बिहीबार, असोज २०, २०७९

माओवादीमा 'टीके शैली'कै निरन्तरता

अध्यक्ष प्रचण्डद्वारा २३६ जना केन्द्रीय सदस्यको नाम घोषणा, पदाधिकारी पनि सहमतिबाटै टुंग्याउने प्रयास
धीरज बस्नेत  |  काठमाडौं, आइतबार, पुष १८, २०७८

धीरज बस्नेत

धीरज बस्नेत

आइतबार, पुष १८, २०७८, काठमाडौं

नेपाल समय
नेकपा माओवादी केन्द्रको आठौं महाधिवेशनको जारी बन्द सत्र।

काठमाडौं- माओवादी केन्द्रले अन्ततः तीन दिन लामो छलफलपछि फेरि पनि टीके शैलीबाटै केन्द्रीय सदस्य चयन गरेको छ। युवा नेताहरुले निर्वाचनको माग गरे पनि अध्यक्ष पुष्पकमल दाहाल प्रचण्डको दबाबमा सहमति गरेर केन्द्रीय सदस्य छानिएको माओवादीकै नेताहरुले बताएका छन्। 

बागमती र प्रदेश १ मा निर्वाचन भएकाले केन्द्रमा पनि सदस्य छान्‍न निर्वाचन हुनुपर्ने माग कतिपय युवा नेताहरुले गरेका थिए। तर, सो माग सुन्‍नै नचाहेका अध्यक्ष प्रचण्डले फेरि एकपटक टीके शैलीमा केन्द्रीय सदस्य छानेका छन्। आइतबार बन्दसत्र स्थगित गरेर बसेको स्थायी कमिटी बैठकबाट केन्द्रीय सदस्यहरुको नाममा सहमति भएको थियो। 

सबै प्रदेशबाट प्राप्त सूचीका आधारमा तय गरिएको केन्द्रीय सदस्यहरुको नाम अध्यक्ष प्रचण्डले महाधिवेशन हलमा पढेर सुनाएका छन्। अध्यक्ष प्रचण्डले २३६ जना केन्द्रीय सदस्यको नाम घोषणा गरेका छन्। २९९ सदस्यीय केन्द्रीय समितिमा बाँकी सदस्यहरु पछि मनोनित हुनेछन्। आठौं महाधिवेशन अन्तर्गत जारी बन्दसत्रबाट अध्यक्ष पुष्पकमल दाहाल प्रचण्डले समानुपातिकतर्फ १२५ र खुल्लातर्फ १११ जनाको नाम बन्दसत्रमा घोषणा गरेका हुन्।  माओवादीमा १५४ जना समानुपातिक र १४५ जना सदस्य चयन हुने व्यवस्था रहेको छ।

केन्द्रीय समितिमा सबै क्लस्टर र खुलाबाट गरी ३५ प्रतिशत महिला र २० प्रतिशत ४० वर्षमुनिका युवाको प्रतिनिधित्व गराइएको छ। समानुपातिकतर्फ माओवादीबाट केन्द्रीय सदस्यमा चयन हुनेमा खसआर्यबाट जम्मा ४५ जना रहेका छन्। त्यसैगरी आदिवासी जनजातितर्फ ४३, मधेसीतर्फ २३, दलिततर्फ २२ जना, थारूतर्फ १० जना, मुस्लिमतर्फ ७ जना रहेका छन्। त्यसैगरी अपांगतातर्फ २ जना,  पिछडिएको क्षेत्रबाट पनि २ जना चयन भएका छन्। 

शनिबार नै नेतृत्व चयन गर्ने भनिए पनि सहमति जुट्न नसक्दा आइतबारलाई सारिएको थियो। पुनः सहमतिका लागि भन्दै सहमति नभए भोलि ८ बजेदेखि मतदान गर्ने गरी निर्वाचन कार्यातालिका सार्वजनिक गरिएको थियो। महाधिवेशनबाट सकेसम्म सहमतिमै पदाधिकारी र केन्द्रीय कमिटीको टुंगो लगाउने भन्दै पटक पटक छलफल भइरहे पनि निष्कर्षमा भने पुग्‍न सकेको थिएन। सहमति गर्नकै लागि निर्वाचन कार्यतालिका तीन पटक संशोधन गरिएको थियो । 

निर्वाचनमा नजाने माओवादी नेतृत्वको अडानकै कारण तीन दिनमा सक्ने भनिएको महाधिवेशन सहमतिका नाममा ९ दिन लम्बिएको छ। ३ दिनमा सक्ने भनिएको आठौं महाधिवेशन आइतबार आठौं दिनमा आइपुगेको छ। महाधिवेशन भोलिसम्म चल्ने करिब निश्चित भएको छ। आज केन्द्रीय सदस्य चयन भएसँगै भोलि त्यहि केन्द्रीय समितिबाट अध्यक्ष तथा पदाधिकारी चयन गर्ने माओवादीको तयारी छ। अध्यक्षमा पुष्पकमल दाहाल प्रचण्ड नै दोहोरिने करिब निश्चित छ भने महासचिवसहितका पदाधिकारीमा आकांक्षा राख्ने नेताहरुको सूची लामो छ। जसका कारण अहिलेसम्म पदाधिकारीमा सहमति जुट्न सकेको छैन। 'सकेसम्म सहमतिको प्रयास हुन्छ यदि भएन् भने अर्को विकल्पमा जाने अवस्था आउँछ,’ स्थायी कमिटी सदस्य हरिबोल गजुरेलले नेपाल समयसँग भने, 'हामीले सहमतिमा केन्द्रीय सदस्य छानेका छौं, पदाधिकारी पनि सहमतिमै छानिने हाम्रो विश्वास छ।’ 

यदि सहमति नभएको अवस्थामा अध्यक्ष मात्रै छानेर महाधिवेशन सक्ने माओवादीको तयारी छ। केन्द्रीय कमिटीमा चयन भएका २९९ सँग छलफल गरेर अध्यक्षले महाधिवेशन सकिएपछि चयन गर्न सक्ने एक नेताले बताए। उनका अनुसार पदाधिकारी महाधिवेशन सकिएपछि चयन हुने सम्भावना बलियो छ। 



प्रकाशित: January 2, 2022 | 18:39:24 काठमाडौं, आइतबार, पुष १८, २०७८

तपाईं को प्रतिक्रिया

ट्रेंडिंग

युक्रेनका ४ क्षेत्र गाभेको औपचारिक घोषणा गर्दै रुस

युक्रेनका लुहान्स्क, दोनत्स्क, जापोरिज्जिया र केरसन क्षेत्रलाई रुसमा गाभ्ने घोषणा गर्न लागिएको छ। 'क्रेमलिन दरबारमा स्थानीय समयअनुसार दिउँसो ३ बजे ती ४ क्षेत्र रुसमा गाभिएको घोषणा हुनेछ,' क्रेमलिन प्रवक्ता दिमित्री पेस्कोभले भनेका छन्।

पाँच दलको सिट भागबण्डा अन्तिम चरणमा [सूचीसहित]

लामो समयको गृहकार्यपछि धेरैजसो निर्वाचन क्षेत्रको भागबण्डा मिलेको छ तर केहीमा भने किचलो कायमै छ।

सोलुको सकस: कांग्रेस नछाड्ने, माओवादी नमान्ने

२०७४ को चुनावमा जितेकाले आफैंले पाउनुपर्ने माओवादीको अडान छ। यस पटक गठबन्धनले चुनाव लड्ने हुँदा सोलुखुम्बु आफूले पाउनुपर्ने दाबी कांग्रेसले गरिरहेको छ।

समानुपातिक सूची परिवर्तन नभए आफैँ संघर्षमा उत्रने शेखर-गगनको चेतावनी

समान अवसर र न्यायका लागि विरोध र संघर्षका कार्यक्रम गर्दै आएका आफूनिकट नेताहरूसँग छलफल नेता कोइराला र महामन्त्री थापाले यस्तो बताएका हुन्। बत्तिसपुतलीस्थित अनुपम फुडल्यान्डमा असन्तुष्ट नेताहरुसँग उनीहरूले छलफल गरेका हुन्।

भीम रावल पार्टी सम्पर्कमा नआएपछि ओलीको सोधीखोजी

४ मंसिरमा हुने निर्वाचनका लागि एमाले जिल्ला कमिटीले अछाम क्षेत्र–१ बाट रावललाई मात्र सिफारिस गरे पनि पछिल्लो समय पार्टी सम्पर्कमा नआएपछि के भएको हो भनेर बुझ्न सुदूरपश्चिम एमाले नेताहरु पुगे ओली निवास।

सिभिल र हिमालयन मर्ज भएपछि ६ महिनामा 'सिनर्जी' आउँछ : सुनील पोखरेल [अन्तर्वार्ता]

हिमालय बैंक लिगेसी बोकेको पुरानो बैंक हो। हामीसँग साना तथा मझौला प्रकृतिको बिजनेस छ। हिमालयनको ठूला र कर्पोरेट बिजनेस छ। हाम्रा स-साना ग्राहक छन् तर उसका ठूला ग्राहक छन्।

आजदेखि निर्वाचन आचारसंहिता लागु : के गर्न पाइन्छ, के पाइँदैन?

आगामी मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता बुधारदेखि लागु गरिएको छ।

अलमुताइरीप्रति कप्तान किरणको अझै गुनासो, भने - व्यक्तिका लागि भन्दा पनि देशका लागि खेल्छौं

नेपाल राष्ट्रिय फुटबल टोलीका कप्तान किरण चेम्जोङले प्रशिक्षक अबदुल्ला अलमुताइरीले आफूलाई टिमबाट निकालेकोमा दुखेसो पोखेका छन्। व्यवसायिक फुटबलका क्रममा भारतमा रहेका किरण बंगलादेशसँगको मैत्रीपूर्ण खेलका लागि नेपाल आएका हुन्।

मोरङ-३ : चुनावमा प्रभाव पार्ने यस्तो छ मेडिकल कलेज कनेक्सन

सुनिल शर्माले आफ्नो नोबेल मेडिकल कलेजमार्फत राजनीतिक प्रभाव बढाएका छन्। निर्वाचन क्षेत्रमा नागरिकको निःशुल्क र कम शुल्कमा उपचारको व्यवस्था मिलाएर उनले मतदाताको प्रभाव बढाएका हुन्। उता राष्ट्रिय प्रजातन्त्र पार्टी (राप्रपा) बाट उम्मेदवार बन्ने तयारीमा रहेकी रेखा थापाले पनि अभियान तीव्र बनाएकी छिन्।

मधेसवादी दलको कमजोरीमा 'जाल' थाप्दै एमाले!

मधेसवादी दलका एजेन्डाहरू पहिलेभन्दा कमजोर बन्दै गएपछि सत्ताको लोभ गर्नेहरू राजनीतिक सुरक्षाका निम्ति एमाले प्रवेश गरिरहेका छन् भने एमालेले पनि मधेसवादी दलको कमजोरीको फाइदा उठाएको राजनीतिक विश्लेषण गरिँदै छ।

थप समाचार

नेपाल समय
राजनीति

समानुपातिकको बन्दसूचीबाट २९ जनाको नाम फिर्ता

आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसुचीबाट विभिन्न दलका २९ उम्मेदवारले नाम फिर्ता लिएका छन्।
नेपाल समय
राजनीति

टीकालगत्तै सिट भागबण्डा टुंग्याउन जुटे पाँच दलका शीर्ष नेता

निर्वाचन क्षेत्र बाँडफाँटका लागि सत्ता गठबन्धनको बैठक सुरू भएको छ।
नेपाल समय
राजनीति

जनतान्त्रिक तराई मुक्ति मोर्चा राप्रपामा समाहित

राष्ट्रिय प्रजातन्त्र पार्टी (राप्रपा) र जनतान्त्रिक तराई मुक्ति मोर्चा पार्टीबीच एकता भएको छ। ९ बुँदे सहमति गरि जनतान्त्रिक तराई मुक्ति मोर्चा राष्ट्रिय प्रजातन्त्र पार्टीमा समाहित भएको राप्रपा प्रचार विभागले जानकारी दिएको छ।
नेपाल समय
राजनीति

प्रचण्डलाई चितवनबाटै निर्वाचन लड्न गठबन्धन दलको आग्रह

नेकपा माओावदी केन्द्रका अध्यक्ष पुष्पकमल दाहाल ‘प्रचण्ड’लाई चितवनबाटै निर्वाचन लड्न सत्ता साझेदार गठबन्धनभित्रका दलहरुले अनुरोध गरेका छन्।
नेपाल समय
राजनीति

कांग्रेसको समानुपातिक उम्मेदवारको कुन क्लस्टरमा को-को परे? (सूचीसहित)

सत्तारुढ नेपाली कांग्रेसले निर्वाचन आयोगमा बुझाएको ११० समानुपातिक उम्मेदवारहरुको सूची अनुसार खस-आर्यतर्फको एक नम्बरमा पार्टी प्रवक्ता डा. प्रकाशशरण महतको नाम रहेको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना