मंगलबार, मंसिर १३, २०७९

मन्त्रिपरिषद् हेरफेर, नेकपा एसका यी ५ नेता बने मन्त्री

नेपाल समय  |  काठमाडौं, आइतबार, असार १२, २०७९

नेपाल समय

नेपाल समय

आइतबार, असार १२, २०७९, काठमाडौं

नेपाल समय

काठमाडौं- प्रधानमन्त्री शेरबहादुर देउवाले मन्त्रिपरिषद् पुनर्गठन गरेका छन्। आइतबार भएको मन्त्रिपरिषद् पुनर्गठनमा नेकपा एकीकृत समाजवादीका मन्त्रीहरू हेरफेर भएका हुन्।

एकीकृत समाजवादीबाट नेताहरु जीवनराम श्रेष्ठ संस्कृति पर्यटन तथा नागरिक उड्डयनमन्त्री, मेटमणि चौधरी शहरी विकास मन्त्री, शेरबहादुर कुँवर श्रम, रोजगार तथा सामाजिक सुरक्षामन्त्री, भवानी खापुङ स्वास्थ्य तथा जनसंख्या मन्त्री र हीरा केसी स्वास्थ्य तथा जनसंख्या राज्यमन्त्री बनेका छन्।

राष्ट्रपति कार्यालयले आइतबार साँझ एक विज्ञप्ति जारी गरी प्रधानमन्त्री देउवाले मन्त्रिपरिषद पुनर्गठन गरेको उल्लेख गरेको जानकारी दिएको छ। 

को हुन् नयाँ मन्त्री? 

जीवनराम श्रेष्ठ
नेकपा एसका सचेतकसमेत रहेका जीवनराम श्रेष्ठलाई पार्टीले पर्यटन तथा नागरिक उड्डयनमन्त्री बनाएको छ। श्रेष्ठ राष्ट्रिय खेलकुद परिषद् (राखेप) नेपालका १२ औं र १६ औं सदस्यसचिव थिए। पहिलोपटक वि.सं. २०५३ देखि वि.सं. २०५४ सम्म र दोस्रो पटक वि.सं. २०६३ देखि वि.सं. २०६६ सम्म उक्त पदमा रहेर उनले काम गरेका थिए। 

जीवनराम हाल नेपाल ओलम्पिक कमिटीका निर्वाचित अध्यक्ष पनि हुन्। उनी यसअघि नेपाल ओलम्पिक कमिटीका महासचिव थिए। श्रेष्ठ नेपाल स्की संघका अध्यक्ष पनि हुन्। उनी मन्त्री बन्‍ने भएसँगै अब श्रेष्ठले उक्त पदबाट राजीनामा दिनुपर्ने हुन्छ। ०७४ सालको प्रतिनिधिसभाको निर्वाचनमा नेपाली कांग्रेसका नवीन्द्रराज जोशीलाई पराजित गर्दै उनी नेकपा एमालेबाट काठमाडौं क्षेत्र नम्बर ८ मा विजयी भएका थिए। यसअघि २०७० सालमा भएको दोस्रो संविधानसभा निर्वाचनमा भने उनी जोशीसँग पराजित भएका थिए। 

मेटमणि चौधरी

त्यसैगरी दाङ निर्वाचन क्षेत्र नम्बर १ को प्रतिनिधिसभामा मेटमणि चौधरी विजयी भएका थिए। पहिलो पटक प्रतिनिधिसभाको निर्वाचन लडेका चौधरीले पूर्वसांसद एवम् नेपाली कांग्रेसकी उम्मेदवार सुशीला चौधरीलाई १३ हजार ८३४ मतान्तरले हराए। त्यस समय नेकपा माओवादी केन्द्र र नेकपा एमालेबीच भएको वाम गठबन्धनको फाइदा उनले उठाएका थिए। 

अहिले नेकपा विभाजन भएपछि भने उनी माधव कुमार नेपालले बनाएको नयाँ पार्टी एकीकृत समाजवादीमा लागेका हुन्। नेकपा एसको केन्द्रीय सदस्यसमेत रहेका चौधरी लुम्बिनी प्रदेश कमिटीको अध्यक्षसमेत हुन्। पहिलो पटक प्रतिनिधिसभा सदस्य भएको साढे चार वर्षको अवधिमा उनी मन्त्री बनेका हुन्। 

शेरबहादुर कुँवर 

नेकपा एमालेका नेता भीम रावलका प्रतिस्पर्धी रहेका शेरबहादुर कुँवरलाई माधव नेपालले श्रममन्त्री बनाएका छन्। तत्कालीन नेकपा एमालेको अछाम जिल्ला कमिटी अध्यक्षसमेत रहेका कुँवर राष्ट्रियसभा सदस्य थिए। उनको कार्यकाल सकिएको छ। एमाले विभाजन भएपछि भने उनले एकीकृत समाजवादी रोजेका थिए। एमालेको जिल्ला अध्यक्ष नै एकीकृत समाजवादीमा प्रवेश गरेपछि अछाममा एमाले कमजोर भएको आकलन गरिएको थियो। कुँवर समाजवादीका केन्द्रीय सदस्य हुन्। 

रावल र कुँवर दुवैको क्षेत्र अछाम क्षेत्र नम्बर १ हो। एकापसको सहयोगमा निर्वाचित हुँदै आएका उनीहरु अबको निर्वाचनमा प्रतिस्पर्धी हुने भएका छन्। रावलका प्रतिस्पर्धी कुँवर मन्त्री बनेसँगै आगामी चुनाव रावलका लागि थप चुनौतीपूर्ण हुने भएको छ। 

भवानीप्रासद खापुङ 

तत्कालीन भौतिक पूर्वाधार तथा यातायता राज्यमन्त्री सीता गुरुङलाई पराजित गर्दै प्रतिनिधिसभामा निर्वाचित भएका सांसद भवानीप्रसाद खापुङ स्वास्थ्य राज्यमन्त्री थिए। अब उनी स्वास्थ्यमन्त्री बन्‍ने भएका हुन्। तेह्रथुमबाट निर्वाचित प्रतिनिधिसभा सदस्य खापुङ नेकपा एसका केन्द्रीय सदस्य हुन्। २०६४ सालको संविधानसभाको निर्वाचनमा पराजित भएका खापुङले २०७० सालको संविधान सभाको निर्वाचनमा कांग्रेसका तुलसी सुब्बालाई पराजित गरेका थिए। 

विद्यार्थी राजनीति हुँदै खापुङ जिल्लाको राजनीतिमा सक्रिय भएका हुन्। २०५४ सालको स्थानीय तहको निर्वाचनमा तेह्रथुम साविकको मोराहाङ गाविस अध्यक्षमा एमालेबाट निर्वाचित भएका  खापुङ २०५५ सालमा जिल्लाको पाँचौ अधिवेशनमा जिल्ला कमिटीको सचिवमा सर्वसम्मत भएका थिए। २०५८ सालको छैटौं र २०६१ सालको सातौं अधिवेशनमा समेत जिल्ला कमिटिको सचिवमा उनी निर्विरोध निर्वाचित भएका थिए। २०६६ सालको आठौं जिल्ला अधिवेशनबाट जिल्ला कमिटिको अध्यक्षमा निर्वाचित भएर उनले तीन कार्याकाल काम गरेका थिए।

२०६९ सालमा एमालेको केन्द्रीय अनुशासन आयोगको सदस्यमा मनोनित भई नवौं राष्ट्रिय महाधिवेशनमा समेत काम गरेका उनले २०६० सालमा आफ्नै पहलमा तिनजुरे जडिबुटी सहकारी संस्था लिमिटेडको स्थापना गरेका थिए। एमाले विभाजनपछि भने उनी माधव नेपालले स्थापना गरेको नयाँ पार्टीमा लागेका हुन्। उनलाई माधव नेपालका विश्‍वासपात्रको रुपमा लिइएको छ। 

हिराचन्द्र केसी

दाङको निर्वाचन क्षेत्र नं. ३ बाट प्रतिनिधि सभामा विजयी भएका हिराचन्द्र केसीलाई स्वास्थ्य राज्यमन्त्रीको जिम्मेवारी दिइएको छ। केसीले ४० हजार २ सय ८७ मत प्राप्त गरी नेपाली कांग्रेसका केन्द्रीय सदस्य दीपक गिरीलाई पराजित गरेका थिए। यसअघि भवानी खापुङ स्वास्थ्य राज्यमन्त्री रहेकोमा उनलाई स्वास्थ्यमन्त्री बनाइएपछि केसीलाई राज्यमन्त्रीको जिम्मेवारी दिइएको हो। मन्त्रिपरिषद्‌मा यो उनको पहिलो इन्ट्री हो। 

नेपाल समय

प्रकाशित: June 26, 2022 | 19:32:46 काठमाडौं, आइतबार, असार १२, २०७९

तपाईं को प्रतिक्रिया

ट्रेंडिंग

चितवनका तीन क्षेत्रमा कसको अवस्था कस्तो?

प्रतिनिधिसभामा तीनवटा निर्वाचन क्षेत्र रहेको चितवनमा तीनवटै क्षेत्रको मतगणना भइरहेको छ।

काठमाडौं-९ मा एमालेका कृष्णगोपाल श्रेष्ठ विजयी

यो एमालेको दोस्रो जित हो। यसअघि एमालेले ललितपुर २ मा जित निकालेको थियो।

गुल्मी-२ मा ठूलो मतान्तरले पछि परिन् झाँक्री

गुल्मी क्षेत्र नम्बर २ मा सत्ता गठबन्धनकी उम्मेदवार रामकुमारी झाँक्रीलाई भारी मतले पछि पार्दै नेकपा एमालेका गोकर्ण विष्टले अग्रता कायम राखेका छन्।

समानुपातिक मतमा स्वतन्त्र पार्टी तेस्रो, एमालेलाई पछ्याउँदै कांग्रेस

प्रत्यक्षतर्फ चार वटा निर्वाचन क्षेत्रको अन्तिम मतपरिणाम सार्वजनिक भएको छ भने समानुपातिकतर्फ पनि मतगणना भइरहेको छ।

गुल्मी-२ मा झाँक्रीलाई पछि पार्दै विष्टको अग्रता

आइतबार भएको निर्वाचन जारी मतगणनामा विष्ट ६७२ मतसहित अगाडि छन्।

युथ युनेस्को क्लब युएसएको इन्टरनेशनल मिडिया एडभाइजरमा बस्नेत

अमेरिकाको क्यालिफोर्नियामा युवा केन्द्रित रचनात्मक कार्यहरू सञ्चालन गर्दै आएको युथ युनेस्को क्लब युएसएले सञ्चारकर्मी मनोज बस्नेतलाई अन्तर्राष्ट्रिय सञ्चार सल्लाहकारमा मनोनयन गरेको छ।

दुई क्षेत्रमा स्वतन्त्र पार्टी अगाडि, दुई-दुईमा कांग्रेस र एमाले

काठमाडौं हिजो आइतबार सम्पन्न प्रतिनिधिसभा र प्रदेशसभाको निर्वाचन अन्तर्गत आज बिहानदेखि केही क्षेत्रमा मतगणना सुरु भएको छ।

बाजुरामा गोली लागेका एक जनाको मृत्यु

कांग्रेस र एमालेका कार्यकर्ताबीच विवाद भएपछि मतदान सकिनै लाग्दा झडप भएको हो।

जेलबाट मतदान गरेपछि रेशम चौधरीले भने– बडा मज्जा आयो

कैदीबन्दीले पनि निर्वाचनमा सहभागी हुन पाउने भएपछि उनीहरु उत्साहित भएका थिए। काठमाडौं उपत्यकामा १८२ जना कैदीबन्दी मतदान गर्न योग्य भएको निर्वाचन अयोगको तथ्यांक छ।

थप समाचार

नेपाल समय
राजनीति

अघिल्लो पटक मधेससँगको प्रचण्ड 'लभ' यसपटक 'ब्रेक-अप'

अन्य कम्युनिस्ट पार्टीले वर्गीय मुद्दा उठाएर राजनीति गर्न खोज्दा माओवादीले मधेसमा जातीय मुक्ति र क्षेत्रीय उत्पीडनको सवाल चर्काएर नेतृत्व गर्न खोजेको थियो, कुनै बेला। ४ मंसिरमा सम्पन्न प्रतिनिधिसभा तथा प्रदेशसभा निर्वाचनको मत परिणामपछि मधेसले माओवादीलाई पत्याउन छाडेको पुष्टि गर्छ।
नेपाल समय
राजनीति

जुनसुकै भूमिका निर्वाह गर्न हामी तयार छौं : सुवास नेम्वाङ

'जनताले सुनाएको निष्कर्षबाट निषेधको राजनीति पराजित भएको छ; जनताका अगाडि धेरै विषय र प्रश्न थिए,' संविधानसभा अध्यक्षसमेत रहेका नेम्वाङले भने, 'निर्वाचनले दिएको निष्कर्षले जनताको विजय भएको छ।'
नेपाल समय
राजनीति

यी हुन् चुनाव हारेका निवर्तमान सांसद

नेकपा (माओवादी केन्द्र)का महासचिव देवप्रसाद गुरूङ, उपमहासचिवद्वय गिरिराजमणि पोखरेल र पम्फा भुसाल पनि पराजित भए। यस्तै प्रदेश १ का पूर्व-मुख्यमन्त्री शेरधन राईलाई प्रतिनिधिसभाको यस निर्वाचन अफापसिद्ध रह्यो।
नेपाल समय
राजनीति

के हो रामकुमारीको सन्देश?

खुलेको मुस्कानसहित उक्त तस्बिर सार्वजनिक भएपछि बाम एकताको आकलन धेरैले गरे। हुन पनि चुनावी मतपरिणाम आउँदै गर्दा बाम एकता गरेर नयाँ सरकार बनाउनुपर्ने धारणा एमाले र नेकपा एसका धेरै नेताको देखिन्छ।
नेपाल समय
राजनीति

बालुवाटारमा पाक्दै छ प्रधानमन्त्रीको खिचडी, देउवाले भेटे प्रचण्ड र माधव नेपाल

नेता नेपाल र र प्रचण्डले प्रधानमन्त्री निवास बालुवाटार पुगेर आगामी सहयात्रा, सरकार गठनलगायत विषयमा देउवासँग छुट्टाछुट्टै भेटवार्ता गरेका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना