सोमबार, असोज १०, २०७९

कैलालीमा आरजुलाई आउँदो चुनाव कति सहज?

यज्ञराज जोशी  |  काठमाडौं, शुक्रबार, साउन २७, २०७९

यज्ञराज जोशी

यज्ञराज जोशी

शुक्रबार, साउन २७, २०७९, काठमाडौं

नेपाल समय

काठमाडौं– नेपाली राजनीतिमा सधैं चर्चामा रहने नेतृ हुन्, डा. आरजु राणा देउवा। कांग्रेस केन्द्रीय सदस्यसमेत रहेकी प्रधानमन्त्री शेरबहादुर देउवापत्नी राणाले यस पटक कताबाट प्रतिनिधिसभा निर्वाचनमा उम्मेदवारी देलिन् भन्ने विषयमा आमचासो रहेको छ। राणाको नाम डडेलधुरा, कैलाली क्षेत्र नम्बर ५ र बर्दिया २ बाट चर्चामा छ। तर राणा कैलाली क्षेत्र नम्बर ५ बाटै चुनाव लड्ने पक्का रहेको कांग्रेस स्रोतले जनाएका छन्।

कांग्रेस केन्द्रीय सदस्य नृप वड कैलाली ५ बाट देउवाको विकल्प अरू नभएको बताउँछन्। ‘कैलाली ५ बाट उहाँ (आरजु)  नै चुनाव लड्नुहुन्छ। अन्य ठाउँमा हल्ला मात्रै फैलाइएको हो। त्यस क्षेत्रमा उहाँले थुप्रै काम गर्नुभएको छ। यस पटक उहाँको जित निश्चित छ,’ वडले भने।

२०७४ को निर्वाचनमा राणा कैलाली ५ बाट प्रतिनिधिसभा निर्वाचनमा उठेकी थिइन्। उक्त चुनावमा राणा एमालेका नारदमुनि रानासँग पराजित भएकी थिइन्। कैलाली ५ मा रानाले विकासका लागि कुनै काम नगरेको आरोप लगाउँदै वड समग्र सुदूरपश्चिमको विकासका लागि राणाको जित आवश्यक रहेको दाबी गर्छन्।

‘उहाँ विकासप्रेमी नेता हो। त्यसैले कैलाली ५ का जनताले विकास र समृद्धिका लागि राणालाई जिताउनेछन्। उहाँ प्रधानमन्त्री एवं पार्टी सभापति देउवा पत्नी हुनुका साथै राष्ट्रिय/अन्तर्राष्ट्रिय क्षेत्रमा समेत राम्रो सम्बन्ध छ। उहाँले सुदूरपश्चिममा विकास ल्याउन सक्नुहुन्छ,’ उनले भने।

२०७४ को निर्वाचनमा राणालाई ‘टुरिस्ट’ उम्मेदवार भएको आरोप लगाइएको थियो। त्यसपछि राणाले धनगढीमा घरसमेत खरिद गरेकी छन्। त्यसैले उनी धनगढीकी बासिन्दा हुन्। उनले प्रतिनिधिसभामा पराजित भएपछि पनि सुदूरपश्चिमको विकास र समृद्धिका लागि गेटा मेडिकल कलेज, फाप्ला अन्तर्राष्ट्रिय क्रिकेट स्टेडियम, धनगढी विमानस्थलको स्तरोन्नतिका लागि बजेट विनियोजन गर्न पहल गरेको स्थानीयको बुझाइ छ।

पछिल्लो समय सुदूरपश्चिम केन्द्रित भएर काम गरिरहेकाले पनि राणालाई जनताले रुचाएको चर्चा स्थानीय स्तरमा हुने गरेको छ।

२०७४ को निर्वाचनमा राणालाई हराउन भूमिका खेलेको भन्दै कैलाली कांग्रेसका पुराना नेता पुष्करनाथ ओझालाई कांग्रेसले अनुशासनको डन्डा बर्साएपछि बूढानीलकण्ठसँग बदला लिने असन्तुष्टहरूको संख्या पनि ठूलै छ।

तर धनगढीमा उनलाई यत्तिले मात्र जित्न सहज हुने छैन। धनगढीमा पुख्र्यौली घर डोटी भएकाहरूको बाहुल्य छ। डोटी पुख्र्यौली घर भएका कैलाली कांग्रेसका पुराना नेता पुष्करनाथ ओझा राणासँग रुष्ट छन्। २०७४ को निर्वाचनमा राणालाई हराउन भूमिका खेलेको भन्दै उनीमाथि पाँच वर्ष पार्टी सदस्यतासमेत नरहने गरी कांग्रेसले अनुशासनको कारबाही गरेको थियो। त्यसपछि उनी बूढानीलकण्ठसँग झनै रुष्ट छन्। धनगढीमा राणालाई स्वीकार्ने पक्षमा नरहेको अडानमा उनी छन्।

त्यति मात्र नभएर ओझाले स्वतन्त्र रूपमा प्रतिनिधिसभा सदस्यका लागि उम्मेदवारी दिने तयारी गरिरहेको चर्चा हुन थालेको छ। यस्तो अवस्थामा ओझालाई नमिलाए राणालाई चुनाव जित्न यस पटक पनि असहज हुने देखिन्छ।

राजनीतिशास्त्रका प्राध्यापक सुरेन्द्र चन्द धनगढीलाई जनताको भावना बुझ्ने विकासप्रेमी नेता चाहिएको बताउँछन्। त्यसका लागि राणा उपयुक्त पात्र भए पनि समीकरण मिलाउन नसके चुनाव जित्न फेरि पनि गाह्रो हुने बताउँछन्।

‘अहिले मतदाता पहिलेका जस्ता छैनन्। पार्टीले मतदातालाई आफ्नो पकेटमा राख्न सकेको छैन। राजनीतिमा राम्रो मान्छेभन्दा पनि हाम्रो मान्छेलाई सहयोग हुने भावनाको विकास हुँदै गएको छ। यस्तो अवस्थामा उहाँले जात, जिल्ला, धर्मलगायत विभिन्न क्षेत्रका मानिसलाई मिलाएर सबैको साथ खोजेर जानुपर्ने देखिन्छ,’ चन्दले भने। 

चुनाव जित्न पुष्करनाथ ओझाको साथ पनि आवश्यक रहेको चन्दले सुनाए।

कांग्रेस क्षेत्र नम्बर ५ का सभापति भीम पडाल कोरोना महामारीलगायत महत्त्वपूर्ण विकास निर्माणका काममा राणाले साथ दिँदै आएकाले चुनाव जित्ने निश्चितजस्तै रहेको बताउँछन्। ‘उहाँले कोरोना महामारीको समय प्रत्येक वडामा पुगेर विपन्न नागरिकलाई सहयोग गर्नुभएको छ। फाप्ला अन्तर्राष्ट्रिय क्रिकेट मैदानका लागि बजेट विनियोजन गर्न होस् वा गेटा मेडिकल कलेजका लागि। उहाँले नेतृत्वदायी भूमिका निर्वाह गर्नुभएको छ,’ उनले भने।

राणाले धनगढीको वडा नम्बर ७ बेलीमा कोरोना महामारीको समय अक्सिजन प्लान्ट स्थापना गरेको पडालले बताए। अघिल्लो पटकको चुनावमा राणालाई विभिन्न आरोप लगाइए पनि यस पटक जनताका माझमै  काम गरेकाले जनप्रिय नेताको रूपमा स्थापित गरेको पडालको तर्क छ। 

‘उहाँसामु चुनौती भने छन्। यो जनताको विश्वास अभिमत गराउने कुरा पनि हो। कैलाली ५ मा विभिन्न भेग र समुदायका मानिसको बसोबास छ। उहाँले सबै कुरालाई मिलाउनुभएको छ,’ पडालले भने। राना समुदायबाट जिल्ला नेतृत्व हुँदै पार्टीको केन्द्रीय नेतृत्वमै समेट्न भूमिका खेलेको पडाको दाबी छ। अन्य समुदायका मानिसलाई पनि पार्टीको जिल्ला, क्षेत्र, केन्द्र र महाधिवेशन प्रतिनिधिका रूपमासम्म व्यवस्थापन र जिम्मेवारी दिएको उनले बताए।

‘हाम्रो निर्वाचन क्षेत्रमा २१ वडा छन्। त्यसमा १३ वडा कांग्रेसले जितेको छ। यसले हाम्रो जनाधार बलियो रहेको पुष्टि गर्छ। संगठन निर्माणमा पनि पार्टीका सबै निकायलाई सक्रिय पारेका छौं,’ उनले भने। त्यसैले नेतृ राणाले चुनाव जित्नेमा  विश्वस्त रहेको उनको दाबी छ।


प्रकाशित: August 12, 2022 | 13:17:24 काठमाडौं, शुक्रबार, साउन २७, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
राजनीति

प्रचण्ड भन्छन्- म प्रधानमन्त्रीको रेसमा छैन

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्रीको रेसमा नरहेको बताएका छन्।
नेपाल समय
राजनीति

भक्तपुर-१ मा ढुक्क नेमकिपा, २ मा एमाले र कांग्रेसको 'भाले भिडन्त'

२०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएको क्षेत्र हो भक्तपुर–२। नत्र भक्तपुर १ नेमकिपाको र भक्तपुर २ कांग्रेसको पेवा जस्तै थियो। एमालेका महेश बस्नेतले ३६ हजार ४ सय १२ मत ल्याएर जित्दै गर्दा निकटतम प्रतिद्वन्द्वी नेपाली कांग्रेसका दमननाथ ढुंगाना १८ हजार ६ सय ८७ मत ल्याएर पराजित भएका थिए।
नेपाल समय
राजनीति

सरकारमाथि राष्ट्रपतिको हस्तक्षेप, क्याबिनेटका प्रस्ताव जानकारी गराउन पत्र

प्रधानमन्त्री कार्यालय स्रोतका अनुसार राष्ट्रपतिले पत्रमार्फत् भने राष्ट्रपतिले क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएको छ।
नेपाल समय
राजनीति

संघीय संरचना अनुरुप विकास हुन सकेन : राज्यमन्त्री श्रेष्ठ

देशको आर्थिक अवस्था अहिले पनि दयनीय रहेको उल्लेख गर्दै रेमिट्यान्सबाट पैसा आएन भने राज्य सञ्चालन गर्न गाह्रो हुने उनको भनाइ थियो।
नेपाल समय
राजनीति

आचारसंहिता व्यवहारिक बनाउन दलहरुको सुझाव, प्रधानमन्त्री देउवाले पनि आयोग पुगेर गरे हस्ताक्षर

आगामी मंसिरमा हुने प्रतिनिधिसभा र प्रदेशसभाको निर्वाचनको आचारसंहितामा हस्ताक्षर गर्न निर्वाचन आयोग पुगेका दलका नेताहरुले उम्मेदवारले गर्ने निर्वाचन खर्च, प्रचारप्रसारको समय सीमा लगायतका विषयलाई समय सुहाउँदो र व्यवहारिक बनाउन सुझाव दिएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना