शुक्रबार, भदौ ३, २०७९

कस्तो होला रविले घोषणा गरेको दल?

नेपाल समय  |  काठमाडौं, मंगलबार, असार ७, २०७९

नेपाल समय

नेपाल समय

मंगलबार, असार ७, २०७९, काठमाडौं

नेपाल समय

काठमाडौं– सञ्चारकर्मी रवि लामिछाने राजनीतिमा होमिएका छन्। मंगलबार राष्ट्रिय सभागृहमा कार्यक्रम आयोजना गरेर लामिछानेले ‘राष्ट्रिय स्वतन्त्र पार्टी’ खोल्ने घोषणा गरेका छन्। 

आगामी संसदीय निर्वाचनमा उम्मेदवारी दिने सोच बनाएर केही दिन अघिमात्रै सञ्चार कर्म छाडेका उनले मंगलबार दल घोषणा गरेका हुन्।दल घोषणासभालाई सम्बोधन गर्दै उनले अहिलेका राजनीतिक दलहरुबाट आशा मरिसकेकाले नयाँ दल घोषणा गर्नुपरेको बताए। 

‘मैले टेलिभिजनमा दलहरुलाई सुध्रन, सप्रन भनेर कराएँ, तर दलहरु सप्रिएनन्। मेरो आवाज चर्को थियो तर तपाईंहरुले कहिलै झर्को मान्नु भएन। दलहरु कहिलै सुध्रेनन्, सुध्रेनन् मात्रै होइन, जनमत गुमाउँदा समेत गठबन्धन गरेर सत्ता सञ्चालन गरिरहे,’ उनले भने, ‘विश्वास गर्नुस् मैले जति मान्छे रोएको कसैले देखेकै छैन। अब उहाँहरुबाट केही हुँदैन। यहाँ कति हिलो र धुलो छ मलाई थाहा छ। सफा गर्न जाँदा म केही समय हिलोमा डुबेकै जस्तो देखिन सक्छु। तर, उस्तै नठान्नुहोला।’ 

उनले प्रश्न सोध्ने ठाउँबाट उत्तर दिने गाह्रो ठाउँमा आइपुगेको बताए। ‘फेसबुकको लाइकलाई भोटमा कन्भर्ट गर्न सहज छैन। प्रश्न सोध्ने सजिलो काम छोडेर उत्तर दिने गाह्रो काममा आइपुगेको छु। तर यो गाह्रो काम म सहजै फत्ते गर्न सक्छु,’ उनले भने।  

व्यवस्था परिवर्तन नभएर अवस्था बदल्न आफू राजनीतिमा होमिएको उनले बताए। दलहरुसँग कुराकानी गरे पनि अहिलेका दलबाट अपेक्षा नै नभएकाले धन्यवाद भन्ने अवस्थामा पुगेको उनको भनाइ छ। ‘म यहाँ अवस्था परिवर्तन गर्न आएको छु। मलाई कुनै व्यवस्था बदल्नु छैन, तपाईंहरुको अवस्था बदल्न आएको हुँ। राजनीतिक दलहरुसँग कुराकानी नगरेको होइन तर दलहरुलाई हेर्दा धन्यवाद भन्नुबाहेक अर्को विकल्प रहेन। मलाई प्रचण्ड, शेरबहादुर, केपी ओलीजीसँग केही प्रश्न छैन। जनयुद्धका योद्धा, मधेश आन्दोलनका योद्धासँग मेरो कुनै प्रश्न छैन। सबै राजनीतिक दलहरुसँग मेरो केही न केही कुरा भएको थियो। म आजका मितिसम्म नेपालमा दर्ता भएका कुनै पनि राजनीतिक दलमा प्रवेश गर्दिनँ,’ उनले भने। 

आगामी संसदीय निर्वाचनमा उम्मेदवारी दिने सोच बनाएर केही दिन अघिमात्रै सञ्चार कर्म छाडेका उनले मंगलबार दल घोषणा गरेका हुन्।दल घोषणासभालाई सम्बोधन गर्दै उनले अहिलेका राजनीतिक दलहरुबाट आशा मरिसकेकाले नयाँ दल घोषणा गर्नुपरेको बताए। 

उनले प्रत्येक राजनीतिक दलभित्र राम्रा मान्छे भएको र तिनीहरुको सम्मान गर्न आफू नचुक्ने बताए। तर, ती राम्रा मान्छेहरुले हिम्मत गर्न नसकेको उनको भनाइ छ। ‘अब जसको भिजन उसैको सरकार हुनेछ। उमेर पुगेपछि वृद्ध भत्तामात्रै पाइन्छ, सत्ता पाइँदैन। म स्वतन्त्र उम्मेदवारका रुपमा उठ्न यहाँ आएको छु तर एउटा मान्छेको प्रयासले फरक नपार्ने होइन,’ उनले भने, ‘नयाँ ढंगले नयाँ राजनीतिक पार्टीलाई लिएर नजाने हो भने पुराना दलहरुको दलदलभित्र फस्ने छ। म नेपाली जनताले भनेजस्तो दल लिएर जानेछु।’

उनले पार्टी सञ्चालनका लागि उद्योगी–व्यापारीसँग कहिलै चन्दा नलिने घोषणा गरेका छन्। व्यापारिक घरानाको चन्दाबाट होइन, सर्वसधारणबाट चन्दा संकलन गरेर पार्टी चलाउने योजना उनले सुनाएका छन्। यस्तै, उनले निर्वाचनमा उठ्न चाहने विकासको मोडल र सुशासनको मोडल देखाएन भने भोट नहाल्न आग्रह गरे।

आफूलाई झापा, डडेल्धुरा र चितवनबाट चुनाव लड्न मन लागेको उनले सुनाए। तर, सबैको सुझाव अनुसार निर्वाचन क्षेत्र छान्ने उनको भनाइ छ। ‘मलाई निर्वाचन क्षेत्रका बारेमा पनि प्रश्न आइरहन्छ। झापा, डडेल्धुरा र चितवनबाट चुनाव लड्न मन छ। म डराएको पनि होइन। तर, सबैको सुझाव अनुसार अघि बढ्छु,’ उनले भने, ‘हामीलाई हार्ने सुविधा छैन। एकजनालाई संसद छिर्नबाट म रोक्छु। बेथितिको यो मेन स्विचलाई अफ गरिदिउँ।’

यस्ता छन् रविको पार्टीका विशेषता 

१) प्रारम्भिक निर्वाचन गरेर सदस्यता लिएको मानिसको भोट नलिई कोही नेता पाउनेछैन। पार्टीको सदस्यता लिएकाहरुबाट चुनिएर मात्रै टिकट पाउनेछैन।

२) पार्टीभित्रको सबै संरचनामा ५० प्लस १ प्रतिशत युवा अनिवार्य हुनेछ।

३) प्रत्यक्ष निर्वाचित प्रधानमन्त्री र मुख्यमन्त्री हुनेछ। यदि मैले प्रधानमन्त्री हुन चाहेको हो भने साधारण सदस्यहरुले जिताएको मान्छे मात्र प्रधानमन्त्री हुनेछ। दलभित्र प्रधानमन्त्री बनेर जितेर जाने मान्छेले मन्त्री घोषणा गरेर जान सक्नेछ। मेरो मन्त्रीमण्डलमा को–को हुनेछन् भनेर जान पाउनेछन्।

४) राइट टु रिकल, राइट टु रिजेक्ट। चुनेर पठाएको मान्छेबाट राम्रो काम भएन भने कठालो समातेर फिर्ता लिएर आउने व्यवस्था गरका छौं।  

५) डिजिटल डेमोक्रेसीको अभ्यास। डिजिटली भोट हाल्न पाइनेछ। 

६) परिवारवादलाई पूर्ण रुपमा निषेध। केन्द्रीय समितिमा कुनै पनि नतागोतालाई नियुक्त गरिनेछैन। नातागोतालाई सरकारी नियुक्ति दिइँदैन।  

७) कार्यकर्ता भन्ने युगलाई समाप्त पारिदिऔं। कार्यकर्ता हुन पर्दैन, सदस्य मात्रै हुने हो। कुनै भातृसंस्था छैन, हुँदैन।


प्रकाशित: June 21, 2022 | 14:50:22 काठमाडौं, मंगलबार, असार ७, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

रक्षात्मक अर्थमन्त्री, 'कम्फर्टेबल' सचिव!

दोस्रो इनिङ सम्हालेयता अर्थमन्त्री जनार्दन शर्मा पहिलो कार्यकालमा जस्तो क्रान्तिकारी र उत्तेजक रूपमा प्रस्तुत भएका छैनन्। बजेट पारित भइसकेको र चुनाव सँघारमा रहेकाले महत्त्वपूर्ण निर्णय गर्नुपर्ने झमेला नहुँदा पहिलो कार्यकालमा जस्तो सक्रिय छैनन् उनी।

बञ्चरेमा फोहोर फाल्न तीन बुँदे सहमति

काठमाडौंको फोहोर बञ्चरेडाँडा ल्यान्डफिल साइटमा फाल्न तीन बुँदे सहमति भएको छ।

कांग्रेस नेता लेखकले भने - अब ५ वर्षभित्र दोधारामा सुक्खा बन्दरगाह बन्छ, तटबन्धनको काम सुरु भइसक्यो

नेता लेखकले दोधारा चाँदनी नगरपालिकामा भएको एक कार्यक्रममा नेता लेखकले भने, 'नेपाली कांग्रेसको सरकारले सुक्खा बन्दरगाह निर्माणको प्रक्रिया अगाडि बढाएकोमा ०७४ सालको निर्वाचनमा कञ्‍चनपुर -३ मा कांग्रेस पराजित भएपछि प्रक्रिया अगाडि नबढेको हुँदा आगामी निर्वाचनमा नेपाली कांग्रेसलाई विजयी गराएमा आगामी ५ वर्षभित्र सुक्खा बन्दरगाह निर्माण सम्पन्‍न हुनेछ।'

रेशम रिहाइको 'बार्गेनिङ' : आरजु जहाँ लड्छिन् त्यहीँ रञ्‍जिताको उम्मेदवारी

‘टीकापुरमा हामी ढुंगा उठाए पनि जित्छौँ। प्रधानमन्त्रीपत्‍नी आरजु लड्ने चुनाव क्षेत्र पर्खिएर बसेको छौं। आरजु जहाँबाट उठ्नुहुन्छ त्यहीँ रञ्‍जितालाई उठाउने तयारी हो, अन्यायमा पारेर निर्दोषलाई जेलमा थुन्दा पनि बेवास्ता गरेर विभेद गर्नेलाई हराउने हो।'

कांग्रेसका स्थानीय जनप्रतिनिधि भन्छन् – गठबन्धनले कतै आश, कतै निराश

कांग्रेसका मतदातालाई अहिले पनि रुख चुनाव चिह्न प्यारो छ। गठबन्धन गर्दा पनि रुख चुनाव चिह्न भयो भने अन्य पार्टीका उम्मेदवारलाई भोट हालेजस्तो अनुभूति हुँदैन। अर्को पार्टीको चुनाव चिह्नमा कसरी भोट हाल्ने भन्ने पार्टी समर्थक मतदातामा अन्योल छ।

कांग्रेसले लत्यायो आफ्नै निर्णय

केन्द्रीय समितिले गरेको निर्णय नम्बर ४ मा भनिएको छ, 'अवधि समाप्त भएर गठन हुन बाँकी रहेका र पूर्णता प्राप्त नगरेका पार्टी आवद्ध भ्रातृ संघलाई यही २०७९ श्रावण मसान्तभित्र गठन र पूर्णता दिने।'

सिन्धुलीबाट लड्दा प्रचण्डलाई कति सहज?

२०६४ सालयता भएका तीनवटा निर्वाचनमा प्रचण्डले चार क्षेत्रबाट निर्वाचन लडिसकेका छन्। ०६४ सालको पहिलो संविधानसभा निर्वाचनमा रोल्पा–२ र काठमाडौं–१० गरी दुई ठाउँबाट निर्वाचित प्रचण्डले २०७० सालको निर्वाचनमा भने काठमाडौं–१० र सिरहा–५ बाट लडेका थिए।

एकीकृत समाजवादीसँग पनि एकताको तयारी छ, नाम नेकपा रहन्छ : प्रचण्ड

पार्टी एकता पछि हुने पार्टीको नाम नेकपा हुनेमा आफूहरूबीच सहमति भइसकेको र त्यसमा समाजवादी वा यस्तै केही थपिन सक्ने उनको भनाइ छ। तर एकता भने चुनाव पछि हुने उनको भनाइ छ।

एमालेभित्र '१० भाइ'का दुःख- कसै-कसैले त टिकट पाउनै मुस्किल!

एमाले नचोइटिँदासम्म नेता माधव नेपालको पक्षमा रहेका १० भाइ पार्टी विभाजनपछि एमालेमै अडिए। १० भाइ एमालेमै बसे पनि अध्यक्ष ओली अझै दाहिना भएका छैनन्।

तेस्रो पार्टी संलग्न रहेको भन्दै भारतमाथि फिफाको प्रतिबन्ध

फिफो अल इन्डियन फुटबल फेडेरेसन(एआईएफएफ) मा तेस्रो पार्टी संलग्न रहेको भन्दै अनिश्चितकालका लागि प्रतिबन्ध लगाएको हो।

थप समाचार

नेपाल समय
राजनीति

एमालेले बहुमत ल्याउने गरी चुनावको तयारी गरिरहेको छ : योगेश भट्टराई

त्यसका लागि पार्टीका सबै विभागहरुले विज्ञहरुसँग छलफल गरेर सो घोषणा पत्रको मस्यौदा तयार पार्ने योजना अनुसार काम भइरहेको पनि सचिव भट्टराईले जानकारी दिए।
नेपाल समय
राजनीति

प्रतिनिधिसभाका ६४ वर्ष : यसरी मौलाए कम्युनिस्ट

पहिलो प्रतिनिधिसभा निर्वाचनमा ३.६६ प्रतिशत (१०९ मध्ये ४ जना) जितेका कम्युनिष्ट सांसदको संख्या बढेर पछिल्लो प्रतिनिधिसभा निर्वाचनमा ६४ प्रतिशतभन्दा बढी (२७५ मध्ये १७७ जना) पुगेको छ।
नेपाल समय
राजनीति

कांग्रेस नेता प्रदीप गिरिको स्वास्थ्य अवस्था गम्भीर

गिरि अवस्था गम्भीर रहेको अस्पतालले जानकारी दिएको छ। उनी लामो समयदेखि क्यान्सरबाट पीडित थिए।
नेपाल समय
राजनीति

वाइसिएललाई विश्राम लिन छुट छैन : अध्यक्ष दाहाल

वाइसिएललाई शान्तिपूर्ण फौजका रूपमा काम गर्न दाहालको निर्देशन।
नेपाल समय
राजनीति

जसपाको उम्मेदवार हुन तोकियो मापदण्ड

शुक्रबार बसेको जसपाको राजनीतिक समिति बैठकमा अध्यक्ष उपेन्द्र यादवले उम्मेदवारको मापदण्ड र योग्यताबारे प्रस्ताव गरेका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना