सोमबार, माघ २३, २०७९
कर्णालीमा तरंग

मुर्ति चोरेका लामालाई मन्त्री बनाउँदै माओवादी, सांसद भन्छन्- केन्द्रले हस्तक्षेप गर्‍यो

देव राना  |  काठमाडौं, शुक्रबार, माघ २१, २०७८

देव राना

देव राना

शुक्रबार, माघ २१, २०७८, काठमाडौं

नेपाल समय

सुर्खेत- कर्णाली प्रदेशसभामा माओवादी केन्द्रबाट १२ सांसदहरु छन्। तीमध्ये सात जनाले सत्ताको स्वाद चाखिसकेका छन्। 

पूर्वमुख्यमन्त्री महेन्द्रबहादुर शाही, उपसभामुख पुष्पा घर्ती ‘विष्ट’, नरेश भण्डारी, सीताकुमारी नेपाली, गोपाल शर्मा र विन्दमान विष्ट सरकारमा सहभागी भइसकेका नेताहरू हुन्। 

बाँकी ५ जना सांसदहरूलाई यति बेला सरकारमा बस्दाको अनुभव लिनुपरेको छ। माओवादी सांसदहरू गणेशप्रसाद सिंह, ठम्मर विष्ट, रातो कामी, कृष्णा शाह र वीरबहादुर शाही मन्त्री बन्ने प्रयासमा छन्। कात्तिक १६ गतेदेखि उनीहरू मन्त्री बन्न दौडधुपमा छन्। 

नेकपा (माओवादी केन्द्र)ले उनीहरुको मन्त्री बन्ने सपना भने ‘तुहाइ दिने’ भएको छ। केन्द्रीय नेतृत्वले नै गैरसांसद (छिरिङ दमदोल लामा ‘कार्चेन लामा’)लाई मन्त्री बनाउन निर्देशन दिएको छ। त्यसकारण अब ५ मध्ये एक जना मात्रै मन्त्री बन्ने छन्। 

लामा मन्त्रीको दौडबाट पछि हटे ५ मध्ये दुई सांसद मन्त्री बन्नेछन्। तर उनी मन्त्रीको दौडबाट पछि हट्ने सम्भावना छैन। ‘केन्द्र नेतृत्वले नै गैरसांसदलाई मन्त्री बनाउन भनेको छ। अब उहाँ (लामा) नै मन्त्री बन्नुहुन्छ’ माओवादी केन्द्रका एक सांसदले नेपाल समयसँग भने, ‘हामीले रोइकराई गरेर केही लाग्दैन।’ 

केन्द्रले प्रदेशको अधिकारमा हस्तक्षेप गरेर गैरसांसदलाई मन्त्री बनाउने निर्णय गरेको ती सांसदले बताए। ‘मन्त्री बन्नका लागि हामीसँग ५ जना सांसद छन्,’ माओवादी सांसद भन्छन्, ' ‘गैरसांसदलाई मन्त्री बनाउन निर्देशन दिएर पार्टी केन्द्रले निर्वाचित सांसदको अपमान गर्‍यो।’

गैरसांसदलाई मन्त्री बनाउने निर्णय दलको बैठकमा छलफल नै नभएको ती सांसदले बताए। ‘मन्त्री छान्ने विषयमा दलको बैठकमा छलफल नै भएको छैन तर केन्द्रले कार्चेन कमरेडलाई जसरी पनि मन्त्री बनाउनू भनेर पत्र पठाएको रहेछ,’ ती सांसदले भने, ‘दलको नेता (महेन्द्रबहादुर शाही)लाई सोध्दा कार्चेनको नाम मन्त्रीका लागि सिफारिस गरिसकेको बताउनु भयो, यसमा हाम्रो केही लागेन।’  

गैरसांसदलाई मन्त्री नबनाउन प्रतिवाद गरे पनि केन्द्रले गुनासो नसुनेको माओवादी सांसदहरूको गुनासो छ। गैरसांसदलाई मन्त्री बनाउने निर्णय तत्काल सच्याउनुपर्ने उनीहरुको माग छ। ‘कार्चेन कमरेड गैरसांसद मात्रै होइन, उहाँ त फौजदारी अभियोग लागेको मान्छे हो’ माओवादीका अर्का एक सांसदले नेपाल समयसँग भने, ‘पार्टी जोगाउने हो भने पार्टीले गैरसांसदलाई मन्त्री बनाउने निर्णय सच्याउनुपर्छ।’ 

माओवादी केन्द्र संसदीय दलका प्रमुख सचेतक ठम्मर विष्टले गैरसांसदलाई मन्त्री बनाउनु जनमतको अपमान भएको बताउँछन्। पार्टीप्रति जनताको विश्वास गुम्न नदिन तत्काल निर्णय सच्याउनुपर्ने उनको आग्रह छ।

लामा मुर्तिचोरीका दोषी

यता मन्त्रीका लागि सिफारिस गरिएका लामा मूर्ति चोरेको अभियोगमा दोषी ठहर भई कैद तथा जरिवाना भुक्तान गरिसकेका व्यक्ति हुन्। २०४९ सालमा तिब्बतको खोचेरनाथ गुम्बाबाट मूर्ति चोरेर ल्याएको अभियोगमा यिनै लामासहित छिरिङ पाल्देन लामासमेतलाई जिल्ला अदालतले दुई/दुई वर्ष कैद र ५/५ हजार रुपैयाँ जरिवानाको फैसला गरेको थियो। 

तत्कालीन जिल्ला न्यायाधीश नीलकण्ठ उपाध्यायले २०५१ मंसिर २५ गते मुद्दाको फैसला गरेका थिए। उनले २०४९ कार्तिक २८ देखि २०५१ कार्तिक २७ गतेसम्म कैद सजाय भुक्त्तान गरिसकेका छन्। लामाले फौजदारी अभियोग भोगको घटना छताछुल्ल भएपछि उनलाई मन्त्री नबनाउन माओवादीभित्र दबाब बढेको छ।

सरकारलाई पूर्णता दिने तयारी

कर्णाली प्रदेशका मुख्यमन्त्री जीवनबहादुर शाहीले आइतबार सरकारलाई पूर्णता दिने तयारी गरेका छन्। आफ्नो नेतृत्वमा सरकार बनेको तीन महिनापछि मुख्यमन्त्रीले सरकारलाई पूर्णता दिने तयारी गरेका हुन्। माओवादीले गैरसांसदलाई मन्त्री बनाउने निर्णय नसच्चाएको खण्डमा आइतबार सरकारले पूर्णता पाउने मुख्यमन्त्री शाहीले बताए। ‘जतिसक्यो छिटो सरकारलाई पूर्णता दिने दलहरुबीच मोटामोटी सहमति भएको छ,’ मुख्यमन्त्री शाहीले नेपाल समयसँग भने, ‘दलहरुको निर्णय हेरफेर नगरे आइतबार नै सरकारले पूर्णता पाउँछ।’

सरकारलाई पूर्णता दिन सत्तारूढ दलहरूले मन्त्रालयको भागबन्डा र सरकारमा सहभागी गराउने मन्त्रीहरूको नाम छानिसकेका छन्। सहमति अनुसार नेपाली कांग्रेसले मुख्यमन्त्रीसहित तीन, माओवादीले तीन र नेकपा (एकीकृत समाजवादी)ले दुई मन्त्रालय लिने सहमति भएको छ।

माओवादीले जाजरकोटका सांसद गणेशप्रसाद सिंह र हुम्लाका गैरसांसद कार्चेन लामा, कांग्रेसले सचेतक हिमबहादुर शाही र सुर्खेतका सांसद यज्ञबहादुर बुढाक्षेत्री र एकीकृत समाजवादीले जुम्लाका सांसद पदमबहादुर रोकायाको नाम सिफारिस गरेको मुख्यमन्त्री स्रोतले जनाएको छ। तर गैर र महिलाहरुको सहभागिता नभएको भन्दै सिफारिस नाममाथि विवाद भएको छ। सिफारिस नाम नै सदर भए कर्णाली सरकारमा महिलाको सहभागिता शून्य हुनेछ। 

दलहरुको पूर्व निर्णय परिवर्तन नभए आइतबार सरकारले पूर्णता पाउने छ। मन्त्रीको सपथपछि मात्रै मन्त्रालयको भागबन्डा सार्वजनिक गर्ने दलहरुबीच आन्तरिक सहमति भएको छ।

मुख्यमन्त्रीसहित आठ मन्त्रालय रहेको कर्णालीमा यसअघि नै माओवादीबाट सुर्खेतका विन्दमान विष्ट आर्थिक मामिला तथा योजनामन्त्री र एकीकृत समाजवादीका चन्द्रबहादुर शाही भूमि व्यवस्था, कृषि तथा सहकारी मन्त्री बनिसको छन्। 

आलोपालो सरकारको नेतृत्व गर्ने सहमति अनुसार गएको कात्तिक १६ गते कांग्रेस संसदीय दलका नेता शाहीले सरकारको नेतृत्व सम्हालेका थिए।


प्रकाशित: February 4, 2022 | 19:20:48 काठमाडौं, शुक्रबार, माघ २१, २०७८

तपाईं को प्रतिक्रिया

ट्रेंडिंग

फ्यानको मायाले रोइन् ‘पठान’की दीपिका

फिल्म सफल भएपछि निर्माता तथा कलाकार उत्साहित छन्।

रास्वपालाई गृह मन्त्रालय फिर्ता दिने प्रधानमन्त्री प्रचण्डको संकेत

पार्टी मुख्यालय पेरिसडाँडामा बसेको स्थायी कमिटी बैठकबाट बाहिरिने क्रममा प्रधानमन्त्री प्रचण्डले रास्वपाले उठाएको विषय समाधान हुने बताएर गृह मन्त्रालय फिर्ता दिने संकेत गरेका हुन्।

दलका कार्यकर्ता प्राज्ञ भएपछि योग्य कलाकारले कहिले पाउने अवसर?

राजनीतिमा चासो नदिने स्रष्टाप्रति राज्यले दायित्व बिर्सिंदा सहरमा कलाकार डिप्रेसनबाट गुज्रिनुपरेको र गाउँमा हराउनुपरेको वा खाडी मुलुक पलायन हुनुपर्ने अवस्था छ। कला र गलाका लागि सिर्जिएका चलचित्र विकास बोर्ड, प्रज्ञा प्रतिष्ठानलगायतका संस्था राजनीतिमय भएपछि स्रष्टाहरू ओझेल पर्दै छन्।

तत्काल पानी पर्ने सम्भावना छैन, आज काठमाडौंको तापक्रम कति?

देशैभर तत्काल पानी पर्ने सम्भावना नरहेको जल तथा मौसम पूर्वानुमान महाशाखाले जनाएको छ।

आन्तरिक उडानमा थप पाँच नियम

आन्तरिक हवाई उडानलाई थप सुरक्षित, भरपर्दो, मर्यादित र व्यावसायिक बनाउने उद्देश्यले नयाँ हवाई उडान व्यवस्था गरिएको प्राधिकरणले बताएको छ।

नेपालमा पनि राम्रो छ कमाइ 'पठान'को, शुक्रबारदेखि 'ह्यारीकी प्यारी' सँग प्रतिस्पर्धा

नेपालमा मनोज राठीले पठान ल्याएका हुन्। फिल्मले १ सातामा नेपालबाट ६ करोड रूपैयाँ कमाएको छ।

राष्ट्रपति र उपराष्ट्रपति निर्वाचनविरुद्ध सर्वोच्चमा रिट

संविधानविपरीत निर्वाचनको मिति तय गरिएको दाबीसहित अधिवक्ता ज्ञानेन्द्रराज आरणले सर्वोच्चमा रिट दायर गरेका हुन्।

अस्ट्रेलियाको ब्रिसबेनमा घन्कियो नेपथ्य

नेपथ्यले अस्ट्रेलियाको तेस्रो ठूलो सहर ब्रिसबेनमा योसहित पाँचौं पटक सांगीतिक प्रस्तुति दिएको हो।

बैतडीस्थित देहिमाण्डौंको चडेखानमा पुग्यो टेलिकमको नेटवर्क

बैतडी जिल्लाको दशरथ चन्द नगरपालिका-२ अन्तर्गत चडेखानमा नेपाल टेलिकमको टावर विस्तार गरिएको छ।

प्रचण्ड-ओली बाध्यात्मक प्याचअप : 'सगुन' बँडाइदेखि नै अविश्वास

बाध्यात्मक प्याचअप गरेका प्रचण्ड–ओलीबीच सहकार्य त छ तर सहकार्यको सुरुआती दिनदेखि नै अविश्वासले डेरा जमाएको छ।

थप समाचार

नेपाल समय
राजनीति

राजीनामा बुझाएका रास्वपाका तीन मन्त्रीहरुले आज पत्रकार सम्मेलन गर्दै

सोमबार दिउँसो ३ बजे रास्वपाको केन्द्रीय कार्यालयमा उनीहरुले पत्रकार सम्मेलन गर्ने भएका हुन्।
नेपाल समय
राजनीति

प्रधानमन्त्रीले दलका प्रमुख सचेतकहरुसँग छलफल गर्दै

सोमबार बिहान ९ बजे बालुवाटारमा बस्ने बैठकमा प्रतिनिधिसभाको विजनेसका विषयमा छलफल हुने प्रधानमन्त्रीको सचिवालयले जनाएको छ।
नेपाल समय
राजनीति

रविले संयम गुमाएर अभिव्यक्ति दिए: पत्रकार महासंघ

आइतबारको पत्रकार सम्मेलनमा लामिछानेले नेपाली सञ्चारक्षेत्रप्रति आधारहीन र पूर्वाग्रही आरोप लगाएको भन्दै महासंघले धम्किपूर्ण अभिव्यक्ति दिनु प्रेस तथा अभिव्यक्ति स्वतन्त्रतामाथिको गम्भीर प्रहार भएको बताएको छ।
नेपाल समय
राजनीति

मिडियामाथि आक्रोशित रविले जे बोले…

आइतबार सरकारमा रहने वा बस्ने विषयमा भएको छलफलमा पार्टीले सरकारबाट बाहिरिने निर्णय गरेको छ। सरकारबाट बाहिरिने निर्णय सुनाउँदै पत्रकार सम्मेलन गरेका रविले भने सबै झोंक मिडियामाथि पोखेका छन्।
नेपाल समय
राजनीति

'गल्ती एउटै हो नेपाल आएँ, यो देशमा थुन्नुपर्ने पहिलो मान्छे मै हुँ'

सरकारबाट बाहिरिने निर्णयबारे जानकारी दिन आयोजित पत्रकार सम्मेलनमा उनले यस्तो बताएका हुन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com

विज्ञापनको लागी

Charu shrestha 9841428229 Yubaraj Khatiwada 9801146990
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना