शुक्रबार, असोज २१, २०७९

माओवादी बैठक : एमसीसीमा असन्तुष्टलाई पदाधिकारी!

दिलीप कुँवर  |  काठमाडौं, शुक्रबार, फागुन २०, २०७८

दिलीप कुँवर

दिलीप कुँवर

शुक्रबार, फागुन २०, २०७८, काठमाडौं

नेपाल समय

काठमाडौं- नेकपा माओवादी केन्द्रले एमसीसी अनुमोदनप्रति असन्तुष्ट नेतालाई पदाधिकारीमा 'सेटल' गर्ने तयारी गरेको छ। शुक्रबारदेखि राष्ट्रिय सभागृहमा सुरु भएको बैठकमा एमसीसीबारे केही नेताहरूले असन्तुष्टि व्यक्त गरेपछि अध्यक्ष पुष्पकमल दाहाल प्रचण्ड निकटका नेताले यस्तो रणनीति अख्तियार गर्ने संकेत गरेका हुन्। 

बैठकको सुरुमा नै प्रचण्डले समसायमिक राजनीतिक विषयमा केन्द्रीय सदस्यहरूलाई ब्रिफिङका क्रममा एमसीसी अनुमोदनलाई स्वीकार गर्न प्रस्ताव गरेका थिए। त्यसलगत्तै बोलेका नारायणकाजी श्रेष्ठलगायतका नेताहरूले एमसीसीलाई अनुमोदनलाई स्वीकार गर्न नसकिने बताएपछि अध्यक्ष प्रचण्डले उनीहरूको असन्तुष्टि सम्बोधन गर्न पदाधिकारी र पार्टीको विभिन्न कमिटीमा भाग मिलाउने तयारी गरेका हुन्। 

पार्टीभित्र असन्तुष्ट बनेका नेताहरुको व्यवस्थापनका लागि समीक्षा भइरहेको पूर्वसभामुख तथा नेतृ ओनसरी घर्तीले बताइन्। स्थायी कमिटी, पोलिटिब्युरो, अन्य जनवर्गीय संगठनको नेतृत्वका विषयमा बैठकले टुंगो लगाउने भएकाले यसमा पनि असन्तुष्टलाई 'सेटल' गर्न सकिने उनको भनाइ छ। ‘पार्टीभित्र असन्तुष्ट भएका कमरेड नारायणकाजी श्रेष्ठ मात्र होइन, अरु थुप्रै कमरेडहरु हुनुहुन्छ। हामी समीक्षा गर्दैछौँ। बाँकी रहेको पदाधिकारी छनोटमा असन्तुष्ट कमरेडहरुलाई समायोजन गरेर यसलाई निकासा दिन सकिन्छ,’ घर्तीले भनिन्। 

बैठकले एमसीसीको विषयलाई लिएर असन्तुष्ट भएका नेताहरुलाई उचित व्यवस्थापन गर्ने र एकरुपताको लागि प्रयास गर्ने नेता देव गुरुङको तर्क छ।  

पुसमा सम्पन्न माओवादीको आठौं महाधिवेशनले पदाधिकारीको टुंगो लगाउन सकेको छैन। पार्टीले केन्द्रीय कमिटीको बैठकलाई नै पदाधिकारी चयनका लागि अधिकार प्रत्यायोजन गरेको छ। यही बैठकबाट पार्टीका पदाधिकारी चयन गर्ने रणनीतिमा पार्टी छ।

पार्टीमा पदाधिकारीको संख्याभन्दा आकांक्षीको संख्या बढी छ। पार्टीमा अध्यक्षपछिको प्रभावशाली मानिने पद महासचिवका लागि वर्षमान पुन अनन्त र जनार्दन शर्माको चर्चा छ। बैठकले महासचिव छनोटको अन्योलतालाई पनि पूर्णविराम दिने नेता झक्कुप्रसाद सुवेदीले बताए। सुरुमा निर्चाचन गरेरै नेतृत्व छनोट गर्ने ‘फर्मेसन’ बने पनि अहिले पनि त्यो सम्भव नभएको उनको तर्क छ। सहमतिबाटै पदाधिकारी पक्का गर्ने प्रयास भइरहेको उनले स्पष्ट पारे। 

असन्तुष्ट नेताहरूले भने एमसीसीकै कारण पार्टी दुर्घटनामा पर्नसक्ने चेतावनी दिएका थिए। प्रतिनिधि सभाबाट एमसीसी अनुमोदन हुनु अघिदेखि नै विपक्षमा मत हाल्नुपर्ने तर्क राख्दै आएका नेता श्रेष्ठले बैठकमा असहमति पत्र पेस गरेका थिए। असहमति पत्र पेस गर्दै नेता श्रेष्ठले अब पनि संयमता नअपनाएर अघि बढेमा पार्टी ठूलो दुर्घटनामा पर्नसक्ने चेतावनी दिए। 

'पार्टी वैचारिक र सांस्कृतिक रुपमा धेरै नै स्खलित हुँदै गएको छ। उत्पीडित र सर्वहाराको सम्बन्धबाटै पार्टी निर्माण भएको भए पनि अहिले भने पार्टीको सम्बन्ध केवल पुँजीवादी र दलालहरुसँग मात्र भएको छ। अहिलेको अवस्थामा संयमता नअपनाएमा पार्टी ठूलो दुर्घटनामा पर्न सक्छ,' उनको असहमति पत्रमा लेखिएको छ।

त्यस्तै बैठकमा नेताहरु कृष्णबहादुर महरा, देव गुरुङ र लिलामणि पोखरेलले पनि एमसीसीको विषयमा फरक मत राखेका छन्। उनीहरुले पार्टी अध्यक्ष पुष्पकमल दाहाल प्रचण्डलाई लिखित रुपमै फरक मत बुझाएका हुन्। बैठकमा पेस भएका लिखित असहमति र फरक मतबारे आगामी आइतबारको बैठकमा छलफल हुने बताइएको छ। 

बैठकको सुरुमा एमसीसीको व्याख्यात्मक टिप्पणीसहित अनुमोदन भएपछि पार्टीभित्र देखिएका विभिन्‍न विवाद र मनमुटावलाई व्यवस्था गर्न केन्द्रीय समितिको बैठक बोलाइएको नेता देव गुरुङले केन्द्रीय सदस्यहरूलाई जानकारी दिएका थिए। बैठकमा प्रस्ताव पेस गर्दै प्रचण्डले नेता तथा कार्यकर्ताहरुलाई एमसीसीबारे पार्टीले लिएको निर्णयको ब्रिफिङ गरेका थिए। ‘एमसीसीले पार्टीभित्रको वातावरण बिगारेको थियो। त्यसकै समीक्षाको लागि बैठक बोलाइएको हो। बैठकमा यसबाहेक अन्य एजेण्डाहरुमाथि पनि छलफल हुनेछ,’ प्रचण्डले भनेका थिए। 

बैठकमा आगामी चुनावमा माओवादीलाई कसरी अघि लैजाने भन्नेबारे पनि छलफल भइरहेको नेता मातृका यादवले जानकारी दिए। उनले भने, ‘चुनाव पनि नजिक आइरहेको छ। अब कस्तो भूमिकाबाट पार्टी अघि लैजाने भन्नेबारे छलफल चलिरहेको छ।’

माओवादीले सकभर अहिलेको पाँच दलीय गठबन्धनलाई नै कायम राखेर चुनावमा तालमेल गर्ने नेता यादवको तर्क छ। उनले थपे, ‘हामी सकेसम्म गठबन्धन टुटाउन चाहन्नौँ। यही गठबन्धन नयाँ सरकारसम्म पुगोस् भन्ने उद्धेश्यले पार्टीभित्र अभ्यास भइरहेको छ। भोलिको कुरा हो, के हुन्छ हेरौँ।’ 

बैठक बिहान ११ बजेदेखि सुरु हुने भनिए पनि दिउँसो साढे एक बजेदेखि सुरु भएको थियो। माओवादी नेताहरु बैठकको लागि बिहानै ११ बजे सभागृह पुगिसकेका भए पनि शीर्ष नेताहरु समयमै आउन नसकेपछि ढिला भएको थियो। शीर्ष नेताहरु नआउन्जेल माओवादीका अन्य नेताहरु भने सभागृह बाहिर घाम ताप्दै अनौपचारिक गफमा व्यस्त थिए। 

नास्तामा मकै, स्याउ र दही

बैठकको मध्यान्तरमा खाजा नास्ताको व्यवस्था गरिएको थियो। सबै नेताहरु नास्ता गर्न मै व्यस्त थिए। कोही गफ गरेर नास्ता गर्दै थिए त, कोही एक्लै। कोही हँसिलो अनुहारमा नास्ता गर्दै थिए त, कोही उदास अनुहारसहित। 

बैठक हलको एक छेउमा बसेर नास्ता गरिरहेका नेता मातृका यादव भने खुसीको मुद्रामै देखिन्थे। उनको हातमा नास्ताको एउटा प्याकेट थियो। प्याकेटमा रहेको मकै, स्याउ र दही टाढैबाट देखिरहेको थियो। त्यत्तिकैमा उनलाई नेपाल समयले सोधेको थियो - 'निकै हँसिलो अनुहारले नास्ता गर्दै हुनुहुन्छ, यो चै एमसीसी पास भएको खुसीमा हो कि पार्टीभित्र सुरु भएको विद्रोहको खुसीमा हो ? 

उनले ठट्यौली पारामा स्याउ टोक्दै भने, ‘पार्टीभित्र खासै विद्रोह छैन। नास्ता खान पनि के-को खुसी चाहिन्छ र, हामी एकरुपता नै छ। बैठकमा छलफल सकिएपछि बल्ल विद्रोह हो कि होइन भनेर पक्का हुन्छ।’


प्रकाशित: March 4, 2022 | 20:01:09 काठमाडौं, शुक्रबार, फागुन २०, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
राजनीति

समानुपातिकको बन्दसूचीबाट २९ जनाको नाम फिर्ता

आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसुचीबाट विभिन्न दलका २९ उम्मेदवारले नाम फिर्ता लिएका छन्।
नेपाल समय
राजनीति

टीकालगत्तै सिट भागबण्डा टुंग्याउन जुटे पाँच दलका शीर्ष नेता

निर्वाचन क्षेत्र बाँडफाँटका लागि सत्ता गठबन्धनको बैठक सुरू भएको छ।
नेपाल समय
राजनीति

जनतान्त्रिक तराई मुक्ति मोर्चा राप्रपामा समाहित

राष्ट्रिय प्रजातन्त्र पार्टी (राप्रपा) र जनतान्त्रिक तराई मुक्ति मोर्चा पार्टीबीच एकता भएको छ। ९ बुँदे सहमति गरि जनतान्त्रिक तराई मुक्ति मोर्चा राष्ट्रिय प्रजातन्त्र पार्टीमा समाहित भएको राप्रपा प्रचार विभागले जानकारी दिएको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

नेकपा माओावदी केन्द्रका अध्यक्ष पुष्पकमल दाहाल ‘प्रचण्ड’लाई चितवनबाटै निर्वाचन लड्न सत्ता साझेदार गठबन्धनभित्रका दलहरुले अनुरोध गरेका छन्।
नेपाल समय
राजनीति

कांग्रेसको समानुपातिक उम्मेदवारको कुन क्लस्टरमा को-को परे? (सूचीसहित)

सत्तारुढ नेपाली कांग्रेसले निर्वाचन आयोगमा बुझाएको ११० समानुपातिक उम्मेदवारहरुको सूची अनुसार खस-आर्यतर्फको एक नम्बरमा पार्टी प्रवक्ता डा. प्रकाशशरण महतको नाम रहेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना