बिहीबार, असोज २०, २०७९

थवाङमा महरा र पुनका आ–आफ्नै उम्मेदवार, कसले हात पार्ला नेतृत्व?

दिलीप कुँवर  |  काठमाडौं, बुधबार, चैत ३०, २०७८

दिलीप कुँवर

दिलीप कुँवर

बुधबार, चैत ३०, २०७८, काठमाडौं

नेपाल समय

काठमाडौं– २०१२ सालदेखि ‘विद्रोही’को ट्याग भिरेको थवाङलाई आफ्नो पोल्टामा पार्न माओवादी नेताहरु कृष्णबहादुर महरा र वर्षमान पुन लागिपरेका छन्। स्थानीय निर्वाचनको मिति नजिकिएसँगै आफू निकटका पात्रलाई थवाङ गाउँपालिकाको नेतृत्वमा पुर्याउन दुवै नेता लागिपरेका हुन्।

यसअघि ०७४ सालको निर्वाचनमा पुन निकट वीरबहादुर घर्ती ‘वियोग’ले थवाङ गाउँपालिकाको नेतृत्व हात पारेका थिए। त्यतिबेला गाउँपालिकाको नेतृत्वका लागि वियोगसँगै ऋषिकेश बुढा ‘सविन’ले पनि दावी गरेका थिए। तर, नेता पुनले सविनलाई अर्को कार्यकाल दिने भन्दै वियोगलाई अघि सारेका थिए। 

माओवादीकै एक नेताले दिएको जानकारी अनुसार यसपालिको चुनावमा भने नेता पुन मौसम रोका मगरलाई अघि सार्ने तयारीमा छन्। ती नेताले नेपाल समयसँग कुरा गर्दै भने, ‘०७४ को चुनावमा वर्षमान कमरेडले सविनलाई अर्को कार्यकाल तपाईंकै हो भनेर विश्वास दिलाउनु भएको थियो। सविन कमरेडले पनि सहमतिमै वियोगजीलाई स्पेस दिनुभएको हो।’ 

तर यसपालिको चुनावमा पनि नेता पुनले आफूलाई आउट गर्न खोजेको भन्दै सविन असन्तुष्ट छन्। ती नेताले थपे, ‘अहिले वर्षमान कमरेडले थवाङको नेतृत्वमा मौसमजीलाई अघि सार्न खोज्नुभएको छ। सविनजी असन्तुष्ट हुनु स्वाभाविकै हो, तर उहाँलाई पनि सहमतिमै अर्को जिम्मेवारी दिएर सेटिङ मिलाउँदैछौं।’ 

यसअघि ०७४ सालको निर्वाचनमा पुन निकट वीरबहादुर घर्ती ‘वियोग’ले थवाङ गाउँपालिकाको नेतृत्व हात पारेका थिए। त्यतिबेला गाउँपालिकाको नेतृत्वका लागि वियोगसँगै ऋषिकेश बुढा ‘सविन’ले पनि दावी गरेका थिए। तर, नेता पुनले सविनलाई अर्को कार्यकाल दिने भन्दै वियोगलाई अघि सारेका थिए। 

थवाङको नेतृत्वमा आफूनिकटका प्रतिनिधि पुर्याउन माओवादीका अर्का नेता कृष्णबहादुर महराले पनि प्रयास गरिरहेका छन्। विनप्रसाद पुनलाई थवाङ गाउँपालिकाको नेतृत्व दिन महराले नेता पुन र पुन निकटका नेताहरुसँग छलफल गरिरहेको बताइएको छ। एउटै गाउँपालिकामा माओवादीकै दुई पक्ष देखिएपछि यसपालिको चुनाव थप रोचक र प्रतिस्पर्धात्मक हुने देखिएको छ। त्यसो त हरेक चुनावमा थवाङको अभ्यास चर्चामा आइरहन्छ। यसपालि भने पार्टीभित्रैको आन्तरिक द्वन्द्वले झन् चर्चामा आउने अनुमान गरिएको छ।  

थवाङको वस्तुस्थिति

०७४ सालको चुनावमा करिब १९ सय मतसहित थवाङ गाउँपालिकाको नेतृत्व हात पारेका वियोग यसपालिको चुनावमा दोहोरिने मनस्थितिमा छैनन्। उनको सम्भावना पनि नरहेको स्थानीय माओवादी नेताहरु बताउँछन्। किनकि, अघिल्लो चुनावमा उनले अर्को कार्यकाल नयाँ नेतृत्वलाई हस्तान्तरण गर्ने भनेर सहमतिमै नेतृत्व हात पारेका थिए। 

थवाङ गाउँपालिकामा ५ वटा वडा छन्। वडा नम्बर १ र २ (ठूलो गाउँ) थवाङको मुख्य ठाउँ हो। वडा नम्बर १ मा रहेका करिब डेढ सय घरधुरीले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीलाई पछ्याइरहेका छन्। यसकारण पनि यस वडामा उम्मेदवारी दिने जुन पार्टीको जो कोहीलाई जित निकाल्न कठिन नै छ। तर कोही राम्रो स्वतन्त्र उम्मेदवार उठेमा भने आफूहरुले सहयोग गरेर मत दिन सक्ने विप्लव समूहका स्थानीय नेता सन्तोष बुढाले बताए। उनले भने, ‘हामी जनमत संग्रहको पक्षमा थियौं, तर भएन। यस्तो चुनावी संस्कार हाम्रो बहिष्कार हो। हामी माओवादीकै उम्मेदवारलाई पनि भोट दिन्नौं, तर कोही राम्रो स्वतन्त्र उम्मेदवार उठेमा सोच्न सकिन्छ।’ 

त्यस्तै वडा नम्बर २ मा करिब दुई सय घरधुरी छन्। यहाँका आधा जनता माओवादी निकट छन् भने आधाजति विप्लवको पार्टीका। सकभर यस वडामा पनि वडा नम्बर १ कै रणनीति अपनाइने नेता बुढाले जानकारी दिए। 

०१२ सालयता विभिन्न दशकमा भएका चुनावमा फरक फरक अभ्यास गर्दै आएको थवाङ यसपालि पनि अपवाद बन्ने संकेत देखिएको छ। संघीय संरचनाले भद्रगोल बनेको थवाङले यसपालिको निर्वाचनमा पनि फरक कदम चाल्ने संकेत देखाएको हो। 

वडा नम्बर ३ हो मिरुल। यस वडामा भने माओवादी केन्द्रसहित अन्य दलका विभिन्न प्रतिनिधिहरुले उम्मेदवारी दिने तयारी गरिरहेका छन्। यहाँका ७० प्रतिशत जनता भने माओवादी निकटकै छन्। वडा नम्बर ४ उवा (घोडावाङ) र वडा नम्बर ५ उवा (ठूलोगाउँ)मा पनि माओवादीसहित अन्य विभिन्न दलका प्रतिनिधिहरुले उम्मेदवारी दिने तयारी गरिरहेका छन्। 


यो पनि


प्रकाशित: April 13, 2022 | 15:53:06 काठमाडौं, बुधबार, चैत ३०, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
राजनीति

समानुपातिकको बन्दसूचीबाट २९ जनाको नाम फिर्ता

आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसुचीबाट विभिन्न दलका २९ उम्मेदवारले नाम फिर्ता लिएका छन्।
नेपाल समय
राजनीति

टीकालगत्तै सिट भागबण्डा टुंग्याउन जुटे पाँच दलका शीर्ष नेता

निर्वाचन क्षेत्र बाँडफाँटका लागि सत्ता गठबन्धनको बैठक सुरू भएको छ।
नेपाल समय
राजनीति

जनतान्त्रिक तराई मुक्ति मोर्चा राप्रपामा समाहित

राष्ट्रिय प्रजातन्त्र पार्टी (राप्रपा) र जनतान्त्रिक तराई मुक्ति मोर्चा पार्टीबीच एकता भएको छ। ९ बुँदे सहमति गरि जनतान्त्रिक तराई मुक्ति मोर्चा राष्ट्रिय प्रजातन्त्र पार्टीमा समाहित भएको राप्रपा प्रचार विभागले जानकारी दिएको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

नेकपा माओावदी केन्द्रका अध्यक्ष पुष्पकमल दाहाल ‘प्रचण्ड’लाई चितवनबाटै निर्वाचन लड्न सत्ता साझेदार गठबन्धनभित्रका दलहरुले अनुरोध गरेका छन्।
नेपाल समय
राजनीति

कांग्रेसको समानुपातिक उम्मेदवारको कुन क्लस्टरमा को-को परे? (सूचीसहित)

सत्तारुढ नेपाली कांग्रेसले निर्वाचन आयोगमा बुझाएको ११० समानुपातिक उम्मेदवारहरुको सूची अनुसार खस-आर्यतर्फको एक नम्बरमा पार्टी प्रवक्ता डा. प्रकाशशरण महतको नाम रहेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना