सोमबार, असोज १०, २०७९

चार बुँदा केन्द्रमा राखेर छलफलमा छन् प्रचण्ड र नारायणकाजी

दिलीप कुँवर  |  काठमाडौं, बुधबार, फागुन १८, २०७८

दिलीप कुँवर

दिलीप कुँवर

बुधबार, फागुन १८, २०७८, काठमाडौं

नेपाल समय

काठमाडौं– संसद्ले व्याख्यात्मक टिप्पणीसहित अमेरिकी सहायता परियोजना एमसीसी अनुमोदन गरेसँगै सत्ता साझेदार दल नेकपा माओवादी केन्द्रभित्र मतभेद चर्किएको छ। पार्टी महाधिवेशनले एमसीसीको विपक्षमा मत हाल्ने निर्णय गरेको थियो।

तर पार्टी अध्यक्ष पुष्पकमल दाहाल ‘प्रचण्ड’ले नै उक्त निर्णय–नीतिलाई अन्तिम समयमा उल्ट्याएर १२ बुँदे व्याख्यात्मक टिप्पणीसहित एमसीसी पास गर्न सहयोग गरेपछि पार्टीभित्रको विवाद सतहमा आएको हो। 

प्रचण्डसँग रुष्ट भएका नेता तथा उनकै सहयोद्धा नारायणकाजी श्रेष्ठले आफ्नो पक्षका नेता तथा कार्यकर्ताहरुसँग गोप्य भेलासमेत गरिसकेका छन्। नेता श्रेष्ठले बारम्बार एमसीसीको विपक्षमा मत हाल्ने अडान राख्दै आए पनि प्रचण्डले भने त्यो अडानलाई खासै वास्तै गरेनन्। बरु उनले नेपाली कांग्रेसका महामन्त्री गगन थापाले ल्याएको ‘आइडिया’लाई सजिलै स्वीकार गरेर एमसीसी अनुमोदन गराएरै छाडे। 

आफ्ना नेता–कार्यकर्ताको भावना र चाहनाविपरीत प्रचण्डले बलजफ्ती एमसीसी पास गर्न सहयोग गरेको भन्दै नेता श्रेष्ठले खुला रुपमै यसको विरोध गरे। प्रचण्डलाई नै लक्षित गर्दै उनले व्याख्यात्मक घोषणासहितको सम्झौता भनेको संशोधित सम्झौता नरहेको समेत स्पष्ट पारेका छन्।

उनले भनेका छन्, ‘अन्ततः व्याख्यात्मक घोषणाको सुनियोजित भ्रम छर्दै राष्ट्रघाती एमसीसी सम्झौता संसद्बाट अनुमोदन गराइछाडे। आम देशभक्त नेपाली जनताले यसलाई कालो दिनको रुपमा लिनेछन्। सम्पूर्ण देशभक्त शक्ति एकताबद्ध होऔं र नेपालको राष्ट्रिय सार्वभौमिकता, स्वाधीनता र हितको संघर्षलाई निरन्तर जारी राखौं।’

त्यसो त माओवादीभित्र एमसीसीकै विषयलाई लिएर रुष्ट भएका नेता नारायणकाजी मात्रै भने होइनन्। उनीसँगै कृष्णबहादुर महरा, लिलामणि पोखरेल, गिरिराजमणि पोखरेल, लेखनाथ न्यौपाने, विश्वनाथ साह, अञ्जना विशंखे, राम कार्कीलगायत नेताहरु पनि व्याख्यात्मक घोषणासहितको एमसीसी सम्झौताविरुद्ध छन्।

अनायासै फुत्किएको प्रचण्डको बोली

गत आइतबार राति अबेरसम्म चलेको संसद् बैठकले एमसीसी पास गरेपछि प्रचण्डले भनेका थिए, ‘बल्ल ढुक्क भयो, हामी ठूलो दुर्घटना हुनबाट बच्यौं।’ प्रचण्डले हँसिलो हाउभाउसहित यस्तो अभिव्यक्ति दिइरहँदा उनी मनबाट भने खुसी थिएनन्। किनकि प्रचण्डलाई थाहा भइसकेको थियो कि पार्टीका केही नेता र कार्यकर्ताहरु रिसाइरहेका छन्। एमसीसी त पास भयो, अब रुष्ट भएका नेता–कार्यकर्तालाई कसरी मनाउने–व्यवस्थापन गर्ने भन्ने तनाव थियो उनलाई। 

सोमबार दिउँसो उनले पत्रकार सम्मेलन बोलाएर कार्यकर्ताका नाममा सम्बोधन गरे। पत्रकार सम्मेलनमा सञ्चारकर्मीले प्रचण्डलाई सोधे– तपाईंको निर्णयविरुद्ध तपाईंकै नेता नारायणकाजी श्रेष्ठले चर्को आवाज निकालिरहनु भएको छ। पार्टीमा एकमत छैन, के साँच्चै माओवादी फुटको संघारमा पुगेको हो?’ जवाफमा प्रचण्डले नेता श्रेष्ठलाई संकेत गर्दै भनेका थिए, ‘असन्तुष्ट साथीहरुलाई पार्टीमा बस्न मन नै छैन भने जाँदा हुन्छ।’

संसद्ले व्याख्यात्मक टिप्पणीसहित अमेरिकी सहायता परियोजना एमसीसी अनुमोदन गरेसँगै सत्ता साझेदार दल नेकपा माओवादी केन्द्रभित्र मतभेद चर्किएको छ।

प्रचण्डको यो अभिव्यक्तिपछि धेरैले माओवादी फुट्ने आकलन गरेका थिए। तर, मंगलबारको घटनाक्रमले त्यो सम्भावना तत्काललाई टरेको छ। नेता श्रेष्ठलाई भेट्न प्रचण्ड उनकै निवास पुगेपछि माओवादी फुट्ने शंका गलत सावित भएको हो। नारायणकाजीलाई भेट्न प्रचण्ड मंगलबार हात्तीवनस्थित उनकै निवास पुगेका थिए। भेटमा सुरुका केही मिनेट पारिवारिक र व्यक्तिगत कुरा चलेको र त्यसपछि पार्टीभित्रको विवादमा केन्द्रित भएर कुराकानी भएको बताइएको छ। करिब दुई घण्टा भएको भेटवार्ताले माओवादी फुटको संघारमा पुगेको आशंकालाई टारिदिएको छ। 

भेटमा प्रचण्डले ‘आफ्नै पार्टीका नेताको असन्तुष्टि पनि समाचारबाट थाहा पाएको’ भन्दै गुनासो गरेका थिए। जवाफमा श्रेष्ठले पार्टी महाधिवेशनमा सबै बसेर छलफल गर्दा एमसीसीको विपक्षमा मत हाल्ने निर्णय भएको तर त्यो निर्णयलाई अध्यक्षले कुल्चिएको बताएका थिए। 

एमसीसीको सवालमा शीर्ष नेताको नाताले अलिकति लचिलो बन्नैपर्ने अवस्था आएको र एमसीसी पास गर्न अप्रत्यक्ष सहयोग नगरेको भए देश ठूलो दुर्घटनामा पर्ने अवस्था आएको प्रचण्डको प्रस्टोक्ति थियो। ‘हामीले हिजो जसलाई प्रतिगमन भनेर सत्ताबाट बाहिर निकाल्यौँ, फेरि सत्तामा उही आउने संकेत पाएपछि यस्तो कदम चाल्नुपरेको हो। यसलाई पार्टीका साथीहरुले बुझ्नुहुनेछ भन्ने अपेक्षा छ,’ प्रचण्डको भनाइ उद्धृत गर्दै श्रेष्ठ निकट एक नेताले भने। 

पार्टीलाई एकीकृत राख्नु महत्वपूर्ण हुने भन्दै प्रचण्डले नारायणकाजीलाई आफ्नो गुनासो पार्टीमा राख्न भनेका थिए। जवाफमा नारायणकाजीले एमसीसीको सवालमा पार्टी अध्यक्ष भएर खेलेको भूमिकाप्रति मात्र आफ्नो गुनासो रहेको बताएका थिए। साथै सोमबारको पत्रकार सम्मेलनमा प्रचण्डले दिएको अभिव्यक्तिप्रति पनि आफ्नो चित्त दुखाइ रहेको बताएका थिए। जवाफमा प्रचण्डले आवेगमा दिएको टिप्पणीप्रति माफी मागेको बताइएको छ। फेरि चाँडै अर्को भेट गर्ने भन्दै प्रचण्ड हात्तीवनबाट फर्किएका थिए। 

केन्द्रीय कमिटीमा ४ बुँदा प्रस्तुत गर्ने तयारी

अब केही दिनमै माओवादीको केन्द्रीय कमिटी बैठक बस्ने बताइएको छ। उक्त बैठकमा नेता श्रेष्ठले आफ्ना असन्तुष्टि बुँदागत रुपमा प्रस्तुत गर्नेछन्। पछिल्लो समय माओवादी पार्टी नै वैचारिक रुपमा स्खलित हुँदै गएको श्रेष्ठको स्वीकारोक्ति छ। उनले भने, ‘हाम्रो पार्टी किन साँच्चिकै क्रान्तिकारी र कम्युनिष्ट बन्न सकिरहेको छैन? अनैतिक कम्युनिष्ट पार्टी भयो भने त हाम्रो अभ्यास केका लागि? हामीले हाम्रा नेता–कार्यकर्तालाई किन खुसी बनाउन सकिरहेका छैनौ?’

आफ्नो सस्तो प्रचारबाजी गरिदिएको भन्दै उनले मिडियासँग पनि गुनासो पोखेका छन्। पार्टी फुटाउने कुरा आफ्नो मस्तिष्कमै नभएको तर मिडियाले आफूखुसी फुटको संघारमा पुगेको भन्दै समाचार प्रचार गरेको उनको जिकिर छ। नेता श्रेष्ठले अब पार्टीले गरेको गल्तीलाई स्वीकार गरेर, आत्मसमीक्षा गरेर अघि बढ्नुपर्ने बताए। 

उनले आगामी केन्द्रीय समितिको बैठकमा मुख्यतया ४ वटा बुँदा प्रस्तुत गर्ने तयारी गरेका छन्ः

१) वैचारिक अपष्टता

पार्टीभित्र देखिएको वैचारिक अष्पटतालाई अन्त्य गरेर स्पष्ट कार्यदिशानुसार अघि बढ्ने, ठोस एजेण्डा बनाउने र सामूहिक निर्णयलाई आत्मसात गर्नुपर्ने।

२) गुट प्रवृत्ति

पछिल्लो समय पार्टीभित्र देखिन थालेको गुट–उपगुटको प्रवृत्तिलाई अन्त्य गर्नुपर्ने। शीर्ष नेताहरुले पनि एकलौटी निर्णय गर्न नपाउने।

३) बेथितिको संस्कार

नेता–कार्यकर्तामा मौलाउँदै गएको बेथितिको संस्कार अन्त्य गर्नुपर्ने। नेता–कार्यकर्ताहरु प्रदेश र स्थानीय तहमा हुने विकृति, भ्रष्टाचारविरुद्ध लाग्ने।

४) दलाल पुँजीवादीसँग सम्बन्ध

पार्टीलाई सहायता गरेको भन्दैमा कुनै पनि दलाल पुँजीवादीहरुसँग सम्बन्ध नगाँस्ने। उत्पीडित र सर्वहारासँगको सम्बन्धलाई नजिक र बलियो बनाउनुपर्ने। 


प्रकाशित: March 2, 2022 | 15:48:56 काठमाडौं, बुधबार, फागुन १८, २०७८

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
राजनीति

चितवन शिवनगरको पुर्ख्यौली जग्गामा घर बनाएर सरे प्रचण्ड

प्रचण्डले शिवनगरमा बनाएको ६ कठ्ठाको एकतले घर पैतृक सम्पत्ति हो।
नेपाल समय
राजनीति

देउवामाथि दबाब बढाउन शेखर समूहले पार्टी कार्यालयमा धर्ना दिने

नेपाली कांग्रेसका सभापति शेरबहादुर देउवालाई दबाब बढाउनका लागि डा. शेखर कोइराला समूहले आन्दोलनका थप कार्यक्रम तय गरेको छ।
नेपाल समय
राजनीति

प्रचण्ड भन्छन्- म प्रधानमन्त्रीको रेसमा छैन

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्रीको रेसमा नरहेको बताएका छन्।
नेपाल समय
राजनीति

भक्तपुर-१ मा ढुक्क नेमकिपा, २ मा एमाले र कांग्रेसको 'भाले भिडन्त'

२०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएको क्षेत्र हो भक्तपुर–२। नत्र भक्तपुर १ नेमकिपाको र भक्तपुर २ कांग्रेसको पेवा जस्तै थियो। एमालेका महेश बस्नेतले ३६ हजार ४ सय १२ मत ल्याएर जित्दै गर्दा निकटतम प्रतिद्वन्द्वी नेपाली कांग्रेसका दमननाथ ढुंगाना १८ हजार ६ सय ८७ मत ल्याएर पराजित भएका थिए।
नेपाल समय
राजनीति

सरकारमाथि राष्ट्रपतिको हस्तक्षेप, क्याबिनेटका प्रस्ताव जानकारी गराउन पत्र

प्रधानमन्त्री कार्यालय स्रोतका अनुसार राष्ट्रपतिले पत्रमार्फत् भने राष्ट्रपतिले क्याबिनेट पठाउने प्रस्तावबारे नै अग्रिम जानकारी गराउन राष्ट्रपतिले दबाब दिएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना