बिहीबार, असोज २०, २०७९

वीरगन्‍जको नेतृत्वमा दलभन्दा व्यक्ति हाबी

निर्भीकजंग रायमाझी  |  काठमाडौं, बुधबार, वैशाख १४, २०७९

निर्भीकजंग रायमाझी

निर्भीकजंग रायमाझी

बुधबार, वैशाख १४, २०७९, काठमाडौं

नेपाल समय

काठमाडौं- नेपालको मुख्य व्यापारिक नाका वीरगन्जमा अहिले मौसमी तापक्रमभन्दा चर्कोरुपमा तातिएको छ चुनावी माहो। २०४७ यता नेपाली कांग्रेस र २०६४ पछि कांग्रेसबाट मधेशी दलमा गएका महन्थ ठाकुर, शरतसिंह भण्डारी र कम्युनिस्ट राजनीतिबाट मधेश राजनीतिमा सरेका उपेन्द्र यादवको पार्टी वीरगन्ज महानगरपालिकामा बलियो देखिँदै आएको छ। यद्यपि अहिले संसदीय निर्वाचनदेखि स्थानीय निर्वाचनमा पार्टीभन्दा व्यक्ति हाबी हुँदै आएका छन्। एकै व्यक्तिले पार्टी परिवर्तन गरेर अर्को दलमा जाँदासमेत वीरगन्जको चुनावी परिणाम फरक पर्ने गरेका उदाहरणहरु पनि छन्। 

अहिले सतहमा देखिएका विजयकुमार सरावगी र राजेशमान सिंहबीचको प्रतिस्पर्धा दलगतभन्दा पनि व्यक्तिगत प्रतिस्पर्धाजस्तो देखिन थालेको छ। दुवै उम्मेदवारले मेयरको टिकट पाउन पार्टी परिवर्तन गरे। दुवैजना दोस्रोपटक मेयरमा भिड्दैछन्। दुवैजनाको दलले वीरगन्‍जमा विपक्षीसँग तालमेल गर्नुपरेको छ। 

व्यवसायी रहेका सरावगीले २०७४ मा राजनीति सुरु गर्नेबित्तिकै संघीय समाजवादी फोरमबाट टिकट पाएर मेयर जिते। दोहोर्‍याएर टिकट पाउनकै लागि गत फागुनमा उनी जसपा छाडेर केपी ओलीको हातबाट टीका लगाउँदै एमाले प्रवेश गरे। नेपाली कांग्रेसको विद्यार्थी संगठनबाट राजनीति सुरु गरेका राजेशमान सिंह २०७४ मा महन्थ ठाकुरको राष्ट्रिय जनता पार्टीमा थिए। अहिले उपेन्द्र यादवको जनता समाजवादीबाट मेयर उठेका छन्।

गठबन्धन र एमालेको भिडन्तमा पूर्वमेयर गोपाल गिरिका छोरा गिरिश गिरी पनि राप्रपाबाट मेयरेको दौडमा तेस्रो शक्तिका रुपमा देखा परेका छन्। राजाको प्रत्यक्ष शासनकाल तथा पञ्चायतमा प्रमुख सरकारी अड्डा भएका वीरगन्‍जमा राप्रपाको पनि बलियो जनमत रहेको दाबी गरिएको छ। 

उपमेयरमा भने लोसपाले पुरुषोत्तम झालाई उम्मेदवार बनाएको छ। लोसपाले पर्साका सबै स्थानीय तहमा एमालेसँग चुनावी तालमेल गरेको छ। गठबन्धनको तर्फबाट नेपाली कांग्रेसका इम्तियाज आलमले उपमेयरमा उम्मेदवारी दर्ता गराएका छन्। 

अंकगणितमा गठबन्धन अगाडि

वीरगन्‍जमा गठबन्धनभित्रका कांग्रेस र जसपा बाराबरी शक्तिको रुपमा देखिएका छन्। २०७४ मा जसपाले मेयरसहित १२ वडाध्यक्ष जितेको थियो भने नेपाली कांग्रेसले उपमेयरसहित १० वटा वडाध्यक्ष जितेको थियो। ०७४ को स्थानीय निर्वाचनमा प्राप्त मतलाई आधार मान्दा गठबन्धन अगाडि देखिन्छ।  माओवादीका रहवर अन्सारीले पाएको ८ हजार ३०५ र कांग्रेसका अजयकुमार द्विवेदीले पाएको १७ हजार १९७ मत जोड्दा २५ हजार ५ सय हुन आउँछ। जुन तत्कालीन विजेता विजय सरावगीले पाएको मतभन्दा ६ हजारले बढी हो। सरावगीले १९ हजार ३९३ मत प्राप्त गरेका थिए। 

यद्यपि वीरगन्‍जमा अहिले १६ हजार १४६ मतदाता थपिएका छन्। अघिल्लोपटक एक लाख ८ हजार ५०१ मतदाता रहेको वीरगन्जमा अहिले मतदाता संख्या एक लाख २४ हजार ६४७ पुगेको छ। थपिएका मतदाताको मत नै यसपटक निर्णायक मत हुनेछ। 

गठबन्धनका तर्फबाट हाल उम्मेद्वार बनाइएका जसपाका राजेशमान सिंहले २०७४ को स्थानीय निर्वाचनमा तत्कालीन राष्ट्रिय जनता पार्टी(राजपा) बाट १२ हजार १ सय ६५ मत ल्याएर तेस्रो भएका थिए। एमालेका बसरुद्वीन अन्सारी त्यतिबेला पाँचौ भएका थिए। मुस्लिम समुदायका अन्सारीलाई अहिले एमालेले विजय सरावगीलाई सघाउन राजी गराएको छ। पर्साको मुस्लिम समुदायमा पकड भएका अन्सारीले पाएको मत (८ हजार ६ सय ८८) जोड्दा भने एमालेले र गठबन्धनको बराबरी मतभार हुन आउँछ। 

२०५४ र ज्ञानेन्द्रको शासनमा बलियो देखिएको राष्ट्रिय प्रजातन्त्र पार्टीका अर्जुन बहादुर सिंह ठकुरीले २०७४ को चुनावमा २८५ मत मात्र प्राप्त गरेका थिए। 

यस्ता छन् अन्य उम्मेदवार

वीरगन्जको मेयरमा ३० जना प्रतिस्पर्धामा छन्। सुरुमा गठबन्धनबाट वीरगन्‍जमा कांग्रेसले दाबी गरेको थियो। नेताहरू नरेन्द्र साह, प्रकाश उपाध्याय, विजय सर्राफ मेयरका आकांक्षी थिए। कांग्रेसले अन्तिम अवस्थामा मात्र वीरगन्‍ज छाडेको हो। यता एमालेबाट विजय सरावगीसँगै लोसपाको वीरगन्‍ज कमिटी अध्यक्ष ओमप्रकाश सर्राफ पनि मेयरको दौडमा थिए।

अन्तिम दिन नेपाल सद्भावना पार्टीबाट विजयकुमार रौनियार र नेपाल मजदुर किसान पार्टीबाट गोकर्णप्रसाद कोइरीको पनि मेयरमा उम्मेदवारी परेको छ। यस्तै गरी स्वतन्त्रबाट प्रभात सिह, जमिल राय भाठ, रिजवान अली, राजेन्द्र प्रसाद सिँह, महमद सगिर अली, फिरोज आलम, महमद रियाज उल हक, बिक्की राज पटेल, सन्जिव कुमार यादव, कैलाश प्रसाद सर्राफ, राधेश्याम साह, राजेश सिँह र रोज मियाँ अन्सारीले पनि उम्मेदवारी दिएका छन्।

लोसपाबाट असन्तुष्ट बनेकी नेतृ रम्भा मिश्राले स्वतन्त्रबाट उपमेयरमा मनोनयन दर्ता गरेकी छन्। मेयर र उपमेयरमध्ये एक पदमा महिलालाई उम्मेदवार बनाउनुपर्ने माग राखेका महिला नेतृहरुले दुवै पदमा पुरुषले नै टिकट पाएपछि आक्रोशित भएर स्वतन्त्रबाट उम्मेदवारी दिएकी हुन्। यस्तै स्वतन्त्र हैसियतमा शालिक प्रसाद कानुले पनि उपमेयरमा मनोनयन दर्ता गरेका छन्।

पुरानै अनुहारको भिडन्त दोहोरियो : गणेश लाठ, विश्लेषक

२०४७ पछि वीरगन्जमा नेपाली कांग्रेस बलियो देखिन्छ। यद्यपि अघिल्लोपटक निर्वाचन हार्दा पनि कांग्रेसको मत मधेशी दलकै हाराहारीमा आएको छ। अघिल्लो स्थानीय निर्वाचनमा वीरगन्जमा मधेशी दल हाबी भयो। अहिले तिनै दलका मेयर एमाले प्रवेश गरेर अर्का मधेशी दलसँग भिड्दैछन्। 

यसरी हेर्दा पार्टीभन्दा पनि नाम चलेको नेताको भिडन्त बढी भएको मान्न सकिन्छ। सत्ता गठबन्धनले त तालमेल गरेकै थियो, पर्सामा विपक्षी एमालेले पनि लोसपासँग तालमेल गरेको छ। यसबाहेक साना दललाई मिलाउने प्रयास पनि भइरहेको होला। 

तिनको मत कसलाई जान्छ ऊ बलियो हुने हो। थपिएका नयाँ मतदातालाई कसले आकर्षित गर्न सक्छ त्यसमा भर पर्छ। वीरगन्ज मुलतः बसाइसराइँपछि बनेको व्यापारिक नगर भएकाले उम्मेदवारहरूको पृष्ठभूमि र समाजसँगको सम्बन्धले पनि वीरगन्जको स्थानीय निर्वाचनमा प्रभाव पार्दछ। 



प्रकाशित: April 27, 2022 | 20:26:13 काठमाडौं, बुधबार, वैशाख १४, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
राजनीति

समानुपातिकको बन्दसूचीबाट २९ जनाको नाम फिर्ता

आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसुचीबाट विभिन्न दलका २९ उम्मेदवारले नाम फिर्ता लिएका छन्।
नेपाल समय
राजनीति

टीकालगत्तै सिट भागबण्डा टुंग्याउन जुटे पाँच दलका शीर्ष नेता

निर्वाचन क्षेत्र बाँडफाँटका लागि सत्ता गठबन्धनको बैठक सुरू भएको छ।
नेपाल समय
राजनीति

जनतान्त्रिक तराई मुक्ति मोर्चा राप्रपामा समाहित

राष्ट्रिय प्रजातन्त्र पार्टी (राप्रपा) र जनतान्त्रिक तराई मुक्ति मोर्चा पार्टीबीच एकता भएको छ। ९ बुँदे सहमति गरि जनतान्त्रिक तराई मुक्ति मोर्चा राष्ट्रिय प्रजातन्त्र पार्टीमा समाहित भएको राप्रपा प्रचार विभागले जानकारी दिएको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

नेकपा माओावदी केन्द्रका अध्यक्ष पुष्पकमल दाहाल ‘प्रचण्ड’लाई चितवनबाटै निर्वाचन लड्न सत्ता साझेदार गठबन्धनभित्रका दलहरुले अनुरोध गरेका छन्।
नेपाल समय
राजनीति

कांग्रेसको समानुपातिक उम्मेदवारको कुन क्लस्टरमा को-को परे? (सूचीसहित)

सत्तारुढ नेपाली कांग्रेसले निर्वाचन आयोगमा बुझाएको ११० समानुपातिक उम्मेदवारहरुको सूची अनुसार खस-आर्यतर्फको एक नम्बरमा पार्टी प्रवक्ता डा. प्रकाशशरण महतको नाम रहेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना