सोमबार, साउन ३०, २०७९

दाहाल-नेपालले फागुनमा चुनाव गराउने प्रस्ताव राख्‍नै पाएनन्, देउवाले भने- मंसिर, मंसिर

नेपाल समय  |  काठमाडौं, बुधबार, साउन १८, २०७९

नेपाल समय

नेपाल समय

बुधबार, साउन १८, २०७९, काठमाडौं

नेपाल समय

काठमाडौं- प्रतिनिधिसभा र प्रदेशसभा सदस्यको निर्वाचन मंसिर ४ गते गर्न सत्तारुढ गठबन्धन तयार भएको छ। बुधबार दिउँसो बालुवाटारमा भएको गठबन्धनको बैठकमा मंसिर ४ गते निर्वाचन गर्न सहमति जुटेको हो। निर्वाचनको मितिबारे छलफल गर्न बुधबार प्रधानमन्त्री शेरबहादुर देउवाले गठबन्धन दलका नेताहरुलाई बोलाएका थिए। 

बैठकको सुरुमा नै गठबन्धनमा आवद्ध नेकपा माओवादी केन्द्रका अध्यक्ष पुष्पकमल दाहाल र नेकपा एकीकृत समाजवादीका अध्यक्ष माधवकुमार नेपालले चुनावको मितिका सम्बन्धमा राख्दै आएका धारणाका बारेमा आफू जानकार भएको प्रधानमन्त्री देउवाले बताएका थिए। बैठकमा सहभागी एक नेताका अनुसार बैठकमा विषय प्रवेश गर्दै देउवाले दाहाल–नेपालले राख्‍न सक्ने सम्भावित प्रस्तावको 'च्याप्टर क्लोज' गरिदिए। देउवाले बैठकको सुरुवातमै भनेका थिए, 'यो बैठक चुनावको मितिका बारेमा छलफल गर्न बोलाइएको हो। चुनाव मंसिर मै मंसिर मै हुन्छ। मंसिरमै गरौं, गर्नुपर्छ। मिति घोषणा गरेर निर्वाचन आयोगलाई जिम्मा दिऔं।’

दाहाल र नेपाल प्रतिनिधिसभा र प्रदेशसभाको कार्यकाल फागुनसम्म रहेकाले निर्वाचन पनि फागुनमै गर्नुपर्ने पक्षमा देखिँदै आएका थिए। २०७४ साल मंसिरमा निर्वाचन भए पनि प्रतिनिधिसभा र प्रदेशसभा सदस्यले फागुनमा शपथ दिएकाले निर्वाचन पनि फागुनमै गर्नुपर्ने उनीहरुको तर्क थियो। गठबन्धनको बैठकमा दाहाल र नेपालले सोही प्रस्ताव अघि सार्न सक्थे। तर, देउवाले बैठकको सुरुवातमै मंसिरमै निर्वाचन गर्ने घोषणा गरेर दाहाल–नेपालको सम्भावित प्रस्तावको 'च्याप्टर क्लोज' गरिदिएका हुन्। 

'प्रधानमन्त्रीज्यूले निर्वाचन फागुनमा गर्ने प्रस्ताव आउने बुझेरै विषय प्रवेश गर्दै मंसिरमा निर्वाचन गर्ने उद्घोष गरिदिनुभयो। जसले दाहाल–नेपाललाई अप्ठ्यारोमा मात्रै पारेन, उहाँहरुले फागुनमा निर्वाचन गर्ने प्रस्ताव समेत राख्‍न पाउनुभएन,’ बैठकमा सहभागी ती नेताले भने। बैठकमा देउवाले मंसिरमा निर्वाचनको मिति घोषणा गर्ने र प्रतिनिधिसभा र प्रदेशसभाको कार्यकालको विषय पनि आयोगले नै टुंगो लगाउने बताएका थिए। 'चुनावको मिति घोषणा गरौं। आयोगले निर्वाचनको तयारी पनि थाल्छ। प्रतिनिधिसभा र प्रदेशसभाको कार्यकाल पनि आयोगले नै कानून बमोजिम टुंगो लगाउँछ,’ देउवाले भनेका थिए।  

देउवाको प्रस्तावपछि बैठकमा उपस्थित सबै नेताहरु मंसिरमा चुनाव गर्न सहमत भएका थिए। र, बिहीबार बस्‍ने मन्त्रिपरिषद् बैठकले मंसिर ४ गते चुनाव घोषणा गर्नेगरी बैठक सकिएको छ। यस्तै बैठकमा पाँच दलीय गठबन्धनलाई कायमै राखेर निर्वाचनमा जाने सहमति समेत भएको बताइएको छ। सिट बाँडफाँटमा सहमति जुटाउन कार्यदल बनाउने सहमति समेत बैठकमा जुटेको छ। 'शुक्रबार बिहान ९:३० बजे गठबन्धनको बैठक बस्छ। सोही बैठकले सिट बाँडफाँटबारे टुंगो लगाउन कार्यदल गठन गर्छ,’ ती नेताले भने।


प्रकाशित: August 3, 2022 | 18:31:17 काठमाडौं, बुधबार, साउन १८, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

तालाबन्दी र तोडफोडले बिगारेको त्रिवि : माग एउटा, नियत अर्कै!

पछिल्लो समय भने तालाबन्दी राजनीतिक पाटोसँग भन्दा पनि लेनदेनको पाटोसँग जोडिएको उपप्राध्यापक रेशम थापा बताउँछन्। ‘पहिला राजनीतिक कारण हुन सक्थ्यो। तर, हिजोआज यो बिल्कुल आर्थिक पाटोसँग जोडिएको छ। लनेदेनको कुरा मिले ताला खुल्छ। नत्र लागिबस्छ,’ थापाले भने।

नयाँ तलबमान र ग्रेड लागू गर्ने मन्त्रिपरिषद्को निर्णय

सरकारले सबै राष्ट्र सेवक कर्मचारीहरूको नयाँ तलबमान र ग्रेड स्वीकृत गरेको छ।

यी ३२ निर्वाचन क्षेत्र, जहाँ गठबन्धनलाई पर्न सक्छ सिट बाँडफाँटमा सकस

२०७४ मा बाम गठबन्धन बनाएर संघीय सांसद भएकाहरू दल बदल र पाँच दलीय गठबन्धनभित्र समेटिएपछि आउँदो चुनावमा कांग्रेसका आकांक्षी उम्मेदवार र सत्ता साझेदार दलका नेताहरू आ–आफ्नो दाबीसहित टिकटका लागि दौडधुप गर्दै छन्।

यी कांग्रेस नेता जो अहिले गुमनाम छन्

गुमनाम नेताको अग्रपंक्तिमा छन्- पूर्वमहामन्त्री तारानाथ रानाभाट, केबी गुरुङ, पूर्वमन्त्री बलदेब शर्मा मजगैया, विनयध्वज चन्द।

निहारिकाद्वारा शीतलनिवास अगाडि आत्मदाहको प्रयास, जनकपुर उच्च अदालतमा विचाराधीन छ बलात्कार मुद्दा

जबरजस्ती करणी मुद्दामा न्याय माग्दै अनसनरत निहारिका राजपूतले राष्ट्रपति निवासअघि आत्मदाहको प्रयास गरेकी छन्।

केसी-महत विवादले माओवादीलाई हुन सक्छ फाइदा, नुवाकोटमा कसरी मिल्ला बाँडफाँट?

नुवाकोट-१ माओवादीलाई छाड्नु परे त्यसमा हितबहादुर तामाङ उम्मेदवार बन्ने सम्भावना प्रबल छ। नुवाकोट-२ कांग्रेसले लिँदा केन्द्रीय सदस्य बहादुरसिंह लामालाई उमेदवार बनाउने चर्चा पनि नुवाकोटमा छ।

कैलालीमा आरजुलाई आउँदो चुनाव कति सहज?

२०७४ को निर्वाचनमा राणालाई हराउन भूमिका खेलेको भन्दै कैलाली कांग्रेसका पुराना नेता पुष्करनाथ ओझालाई कांग्रेसले अनुशासनको डन्डा बर्साएपछि बूढानीलकण्ठसँग बदला लिने असन्तुष्टहरूको संख्या पनि ठूलै छ।

आफ्नै कारण राजनीतिबाट 'किनाराकृत' हुँदैछन् वामदेव

कुनै बेला राजनीतिको केन्द्र भागमा रहेका वामदेव गौतम नेकपा एकता राष्ट्रिय अभियानले गरेको कारबाही र तत्काल वाम एकता नहुने संकेतसँगै राजनीतिक संकटमा भासिँदै छन्।

कालीबाबाले भेटे पूर्वराजा ज्ञानेन्द्रलाई

भारतमा बसोबास गर्ने नेपाली मूलका साधु काली बाबाले नेपाल आएर पूर्वराजा ज्ञानेन्द्र शाहसँग भेट गरेका छन्।

प्रतिनिधिसभा निर्वाचन : देउवासँग किन नाम जोड्न चाहँदैनन् कर्ण मल्ल?

उनी नेकपा एमालेको समर्थनमा कांग्रेस बीपीबाट उम्मेदवार बन्न सक्ने धेरैको आकलन छ। मल्लले नेपाल समयसँग कुरा गर्दै प्रदेशसभामा निर्वाचन नलड्ने बताए। यसले उनी संघीय चुनाव लड्ने पक्का भएको छ।

थप समाचार

नेपाल समय
राजनीति

आरजुबारे देउवाको त्यो वचन तर यो प्रयास!

पार्टी सञ्चालनका सन्दर्भमा होस् वा सरकार सञ्चालनमै पनि किन नहोस्, आरजु हावी भइरहेकी छन्। यसलाई राजनीतिक जानकारहरुले देउवाको उत्तराधिकारी हुने प्रयासका रुपमा बुझेको देखिन्छ।
नेपाल समय
राजनीति

युवा उद्यमी कँडेलद्वारा काठमाडौं–५ मा उम्मेदवारी घोषणा

आगामी मंसिर ४ गते हुने प्रतिनिधिसभा निर्वाचनका लागि युवा उद्यमी विजय कँडेलले काठमाडौं क्षेत्र नम्बर ५ बाट स्वतन्त्र उम्मेदवारी घोषणा गरेका छन्।
नेपाल समय
राजनीति

काठमाडौंको फोहोर व्यवस्थापनका लागि प्रधानमन्त्रीसँग आजै कुरा गर्छौं : गगन थापा

नेपाली कांग्रेसका महामन्त्री गगन थापाले प्रधानमन्त्री शेरबहादुर देउवासँग छोटो कुरा गरेर काठमाडौंको फोहोर व्यवस्थापनका लागि काठमाडौंका जनप्रतिनिधिले भेट्न चाहेको जानकारी दिएको बताएका छन्।
नेपाल समय
राजनीति

टिकट वितरणमा घात हुँदैन, सबैलाई मिलाएर लैजान्छु : देउवा

नेपाली कांग्रेसका सभापति शेरबहादुर देउवाले पार्टीको लोकप्रियता र सबलतासँगै सम्पूर्ण ध्यान जनताको काममा लगाउन पार्टीबाट नवनिर्वाचित जनप्रतिनिधिलाई निर्देशन दिएका छन्।
नेपाल समय
राजनीति

प्रचण्डसामु बाबुरामको 'बाध्यात्मक शरण'

सात वर्षअघि माओवादी विचारधाराको औचित्य समाप्त भएको घोषणा गरेर कम्युनिस्ट विचारधारा पूर्ण रूपमा त्यागेको बताएका बाबुराम नयाँ पार्टी खोलेर पनि राजनीति उँभो लाग्ने छनक नदेखिएपछि प्रचण्डतिरै लहसिनुपर्ने बाध्यतामा पुगेका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना