सोमबार, असोज १०, २०७९

सभामुखसहित चार न्यायाधीशविरुद्ध महाभियोग प्रस्ताव ल्याउने तयारीमा एमाले

दिलीप कुँवर  |  काठमाडौं, सोमबार, फागुन २, २०७८

दिलीप कुँवर

दिलीप कुँवर

सोमबार, फागुन २, २०७८, काठमाडौं

नेपाल समय

काठमाडौं- आइतबार (हिजो) बिहान लगभग ११ बजेसम्म नेपालको राजनीतिभित्र मुख्य दुई एजेण्डाको बहस सतहमा आएको थियो। एक थियो, सत्ता गठबन्धनलाई विघटनको कुनै छिटा नपारी एमसीसीलाई संसदबाट अनुमोदन गर्ने/नगर्ने। र, अर्को थियो, सरकारले तोकेको समय (वैशाख ३०) मै स्थानीय चुनाव सम्पन्न गर्न कस्तो 'फास्ट ट्र्याक' अपनाउने? 

तर, जब बिहान ११:१० बजे सत्ता गठबन्धनले सर्वोच्च अदालतका प्रधानन्यायाधीश चोलेन्द्रशमशेर जबराविरुद्ध अप्रत्याशित रूपमा महाअभियोगको प्रस्ताव दर्ता गर्‍यो, तब भने बहसका यी दुई एजेण्डा स्वाभाविक रूपले ओझेलमा परे। 

त्यसो त, जबराविरुद्धको महाभियोको जरा पनि एमसीसी र स्थानीय चुनावसँगै जोडिएको संविधानविद् डा. भीमार्जुन आचार्यको दाबी छ। नेपाल समयसँग कुराकानी गर्दै उनले भने, 'एमसीसी र स्थानीय चुनावको विभिन्न आयामकै कारण महाअभियोगको घटना निम्तिएको हो। अब प्रतिपक्ष पनि डरलाग्दो ढंगले नै अगाडि आउनेवाला छ।'

कांग्रेस संसदीय दलकी सचेतक पुष्पा भुसाल, माओवादी केन्द्रका प्रमुख सचेतक देव गुरुङ र एकीकृत समाजवादी पार्टीका सचेतक जीवनराम श्रेष्ठ प्रस्तावक रहेको महाअभियोग प्रस्तावमा ९५ जना सांसदको हस्ताक्षर र समर्थन छ। 

केही समय अघिदेखि सभामुखसँग रुष्ट हुँदै आएको एमालले पनि सभामुख अग्निप्रसाद सापकोटाविरुद्ध महाअभियोग प्रस्ताव ल्याएर सरकारसँग 'टिट् फर ट्याट'को व्यवहारमा उत्रिने एमाले नेताहरूले बताउँदै आएका छन्।

महाअभियोगको प्रस्ताव दर्ता भइसकेपछि अब पास गर्न भने प्रतिनिधिसभामा दुई तिहाइ बहुमत चाहिन्छ। अहिले संसद‍्मा एमालेका ९७, कांग्रेसका ६१, माओवादी केन्द्रका ४९, एकीकृत समाजवादीका २४, जनता समाजवादीका १९, लोकतान्त्रिक समाजवादीका १३ र जनमोर्चा, नेमकिपा र राप्रपाका एक–एक सांसद छन्। यो अंकगणितलाई आधार मान्ने हो भने महाअभियोग पास गर्न चाहिने  बहुमत पुर्‍याउँन सत्ता गठबन्धनलाई पनि सकस नै छ। यस कारण कि प्रतिपक्ष नेकपा (एमाले)ले छापामार शैलीमा महाअभियोग दर्ता भएको भन्दै साथ नदिने संकेत दिइसकेको छ। 

यही विषयमा ठोस निर्णय लिन आज (सोमबार) एमाले संसदीय दलको बैठक पनि बस्दै छ। बैठक बिहान ११ बजे नयाँ बानेश्वरस्थित संसद् भवनको ल्होत्से हलमा बस्न लागेको हो। केही समय अघिदेखि सभामुखसँग रुष्ट हुँदै आएको एमालले पनि सभामुख अग्निप्रसाद सापकोटाविरुद्ध महाअभियोग प्रस्ताव ल्याएर सरकारसँग 'टिट् फर ट्याट'को व्यवहारमा उत्रिने एमाले नेताहरूले बताउँदै आएका छन्। 

आज बस्न लागेको बैठकले सभामुख र न्यायाधीशहरू दीपक कुमार कार्की, मिरा खड्का, आनान्दमोहन भट्टराई र ईश्वरप्रसाद खतिवडाविरुद्ध कसरी प्रस्तुत हुने भन्नेबारे ठोस छलफल हुने नेकपा (एमाले)का प्रमुख सचेतक विशाल भट्टराईले जानकारी दिए। उनका अनुसार गठबन्धनलाई 'काउन्टर' दिन पार्टीभित्र निर्णायक छलफल हुँदैछ। 

जबरा 'मोहरा' कि 'सहारा'?

प्रधानन्यायाधीश जबरा प्राय विवादमा परिरहने पात्र हुन्। २०७५ पौषदेखि प्रधानन्यायाधीशको जिम्मेवारी सम्हालेका जबरा त्यसयता लगातार विवादमा मुछिँदै आए। 

कुनैबेला यही पाँच दलीय गठबन्धनको सहारा बनेका जबरा अहिले भने गठबन्धनकै मोहरा बनेका छन्। 
एमाले अध्यक्ष तथा तत्कालीन प्रधानमन्त्री केपी शर्मा ओली नेतृत्वको सरकार ढालेर दुई रातमै नेपाली कांग्रेसका सभापति शेरबहादुर देउवा नेतृत्वको नयाँ सरकार बनाउन परमादेश जारी गरेपछि जबरा झन् विवादमा आएका थिए। त्यतिमात्र कहाँ हो र, गठबन्धनमा आफ्नो भाग खोजेर जेठान गजेन्द्र हमाललाई समेत उद्योग तथा वाणिज्य आपूर्तीमन्त्री बनाइछाडे। तर विडम्बना, हमालले एक दिनमै राजीनामा दिए। 

कुनैबेला यही पाँच दलीय गठबन्धनको सहारा बनेका जबरा अहिले भने गठबन्धनकै मोहरा बनेका छन्। 

महाअभियोग लागेका जबरामाथि अहिले संविधान र कानुनको गम्भीर उल्लङ्घन गरेको, कार्यक्षमता नभएको, खराब आचरण भएको, इमानदारीपूर्वक आफ्नो पदीय कर्तव्यको पालन नगरेको वा आचार संहिताको गम्भीर उल्लंघन गर्दै आफ्नो पदीय जिम्मेवारी पूरा गर्न नसकेको आरोप छ। 

संवैधानिक प्रावधान अनुसार अब कारबाहीको टुङ्गो नलागेसम्म जबराले कुनै पनि कार्य सम्पादन गर्न पाउने छैनन्। यदि महाभियोगको प्रस्ताव पारित भएमा उनी स्वतह: पदमुक्त हुनेछन् र भविष्यमा कुनै पनि सार्वजनिक पदमा नियुक्त वा मनोनयन हुन पाउने छैनन्।


प्रकाशित: February 14, 2022 | 10:29:15 काठमाडौं, सोमबार, फागुन २, २०७८

तपाईं को प्रतिक्रिया

ट्रेंडिंग

चीनमा सैन्य 'कू' को हल्ला, राष्ट्रपति सी नजरबन्दमा छन् त?

सोसल मिडियामा भने सीबारे अनेकन 'हल्ला' भइरहेका छन्। चीनियाँ राष्ट्रपति सीलाई वास्तवमा के भएको भन्‍ने कुरालाई सहजै भन्‍न सकिँदैन।

समान अवसरको मागसहित शेखर समूहले खवरदारी सभा गर्ने

नेपाली कांग्रेसको डा. शेखर कोइराला समूहले पार्टीभित्र समान अवसर र न्यायका लागि खवरदारी सभा आयोजना गर्ने भएको छ।

लेखक केशव दाहालको 'माधवी ओ माधवी' सार्वजनिक

'मोक्षभूमि' उपन्यासका लेखक केशव दाहालको गैरआख्यान निर्बन्ध लेखन संगालो 'माधवी ओ माधवी' शुक्रबार विमोचन गरिएको छ।

काठमाडौंका १० निर्वाचन क्षेत्र : पुराना दललाई स्वतन्त्र र नयाँ दल चुनौती

स्वतन्त्रदेखि झिनामसिनाका पार्टीबाट उम्मेदवारी घोषणा गरिएपछि संघीय राजधानीसमेत रहेको काठमाडौंका १० निर्वाचन क्षेत्रमा ठूला दलहरूलाई चुनाव जित्न गठबन्धनको भर। गठबन्धन गर्दा कांग्रेसको सुरक्षित किल्ला अन्य दललाई सुम्पिनुपर्ने बाध्यता।

वित्तीय संघीयता मजबुत बनाउन राजनीतिक र प्रशासनिक इच्छाशक्ति आवश्यक

राजस्व बाँडफाँटका कतिपय मुद्दामा केन्द्र, प्रदेश र स्थानीयबीच समन्वय अभाव देखिन्छ। यसका लागि वित्तीय हस्तान्तरण ऐनमा केही संशोधन गरेर अगाडि बढ्न आवश्यक छ।

कार्यकालपछि राष्ट्रपति भण्डारीले राजनीतिक नेतृत्व गरे अति राम्रो : गोकुल बाँस्कोटा

बिहीबार ट्विट गर्दै बाँस्कोटाले पूर्वराष्ट्रपतिले राजनीति गर्नु हुँदैन भन्ने कानुनी व्यवस्था नरहेको उल्लेख गर्दै राष्ट्रपतिलाई राजनीतिक नेतृत्व लिन सुझाव दिएका हुन्।

ब्याजदर बढेपछि व्यापारी र बैंकर्सबीच द्वन्द्व, हस्तक्षेप नगर्ने पक्षमा राष्ट्र बैंक

बैंक तथा वित्तीय संस्थाले ब्याजदर बढाएको विषयमा निजी क्षेत्रका उद्योगी र व्यापारी असन्तुष्ट छन्। निक्षेपको ब्याज बढाउँदा कर्जाको पनि ब्याज बढ्ने भएकाले त्यसले उद्योग र व्यापार सञ्चालनमा नकारात्मक असर पार्ने भन्दै उनीहरू असन्तुष्ट बनेका हुन्।

निधिले छोडे पनि धनुषा-३ मा गठबन्धनको हानाथाप, को बन्ला जुलीको प्रतिस्पर्धी?

उता २०७४ सालमा धनुषा ३ बाट निर्वाचित सांसद एंव लोसपाका वरिष्ठ नेता राजेन्द्र महतोले यही क्षेत्रबाट चुनावी मैदानमा उत्रने तयारीमा छन् भने लालकिशोर साह, जितेन्द्रकुमार यादव, विजयकुमार भगत र सर्वजित ठाकुरको नाम सिफारिस गरेको छ।

प्रेमगीत–३ लाई लिएर किन आयो चलचित्र क्षेत्रमा हलचल?

‘प्रेमगीत–३’लाई लिएर नेपाली फिल्मकर्मीहरू विभाजित भएका छन्। कोही हिन्दी भर्सनलाई नेपाली फिल्मसरह कर छुट दिनुपर्ने र कोही दिन नहुने पक्षमा उभिएका छन्।

सरकारको आग्रह लत्याउँदै सीपीसीको सुरक्षा रणनीति बैठकमा राष्ट्रपति भण्डारी सहभागी

चिनियाँ कम्युनिस्ट पार्टीले बुधबार आयोजना गरेको भर्चुअल सम्मेलनमा राष्ट्रपति भण्डारीले रेकर्डेड भिडियो सन्देश पठाएको राष्ट्रपति कार्यालयले पुष्टि गरेको छ।

थप समाचार

नेपाल समय
राजनीति

सिट बाँडफाँट कार्यदलमा गगनको अनुपस्थितिले बढायो आशंका, यी हुन् नमिलेका १२ निर्वाचन क्षेत्र

शीर्ष नेतादेखि कार्यदलका सदस्यहरुलाई समेत प्रतिनिधिसभाको सिट टुंगो लगाउन सकस परेपछि प्रदेशसभाको सिट भागबण्डा थालेका छन्। प्रतिनिधिसभातर्फ १२ सिट बाँडफाँटमा नेताहरु अत्यन्तै सकसमा परेका छन्।
नेपाल समय
राजनीति

चितवन शिवनगरको पुर्ख्यौली जग्गामा घर बनाएर सरे प्रचण्ड

प्रचण्डले शिवनगरमा बनाएको ६ कठ्ठाको एकतले घर पैतृक सम्पत्ति हो।
नेपाल समय
राजनीति

देउवामाथि दबाब बढाउन शेखर समूहले पार्टी कार्यालयमा धर्ना दिने

नेपाली कांग्रेसका सभापति शेरबहादुर देउवालाई दबाब बढाउनका लागि डा. शेखर कोइराला समूहले आन्दोलनका थप कार्यक्रम तय गरेको छ।
नेपाल समय
राजनीति

प्रचण्ड भन्छन्- म प्रधानमन्त्रीको रेसमा छैन

नेकपा माओवादी केन्द्रका अध्यक्ष पुष्पकमल दाहाल प्रचण्डले आफू प्रधानमन्त्रीको रेसमा नरहेको बताएका छन्।
नेपाल समय
राजनीति

भक्तपुर-१ मा ढुक्क नेमकिपा, २ मा एमाले र कांग्रेसको 'भाले भिडन्त'

२०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएको क्षेत्र हो भक्तपुर–२। नत्र भक्तपुर १ नेमकिपाको र भक्तपुर २ कांग्रेसको पेवा जस्तै थियो। एमालेका महेश बस्नेतले ३६ हजार ४ सय १२ मत ल्याएर जित्दै गर्दा निकटतम प्रतिद्वन्द्वी नेपाली कांग्रेसका दमननाथ ढुंगाना १८ हजार ६ सय ८७ मत ल्याएर पराजित भएका थिए।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना