सोमबार, असोज १०, २०७९

०६४ सालमा केपी ओलीलाई हराएका लिङ्देन खोज्दैछन् अर्को 'चान्स'

खिला कार्की  |  काठमाडौं, सोमबार, साउन २३, २०७९

खिला कार्की

खिला कार्की

सोमबार, साउन २३, २०७९, काठमाडौं

नेपाल समय

काठमाडौं– २०६४ सालमा भएको पहिलो संविधानसभा निर्वाचनताका माओवादीको जगजगी थियो। माओवादी ‘अरूलाई हेर्यौं पटक–पटक, माओवादीलाई हेरौं यो पटक’ नारा दिएर चुनावी मैदानमा थियो।

२०६४ को चुनावमा नेपालको संसदीय राजनीतिका खेलाडीलाई पाखा पार्दै जनयुद्धको रापतापबाट शान्तिपूर्ण राजनीतिमा आएको तत्कालीन नेकपा माओवादीले जित हात पार्यो। पहिलो पटक संसदीय राजनीतिमा होमिएको माओवादी २२० ठाउँमा जितेर पहिलो दल बन्यो। त्यो बेला कांग्रेसले ११० र नेकपा एमालेले १०३ सिटमै चित्त बुझाए।

२०६४ को चुनावमा कांग्रेस, एमालेका धेरै दिग्गज नेताहरूले हार बेहोरेका थिए। यस्तै हार बेहोर्नेमध्ये नेकपा एमालेका वर्तमान अध्यक्ष केपी ओली पनि एक थिए। माओवादीबाट उम्मेदवार बनेका विश्वदीप लिङ्देनले पहिलो संविधानसभामा ओलीलाई रोकेका थिए। लिङ्देनले ओलीलाई १ हजार १४० मतले पराजित गरेका थिए। लिङ्देनले १६ हजार ९९ मत ल्याउँदा ओलीको पक्षमा १४ हजार ९५९ मत आएको थियो।

पहिलो संविधानसभापछि राजनीतिको खासै चर्चामा नरहेका लिङ्देनलाई फेरि ओलीले नै चर्चामा ल्याइदिए। १२ साउनमा झापाको दमक पुगेका ओलीले अगुवा कार्यकर्ता भेलालाई सम्बोधन गर्दै लिङ्देनको खोजी गरे। उनले भनेका थिए, ‘२०६४ को निर्वाचनमा पार्टीका कतिपय साथीले भोट अन्तै हालेर मलाई हराउनुभयो। तर तपार्इंहरूले जिताएर पठाएको मान्छे आज कहाँ छ?’ ओलीले झापा पुगेर लिङ्देनलाई खोजेपछि उनको फेरि चर्चा बढेको छ। 

झापामा ओली खोज्दै लिङ्देन
लिङ्देन आफूले झापा निर्वाचन क्षेत्र नम्बर ५ मा बसेर ओलीको खोजी गरिरहेको बताउँछन्। उनले २०६४ मा संविधानसभा सदस्य भएपछि आफू काठमाडौंमा महल बनाएर नबसेको भन्दै झापा क्षेत्र नम्बर ५ का जनता सँगै रहेको प्रतिक्रिया दिए। लिङ्देनले ओलीले आफ्ना दुईचार जना कार्यकर्ता राखेर १२ साउनमा आफूलाई कहाँ छ भनेर खोजेको प्रति असन्तुष्टि जनाए। 

उनले आफू अहिले झापामा बसेरै ओलीको खोजी गरिरहेको सुनाए। उनले भने, ‘म झापा क्षेत्र नम्बर ५ का प्रतिनिधिसभा सदस्य केपी ओलीलाई खोजिरहेको छु। दमकमा खोज्दा पनि भेट्टाएको छैन। कमल गाँउपालिकामा पनि देख्दिनँ।’ गौरीगञ्ज, गौरादह कतै ओलीलाई नभेट्टाएको लिङ्देनले सुनाए। उनले भने, ‘जनताको नेता भन्ने ओली जनतालाई समस्या परेका ठाउँमा त भेटिनुहुन्छ कि भनेको, कहीँ भेट्दिनँ। न जन्त जाँदा भेट्छु, न मलामी जाँदा भेट्छु। अस्पतालतिर बिरामी भेट्न पुग्नुभयो कि भन्यो, त्यहाँ पनि भेटिनुहुन्न।’ आफूले ओलीझैं १२ महिनामध्ये ११ महिना काठमाडौं बस्ने ठूला–ठूला गफ चुट्ने काममा नलागेको उनले सुनाए। उनले भने, ‘म झापा ५ का नागरिक सँगैसँगै हाँस्ने, सँगै रुने गरेको छु। ओलीझैं बल्लबल्ल एक दिन दमक आएर २०६४ मा मलाई हराउने विश्वदीप लिङ्देन कहाँ जानुभयो भनेर खोजेको छैन। म दिनहुँ झापा ५ मा ओलीलाई खोजिरहेको छु।’

विश्वदीप लिङ्देन कहाँ छ भनेर दमक, कमल गाउँपालिका, गौरादह, गौरीगञ्जका नागरिकलाई सोध्न पनि उनको आग्रह छ। 

माओवादी छाडेर कांग्रेसमा 
पहिलो संविधानसभा निर्वाचनमा ओलीलाई हराएर चर्चा कमाएका संविधानसभा सदस्य लिङ्देन २०७४ को आमचुनाव अगाडि नेपाली कांग्रेसमा प्रवेश गरेका थिए। उनी कांग्रेस प्रवेश गरेपछि पार्टीका विभिन्न काममा निरन्तर लागिरहेका छन्। गत चौधौं महाधिवेशनअन्तर्गत भएको झापा जिल्ला अधिवेशनमा लिङ्देन जिल्ला सचिवको प्रत्यासी बनेका थिए। 

लिङ्देनले कांग्रेसको झापा जिल्ला सचिवको प्रतिस्पर्धामा सम्मानजनक मत प्राप्त गरेका थिए। सचिव पदमा विजयी नवीन विमली १,८३८ र कृष्ण हुमागाईंले १,६७६ मत ल्याएका थिए भने प्रतिस्पर्धामा रहेका विश्वदीप लिङ्देनले १,४३१ मत ल्याएका थिए। चौथो मत टुमलाल राजवंशी १,३२१ ल्याएका थिए।

माओवादीबाट संविधानसभा सदस्य भइसकेको मान्छे किन कांग्रेस प्रवेश गर्नुभयो भन्ने प्रश्नमा लिङ्देनले भने, ‘अहिले कांग्रेसको राजनीतिमा छु। खुसी छु। म माओवादी छाडेर कांग्रेसमा आएँ। अहिले माओवादी र हामी फेरि गठबन्धन गरेर सहकार्य गरिरहेका छौं। अहिले किन माओवादी छाडे भन्न चाहन्नँ।’

कांग्रेसको सिद्धान्त मन परेकाले माओवादी छाडेको उनले सुनाए। उनले बीपी कोइरालाले आफूलाई कांग्रेसको सिपाही हुन मन लागेको  भनाइ स्मरण गर्दै भने, ‘म अहिले कांग्रेसको सिपाही हो। कांग्रेसको सिपाही भएर बस्दा खुसी छु।’

ओलीसँगै चुनावी मैदानमा उत्रने आकांक्षा
लिङ्देनलाई आउँदो ४ मंसिरमा हुने प्रतिनिधिसभा सदस्यको चुनावमा झापा क्षेत्र नम्बर ५ बाट एमाले अध्यक्ष ओलीसँग चुनावी मैदानमा उत्रिने आकांक्षा छ। उनले झापा ५ का जनता सचेत रहेको दाबी गर्दै वाइड बडी जहाज, बालुवाटार काण्ड, संविधान च्यात्न प्रयास गर्ने र संसद् विघटन गर्नेहरूलाई दण्डित गर्ने बताए। लिङ्देन आफूले कुनै दिन फेरि ओलीसँगै झापा क्षेत्र नम्बर ५ बाट चुनावी मैदानमा उत्रन्छु भन्ने ढंगले तयारी गरिरहेको सुनाए।

उनले भने, ‘म झापा क्षेत्र नम्बर ५ का नागरिकको सुख–दुःखमा सँगै छु। म झापा ५ का अधिकांश नागरिकको निधन हुँदा रुँदै घाटमा पनि पुगेको छु। विवाहमा बोलाउँदा खुसी हुँदै जन्तसमेत जाने गरेको छु। नागरिक बिरामी पर्दा बोकेरै अस्पताल पुगेको छु। पैसा तिर्न नसक्नेलाई अस्पतालसँग हारगुहार गरेर उपचार खर्चमा केही छुट गराउँदै आएको छु।’

झापा क्षेत्र नम्बर ५ का नागरिकलाई अभर पर्दा उनीहरूसँगै अड्डा अदालतदेखि प्रहरी प्रशासनसम्म पुग्दै आएको दाबी उनको छ। यो सबै काम चुनावको तयारीका लागि गरेको उनले स्पष्ट पारे। लिङ्देनले देशभर गठबन्धन भएकाले झापा ५ मा पनि दलीय गठबन्धन हुने, कांग्रेस र गठबन्धनमा रहेका दलहरूले झापा ५ मा ओलीसँग प्रतिस्पर्धाका लागि योग्य ठाने आफू चुनाव लड्न तयार रहेको बताए। उनले भने, ‘२०६४ मा झापा क्षेत्र नम्बर ५ को जनप्रतिनिधि भएपछि म त्यहीँका नागरिकसँगै छु। ओलीझैं भ्रष्टाचार र विभिन्न काण्डको विवादमा परेको छैन। म ओलीसँग चुनावी प्रतिस्पर्धा गर्न कमजोर, होइन बलियो छु।’ 


प्रकाशित: August 8, 2022 | 18:12:43 काठमाडौं, सोमबार, साउन २३, २०७९

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
राजनीति

चितवन शिवनगरको पुख्र्यौली जग्गामा घर बनाएर सरे प्रचण्ड

प्रचण्डले शिवनगरमा बनाएको ६ कठ्ठाको एकतले घर पैतृक सम्पत्ति हो।
नेपाल समय
राजनीति

देउवामाथि दबाब बढाउन शेखर समूहले पार्टी कार्यालयमा धर्ना दिने

नेपाली कांग्रेसका सभापति शेरबहादुर देउवालाई दबाब बढाउनका लागि डा. शेखर कोइराला समूहले आन्दोलनका थप कार्यक्रम तय गरेको छ।
नेपाल समय
राजनीति

प्रचण्ड भन्छन्- म प्रधानमन्त्रीको रेसमा छैन

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्रीको रेसमा नरहेको बताएका छन्।
नेपाल समय
राजनीति

भक्तपुर-१ मा ढुक्क नेमकिपा, २ मा एमाले र कांग्रेसको 'भाले भिडन्त'

२०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएको क्षेत्र हो भक्तपुर–२। नत्र भक्तपुर १ नेमकिपाको र भक्तपुर २ कांग्रेसको पेवा जस्तै थियो। एमालेका महेश बस्नेतले ३६ हजार ४ सय १२ मत ल्याएर जित्दै गर्दा निकटतम प्रतिद्वन्द्वी नेपाली कांग्रेसका दमननाथ ढुंगाना १८ हजार ६ सय ८७ मत ल्याएर पराजित भएका थिए।
नेपाल समय
राजनीति

सरकारमाथि राष्ट्रपतिको हस्तक्षेप, क्याबिनेटका प्रस्ताव जानकारी गराउन पत्र

प्रधानमन्त्री कार्यालय स्रोतका अनुसार राष्ट्रपतिले पत्रमार्फत् भने राष्ट्रपतिले क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना