सोमबार, माघ ३, २०७८
  • गृहपृष्ठ
  • राजनीति
  • कोमल वली विधानविपरीत केन्द्रीय कमिटीमा अटाउँदा विशाल भट्टराई अटेनन्

कोमल वली विधानविपरीत केन्द्रीय कमिटीमा अटाउँदा विशाल भट्टराई अटेनन्

नेपाल समय  |  काठमाडौं, सोमबार, मंसिर १३, २०७८

नेपाल समय

नेपाल समय

सोमबार, मंसिर १३, २०७८, काठमाडौं

नेपाल समय

काठमाडौं– गत भदौ १५ देखि १७ गतेसम्म ललितपुरको गोदावरीमा सम्पन्न विधान महाधिवेशनले विधान संशोधन गर्दै एमाले महाधिवेशनमा प्रतिनिधि बन्न कम्तीमा १० वर्ष पार्टी सदस्य भएको योग्यता भएको हुनुपर्ने व्यवस्था गरेको थियो।

संशोधित विधानको धारा ६३ मा यस्तो व्यवस्था गरिएको छ। तर धारा ६३ को उपधारा १ मै महिला, दलित, श्रमिक, अल्पसंख्यक, आदिवासी जनजाति र अपांगता भएका व्यक्तिको हकमा ७ वर्ष पार्टी सदस्य भए पुग्ने व्यवस्था राखिएको छ। यो व्यवस्थाअनुसार एमाले अध्यक्ष केपी शर्मा ओली निकट नेतृ कोमल वलीलाई केन्द्रीय सदस्य बन्ने ढोका बन्द भएको थियो। २०७४ सालमा राप्रपा छोडेर एमाले प्रवेश गरेकी वली विधान अनुसार महाधिवेशन प्रतिनिध हुन योग्यता पुग्दैन। 

तर, तिनै वलीलाई एमाले अध्यक्ष ओलीले विधान मिचेर केन्द्रीय सदस्यमा चयन गरेका छन्। आइतबार राति महाधिवेशनको बन्दसत्रमा उनले पेश गरेको केन्द्रीय कमिटी सदस्यहरुको सूचीमा वलीको नाम पनि समेटिएको छ। 

खुला महिलातर्फबाट उनलाई अध्यक्ष ओलीले केन्द्रीय सदस्य बनाएका छन्। कोमल राष्ट्रिय सभा सदस्यमा पनि ओलीकै कृपाका कारण चयन भएको आरोप लाग्दै आएको छ। उनी एमालेमा प्रवेश गरेदेखि नै ओली निकट भएर काम गर्दै आएकी छन्।

आइतबार बेलुका महाधिवेशनको बन्दसत्र स्थल सौराहामा कसैले अध्यक्षका प्रत्याशी भीम रावलको पर्चा थमाइदिएपछि उनी निकै रिसाएकी थिइन्। आफ्नो हातमा रावलको पर्चा थमाएर आफूलाई बदनाम गर्ने षड्यन्त्र भएको गुनासो उनले गरेकी थिइन्। आफू भीम रावलको चुनावी प्रचारमा हिँडेको चर्चा चलेपछि कोमलले खण्डन गरेकी हुन्। उनले आफू अध्यक्ष केपी शर्मा ओलीप्रति दृढ रहेको पनि बताएकी छन्। ‘मेरो आस्था र विश्वासका केन्द्र श्रद्धेय अध्यक्ष केपी ओलीज्यूप्रतिको दृढतालाई कुनै कुराले तोड्न सक्दैन,’ उनले भनेकी छन्।

वलीले फोहोरी खेल नखेल्न अनुरोध पनि गरेकी छन्। ‘हिँड्दा हिँड्दै पर्चा दिएर षडयन्त्रपूर्ण तरिकाले तस्बिर खिचेर मेरो विश्वास र आस्थामाथि खेल्न खोजेकोमा खेद व्यक्त गर्दछु,’ उनले भनेकी छन्।

विधानअनुसार अयोग्य कोमल वली केन्द्रीय सदस्यमा चयन हुँदा ओली निकट अर्का प्रभावशाली नेता विशल भट्टराई भने केन्द्रीय कमिटीबाटै आउट भएका छन्। एमाले प्रमुख सचेतक समेत रहेका भट्टराई ओलीका विश्वास पात्र मानिन्थे। ओलीलाई सर्वसम्मत अध्यक्ष बनाउन उनले लबिङ गर्दै आइरहेका थिए। तर उनै भट्टराई ओलीले सहमतिका लागि प्रस्ताव गरेका ३०१ केन्द्रीय सदस्यमा अटाएनन्। भट्टराईले त केन्द्रीय सदस्य मात्रै होइन, पदाधिकारीमा समेत आकांक्षा राखेका थिए। ओलीले तयार पारेको सूचीमा नपरेका तर योग्यता पुगेका व्यक्तिहरुले उम्मेदवारी दिन पाउने व्यवस्था गरिएको थियो। भट्टराईले केन्द्रीय सदस्यका लागि उम्मेदवारी पनि दिएनन्। 

ओलीको पक्षमा लबिङ गर्दै आएका भट्टराईले केन्द्रीय कमिटीमा समेत नपरेपछि अपमानित महसुस गरेको उनी निकटस्थहरु बताउँछन्। उनलाई अध्यक्ष ओलीले प्रदेश अध्यक्ष बनाउने आश्वासन दिएको भट्टराई निकट एक नेताले बताए। 


प्रकाशित: November 29, 2021 | 13:44:29 काठमाडौं, सोमबार, मंसिर १३, २०७८
नेपाल समय

नेपाल समय

नेपाल समय
काठमाडौं, सोमबार, मंसिर १३, २०७८

थप समाचार

प्रधानन्यायाधीशलाई कारबाही माग गरिएको रिट दरपीठ

प्रधानन्यायाधीश चोलेन्द्रशम्शेर जबरामाथि छानबिन गरी कारबाही गर्न परमादेश माग गरिएको रिटलाई सर्वोच्च अदालतले दरपीठ (दर्ता गर्न अस्वीकार) गरेको छ।

ओमिक्रोन तेस्रो लहर रोकथाम तथा नियन्त्रणसम्बन्धी आदेश, २०७८ जारी

सरकारले नेपाल सरकार, प्रदेश र स्थानीय तहबीच प्राकृतिक स्रोतको रोयल्टी बाँडफाँट पनि स्वीकृत गरेको सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए।

चुच्चे नक्सामा बढ्यो भारतको हैकम, कूटनीतिक पहलमा यसरी पन्छियो सरकार

'सरकारको प्रवक्ताले बोल्ने त एउटा कुरा भयो, अर्को परराष्ट्र मन्त्रालयले कूटनीतिक नोट पठाउनुपर्थ्यो। अर्को कुरा भारतीय दूतावासले विज्ञप्ति निकालेपछि दिल्लीस्थित नेपालको दूतावासले विज्ञप्ति निकाल्नुपर्थ्यो।'

लिपुलेकमा सडक विस्तारबारे कांग्रेसपछि सरकार पनि बोल्यो

सरकारले महाकाली नदीपूर्वका लिम्पियाधुरा, लिपुलेक र कालापानी नेपालकै भएको स्पष्ट पारेको छ।

प्रतिनिधिसभाको बैठक १६ गतेलाई सारियो

प्रतिनिधिसभाको बैठक माघ १६ गतेलाई सारिएको छ।

सोमबारका लागि डाकिएको राष्ट्रियसभा बैठक स्थगित

राष्ट्रियसभाको माघ ३ गते सोमबार दिउँसो १ बजे तय भएको बैठक पुनः स्थगित भएको छ।

ट्रेंडिंग

नेपाल समय
राजनीति

गगन र विश्वप्रकाशः संघर्ष कि सहकार्य?

यसअघि प्रश्न गर्ने ठाउँमा रहेका उनीहरु अब उत्तर दिने ठाउँमा आइपुगेका छन्। त्यसकारण अबको चार वर्ष उनीहरुको अग्निपरीक्षा हुनेछ।
नेपाल समय
शिक्षा

आयोगको परीक्षामा उमेर हद हटाउन राहत शिक्षकको माग

नेपाल राहत शिक्षक केन्द्रीय कार्यसमितिले शिक्षक सेवा आयोगले खुलाएको विज्ञापनमा राहत शिक्षकका लागि उमेरहद हटाउन माग गरेका छन्।
नेपाल समय
समाज

भत्क्यो मण्डला : त्यो घर जहाँबाट दयाहाङ 'स्टार' बने

‘कला र सिर्जनामा सिंगो शक्ति खर्चिएका थियौं। कलाकारको सपनामात्रै होइन मण्डलासँग जोडिएको इतिहास पनि भत्केझैं लाग्छ।’
नेपाल समय
संवाद

एमसीसीमा परराष्ट्रलाई बाइपास गरियो, नेताहरूले नै जनतालाई भ्रमित पारे : प्रा.डा. खड्ग केसी [अन्तर्वार्ता]

एमसीसीमा परराष्ट्र मन्त्रालयलाई बाइपास गरिएको छ भनेपछि कति गैरजिम्मेवार रुपमा यसलाई अघि बढाइएको होला त? एमसीसी हस्ताक्षर हुने समयमा परराष्ट्रलाई सोध्‍नु पर्दैन? अर्थ मन्त्रालयमा मात्रै त्यो विज्ञता थियो?
नेपाल समय
श्रृंखला

पेन्सनपट्टासँगै विगत बन्यो सैनिक हिरासतमा मैले पाएको यातनाको कथा [भिडियोसहित]

नेपाल समयले उनका विषयमा ‘गनले अन्याय, गनले न्याय’ शीर्षकमा श्रृंखलाबद्ध रिपोर्टिङ गरेको थियो। लवकुमार गुरुङले जागिर छाडेपछि हाम्रा सहकर्मी अनिल यादवसँग सुनाएको आफ्नो यातनाको कथा जस्ताको तस्तैः

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2022. Design & Development by Cn’C