बिहीबार, असोज २०, २०७९

बार निर्वाचन : कसले कति खर्च गर्दैछन्?

दिलीप कुँवर  |  काठमाडौं, शुक्रबार, चैत ४, २०७८

दिलीप कुँवर

दिलीप कुँवर

शुक्रबार, चैत ४, २०७८, काठमाडौं

नेपाल समय

काठमाडौं- नेपाल बार एसोसिएसनको निर्वाचन मिति नजिकिएसँगै कानुन व्यवसायीहरू तयारीमा सक्रिय बनेका छन्। उनीहरू प्रचार–प्रसारको दौडधुपमा जुटेका छन्। 

मनोनयन दर्ताको लागि अन्तिम मिति फागुन २३ गते दिउँसो ३ बजेसम्म तोकिएको थियो। निर्वाचन भने चैत्र १९ गते देशभरका ३५ निर्वाचन केन्द्रमा एकैसाथ हुने छ। प्यानल नै बनाएर मनोनयन दर्ता गराएका प्रतिस्पर्धी कानुन व्यवसायीहरू देशैभर आफ्नो पक्षमा माहौल बनाउन लागि परेका छन्।

बारको २६औं केन्द्रीय कार्यसमितिअन्तर्गत अध्यक्षका लागि मुख्य दुई जना बलिया उम्मेदवारबीच प्रतिस्पर्धा हुने देखिएको छ। वरिष्ठ अधिवक्ता विष्णुमणि अधिकारी र गोपालकृष्ण घिमिरेबीच चुनावी प्रतिस्पर्धा हुनेछ।

त्यसो त, निर्वाचन आयोगका अनुसार बारको चुनाव पनि खर्चिलो नै मानिन्छ। बारको निर्वाचनमा आखिर कति रकम खर्च हुन्छ त? प्यानल र अन्य उम्मेदवारहरूले खर्च हुने रकम कसरी व्यवस्थापन गर्दैछन्? 

गठबन्धनले ६० लाख खर्च गर्दै

बारको नयाँ नेतृत्वको लागि बलियो उम्मेदवार हुन्, वरिष्ठ अधिवक्ता गोपालकृष्ण घिमिरे। कांग्रेसनिकट घिमिरेलाई सत्तारुढ गठबन्धनले अघि सारेको हो। 

सत्तारुढ प्यानलले चुनावको लागि करिब ६० लाख खर्च गर्ने भएको छ। विभिन्न उम्मेदवारीको शुल्कसहित उक्त रकम खर्च हुने भएको हो। गठबन्धनका कानुन व्यवसायीहरूबाटै पैसा उठाएर चुनाव खर्चको व्यवस्थापन गरिएको अध्यक्षका दाबेदार घिमिरेले जानकारी दिए। 

सत्तारुढ प्यानलले चुनावको लागि करिब ६० लाख खर्च गर्ने भएको छ। विभिन्न उम्मेदवारीको शुल्कसहित उक्त रकम खर्च हुने भएको हो। 

वरिष्ठ अधिवक्ताको हकमा ५० हजार, अधिवक्ताको हकमा ३० हजार र अन्य समर्थकहरूको मापदण्ड अनुसार पैसा संकलन गरेर चुनावी प्रचारमा लागेको उनले स्पष्ट पारे। उनले भने, ‘३५ निर्वाचन केन्द्रसम्म जाँदा–आउँदा यातायातमा सबैभन्दा बढी खर्च हुन्छ, अरू त सामान्य खर्च हो।’ 

घोषणा पत्र तथा प्रतिबद्धता पत्र प्रिन्ट गर्न र विभिन्न ठाउँसम्म पुर्‍याउन करिब १० लाख खर्च हुने अनुमान गरिएको छ। त्यस्तै मतदाताहरूको यातायातमा पनि करिब २० लाखभन्दा बढी रकम खर्च हुने गठबन्धनले जनाएको छ। 

यद्यपि, गठबन्धनले फागुन २८ गतेदेखि नै प्रचार प्रसारको यात्रा सुरु गरेको पनि घिमिरेले जानकारी दिए। हालसम्म पश्चिमका कञ्चनपुर, बाँके, बर्दिया, नेपालगन्ज, दाङ, घोराही, रुपन्देही, बुटवल, पाल्पा, स्याङ्जा र पोखराको यात्रा सकिएको उनले स्पष्ट पारे। 

‘शुक्रबार राजधानीमै एउटा कार्यक्रम छ, त्यो सकेर फेरि शनिबार हामी पूर्वी जिल्लाहरूको यात्रामा निस्कनेछौं’, उनले भने, ‘हामीले हाम्रो सबै मतदाताहरूलाई भेट्ने प्रयास गरिरहेका छौं।’ 

देशभरका नयाँ कानुन व्यवसायीलाई स्थापित गर्ने एजेण्डालाई प्राथमिकतामा राखेर आफूहरू प्रचार प्रसारमा लागेको घिमिरे दाबी गरे। 

प्रतिपक्षी भन्छ- आवश्यक खर्च गछौं, तर मत किन्दैनौं

वरिष्ठ अधिवक्ता विष्णुमणि अधिकारी बारमा नयाँ नेतृत्वको लागि अर्का बलिया उम्मेदवार हुन्। करिब ३२ वर्षे लामो कार्यसम्पादनको अनुभव छ, उनीसँग। उनलाई प्रतिपक्षी एमालेनिकट प्रगतिशील तथा पेसागत कानुन व्यवसायी संगठनले अघि सारेको हो। 

यस समूहले भने चुनावमा सक्दो कम रकम खर्च गर्ने बताएको छ। संगठनले आवश्यक खर्चबाहेक मत नै किन्न भने पैसा खर्च नगर्ने निर्णय गरेको अध्यक्षका दाबेदार अधिकारीले स्पष्ट पारे। 

जनता र कानुन व्यवसायीहरूको माग तथा एजेण्डालाई सम्बोधन गरेर काम गर्न सके नयाँ मतदाताहरू आफै थपिने अधिकारीको तर्क छ। उनले भने, ‘आवश्यक खर्च गछौं, तर मत किन्दैनौं।’ 

चुनावको लागि ३० लाखभन्दा बढी रकम खर्च नगर्ने संगठनले निर्णय गरेको हो। मतदाताहरूको यातायात खर्च पनि व्यहोर्नुपर्ने भएकाले बढीमा ३० लाखसम्म खर्च हुने संगठनका अध्यक्ष भोजराज आचार्यले जानकारी दिए। उनले भने, ‘हामीले त अझै ८/१० लाखमात्र खर्च गर्ने सोचेका थियौं, तर मतदाताको दुखलाई बुझेर यातायात खर्च व्यहोनुपर्ने भएकाले ३० लाखसम्मको खर्च अनुमानित छ।’

पैसा खर्च गरेर दुई–चार वटा मत किन्न सकिए पनि जनता र कानुन व्यवसायीको भावना किन्न नसकिने उनको तर्क छ। 

संगठनको कार्य समिति सदस्य र समर्थकबाट पैसा उठाएर चुनावी खर्च व्यवस्थापन गरिएको पनि आचार्यले स्पष्ट पारे। 

वरिष्ठ अधिवक्ताको हकमा ३० हजार, अधिवक्ताको हकमा २० हजार र समर्थकहरूको हकमा १० हजारदेखि २० हजारसम्म रकम उठाउनुपर्ने मापदण्ड तोकिएको छ। 

चुनावको लागि ३० लाखभन्दा बढी रकम खर्च नगर्ने संगठनले निर्णय गरेको हो। मतदाताहरूको यातायात खर्च पनि व्यहोर्नुपर्ने भएकाले बढीमा ३० लाखसम्म खर्च हुने संगठनका अध्यक्ष भोजराज आचार्यले जानकारी दिए। 

यसरी उठाइएको रकमले नै यातायात खर्च, घोषणा तथा प्रतिबद्धता पत्रको प्रकाशन तथा छपाई, मतदाताको आउजाउ खर्च टार्ने आचार्यले जानकारी दिए। 

हालसम्म यस प्यानलले पनि पश्चिमका आधा दर्जन जिल्लाहरूमा पुगेर प्रचार प्रसारको काम सकिसकेको छ। आगामी आइतबारबाट फेरि पूर्वी जिल्लाको यात्रा तय भएको संगठनले बताएको छ। 

अन्य उम्मेदवार र मतदाताको संख्या

बारको अध्यक्षमा घिमिरे र अधिकारीबाहेक अन्य ६ जनाले पनि उम्मेदवारी दर्ता गराएका छन्। उद्धवचन्द्र घिमिरे, उत्तमबहादुर श्रेष्ठ, अनिता जधारी, कमलप्रसाद मलेगो, पृथ्वीनाथ राई र अमिता लक्ष्मी सैंजु श्रेष्ठले विभिन्न कोटाबाट उम्मेदवारी दर्ता गराएका हुन्। 

उनीहरू पनि अहिले प्रचार–प्रसारको लागि विभिन्न जिल्लाहरू पुगेका छन्। उनीहरूले पनि प्रतिव्यक्ति १५ लाखसम्म खर्च गरेको प्रमुख निर्वाचन अधिकृत उषा मल्ल अनुमान लगाउँछिन्। बारको चुनावअन्तर्गत दुई प्यानल र अन्य उम्मेदवारले गरिरहेको समग्र खर्च जोड्ने हो भने करिब २ करोड पुग्ने उनको तर्क छ। 

बारको चुनावका लागि ९ हजार ५ सय ८८ मतदाताहरू भए पनि करिब साढे ८ हजार मात्र मत खस्ने अनुमान गरिएको पनि प्रमुख निर्वाचन अधिकृत मल्लले जानकारी दिइन्। 

‘सोलुखुम्बु, इलाम, अछाम र दार्चुलाका ३/३ जना मतदाताहरू सहभागी हुनेछन्’, उनले भनिन्, ‘सबैभन्दा धेरै ललितपुरबाट मात्रै २ हजार २ सय ५ जना अधिवक्ताहरू छन्।’ 

निर्वाचनले बारको नयाँ कार्य समितिअन्तर्गत एक अध्यक्ष, आठ उपाध्यक्ष, महासचिव, कोषाध्यक्ष, १४ सदस्य चयन गर्नेछ। 

महासचिवमा राधेश्याम सुवास, केदारप्रसाद कोइराला, त्रिलोकबहादुर चन्द, उमेश प्रसाद, अञ्जिता खनाल र इन्द्रबहादुर अधिकारीले उम्मेदवारी दिएका छन् भने कोषाध्यक्षमा जगतबहादुर कार्की र गोविन्दराज उपाध्यायको उम्मेदवारी छ।


प्रकाशित: March 18, 2022 | 07:32:17 काठमाडौं, शुक्रबार, चैत ४, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
राजनीति

समानुपातिकको बन्दसूचीबाट २९ जनाको नाम फिर्ता

आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसुचीबाट विभिन्न दलका २९ उम्मेदवारले नाम फिर्ता लिएका छन्।
नेपाल समय
राजनीति

टीकालगत्तै सिट भागबण्डा टुंग्याउन जुटे पाँच दलका शीर्ष नेता

निर्वाचन क्षेत्र बाँडफाँटका लागि सत्ता गठबन्धनको बैठक सुरू भएको छ।
नेपाल समय
राजनीति

जनतान्त्रिक तराई मुक्ति मोर्चा राप्रपामा समाहित

राष्ट्रिय प्रजातन्त्र पार्टी (राप्रपा) र जनतान्त्रिक तराई मुक्ति मोर्चा पार्टीबीच एकता भएको छ। ९ बुँदे सहमति गरि जनतान्त्रिक तराई मुक्ति मोर्चा राष्ट्रिय प्रजातन्त्र पार्टीमा समाहित भएको राप्रपा प्रचार विभागले जानकारी दिएको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

नेकपा माओावदी केन्द्रका अध्यक्ष पुष्पकमल दाहाल ‘प्रचण्ड’लाई चितवनबाटै निर्वाचन लड्न सत्ता साझेदार गठबन्धनभित्रका दलहरुले अनुरोध गरेका छन्।
नेपाल समय
राजनीति

कांग्रेसको समानुपातिक उम्मेदवारको कुन क्लस्टरमा को-को परे? (सूचीसहित)

सत्तारुढ नेपाली कांग्रेसले निर्वाचन आयोगमा बुझाएको ११० समानुपातिक उम्मेदवारहरुको सूची अनुसार खस-आर्यतर्फको एक नम्बरमा पार्टी प्रवक्ता डा. प्रकाशशरण महतको नाम रहेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना