शुक्रबार, असार १७, २०७९
स्थानीय चुनाव

जनताको घरदैलोमा पुग्न कस्तो रणनीति बनाउँदैछन् दलहरू?

यज्ञराज जोशी  |  काठमाडौं, बुधबार, माघ २६, २०७८

यज्ञराज जोशी

यज्ञराज जोशी

बुधबार, माघ २६, २०७८, काठमाडौं

नेपाल समय

काठमाडौं- स्थानीय तह निर्वाचन मिति घोषणा भएसँगै राजनीतिक दलहरू जनताको दैलोमा जाने तयारीमा जुटेका छन्। प्रमुख प्रतिपक्षी दल एमालेले सातै प्रदेशमा कार्यकर्ता प्रशिक्षणको मिति तोकेको छ। यस्तै सत्तासीन दलहरु पनि चुनाव केन्द्रित रणनीतिका लागि छलफल सुरु गरेका छन्।

प्रमुख प्रतिपक्षी दल एमालेले सातै प्रदेशमा चुनावी तयारीका लागि प्रशिक्षण कार्यक्रम आयोजना गरेको छ। एमाले सचिव एवं पार्टीका सुदूरपश्चिम संयोजक लेखराज भट्टले पार्टीको प्रचारप्रसार विभागले देशैभर प्रशिक्षणका कार्यक्रम तय गरेको जानकारी दिए। 

'विभागले कसरी प्रशिक्षण अगाडि बढाउने भन्ने मापदण्ड बनाउनेछ। हामी सोहीअनुरुप अगाडि बढ्नेछौं। सुदूरपश्चिममा फागुन १७ र १७ गते प्रशिक्षण कार्यक्रम छ,' उनले भने। भट्टले एमालेलाई जनताले साथ दिनेमा आफूहरू विश्वस्त रहेको बताए। एमाले बलियो भएकै कारण पार्टीविरुद्ध विभिन्न क्षेत्रबाट मोर्चाबन्दी भइरहेको टिप्पणी उनको छ।

'हाम्रा काम जनताले देखेकै छन्। खुसी नेपाली समृद्ध नेपाल हाम्रै एजेन्डा हो। जनताको सपनालाई एमालेले मात्र साकार पार्नसक्छ। हामी हाम्रा केही कमीकमजोरी भए सच्याउँदै जनताको उक्त सपनालाई पूरा गर्नतर्फ सधैं उद्यत हुनेछौं,' सचिव भट्टले भने। 

कांग्रेसले पनि चुनाव केन्द्रित छलफल थालेको छ। २७ माघमा बस्ने केन्द्रीय कार्य सम्पादन समितिको बैठकबाट चुनावी रणनीति तय गर्ने योजना कांग्रेसको छ।
एमालेले प्रदेश १ को विराटनगरमा फागुन १ र २ गते, मधेश प्रदेशको जनकपुरमा ३ र ४ गते र बागमतीको काठमाडौंमा ६ र ७ गते शिक्षण कार्यक्रम राखेको छ। यस्तै गण्डकीको पोखरामा ८ र ९ गते, लुम्बिनीको बुटवलमा ११ र १२, कर्णालीको सुर्खेतमा १४ र १५ गते र सुदूरपश्चिमको धनगढीमा १७ र १८ गते प्रशिक्षण कार्यक्रम राखिएको भट्टले जानकारी दिए। कांग्रेसले पनि चुनाव केन्द्रित छलफल थालेको छ। २७ माघमा बस्ने केन्द्रीय कार्य सम्पादन समितिको बैठकबाट चुनावी रणनीति तय गर्ने योजना कांग्रेसको छ।

कांग्रेस प्रवक्ता प्रकाशशरण महतले आफ्नो दलका नेता कार्यकर्ता जनताको घरदैलोमा जाने कार्यक्रम सुरु भइसकेको बताए। 'माघ २७ मा बस्ने कांग्रेस केन्द्रीय कार्यसम्पादन समितिको बैठकले चुनावी एजेन्डाबारे छलफल गर्नेछ। हामीले कार्यकर्तालाई कसरी परिचालन गर्ने भनेर रणनीति बनाउनेछौं,' उनले भने।

उनले कांग्रेस जनताकै माझमा रहेको र यसअघिका गतिविधिले कांग्रेसले मात्रै देशको भलो गर्नसक्ने कुराको पुष्टि भइसकेकाले सबै नेताकार्यकर्ताले जनतालाई यो कुरा बुझाउन सक्नुपर्ने बताए। 'अहिलेको आवश्यकता आर्थिक समृद्धि हो। राजनीतिक स्थायित्व हो। यो कुरा कांग्रेसबाट मात्र सम्भव छ,' नेपाल समयसँग कुरा गर्दै नेता महतले भने।

माओवादीले पनि २७ र २९ माघमा केन्द्रीय समिति बैठक बोलाएको छ। माओवादी नेता नारायणकाजी श्रेष्ठले केन्द्रीय समिति बैठकमा यो पार्टीको महत्त्वपूर्ण एजेन्डा बन्ने बताए।
माओवादी केन्द्रको हालै सम्पन्न आठौं राष्ट्रिय महाधिवेशनबाट पार्टी पदाधिकारीको चयन हुन सकेको छैन। आगामी केन्द्रीय समिति बैठकले पार्टीको पूर्णतामा समेत छलफल गर्ने श्रेष्ठले बताए।

'हामी पहिलेदेखि नै चुनाव हुनुपर्छ भन्ने पक्षमा छौं। त्यसले हाम्रो पार्टीले निर्वाचनको व्यवस्थित तयारीका लागि ठोस योजना बनाउनेछ , समग्र पार्टी पंक्तिलाई त्यसपछि निर्देशन दिनेछ,' उनले भने। नेता श्रेष्ठले नेताकार्यकर्ताले जनतालाई नेपाली राजनीतिमा माओवादीको योगदान, आवश्यकता र अपरिहार्यता  बुझाउन सक्नुपर्ने बताए।

माओवादी केन्द्रको हालै सम्पन्न आठौं राष्ट्रिय महाधिवेशनबाट पार्टी पदाधिकारीको चयन हुन सकेको छैन। आगामी केन्द्रीय समिति बैठकले पार्टीको पूर्णतामा समेत छलफल गर्ने उनले बताए।

एकीकृत समाजवादीले पनि स्थानीय तह निर्वाचनमा पार्टी रणनीतिबारे बुधबार जानकारी दिने  प्रचार विभाग प्रमुख तथा प्रवक्ता जगन्नाथ खतिवडाले बताए।

जनता समाजवादीले पनि निर्वाचनका बारेमा तयारी थालेको छ। जसपाले यसबारेमा रणनीति तय गर्न केही दिनमै पार्टी केन्द्रीय समिति बैठक बोलाउने  बताएको छ।

के गर्दैछ निर्वाचन आयोग?

सरकारले स्थानीय तहको निर्वाचन २०७९ वैशाख ३० गते एकै चरणमा गर्ने घोषणा गरेको छ। त्यसको औपचारिक जानकारी निर्वाचन आयोगमा अझै पुग्न सकेको छैन। निर्वाचन आयोगले मंगलबार बिहान ७७ वटै जिल्लाका निर्वाचन कार्यालयका प्रमुखलाई जुम मिटिङमार्फत मतदाता नामावली संकलन कार्यक्रम स्थगनका लागि निर्देशन दिएको छ। आयोगले छिट्टै नै निर्वाचन कार्यतालिका सार्वजनिक गर्ने प्रवक्ता  शालिकराम शर्मा पौडेलले जानकारी दिए।

सोमबारसम्म १८ वर्ष पुगेका करिब ११ लाख जनाको मतदाता नामावलीमा नाम सूचीकृत भएको निर्वाचन आयोगले जनाएको छ। आयोगका सहायक प्रवक्ता सूर्यप्रसाद अर्यालले नामावली संकलन कार्य स्थगन गरेर आयोगले निर्वाचनमा भाग लिनेहरूको नामलाई अन्तिम रूप दिने तयारी थालेको बताए।

मतदाता नामावली अभियानमार्फत सूचीकृत भएका नामलाई अन्तिम रूप दिन ५० देखि ६० दिन लाग्ने उनले बताए।  निर्वाचन कार्यालयले इलाका, जिल्ला प्रशासन कार्यालयबाट नामावलीको सूची संकलन गरी जिल्ला निर्वाचन कार्यालयमा बुझाउँछ। त्यसपछि सो नामावलीको सूची केन्द्रमा पठाइन्छ।

केन्द्रमा आएको नामावली सूचीलाई केन्द्रले पुनः मतदाता नामावली दाबी विरोधका लागि जिल्लाजिल्लामै पठाउँछ। दाबी विरोधमा परेका उजुरीहरूलाई छानबिन गरी जिल्ला निर्वाचन कार्यालयले केन्द्रमा नामावली पुनः पठाउँछ।

त्यसपछि निर्वाचन आयोगले मतदाता नामावलीको तथ्यांकलाई अन्तिम रूप दिने काम गर्ने बताइएको छ। यस्तै आयोगले स्थानीय तहको निर्वाचनमा भाग लिने दलहरूको चाँडै पहिचान गर्ने जनाएको छ। राजनीतिक दलहरूको निर्वाचन प्रयोजनात्मक दल दर्ता आह्वान गर्ने तयारी आयोगले थालेको छ।

हाल निर्वाचन आयोगमा १०५ वटा दलहरू दर्ता छन्। कति दलले स्थानीय तहको चुनावमा सहभागिता जनाउँछन् भन्ने बारे दल दर्ता भइसकेपछि मात्रै टुंगो लाग्ने आयोगले जनाएको छ। सरकारले निर्वाचनको मिति टुंग्याइसकेको अवस्थामा आफूनहरू निर्वाचन गराउनका लागि पूर्ण तयार रहेको आयोगका अधिकारी बताउँछन्। 


प्रकाशित: February 9, 2022 | 14:46:20 काठमाडौं, बुधबार, माघ २६, २०७८

तपाईं को प्रतिक्रिया

तपाईं को प्रतिक्रिया

ट्रेंडिंग

नाबालिगविरुद्ध २७ वर्षीया विवाहित महिलाको बलात्कार मुद्दा, तर अदालतले पत्याएन

बलात्कृत भएकी भनिएकी महिलाको घरमा टिभी मर्मत गर्न पुगेका नाबालिगले सहमतिमै शारीरिक सम्पर्क गरेको बयान दिएपछि जबर्जस्ती करणीको मुद्दामा न्यायाधीशले सुनाए अचम्मको फैसला।

श्रीमतीलाई भीरबाट लडाएर हत्या गर्ने निर्दयी श्रीमान्

गत असार ५ गते भएको घटना १० गते मात्र थाहा भएको थियो। लेकबहादुरले गत असार ५ गते बिहान घरमा कोही नभएको मौका छोपी श्रीमतीलाई कुटपिट गदै लखेट्दै जंगलतिर लगेको प्रहरी अनुसन्धानबाट खुलेको छ।

चन्द्रागिरिको जंगलमा हराएका तीन विदेशी भीरमा भेटिए

उक्त स्थान थानकोटबाट करिब सात किलोमिटर टाढा थानकोट–चित्लाङ सडकखण्ड नजिक रहेको प्रहरीले जनाएको छ।

...अनि पटक-पटक मर्ने प्रयास गरेकी थिइन् दिलमायाले

‘त्यसबेला मेरो छोरो पाँच वर्षको थियो। म माइतीको शरणमा गएको थिएँ। तर माइतीले पनि नहेरेपछि मर्छु भनेर बाबुलाई घरमै छोडेर जंगलभित्र गा'को थिएँ। तर जंगलमा ३ घन्टा रुँदैरुँदै बिताएर घर फर्किएँ। बच्चाले दुःख पाउँछ भनेर मर्न सकिनँ...

गायिका सुनार मृत्यु प्रकरण : प्रेमीले फालेको सल नालीमा भेटियो, पोस्टमार्टम रिपोर्ट कुर्दै प्रहरी

प्रहरीको प्रारम्भिक अनुसन्धानले गायिका सुनारको डिभोर्सपछि उनी श्रेष्ठसँग करिब डेढ वर्षयता ‘लिभिङ टुगेदर’मा बस्दै आएको देखिएको छ। नेपालटारस्थित उनको डेरामा श्रेष्ठको आउजाउ बाँक्लै थियो।

कांग्रेसभित्र यसरी 'फ्रन्ट डोर' ढकढक्याउँदैछन् विनोद चौधरी

म कांग्रेस एकदमै कमजोर भएको अवस्थामा प्रवेश गरेको हुँ। मेरो बाँकी राजनीतिक जीवन कांग्रेसमै बित्छ। कांग्रेसमै रहेर पार्टी र देशका लागि केही गर्ने हो। परिवर्तन ल्याउन भूमिका खेल्ने हो। म मेरो योजनामा असफल भएँ भने राजनीतिमा विश्राम लिएर आराम गरेर बस्छु।

गोर्खा सैनिकको सम्झनामा त्यो फोकल्यान्ड युद्ध

‘बिहानको १० बजेसम्म घाम देखिँदैन। जताततै तिखा चट्टान, ढुंगा र घासे मैदान। चार मोजा र बुट लगाउँदा सम्म नथेगिने चिसो। घरिपानी, घरि असिना, घरि हिउँ। रुखपात छैन, झारपात मात्र कस्तो ठाउँ होला!’

बालुवाटार पुगे नेकपा एसका तीन मन्त्री

स्वाथ्य तथा जनसंख्यामन्त्री विरोध खतिवडा, शहरी विकासमन्त्री रामकुमारी झाँक्री र श्रम, रोजगार तथा समाजिक सुरक्षा मन्त्री कृष्ण कुमार श्रेष्ठ आफूहरुको माग र अडान पुरानै भएको दोहोर्‍याउन बालुवाटार पुगेको स्रोतको दाबी छ। उनीहरुसँग निरा जैरुसहित केही सांसद पनि रहेको बताइएको छ।

नेपालबाट बेलायत जाने मौसमी कामदार बढे, सरकार भन्छ- ऐनले चिन्दैन

कोराना महामारीपछिको अर्थतन्त्रलाई ट्रयाकमा ल्याउन बेलायत सरकारले विभिन्न मुलुकबाट मौसमी रोजगारका लागि आवेदन मागिरहेको छ। तर नेपालको श्रम ऐनमा मौसमी रोजगारसम्बन्धी व्यवस्था नहुँदा नेपाली श्रमिकलाई अप्ठेरो पारिरहेको छ।

साडियो माने : धुलाम्य मैदानदेखि लिभरपुलको लोभलाग्दो रवाफसम्म

बाल्यावस्थादेखि बलसँगै लडिबुडी गरेका मानेले फुटबलमा पाएको जादूयी सफलतापछि जन्मथलो बम्बालीमा उम्रिँदै छन् सयौं मानेहरू।

थप समाचार

नेपाल समय
राजनीति

आज पनि शेखर पक्षको बैठक बस्ने

नेपाली कांग्रेसका नेता डा. शेखर कोइराला समूहको बैठक आज पनि बस्ने भएको छ। आज अपरान्ह २ बजे बत्तीसपुतलीस्थित अनुपम फुडल्याण्डमा बैठक बस्ने भएको हो।
नेपाल समय
राजनीति

चार राजदूतले लिए शपथ

शपथ लिने राजदूतहरूमा डा नरेशविक्रम ढकाल, विष्णुपुकार श्रेष्ठ, कैलाशराज पोखरेल र कान्ता रिजाल छन्। उनीहरू क्रमश: कतार, चीन, अस्ट्रेलिया र इजरायलका लागि राजदूतमा नियुक्त भएका हुन्।
नेपाल समय
राजनीति

पर्यटनमन्त्रीले भने - निजगढ अन्तर्राष्ट्रिय विमानस्थल उच्च प्राथमिकतामा

संस्कृति, पर्यटन तथा नागरिक उड्डयनमन्त्री जीवनराम श्रेष्ठले राष्ट्रिय गौरवको आयोजना निजगढ अन्तर्राष्ट्रिय विमानस्थललाई सरकारले उच्च प्राथमिकतामा राखेर अगाडि बढाउने बताएका छन्।
नेपाल समय
राजनीति

जसपा विवाद उत्कर्षमा पुगेका बेला डा बाबुरामले भेटे प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्ड र जनता समाजवादी पार्टी संघीय परिषदका अध्यक्ष डा. बाबुराम भट्टराईबीच भेटवार्ता भएको छ।
नेपाल समय
राजनीति

मन्त्रीहरूलाई दिएको प्रशिक्षणमा के भने माधव नेपालले?

एकीकृत समाजवादीका अध्यक्ष माधवकुमार नेपालले पार्टीका तर्फबाट सरकारमा सहभागी मन्त्रीहरूलाई प्रशिक्षण दिएका छन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना