सोमबार, माघ १६, २०७९

पार्टी बिगार्न गुटको भेलामा गएका होइनौं : गगन

नेपाल समय  |  काठमाडौं, शनिबार, असार ३२, २०७९

नेपाल समय

नेपाल समय

शनिबार, असार ३२, २०७९, काठमाडौं

नेपाल समय

काठमाडौं– नेपाली कांग्रेसका महामन्त्री गगनकुमार थापाले आफू र अर्का महामन्त्री विश्वप्रकाश शर्मा पार्टी बिगार्न गुटको भेलामा नभएको बताएका छन्।

पार्टी कार्यालय सानेपामा जारी केन्द्रीय समिति बैठकमा थापाले पहिलेदेखि जो गुटको भेलामा गएका थिए, उनीहरूले नै त्यसको विरोध गरेको बताए। 

उनले भने, ‘पार्टी बिगार्न गएका गुटको भेलामा गएका होइनौं। मैले पुरानो फोटो पनि हेरें बूढानीलकण्ठ, चाक्सीबारी, बोहराटार को जान्थे भनेर। पहिलेदेखि सबै जाने अनि हामी गएकोमा किन विरोध?’

महाधिवेशन भएको ६ महिनामा पनि विभाग गठन नभएको प्रश्न गर्दै महामन्त्री थापाले अब पनि गठन भएन भने राम्रो सन्देश नजाने बताए। विधान अधिवेशन पनि चाँडै गर्न उनले माग गरे।

महामन्त्री थापाले सभापति शेरबहादुर देउवाले समयमा आफ्नो भूमिका निभाउन नसक्दा आफूहरूमाथि दोष आउन थालेको पनि गुनासो गरे। ‘महाधिवेशनमा उहाँ पनि निर्वाचित भएर आएको हो, हामी महामन्त्रीहरू पनि निर्वाचित भएर आएका हौँ। महाधिवेशनपछि हामीले उहाँलाई असहयोग गर्ने कुरा होइन, सहयोग गर्न खोजेकै थियौँ। तर हामीले सल्लाह र परामर्श दिँदादिँदै पनि सभापतिले विधानले दिएकै कामहरू समयमा गर्न सक्नुभएन। त्यसको दोष हामीहरूमाथि आउन थालेको छ,’ उनले भने।

महामन्त्री थापाले सभापति बलियो भएमात्रै पार्टी बलियो हुने भन्दै आफूले पनि सभापतिलाई बलियो बनाउन चाहेको बताए। उनले भने, ‘हाम्रो पार्टी कस्तो बनाउने र कसरी चलाउने भन्ने कुरामा महामन्त्रीको भूमिका के हुन्छ, सभापतिको भूमिका के हुन्छ भन्ने कुरा विधानले प्रष्ट बोलेको छ। सभापतिलाई सहयोग गरेर पार्टीलाई बलियो बनाउन हामी कस्सिएरै लाग्यौँ, तर सभापतिले हामीलाई सामान्य सरसल्लाह समेत नगरी निर्णय गर्ने अभ्यास गरिरहनुभएको छ।’

महामन्त्री थापाले नेपाल किसान संघ र आदिवासी जनजाति महासंघको अध्यक्ष नियुक्त भइसकेपछि मात्रै आफूले थाहा पाएको दृष्टान्त सुनाए। महामन्त्री थापाले पार्टीमा अहिलेसम्म विधानबमोजिम हुन नसकेका कामहरूको फेहरिस्त प्रस्तुत गर्दै ती काममा आफूले सहयोग गर्न चाहँदा पनि सभापतिले अग्रसरता देखाएर गर्न नचाहेको आरोप लगाए।

अर्का महामन्त्री विश्वप्रकाश शर्माले आफूहरु (गगन र आफू) ले राम्रो गरिरहेको बताए। उनले भने, ‘हामीले के बेठिक गर्यौं। सभापतिलाई पार्टी विभाग बनाउँ, भ्रातृ संस्था बनाउँ भन्दा के बेठिक भयो र? हामीले निर्वाचन आयोग गएर मताधिकारको कुरा गर्दा के बिग्रियो? पार्टी सभापतिलाई खुसी पार्ने नाममा आफूहरुलाई अनावश्यक गाली नगर्न र आरोप नलगाउन उनले आग्रह गरे। शर्माले पनि आगामी भदौ अन्तिमसम्ममा नीति महाधिवेशन गर्नुपर्नेमा जोड दिए।

त्यसैगरी पार्टी उपसभापति धनराज गुरूङले सबैले सभापतिको हात दह्रो पारौं भनेको बताउँदै ‘के हामीचाहिँ सभापतिको हात कमजोर पार्न लागेका छौं र?’ भनेर जवाफ दिए।


प्रकाशित: July 16, 2022 | 19:05:40 काठमाडौं, शनिबार, असार ३२, २०७९

तपाईं को प्रतिक्रिया

ट्रेंडिंग

बक्स अफिसमा नयाँ रेकर्ड बनाउँदै पठान

फिल्मले सबैभन्दा छोटो समयमा ४ सय करोडभन्दा बढीको व्यापार गर्ने हिन्दी चलचित्रको रेकर्ड पनि कायम गरेको छ। चौथो दिनमात्र पठानले १०० करोडभन्दा बढीको बिजनेस गरेको छ।

रवि लामिछानेले लिए नागरिकता

लामिछानेले जिल्ला प्रशासन काठमाडौंमा अमेरिकी नागरिकता त्यागेको निस्सा पेस गरेपछि दोस्रो पटक नेपाली नागरिकता लिएका हुन्।

लाइन मिचेर नागरिकता लिन सीडीओ कार्यालय पुगे रवि

रवि लामिछाने नागरिकता लिन जिल्ला प्रशासन कार्यालय काठमाडौं पुगेका छन्। आइतबार दिउँसो १२ बजे उनी नागरिकता लिन सीडीओ कार्यालय पुगेका हुन्।

रविको राजीनामापछि रास्वपाको पहिलो बैठक बस्दै

राष्ट्रिय स्वतन्त्र पार्टीको केन्द्रीय समिति बैठक बस्ने भएको छ।

प्रथम सरस्वती कराते कपको उपाधी इचङुनारायण र ब्रह्मास्मी स्कुललाई

प्रथम सरस्वती कप सिनियर/जुनियरको उपाधी इचङुनारायण डोजो र ब्रह्मास्मी स्कुलले जितेको छ।

चितवन-२ मा उपनिर्वाचन हुने, अयोग्य ठहरिएका रवि चुनाव लड्न पाउलान्?

पुनः नागरिकता प्राप्त गरेसँगै चितवन क्षेत्र नम्बर २ मा अब हुने उपनिर्वाचनमा उनी सहभागी हुन सक्नेछन्। तर त्यसअघि अन्य कसुरमा उनीमाथि कारबाही नभएको अवस्थामा मात्रै उपनिर्वाचनमा उम्मेदवार हुन पाउने छन्।

मुक्तिनाथ बैंकका गार्डले सांग्रिलाको एटीएम फुटाउन खोजेपछि...

एटीएम फोडेर पैसा झिक्न खोज्ने एकजनालाई प्रहरीले शुक्रबार पक्राउ गरेको छ।

रविको राजनीतिक यात्रा: ६ महिनामा अविश्वसनीय छलाङ, अचानक उपलब्धि शून्य

उनले हासिल गरेका उपप्रधान तथा गृहमन्त्री र सांसद पद गएको छ। त्यतिमात्र नभएर उनी आफैंले ६ महिनाअघि गठन गरेको पार्टीबाट पनि उनी बेदखल भएका छन्। रविको आफ्नै शब्दमा भन्ने हो भने उनी अनागरिक भएका छन्।

डिल्लीबजारस्थित फ्युजन कन्सल्टेन्सीबाट तीन जना पक्राउ

डिल्लीबजारस्थित फ्युजन कन्सल्टेन्सीमा प्रहरीले छापा मारेर तीन जनालाई पक्राउ गरेको छ।

लोकदोहोरी गायक भीम पौडेलको निधन

लोकदोहोरी गायक भीम पौडेलको निधन भएको छ। स्याङजा खुदी घर भएका पौडेल लामो समयदेखि लोकदोहोरी गायनमा सक्रिय थिए।

थप समाचार

नेपाल समय
राजनीति

वामदेव र रावल नेकपा एसमै आउने घनश्याम भुसालको ठोकुवा

नेकपा एसले मुलुकमा एकीकृत वाम नेतृत्व गर्ने र यसमा धेरै कम्युनिस्ट नेताहरू जोडिने भुसालको तर्क।
नेपाल समय
राजनीति

माओवादी स्थायी कमिटी बैठक सुरु, राष्ट्रपति चयनबारे छलफल हुँदै

नेकपा माओवादी केन्द्रको स्थायी कमिटी बैठक सोमबार पनि बसेको छ।
नेपाल समय
राजनीति

सहिदको बलिदान गणतन्त्रको प्रतिफल : प्रधानमन्त्री प्रचण्ड

सहिद दिवस राजनीतिक दलका लागि राष्ट्र, जनताको प्रगति र सेवामा समर्पित हुन प्रेरणा स्रोत बनेको प्रधानमन्त्री प्रचण्डको धारणा।
नेपाल समय
राजनीति

कांग्रेस सभापति देउवासँग अमेरिकी उपविदेशमन्त्री न्युल्यान्डको भेट

धुम्बाराहीस्थित निवासमा अमेरिकी उपविदेशमन्त्री र देउवाबीच भेटवार्ता भएको हो।
नेपाल समय
राजनीति

रवि बाहिरिएपछि पहिलो मन्त्रिपरिषद्क बैठक बस्दै

मन्त्रिपरिषद्को बैठक आज बस्दै छ। प्रधानमन्त्री पुष्पकमल दाहाल ‘प्रचण्ड’ले बैठक दिउँसो ४ बजे सिंहदरबारमा बोलाएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना