सोमबार, असोज १०, २०७९
नेपाल समय

संघीय चुनावबाट किन पछि हटे महरा?

नवीन अभिलाषी  |  काठमाडौं, मंगलबार, असोज ४, २०७९
नवीन अभिलाषी

नवीन अभिलाषी

काठमाडौं, मंगलबार, असोज ४, २०७९

नेपालगन्ज– नेकपा माओवादी केन्द्रका प्रवक्ता कृष्णबहादुर महराको आधार इलाका हो, रोल्पा र दाङ। रोल्पाबाट राजनीतिक जीवन सुरु गरेका महराले दाङको पनौरा क्षेत्रमा घर बनाएका छन्।

२०४८ र २०७० मा रोल्पाबाट निर्वाचन जितेका महरा २०६४ र २०७४ मा दाङबाट निर्वाचित भएका थिए। अहिले महराको निर्वाचन क्षेत्र भनेर दाङको क्षेत्र– २ लाई लिइन्छ। 

संविधान जारी भएपछि २०७४ को प्रतिनिधिसभामा वाम गठबन्धनका तर्फबाट दाङ क्षेत्र नम्बर २ बाट निर्वाचन जितेका महराले यस पटक नेकपा एमालेका शंकर पोख्रेलको सामना गर्नेछन् भन्ने आकलन थियो। तर माओवादी उपाध्यक्ष महरा समानुपातिकको सहज यात्रालाई रोज्न पुगेका छन्।

सोमबार निर्वाचन आयोगमा बुझाइएको समानुपातिक सूचीमा खस आर्य समुदायका तर्फबाट महराको नाम पहिलो नम्बर रहेका परेको छ। दाङको क्षेत्र–१ र २ तथा रोल्पाबाट प्रतिनिधिसभामा उम्मेदवार सिफारिस भएका उपाध्यक्ष महराले अन्त्यमा आएर समानुपातिकतर्फको बन्द सूचीमा किन नाम लेखाए? अहिले दाङ र रोल्पाको उनको निर्वाचन क्षेत्रसहितका कार्यकर्तासमेत आश्चर्यमा परेका छन्। महरा दाङको क्षेत्र–२ मा गठबन्धनबाट समेत सर्वसम्मत छानिएका उम्मेदवार थिए। 

दाङको क्षेत्र–१ र २ तथा रोल्पाबाट प्रतिनिधिसभामा उम्मेदवार सिफारिस भएका उपाध्यक्ष महराले अन्त्यमा आएर समानुपातिकतर्फको बन्द सूचीमा किन नाम लेखाए? यतिबेला दाङ र रोल्पा दुवै क्षेत्रका कार्यकर्ता आश्चर्यमा परेका छन्।

एमाले महासचिव पोखरेलसँग प्रतिस्पर्धा गर्न नसकेर महराले समानुपातिकबाट सुरक्षित स्थान बनाउन चाहेको टिप्पणी गरिएको छ। ‘महरा रोल्पाबाट सिफारिसमा परे पनि उनले त्यहाँबाट टिकट पाउन सक्ने सम्भावना थिएन,’ नेकपा माओवादी केन्द्र दाङका एक पदाधिकारीले भने, ‘महराको तत्कालका लागि सम्भावना भएको निर्वाचन क्षेत्र  दाङ हो। तर गठबन्धन दलभित्रको बाँडफाँटमा महराले यो निर्वाचन छाड्नुपर्ने भएको हामीले सूचना पाएका छौं।’  

रोल्पामा अन्य नेताहरूलाई छाड्नु परेकाले समानुपातिकको सहज बाटो रोजेको माओवादी नेताहरू नै बताउँछन्। वाम गठबन्धनमा भारी मतले जितेका महरालाई त्यसपछिको राजनीतिक चरित्रमा लागेको आरोप र उनको निर्वाचन क्षेत्रमा पनि नेकपा माओवादी केन्द्रको पकड कमजोर बन्दै गएका कारण मनस्थिती बदलिएको दाङमा विश्लेषण हुने गरेको छ। महराको आफ्नै क्षेत्रमा रहेका धेरै माओवादी नेता–कार्यकर्ताले साथ छाडेका छन्। 

महराले सबैको नेता हुन समानुपातिक प्रणाली जान लागेको प्रस्टीकरण दिइसकेका छन्। धेरै ठाउँबाट उठ्नुपर्छ भनेर प्रस्ताव आएकाले सबैको हुन समानुपातिकमा बसेको महराको तर्क छ। संसदीय अनुभव बटुलिसकेका महराले दिएको प्रस्टीकरणभन्दा वास्तविक अवस्था भने फरक छ।  

महरालाई संसद् सचिवालयकी एक कर्मचारीले बलात्कारको आरोप लगाएपछि उनको राजनीतिक उचाइको गतिमा ब्रेक लागेको थियो। पछि शाहीकै बयानलाई मुख्य आधार मान्दै काठमाडौं जिल्ला अदालतले महरालाई सफाइ दिए पनि यो विषय निर्वाचनका बेला फेरि सतहमा आउने भय थियो। सोही  प्रकरणका कारण अहिले दाङमा महरालाई नैतिक रूपले निर्वाचनमा होमिन सकस परेको नेताहरूको विश्लेषण छ। 

महरा प्रत्यक्षतर्फबाट साइड लाग्नुको कारण उनको निर्वाचन क्षेत्रमा माओवादी कमजोर छ भने गठबन्धनभित्र तीव्र बेमेल छ। यो विषय यसअघिकै स्थानीय तह निर्वाचनमा छताछुल्ल भइसकेको छ। गठनबन्धनका तर्फबाट निर्वाचन क्षेत्रमा पर्ने घोराही उपमहानगरको मेयरका उम्मेदवार माओवादी केन्द्रका हेमराज शर्मा अन्तर्घातकै कारण एक्लो एमालेका उम्मेदवार नरुलाल चौधरीसँग पराजित भएका थिए। 

वाम गठबन्धनमा भारी मतले जितेका महरामाथि राजनीतिक चरित्रमा लागेको आरोप र उनको निर्वाचन क्षेत्रमा पनि माओवादी केन्द्रको पकड कमजोर बन्दै गएका कारण मनस्थिति बदलिएको दाङमा विश्लेषण।
कमजोर बन्दै गएको माओवादीलाई गठबन्धनकै बलियो कांग्रेसले साथ दिँदैन भन्ने आशंका यस पटक पनि कायमै रहेकाले महरालाई प्रत्यक्ष निर्वाचन जित्न चुनौती थियो। 

महराले प्रत्यक्ष निर्वाचनबाट हात झिक्नुको पछि अर्को कारण हो, शंकर पोख्रेलको विरासत। हेभिवेट नेताको छवि बनाएर गत निर्वाचनमा होमिएका यी दुई नेताहरूबीचमै प्रतिस्पर्धा हुने आकलन गरिएको राजनीतिक वृत्तमा चर्चाको कोण परिवर्तन भएको छ। एमाले महासचिवसमेत रहेका पोखरेलले लुम्बिनी प्रदेशको मुख्यमन्त्री रहँदा गरेका विकास र कार्यकर्ताको सेवा, संरक्षण गरेकाले पार्टी बलियो बनेको एमालेकै नेताहरू बताउँछन्।

‘अहिले महरा कमजोर छन् राजनीतिमा। उनीसँग शंकर पोख्रेलको जनमत बढी हुने स्वाभाविकै छ। त्यसैले महराले पोखरेललाई मार्ग प्रशस्त गरेको हुनुपर्छ,’ एमालेका एक नेताले भने। 

२०४८ सहित अहिलेसम्म चार वटा निर्वाचन जितेका महरा पार्टीभित्र हाल बलियो र प्रभावशाली नेताको छविलाई कायमै राखेका नेता हुन्। ६ पटक मन्त्री र एक पटक सभामुख भएका महराले अहिले निर्वाचनमा पोखरेललाई मार्ग प्रशस्त गरिदिएपछि एमाले नेता, कार्यकर्ताहरू भने उत्साहित छन्। राजनीतिक विरासत, निर्वाचनको रणनीति निर्माणदेखि सबै प्रकारले पोखरेललाई अप्ठेरोमा पार्न सक्ने प्रतिस्पर्धीको रूपमा महरालाई हेर्दै आएका बेला अचानक साइड लाग्नुले पोखरेलको समूह उत्साहित हुनु स्वाभाविकै भएको माओवादी दाङका एक नेताले बताए। 

अब दाङ क्षेत्र नम्बर २ बाट प्रतिनिधिसभाका लागि स्थायी कमिटी सदस्य रेखा शर्माको सम्भावना धेरै रहेको पार्टी नेताहरूले बताएका छन्। दाङ क्षेत्र नम्बर २ बाट महरा र शर्मासँगै निर्मल आचार्यको नाम पनि सिफारिस भएको थियो।

तपाईं को प्रतिक्रिया

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
राजनीति

प्रचण्ड भन्छन्- म प्रधानमन्त्रीको रेसमा छैन

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्रीको रेसमा नरहेको बताएका छन्।
नेपाल समय
राजनीति

भक्तपुर-१ मा ढुक्क नेमकिपा, २ मा एमाले र कांग्रेसको 'भाले भिडन्त'

२०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएको क्षेत्र हो भक्तपुर–२। नत्र भक्तपुर १ नेमकिपाको र भक्तपुर २ कांग्रेसको पेवा जस्तै थियो। एमालेका महेश बस्नेतले ३६ हजार ४ सय १२ मत ल्याएर जित्दै गर्दा निकटतम प्रतिद्वन्द्वी नेपाली कांग्रेसका दमननाथ ढुंगाना १८ हजार ६ सय ८७ मत ल्याएर पराजित भएका थिए।
नेपाल समय
राजनीति

सरकारमाथि राष्ट्रपतिको हस्तक्षेप, क्याबिनेटका प्रस्ताव जानकारी गराउन पत्र

प्रधानमन्त्री कार्यालय स्रोतका अनुसार राष्ट्रपतिले पत्रमार्फत् भने राष्ट्रपतिले क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएको छ।
नेपाल समय
राजनीति

संघीय संरचना अनुरुप विकास हुन सकेन : राज्यमन्त्री श्रेष्ठ

देशको आर्थिक अवस्था अहिले पनि दयनीय रहेको उल्लेख गर्दै रेमिट्यान्सबाट पैसा आएन भने राज्य सञ्चालन गर्न गाह्रो हुने उनको भनाइ थियो।
नेपाल समय
राजनीति

आचारसंहिता व्यवहारिक बनाउन दलहरुको सुझाव, प्रधानमन्त्री देउवाले पनि आयोग पुगेर गरे हस्ताक्षर

आगामी मंसिरमा हुने प्रतिनिधिसभा र प्रदेशसभाको निर्वाचनको आचारसंहितामा हस्ताक्षर गर्न निर्वाचन आयोग पुगेका दलका नेताहरुले उम्मेदवारले गर्ने निर्वाचन खर्च, प्रचारप्रसारको समय सीमा लगायतका विषयलाई समय सुहाउँदो र व्यवहारिक बनाउन सुझाव दिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना