शुक्रबार, असार १७, २०७९

काठमाडौंको नयाँ मेयर अर्थात् बालेन शाह

कौशल काफ्ले  |  काठमाडौं, बुधबार, जेठ ११, २०७९

कौशल काफ्ले

कौशल काफ्ले

बुधबार, जेठ ११, २०७९, काठमाडौं

नेपाल समय

काठमाडौं- अघिल्लो स्थानीय तहको निर्वाचनमा बालेन्द्र शाह ‘बालेन’ले फेसबुकमा लेखेका थिए- यसपटक मैले भोट हालिनँ। म अर्कोपटक भोट हाल्छु, त्यो पनि आफैंलाई।

०७४ सालमै ०७९ को स्थानीय चुनावमा काठमाडौंमा मेयर उठ्ने चाहना उनले फेसबुकमार्फत पोखेका थिए। नभन्दै उनी मेयरमा चुनाव लडे। आफैंलाई भोट पनि हाले। र, बालेन आफैँले मात्र आफूलाई भोट हालेनन्, हजारौं मतदातालाई मत दिन प्रेरित गरे। अहिले उनी काठमाडौंका मेयरमा निर्वाचित भएका छन्।

३१ वर्षीय बालेन चुनावी मैदानमा आउँदासम्म उनको खासै चर्चा थिएन। थियो त, र्‍यापरको रुपमा उनी आफ्ना फ्यानहरु माझ लोकप्रिय थिए। आम मान्छे उनको परिचयबारे बेखबर थिए। तर, जब कालो चस्मा, झ्याप्प दाह्री र कोट लगाएर उनी चुनावी मैदानमा होमिएपछि उनीप्रतिको चासो बढ्यो।

यता प्रमुख राजनीतिक दल एमाले र कांग्रेस (गठबन्धन)ले उम्मेदवार टुंगो लगाउन नभ्याउँदै उनले आफूलाई चिनाउन भ्याइसकेका थिए। ढिलो गरी उम्मेदवारी घोषणा गरेका एमालेका केशव स्थापित र कांग्रेसकी सिर्जना सिंहलाई जिताउन दलहरुले पनि राम्रै मेहनत गरे। तर, काठमाडौंमा दलको कुनै जोरी चलेन। अन्ततः मतदाताले बालेनलाई काठमाडौंमा निर्वाचित गराइछाडे।

अधिकांश वडाहरुमा बालेनकै अग्रता देखिन्छ। मतदाताले अन्य उम्मेदवारलाई दलकै चिह्नमा मत हाले पनि मेयरमा लौरोमा छाप लगाए। जस्तो, वडा नम्बर १ मा बालेनले ७८३ मत पाउँदा रुख र सूर्यमा क्रमशः ४५२ र ३६५ मत खस्यो। वडाध्यक्षमा भने दलकै उम्मेदवार विजयी भए। 

आफैंलाई भोट हाले र, बालेन आफैँले मात्र आफूलाई भोट हालेनन्, हजारौं मतदातालाई मत दिन प्रेरित गरे। अहिले उनी काठमाडौंका मेयरमा निर्वाचित भएका छन्।

त्यस्तै वडा नम्बर २ मा बालेनले १ हजार २१५ मत पाएका छन्। ३ मा २ हजार ३२६ मत पाएका छन्। ४ मा ३ हजार ९६६, ५ मा १ हजार ५०१, ६ मा ३ हजार ४७६, ७ मा ३ हजार ८४६, ८ मा १ हजार ३१३, ९ मा ३ हजार ३१८, १० मा २ हजार ७२८, ११ मा १ हजार ११५ र १२ मा ६५९ मत पाएका छन्।

अर्कोतर्फ वडा नम्बर ३२ बाट मत गन्‍न सुरु गरिएको थियो। यसमा पनि बालेनले नै ‘लिड’ गर्दै आए। जस्तो, ३२ नम्बरमा ५ हजार ५२३ मत ल्याएका बालेनले दलहरुलाई २ हजार ५०० तलै छोडिदिएका थिए। ३१ नम्बरमा ४ हजार १५८, ३० मा १ हजार ८०१, २९ मा १ हजार ६६८, २८ मा ७१७, २७ मा ५५२, २६ मा २ हजार ४२१, २५ मा ७१७, २४ मा ६०२, २३ मा ४८१ र २२ नम्बर वडामा ६७९ मत बालेनले ल्याए। ‘कोर एरिया’मा पुग्दा बालेनको मत केही कम आए पनि उनले मतगणनाभरी अग्रता लिइरहे। यसरी अन्य वडामा पनि बालेनले राम्रै मत पाएका छन्।

यसरी मत पाएका बालेन सुरुवातमा खासै लोकप्रिय थिएनन्। तर, जब यिनलाई मिडियाहरुले पनि ‘स्पेस’ दिए, सामाजिक सञ्‍जालमा यिनको चर्चा चुलिन थाल्यो। पछिल्लो समय केशव स्थापित विवादित बन्दै जानु पनि उनको लागि फाइदाजनक हुन पुग्यो। त्यसपछि एकाएक माहोल बनाए। भित्री टिमको सहयोगमा उनले प्रचारप्रसारलाई व्यापक तीव्रता दिए।

३० गतेको मतदान पछि पनि बालेनलाई लिएर हल्लाखल्ला हुन कम भएन। बरु झन चुलिएर गयो। मतगणनास्थल सभागृह अगाडि उनका समर्थकले दिनदिनै जुलुस निकालिरहे। बालेनको जितमा ती युवाको उत्साहले चुनावी उमंग बढाएको महसुस हुन्थ्यो। यो क्रम लामै चल्यो। 

चुनावअघि यसरी जुलुस निकालेका उनले जितेपछि भने विजय जुलुस तत्काललाई ननिकाल्ने घोषणा गरेका छन्। सफलतापूर्वक काम गर्न सकेको अवस्थामा मात्र खुसीयाली बाँड्ने बालेनले बताएका छन्। 

यद्यपि, बालेनका समर्थक कम छैनन्। चुनावी प्रचारको समयमा उनको समर्थनमा सामाजिक सञ्‍जालमा राम्रै क्रेज देखिन्थ्यो। हुँदाहुँदा उनीविरुद्ध लेख्‍नेलाई त निशेध नै गर्ने तरिकाको काम उनीहरुले गरे। एउटा आलोचनात्मक ब्लग छापेकै आधारमा उनीहरुले अनलाइन खबरलाई ब्लक गर्ने ह्वीम चलाए। यसरी विपक्षमा लेख्‍ने मिडियालाई समेत राम्रै ‘काउन्टर’ उनका समर्थकले दिए।

चुनावअघि यसरी जुलुस निकालेका बालेनले जितेपछि भने विजय जुलुस तत्काललाई ननिकाल्ने घोषणा गरेका छन्। सफलतापूर्वक काम गर्न सकेको अवस्थामा मात्र खुसीयाली बाँड्ने बालेनले बताएका छन्। 

यसरी एकाएक लोकप्रिय बनेर काठमाडौंको मेयर बनेका वालेन को हुन् त? उनी एकाएक कसरी उदाय? जिज्ञासा स्वभाविक हो। काठमाडौंमा एकाएक चर्चा कमाएका बालेन हुन्, बालेन्द्र साह। उनी बुबा रामनारायण शाह र आमा ध्रुवदेवी शाहको छोरा हुन्। यसरी राजनीतिमा उदाएका बालेनको परिवार पनि राजनीतिक नै होलान भन्ने धरैलाई पर्न सक्छ। तर, बालेनको पारिवारिक पृष्ठभूमि भने फरक छ। 

उनका बुबा आयुर्वेदिक डाक्टर हुन्।बालेनको जन्मा काठमाडौंको नरदेवीमा भएको हो। उनी काठमाडौंमै हुर्किए, पेसाले इञ्जिनियर बालेनका दाइ कुशल साह चार्टर्ड एकाउन्टेन्ट छन्। उनकी श्रीमती सविना स्वास्थ्य क्षेत्रमा काम गर्छिन्। भाउजू बैंकर हुन्। बालेनकी बहिनी चित्रकार हुन्। उनको पारिवारिक पृष्ठभूमि यही नै हो। 

बालेनको व्यक्तित्वबारे कुरा गर्दा, उनी सानैदेखि संगीतमा रुची राख्थे। पछि स्थापित र्‍याप गायक नै भए। कतिपय उनका सहकर्मीकाअनुसार उनी कविताहरु पनि कोर्छन्। कविता लेखनमा रुची राख्‍ने बालेन पछि र–बारको र्‍याप ब्याटलमा भाग लिन पुगे। जसको कारण र्‍याप संगीत मनपराउने स्रोतामाझ उनी लोकप्रिय भए।

बालेनले काठमाडौंकै भिएस निकेतन कलेजबाट प्लस–टु गरेका हुन्। विज्ञानमा रुची राख्ने उनी त्यसपछि खुमलटारको हिमालयन ह्वाइटहाउस इञ्जिनियरिङ कलेजमा भर्ना भए। सिभिल इन्जिनियरिङ पास गरे। इन्जिनीयरिङ गर्दादेखि नै बालेनले राजनीतिलाई चासोपूर्वक हेर्थे। समाजमा घट्ने हरेक गतिविधिमा उनको चासो रहन्थ्यो।

त्यसबेलादेखि नै विद्यमान राजनीतिक बथितिदेखि वालेन वाक्क थिए। झन उनले इन्जिनियरीङ गर्दा ताका नेपाल बन्द लगायतको समस्याले ग्रस्त थियो मुलुक। संविधानसभा निर्वाचनको समयमा भएका राजनीतिक परिचालनलाई लिएर पनि आफू वाक्क हुने गरेको बालेनले अन्तरवार्ताहरुमा भन्दै आएका छन्।

केही समयअघि प्रहरीले लामो कपाल पाल्न नपाइने भनेर नियम ल्याएपछि बालेनले ‘प्रहरी प्रतिकार’ भन्‍ने गीत नै निकालेका थिए। संविधान निर्माणमा ढिलासुस्ती भएकोबेला उनको समूहले दबाबमूलक कार्यक्रम पनि गरेको थियो। ‘वी फर कन्स्टिच्युसन’ भन्ने अभियानमा त सक्रियतापूर्वक सहभागी भएको दाबी बालेननिकटहरुको छ। 

पछि बालेन थप उच्च शिक्षाको लागि भारत नै गए। ह्वाइट हाउस इन्स्टिच्युट अफ टेक्नोलोजीबाट सिभिल इन्जिनियरिङमा स्नातक गरेका वालेनले बैंगलोरबाट स्ट्रक्चरल इञ्जिनियरिङमा विशेषज्ञता हासिल गरे। नेपाल फर्किएपछि बालेनले इञ्जिनियरिङको कामलाई नै निरन्तरता दिए। सँगसँगै राजनीतिक गतिविधिलाई नजिकबाट नियाल्थे। 

भूकम्प र नाकाबन्दीको चरम समस्याबाट गुज्रिएको समयमा उनले विभिन्‍न संस्थामा जोडिएका काम पनि गरे। ‘एमआरआर’ र दाह्री ग्याङ भन्ने फेसबुकको समूहले आयोजना गरेको विभिन्‍न कार्यक्रममा सहभागी भइरहने उनका साथीहरु बताउँछन्। सडकभोजमा उनी सहभागी भए। 

मुलधारको राजनीतक दलबाट बिरक्तिएका बालेनले त्यही बेलादेखि विकल्पको खोजी गर्न थालेका थिए। केही न केही त विकल्प खोज्नैपर्छ भन्ने उनलाई लाग्यो। सोही समयमा सतहमा आयो, स्वघोषित वैकल्पिक दल- विवेकशील साझा। 

केही समय उनी यो पार्टीप्रति आकर्षित पनि भए। तर, सदस्यता भने लिएनन्। पछि सो पार्टी आफैं छिन्‍नभिन्‍न हुने अवस्थामा पुगेपछि स्वतन्त्र रुपमा काठमाडौंमा मेयर लड्ने अठोट कायम गरिराखे। र, यही अठोटले उनलाई मनोनयन दर्ता गर्ने ठाउँसम्म डोहोर्‍यायो। काठमाडौंबासीले पनि उनलाई मेयरको रुपमा चुनिदिए।



प्रकाशित: May 25, 2022 | 20:12:16 काठमाडौं, बुधबार, जेठ ११, २०७९

तपाईं को प्रतिक्रिया

तपाईं को प्रतिक्रिया

ट्रेंडिंग

नाबालिगविरुद्ध २७ वर्षीया विवाहित महिलाको बलात्कार मुद्दा, तर अदालतले पत्याएन

बलात्कृत भएकी भनिएकी महिलाको घरमा टिभी मर्मत गर्न पुगेका नाबालिगले सहमतिमै शारीरिक सम्पर्क गरेको बयान दिएपछि जबर्जस्ती करणीको मुद्दामा न्यायाधीशले सुनाए अचम्मको फैसला।

श्रीमतीलाई भीरबाट लडाएर हत्या गर्ने निर्दयी श्रीमान्

गत असार ५ गते भएको घटना १० गते मात्र थाहा भएको थियो। लेकबहादुरले गत असार ५ गते बिहान घरमा कोही नभएको मौका छोपी श्रीमतीलाई कुटपिट गदै लखेट्दै जंगलतिर लगेको प्रहरी अनुसन्धानबाट खुलेको छ।

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

बालुवाटार पुगे नेकपा एसका तीन मन्त्री

स्वाथ्य तथा जनसंख्यामन्त्री विरोध खतिवडा, शहरी विकासमन्त्री रामकुमारी झाँक्री र श्रम, रोजगार तथा समाजिक सुरक्षा मन्त्री कृष्ण कुमार श्रेष्ठ आफूहरुको माग र अडान पुरानै भएको दोहोर्‍याउन बालुवाटार पुगेको स्रोतको दाबी छ। उनीहरुसँग निरा जैरुसहित केही सांसद पनि रहेको बताइएको छ।

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

थप समाचार

नेपाल समय
राजनीति

चार राजदूतले लिए शपथ

शपथ लिने राजदूतहरूमा डा नरेशविक्रम ढकाल, विष्णुपुकार श्रेष्ठ, कैलाशराज पोखरेल र कान्ता रिजाल छन्। उनीहरू क्रमश: कतार, चीन, अस्ट्रेलिया र इजरायलका लागि राजदूतमा नियुक्त भएका हुन्।
नेपाल समय
राजनीति

पर्यटनमन्त्रीले भने - निजगढ अन्तर्राष्ट्रिय विमानस्थल उच्च प्राथमिकतामा

संस्कृति, पर्यटन तथा नागरिक उड्डयनमन्त्री जीवनराम श्रेष्ठले राष्ट्रिय गौरवको आयोजना निजगढ अन्तर्राष्ट्रिय विमानस्थललाई सरकारले उच्च प्राथमिकतामा राखेर अगाडि बढाउने बताएका छन्।
नेपाल समय
राजनीति

जसपा विवाद उत्कर्षमा पुगेका बेला डा बाबुरामले भेटे प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्ड र जनता समाजवादी पार्टी संघीय परिषदका अध्यक्ष डा. बाबुराम भट्टराईबीच भेटवार्ता भएको छ।
नेपाल समय
राजनीति

मन्त्रीहरूलाई दिएको प्रशिक्षणमा के भने माधव नेपालले?

एकीकृत समाजवादीका अध्यक्ष माधवकुमार नेपालले पार्टीका तर्फबाट सरकारमा सहभागी मन्त्रीहरूलाई प्रशिक्षण दिएका छन्।
नेपाल समय
राजनीति

विद्युतीय मतदानयन्त्रको प्रबन्ध गरिदिन सरकारलाई निर्वाचन आयोगको आग्रह

निर्वाचन व्यवस्थापन प्रक्रियालाई छरितो, सुरक्षित तथा स्वच्छ बनाउन निर्वाचनसम्बन्धी कानुनमा भएको व्यवस्थासमेतका आधारमा विद्युतीय मतदानयन्त्रको प्रयोग तथा व्यवस्थापन सम्बन्धमा अध्ययन गर्न आयोगले गठन गरेको समितिबाट प्राप्त प्रतिवेदनका आधारमा गृह मन्त्रालयमार्फत नेपाल सरकार, मन्त्रिपरिषद्लाई लेखी पठाइएको आयोगले आज जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना