बिहीबार, असोज २०, २०७९

चिरिबाबुले फेरि बाजी मार्लान् कि व्यञ्जनकारले बदला लेलान्?

तीर्थराज बस्नेत  |  काठमाडौं, सोमबार, वैशाख १२, २०७९

तीर्थराज बस्नेत

तीर्थराज बस्नेत

सोमबार, वैशाख १२, २०७९, काठमाडौं

नेपाल समय

काठमाडौं– यही वैशाख ३० गते हुन लागेको स्थानीय तहको निर्वाचनमा ललितपुर महानगरपालिकाको मेयरमा रोचक प्रतिस्पर्धा हुने भएको छ। २०७४ सालको स्थानीय निर्वाचनकै उम्मेदवारहरू पुनः मैदानमा उत्रने भएपछि लतिलपुरको चुनाव रोचक हुने भएको हो। 

०७४ सालको निर्वाचनमा कांग्रेसबाट चिरिबाबु महर्जन र एमालेबाट हरिकृष्ण व्यञ्जनकार प्रतिस्पर्धामा थिए। र, अहिले पनि महर्जन र व्यञ्जनकार नै प्रतिस्पर्धामा उत्रिएका छन्। एमालेले गत शनिबार व्यञ्जनकारलाई ललितपुर महानगरको मेयरमा उठाउने निर्णय गरेको थियो। कांग्रेसले आज सोमबारमात्रै महर्जनलाई मेयरको टिकट दिने निर्णय गरेको छ। 

एमाले केन्द्रीय सदस्य तथा ललितपुर जिल्ला सहइन्चार्ज रहेका व्यञ्जनकारलाई एमालेको महानगर कमिटीले सर्वसम्मत मेयरमा सिफारिस गरेको थियो। कांग्रेसले भने महर्जनसँगै उपमेयर गीता सत्याल, महानगर सभापति शुभानन धाख्वा, पूर्वसभापति राजेश महर्जन, भरतलाल न्याछ्ओ, प्रेमकृष्ण महर्जन र अनन्तप्रकाश श्रेष्ठलाई मेयरमा सिफारिस गरेको थियो। तर, सभापति देउवाले महर्जनलाई पुनः मेयरमा दोहोर्याउने निर्णय गरेका हुन्। 

पाँच वर्षपछि आमनेसामने, कस्तो छ गणित?

०७४ सालको निर्वाचनको मत परिणाम हेर्ने हो भने यसपटक ललितपुरको मेयरको प्रतिस्पर्धा रोचक हुनेछ। किनकी महर्जन पुनः व्यञ्जनकारलाई पराजित गर्ने लक्ष्यका साथ चुनावी मैदानमा उत्रनेछन्। व्यञ्जनकार ०७४ सालमा महर्जनसँग व्यहोरेको पराजयको बदला लिन चाहन्छन्। 

०७४ सालमा महर्जनले व्यञ्जनकारलाई ३२६ मत अन्तरले मात्र पराजित गरेका थिए। मेयरमा विजयी महर्जनले २४ हजार ६ सय ४२ मत ल्याउँदा व्यञ्जनकारले २४ हजार ३ सय १६ मत प्राप्त गरेका थिए। 

०७४ सालको चुनावी परिणामको आँकडा र बदलिएको समीकरणलाई हेर्ने हो भने महर्जनलाई दोस्रो पटक मेयर बन्न जति सहज देखिन्छ, व्यञ्जनकारलाई बदला लिन कठिन देखिन्छ। किनकी ०७४ सालमा एमालेले राप्रपासँग तालमेल गरेर निर्वाचन लडेको थियो। कांग्रेस एक्लै चुनावी प्रतिस्पर्धामा थियो। 

०७४ सालको निर्वाचनमा कांग्रेसबाट चिरिबाबु महर्जन र एमालेबाट हरिकृष्ण व्यञ्जनकार प्रतिस्पर्धामा थिए। र, अहिले पनि महर्जन र व्यञ्जनकार नै प्रतिस्पर्धामा उत्रिएका छन्।

तर, यसपटक एमाले एक्लै चुनावी प्रतिस्पर्धामा छ। कांग्रेसले नेकपा माओवादी केन्द्र, नेकपा एकीकृत समाजवादी लगायतका दलसँग तालमेल गरेको छ। अघिल्लो पटकको चुनावी अंकगणित केलाउँदा व्यञ्जनकारले ल्याएको कुल मत २४ हजार ३ सय १६ मा राप्रपाको मत समेत जोडिएको देखिन्छ। किनकी राप्रपाबाट उपमेयर उठेका बाबुकाजी थापाले १० हजार ५ सय ४७ मत प्राप्त गरेका थिए। एमाले र राप्रपाको गठबन्धनलाई चिरेर मेयर बनेका महर्जनलाई यसपटक कांग्रेससँगै माओवादी केन्द्र र नेकपा एसको मत समेत थपिनेछ।

अघिल्लो निर्वाचनमा माओवादीले १० हजारभन्दा बढी मत ल्याएको थियो। माओवादी केन्द्रले अघिल्लो निर्वाचनमा मेयरमा दिनेश महर्जनलाई अघि सारेको थियो। तेस्रो बनेका महर्जनले १० हजार ६ सय ६१ मत ल्याएका थिए। यसपटक यो मत चिरिबाबु तर्फ सोझिनेछ। यस्तै एमालेबाट विभाजित बनेको नेकपा एसले व्यञ्जनकारको भोट काट्न सक्नेछ। 

त्यसो त पदमा रहँदा व्यहोर्नुपरेको आलोचनाले महर्जनलाई समस्या पर्न सक्छ। फ्लाइ ओभर, रेल लगायतका महत्वाकांक्षी योजना चिरिबाबुले पहिलो कार्यकालमा अघि बढाउन सकेनन्। तर, सम्पदा संरक्षणको क्षेत्रमा भने महर्जनले राम्रो काम गरेका थिए। व्यञ्जनकार भने अघिल्लो निर्वाचनमा झिनो मत अन्तरले व्यहोर्नुपरेको पराजयको सेन्टिमेन्ट क्यास गर्ने प्रयासमा हुनेछन्। 

यसपटक उपमेयरमा एमालेबाट मञ्जली शाक्य बज्राचार्य प्रतिस्पर्धामा उत्रनेछिन्। सत्तारुढ गठबन्धनले टुंग्याएको भागण्डा अनुसार लतिलपुरको उमपेयर माओवादी केन्द्रको भागमा परेको छ। माओवादी केन्द्रले ललितपुरको उपमेयरमा बाबुराजा बज्राचार्यलाई अघि सारेको छ। अघिल्लो निर्वाचनमा ललितपुरको उमपेयरमा कांग्रेसकी गीता सत्याल विजयी भएकी थिइन्।  

के भन्छन् चिरिबाबु र हरिकृष्ण? 

कांग्रेसबाट दोस्रो पटक मेयरको उम्मेदवार बनेका महर्जनले ललितपुरमा पुनः जित्ने दाबी गरेका छन्। टिकट फाइनल भएपछि सांक्षिप्त प्रतिक्रिया दिँदै उनले भने, ‘मैले टिकट पाएको खबर प्राप्त भएको छ। अब ललितपुरमा कांग्रेसले जित्ने पक्का भयो।’ 

व्यञ्जनकारले भने गठबन्धनसँग डराउनुपर्ने अवस्था नरहेको दाबी गरेका छन्। कमजोर भएकाहरुले गठबन्धन गर्ने बताउँदै उनले ५ दलसँग एमाले एक्लै लड्न तयार भएको बताए। ‘गठबन्धनसँग डराउनुपर्ने अवस्था छैन। किन डराउने? कमजोर भएकाहरुले गठबन्धन गर्ने हो। हामी ५ दलको गठबन्धनसँग एक्लै मुकाबला गर्न तयार छौं,’ व्यञ्जनकारले भनेका छन्, ‘मैले हाम्रो जितका आधार प्रस्तुत गर्दै आएको छ। पहिला हामीले धेरै ठाउँमा सय भोटले हारेका हौं। त्यो बेला माओवादी अलि बलियो थियो। तर, अहिले त्यो अवस्था छैन। करिब ६ हजार माओवादी एमालेमा आइसकेका छन्। त्यसैले हामी पहिले भन्दा धेरै बलियो बनेका छौं।’

व्यञ्जनकारले अघिल्लो निर्वाचनमा दुईवटा वडाको मतगणनामा तलमाथि भएको भन्दै फेरि गन्न माग गरेका थिए। तर, निर्वाचन अधिकृतले पुनः मतगणना गर्न नमानेको बताउँदै आएका छन्। उनले चिरिबाबुको पाँच वर्षे कार्यकालको चिरफार गरेर चुनावमा जाने तयारी गरेका छन्।

तथ्यांकमा ललितपुर महानगर 

कुल जनसंख्याः २ लाख ९९ हजार ८ सय ४३ 

कुल मतदाता संख्याः  १ लाख २२ हजार ८९०

कुल वडाः २९

अघिल्लो पटक मेयर जितेको दलः कांग्रेस 

अघिल्लो पटक उपमेयर जितेको दलः कांग्रेस 

कांग्रेसले जितेका वडाः १० 

एमालेले जितेका वडाः १३

माओवादीले जितेका वडाः ४





प्रकाशित: April 25, 2022 | 13:26:05 काठमाडौं, सोमबार, वैशाख १२, २०७९

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
राजनीति

जनतान्त्रिक तराई मुक्ति मोर्चा राप्रपामा समाहित

राष्ट्रिय प्रजातन्त्र पार्टी (राप्रपा) र जनतान्त्रिक तराई मुक्ति मोर्चा पार्टीबीच एकता भएको छ। ९ बुँदे सहमति गरि जनतान्त्रिक तराई मुक्ति मोर्चा राष्ट्रिय प्रजातन्त्र पार्टीमा समाहित भएको राप्रपा प्रचार विभागले जानकारी दिएको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

नेकपा माओावदी केन्द्रका अध्यक्ष पुष्पकमल दाहाल ‘प्रचण्ड’लाई चितवनबाटै निर्वाचन लड्न सत्ता साझेदार गठबन्धनभित्रका दलहरुले अनुरोध गरेका छन्।
नेपाल समय
राजनीति

कांग्रेसको समानुपातिक उम्मेदवारको कुन कलस्टरमा को-को परे? (सूचीसहित)

सत्तारुढ नेपाली कांग्रेसले निर्वाचन आयोगमा बुझाएको ११० समानुपातिक उम्मेदवारहरुको सूची अनुसार खस-आर्यतर्फको एक नम्बरमा पार्टी प्रवक्ता डा. प्रकाशशरण महतको नाम रहेको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

चितवनका सत्ता साझेदार दलहरूको संयुक्त बैठकले अध्यक्ष दाहाललाई सो आग्रह गरेका हुन्।
नेपाल समय
राजनीति

निर्वाचन आयोगले तोक्यो प्रत्यक्षतर्फको उम्मेदवारी दर्ता समयसीमा

मनोनयन पत्र दर्ता गर्न २३ असोज आइतबार बिहान १० देखि साँझ ५ बजेसम्म समय तोकिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना