगर्नुहोला।'

गगनले समानुपातिकतर्फ शेखर समूहबाट ४४ जनाको नाम पढेर पदाधिकारी बैठकमा सुनाएका थिए। गगनले पढेका हरेक नाममा सभापति देउवा सकारात्मक देखिएका थिए। सूची मागेका थिए। तर गगनसँग मागेर देउवाले खल्तीमा हालेको सूची बाहिर भने ननिस्किएको शेखर समूहका एक पदाधिकारीले जानकारी दिए। जसका कारण थापा सभापति देउवासँग रुष्ट बनेका छन्। 


प्रकाशित: September 25, 2022 | 16:18:18 काठमाडौं, आइतबार, असोज ९, २०७९

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
राजनीति

राजीनामा बुझाएका रास्वपाका तीन मन्त्रीहरुले आज पत्रकार सम्मेलन गर्दै

सोमबार दिउँसो ३ बजे रास्वपाको केन्द्रीय कार्यालयमा उनीहरुले पत्रकार सम्मेलन गर्ने भएका हुन्।
नेपाल समय
राजनीति

प्रधानमन्त्रीले दलका प्रमुख सचेतकहरुसँग छलफल गर्दै

सोमबार बिहान ९ बजे बालुवाटारमा बस्ने बैठकमा प्रतिनिधिसभाको विजनेसका विषयमा छलफल हुने प्रधानमन्त्रीको सचिवालयले जनाएको छ।
नेपाल समय
राजनीति

रविले संयम गुमाएर अभिव्यक्ति दिए: पत्रकार महासंघ

आइतबारको पत्रकार सम्मेलनमा लामिछानेले नेपाली सञ्चारक्षेत्रप्रति आधारहीन र पूर्वाग्रही आरोप लगाएको भन्दै महासंघले धम्किपूर्ण अभिव्यक्ति दिनु प्रेस तथा अभिव्यक्ति स्वतन्त्रतामाथिको गम्भीर प्रहार भएको बताएको छ।
नेपाल समय
राजनीति

स्वतन्त्र पार्टीका तीन मन्त्रीले बुझाए राजीनामा

श्रम, रोजगार तथा सामाजिक सुरक्षामन्त्री डोलप्रसाद अर्याल, शिक्षा, विज्ञान तथा प्रविधिमन्त्री शिशिर खनाल र स्वास्थ्य तथा जनसंख्या राज्यमन्त्री डा. तोसिमा कार्कीले प्रधानमन्त्री निवास बालुवाटारमा पुगेर राजीनामा दिएका हुन्।
नेपाल समय
राजनीति

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना