सोमबार, असोज १०, २०७९

यी कांग्रेस नेता जो अहिले गुमनाम छन्

खिला कार्की  |  काठमाडौं, शनिबार, साउन २८, २०७९

खिला कार्की

खिला कार्की

शनिबार, साउन २८, २०७९, काठमाडौं

नेपाल समय

काठमाडौं- कुनै समय नेपाली कांग्रेसको राजनीतिमा केन्द्रमा रहने नेताहरु अहिले गुमनाम  जस्तै छन्। पार्टीको राजनीति र राज्यसत्ता सञ्‍चालनमा समेत निर्णायक हुने नेताहरु अहिले कहाँ के गर्दै छन् भन्‍ने विषयमा कांग्रेस नै बेखबरजस्तो बनेको छ। ती गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।  

तारानाथ रानाभाट 

कांग्रेस महामन्त्री भइसकेका रानाभाट २०५८ जेठ १९ को दरबार हत्याकाण्डको समयमा दिएको अभिव्यक्ति कारण विवादमा तानिएका थिए। रानाभाटले विगतमा कानुन मन्त्रालयको जिम्मेवारी सम्हालेका थिए। २०६१ माघ १९ को शाही घोषणालाई ‘कू’ भन्दै कांग्रेस लगायतका दलहरु सडक संघर्षमा उत्रिएका बेला रानाभाट भने सडकमा उत्रिएनन्। उनी सडकमा नउत्रिएपछि त्यतिबेलाका उपसभामुख चित्रलेखा यादवले रत्‍नपार्कमा सडकमै संसद चलाएकी थिइन्। रानाभाट पार्टीमा गिरिजाप्रसाद कोइरालाको टिममा थिए। रानाभाट अहिले राजनीतिको चर्चामा छैनन्। 

केबी गुरुङ 

पूर्वमहामन्त्री केबी गुरुङ कुनै समय गिरिजाप्रसाद कोइराला खेमाका बलिया नेता हुन्। उनी शिक्षामन्त्री पनि भएका थिए। नेता भीमबहादुर तामाङको निधनपछि गुरुङ जनजातिका उपल्लो नेता मानिन्छन्। नेता गुरुङले २०६४ को चुनावपछि पहिलो संविधान सभाको बैठकको ज्येष्ठ सदस्यका नाताले अध्यक्षता गर्दै राजतन्त्र अन्त्य र गणतन्त्रको घोषणा गरेका थिए। गिरिजाप्रसादको समूहमा रहेका नेता गुरुङ कोइरालाको निधनपछि शेरबहादुर देउवाको टिममा जोडिए। तर, २०७४ सालको प्रतिनिधि सभाको निर्वाचनमा न त उनले टिकट पाएन न समानुपातिक कोटामा सांसद नै बने। सांसद नपाएपछि देउवासँग रुष्ट भएका गुरुङ पार्टी राजनीतिमा सक्रिय छैनन्। 

लक्ष्मण घिमिरे 

नेपाली कांग्रेसको प्रमुख सचेतक भइसकेका अर्का नेता लक्ष्मण घिमिरे पनि गिरिजाप्रसाद कोइरालाका विश्वास पात्र थिए। संसदमा घिमिरेको प्रस्तुतिले विपक्षीलाई कडै झड्का दिने गर्दथ्यो। तार्किक र दर्बिलो प्रस्तुती गर्ने घिमिरेले संसद्‌मा कांग्रेस प्रमुख सचेतकको निर्वाह गरेको भूमिका कांग्रेसजनमात्र होइन, विपक्षीहरु समेत सम्झन्छन्। उनले गिरिजाप्रसाद कोइरालाको मन्त्रिमण्डलमा जलस्रोत मन्त्रालयको जिम्मेवारी सम्हालेका थिए। तर, पछिल्लो समय उनी पनि त्यतिधेरै सक्रिय छैनन्। तर अहिले पनि घिमिरे राजनीति विषयमा सामाजिक सञ्‍जालमा आफ्ना टिप्पणी गरिरहेका हुन्छन्। घिमिरे अहिले बन्‍न लागेको पाँच दलीय गठबन्धनका विपक्षमा कडा टिप्पणी गरिरहेका हुन्छन्।

बलदेव शर्मा मजगैया 

उतिबेला गिरिजाप्रसाद कोइरालासँग निकट रहेका कांग्रेसका इमान्दार नेता बलदेव शर्मा मजगैंया पनि अहिले कांग्रेसको राजनीतिभन्दा टाढा छन्। कोइराला प्रधानमन्त्री हुँदा जलस्रोत मन्त्री भएका मजगैंया अहिले सहित्यमा बढी सक्रिय छन्। पुस्तक लेखन तथा साहित्यिक कार्यक्रममा अलिक बढी सक्रिय छन्। लोकमानसिंह कार्कीलाई जलस्रोत मन्त्रालयको सचिव बनाउन तत्कालीन प्रधानमन्त्री कोइरालाले दबाब दिएपछि मजगैंयाले मन्त्री पदबाटै राजीनामा दिएका थिए। उनले राजीनामा दिएपछि कोइरालाले लोकमानलाई मन्त्रालयको सचिव बनाएका थिए। मन्त्री पदबाट राजीनामा दिएपछि मजगैंया कोइरालासँग टाढिएनन् मात्रै कांग्रेसको राजनीतिबाट नै टाढिए। अहिले पनि उनी कांग्रेसको राजनीतिदेखि टाढै छन्। 

विनयध्वज चन्द 

गिरिजाप्रसाद कोइरालको समूहमा रहेका  सुदूरपश्चिमका अर्का नेता विनयध्वज चन्द पनि गुमनाम छन्। उनी कांग्रेसका प्रमुख सचेतक र केन्द्रीय सदस्य भएका थिए। २०७४ सालको चुनावमा प्रत्यक्षतर्फ उम्मेदवारका लागि जिल्लाबाट चन्दको नाम सिफारिस भएको थियो। तर कांग्रेसले चतुरबहादुर चन्दलाई उम्मेदवार बनायो। चन्द पार्टीको १४ औं महाधिवेशनमा बैतडीबाट महाधिवेशन प्रतिनिधिमा पराजित भएका थिए। 

भ्रष्टचारको मुद्दाले ओझेलमा 

नेपाली कांग्रेसका पूर्व उपसभापति विजय गच्छदार, पूर्व सहमहामन्त्री गोविन्दराज जोशी र नेता चिरिन्जीवी वाग्ले पनि नेपाली कांग्रेसको राजनीतिमा छैनन्। अर्जुननरसिंह केसी, खुमबहादुर खड्का, गोविन्दराज जोशी र विजय गच्छदारको एउटा समूह थियो। त्यो समूहलाई एकेजीवी भन्‍ने गरिन्थ्यो। यो समूह यति शक्तिशाली थियो कि कांग्रेसको राजनीति र राज्यसत्ताको शक्ति फेरबदलमा निर्णायक हुन्थ्यो। यीमध्ये खुमबहादुर खड्काको निधन भइसकेको छ। अर्जुननरसिंह केसी अझै पनि कांग्रेसको राजनीतिमा प्रभाव राख्‍ने नेतामध्येमा पर्दछन्। 

विजय गच्छदार २०७४ सालको चुनावभन्दा अगाडि नेपाली कांग्रेसमा प्रवेश गरेर पार्टीको उपसभापति र संसदीय दलको उपनेता भए। २०६४ सालमा कांग्रेस छोडेका गच्छदारले कांग्रेसको १४ औं महाधिवेशनमा उपसभपातिमा पराजित भए। २०७६ सालमा अख्तियार दुरुपयोग अनुसन्धान आयोगले ललिता निवास जग्गा अनियमितता प्रकरणमा कांग्रेस उपसभापति एवं पूर्व उपप्रधानमन्त्री विजय गच्छदारविरुद्ध भ्रष्टाचार मुद्दा दायर भयो। योसँगै गच्छदारको राजनीतिक सक्रियतामा संकुचन आयो। 

यस्तै पूर्व सहमहामन्त्री गोविन्दराज जोशी पनि भ्रष्टचारको मुद्दाका कारण छायामा परेका छन्। जोशीको भ्रष्टचारको मुद्दा झण्डै १० वर्षदेखि सर्वोच्च अदालतमा विचाराधीन छ। जसका कारण २०७४ सालमा कांग्रेस वरिष्ठ नेता रामचन्द्र पौडेलविरुद्ध स्वतन्त्र उमेदवारी दिएका जोशीको उमेदवारी रद्द भएको थियो। २०६४ सालमा नेकपा माओवादी केन्द्रका सुरेश आलेमगरसँग पराजीत भएका जोशीले २०७० सालमा पार्टीको टिकट पाएनन्। त्यसपछि जोशीको राजनीति पनि ओरालो लागेको देखिन्छ। यद्यपि २०७४ सालमा पौडेलविरुद्ध उम्मेदवारी दिएपछि पार्टी कारबाहीमा परेका जोशीले गत स्थानीय तहको चुनावमा एमालेसँग मिलेर छोरा दिपक जोशीलाई तनहुँको व्यास नगरपालिकाको उमेदवार बनाएका थिए। 

यस्तै कुनै बेलामा चर्चित नेता चिरिन्जीवी वाग्ले पनि भ्रष्टचारको मुद्दा लागेका कारण अहिले गुमनाम छन्। कांग्रेसको नवौं महाधिवेशनमा गिरिजाप्रसाद कोइरालाका विरुद्धमा सभापति पदमा उम्मेदवारी दिएका वाग्ले भ्रष्टचारको मुद्दामा जेल सजाय भुक्तान गरेपछि राजनीतिमा गुमनाम छन्। 

चार राज्यमन्त्री 

नेपाली कांग्रेसमा रामचन्द्र पौडेल, शेरबहादुर देउवा र शैलजा आचार्य (आरएसएस) को नामले चिनिएको एउटा समूह थियो, त्यतिबेला। जुन समूहका देउवा र पौडेल अहिले पार्टीमा दुई धारको नेतृत्व गरिरहेका छन् भने नेतृ शैलजा आचार्यको निधन भइसकेको छ। शिवबहादुर बस्नेत, महादेब गुरुङ, पुष्कर ओझा र सुरेश मल्ल आचार्यसँग निकट नेताहरु हुन्। आचार्यको निधनपछि यी नेताहरु रानु बिनाको मौरी जस्तो भएका छन्। यी चारै जनालाई गिरिजाप्रसाद कोइरालाले २०५७ सालमा एकपटक राज्यमन्त्री बनाएका थिए। यी चार राज्यमन्त्रीलाई २०५६ सालमा कांग्रेसलाई बहुमत दिलाउनका लागि  देशदौडाहमा पठाइएको थियो। पछिल्लो समय कांग्रेस सभापति देउवा निकट रहेका ओझाले २०७० सालमा देउवाले कैलाली क्षेत्र नम्बर ६ छोडेपछि भएको उपचुनावमा प्रतिनिधिसभा सदस्य भएका थिए। ओझालाई ०७४ को निर्वाचनमा टिकट नदिएर देउवा पत्‍नी आरजुलाई टिकट दिएपछि उनी असन्तुष्ट बनेका थिए। 

यतिमात्रै नभएर लमजुङबाट चुनाव जितेर जलस्रोत राज्यमन्त्री बनेका रामबहादुर गुरुङ, काठमाडौंका लोकेश ढकाल, पीएल सिंह, कैलालीका चन्द्रसिंह भट्टराई पनि अहिले राजनीतिमा सक्रिय छैनन्। यी सबै नेता कुनै बेला कांग्रेसको राजनीतिमा प्रभाव राख्दथे। 



प्रकाशित: August 13, 2022 | 18:18:39 काठमाडौं, शनिबार, साउन २८, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
राजनीति

प्रचण्ड भन्छन्- म प्रधानमन्त्रीको रेसमा छैन

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्रीको रेसमा नरहेको बताएका छन्।
नेपाल समय
राजनीति

भक्तपुर-१ मा ढुक्क नेमकिपा, २ मा एमाले र कांग्रेसको 'भाले भिडन्त'

२०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएको क्षेत्र हो भक्तपुर–२। नत्र भक्तपुर १ नेमकिपाको र भक्तपुर २ कांग्रेसको पेवा जस्तै थियो। एमालेका महेश बस्नेतले ३६ हजार ४ सय १२ मत ल्याएर जित्दै गर्दा निकटतम प्रतिद्वन्द्वी नेपाली कांग्रेसका दमननाथ ढुंगाना १८ हजार ६ सय ८७ मत ल्याएर पराजित भएका थिए।
नेपाल समय
राजनीति

सरकारमाथि राष्ट्रपतिको हस्तक्षेप, क्याबिनेटका प्रस्ताव जानकारी गराउन पत्र

प्रधानमन्त्री कार्यालय स्रोतका अनुसार राष्ट्रपतिले पत्रमार्फत् भने राष्ट्रपतिले क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएको छ।
नेपाल समय
राजनीति

संघीय संरचना अनुरुप विकास हुन सकेन : राज्यमन्त्री श्रेष्ठ

देशको आर्थिक अवस्था अहिले पनि दयनीय रहेको उल्लेख गर्दै रेमिट्यान्सबाट पैसा आएन भने राज्य सञ्चालन गर्न गाह्रो हुने उनको भनाइ थियो।
नेपाल समय
राजनीति

आचारसंहिता व्यवहारिक बनाउन दलहरुको सुझाव, प्रधानमन्त्री देउवाले पनि आयोग पुगेर गरे हस्ताक्षर

आगामी मंसिरमा हुने प्रतिनिधिसभा र प्रदेशसभाको निर्वाचनको आचारसंहितामा हस्ताक्षर गर्न निर्वाचन आयोग पुगेका दलका नेताहरुले उम्मेदवारले गर्ने निर्वाचन खर्च, प्रचारप्रसारको समय सीमा लगायतका विषयलाई समय सुहाउँदो र व्यवहारिक बनाउन सुझाव दिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना