शनिबार, मंसिर १८, २०७८

एमाले महाधिवेशनमा आएनन् सीपीसीका प्रतिनिधि, अरु कोको सहभागी?

नेपाल समय  |  काठमाडौं, बिहीबार, मंसिर ९, २०७८

नेपाल समय

नेपाल समय

बिहीबार, मंसिर ९, २०७८, काठमाडौं

नेपाल समय

काठमाडौं- नेकपा एमालेको दसौं राष्ट्रिय महाधिवेशन यही मंसिर १० देखि १२ गतेसम्म चितवनमा हुँदैछ। एमालेको महाधिवेशनमा शुभकामना दिनका लागि विभिन्‍न मुलुकका आठ राजनीतिक दलका १५ जना प्रतिनिधिहरु सहभागी हुने महाधिवेशन अतिथि सत्कार समितिका संयोजक डा. राजन भट्टराईले जानकारी दिए। 

उनका अनुसार पार्टीको महाधिवेशनमा छिमेक तथा मित्रराष्ट्रका भाइचारा र मित्र पार्टीहरुलाई शुभकामनाका लागि आमन्त्रण गर्ने परम्परा अन्तर्गत विभिन्‍न ६० मुलुकका राजनीतिक दललाई निमन्त्रणा पठाइएको थियो। यद्पि कोरोना महामारी फेरि बढ्दै गएको र धेरै मुलुकहरुले यात्रा प्रतिबन्धलाई सहज बनाइ नसकेका कारण भौतिक उपस्थिति कम हुने डा. भट्टराईले बताएका छन्। 

डा. भट्टराईले भने, 'विश्वव्यापी कोरोना महाकारीका बीचमा पनि केही भाइचारा र मित्र पार्टीका प्रतिनिधिमण्डल महाधिवेशनमा ऐक्यबद्धता जनाउन आउनुभएको छ र केही आउने क्रममा हुनुहुन्छ। केहीले महाधिवेशन सफलताको कामना गर्दै लिखित शुभकामना सन्देश पठाउनु भएको छ।' 

महाधिवेशनमा सहभागी हुन आउने विदेशी पाहुनाहरुलाई काठमाडौंमा होटल सोल्टी र चितवनमा ग्रिन मेनसन जंगल रिसोर्टमा बसोबासको व्यवस्था मिलाइएको डा. भट्टराईले जानकारी दिए। 'विदेशी पाहुनाहरुले पार्टी अध्यक्ष तथा पूर्वप्रधानमन्त्री केपी शर्मा ओलीसँग द्विपक्षीय भेटवार्ताको पनि कार्यक्रम रहेको छ,' उनले थपे, 'यससँगै चितवनमा स्थानीय पर्यटकीय क्षेत्रहरुको भ्रमण गराइने छ। चितवनको दृश्यावलोकन गर्नुका साथै जीप सफारी र थारु सांस्कृतिक प्रदर्शनीको अवलोकन गर्ने कार्यक्रम पनि राखिएको छ।' 

को-को आउँदैछन्?

एमालेको १० औं महाधिवेशनमा भारत, बंगलादेश, कम्बोडिया र श्रीलंकाका विभिन्‍न राजनीतिक दलका प्रतिनिधिहरुको सहभागिता हुने भएको छ। कम्युनिस्ट पार्टीको अफ बंगलादेशको तर्फबाट मोहम्मद हसन तारिक चौधरीको नेतृत्वमा  हसन तासिन चौधरी र अब्दुल अल काफीसहित तीन सदस्यीय टोली एमाले महाधिवेशनमा सहभागी हुनेछ।

त्यसैगरी भारतबाट कम्युनिस्ट पार्टी अफ इण्डिया-मार्क्सवादीबाट जोगेन्द्र शर्मा, कम्युनिस्ट पार्टी अफ इण्डियाबाट पल्लव सेन गुप्ता, भारतको सत्तारुढ भारतीय जनता पार्टीको तर्फबाट पूर्व स्वास्थ्यमन्त्री हर्ष बर्दधन र हरिस द्विवेदी, त्यसैगरी भारतीय राष्ट्रिय कांग्रेसबाट अखिलेस प्रसाद सिंह, कम्युनिस्ट पार्टी अफ इण्डिया- मार्क्सवादी, लेनिनवादी- लिब्रेसनबाट भिरेन्द्र प्रसाद गुप्ता र सन्दीप सौरभ सहाभागी हुने भएका छन्। 

कम्बोडिया पिपुल्स पार्टीको तर्फबाट सौस याराको नेतृत्वमा चायर सोक्टी, छेङ किमलोङ र पोभ योसिम सहभागी हुने भएका छन्। 

भौतिक रुपमा सहभागी हुन नसक्ने केही राजनीतिक दलहरुले शुभकामना सन्देश पठाएको डा. भट्टराईले बताए। उनका अनुसार उक्त शुभकामना सन्देश उद्घाटन सत्रमा प्ले गरिने भएको छ। शुभकामना सन्देश पठाउनेमा बेल्जियमको वर्कर पार्टी अफ बेल्जियम (पीटीबी-पीभीडीए), कम्युनिस्ट पार्टी अफ इण्डिया (मार्क्सवादी-लेनिनवादी) लिब्रेसन, कम्युनिस्ट पार्टीहरुको साझा सञ्‍जाल इन्टरनेशनल कन्फेरेन्स अफ एसियन पोलिटिक पार्टी(आइक्याप), ग्रिसको कम्युनिस्ट पार्टी अफ ग्रिस, लाओसको लाओस पिपुल्स रिभोलुसन पार्टी, म्यानमारको युनियन सोलिडारिटी एण्ड डेभल्पमेन्ट पार्टी, श्रीलंकाको कम्युनिस्ट पार्टी अफ श्रीलंका, टर्कीको भटान पार्टी, आयरल्याण्डको सिन फेन इन्टरनेशनलले शुभकामना सन्देश पठाएका छन्। 

त्यस्तै फ्रान्सको फ्रेन्च कम्युनिस्ट पार्टी, चीनको चिनियाँ कम्युनिस्ट पार्टी, जर्मनको जर्मन सोसल डेमोक्रेटिक पार्टी, टर्कीकै एके पार्टी, रुसको कम्युनिस्ट पार्टी अफ रसिया, रुसकै फेडरल एसेम्बिली अफ रसियन फेडेरेसन, जर्मनीको लेफ्ट पार्टी अफ जर्मनी, बंगलादेशको रिभोलुसनरी वर्कर पार्टी, भारतको अल इण्डिया फरवार्ड ब्लक, जर्मनीको सोसल डेमोक्रेटिक पार्टी अफ जर्मनी र रुसको अल रसियन पोलिटिकल पार्टी- युनाइटेड रसियाले एमाले महाधिवेशनका लागि शुभकामन सन्देश दिएका छन्। 

चिनियाँ कम्युनिस्ट पार्टीको प्रतिनिधि सहभागी नहुने 

नेकपा एमालेको २०४९ माघ १४–२० गतेसम्म भएको पाँचौं राष्ट्रिय महाधिवेशनदेखि चिनियाँ कम्युनिस्ट पार्टीका प्रतिनिधिहरु लगातार एमाले महाधिवेशनमा सहभागी हुने गरेका थिए। तर, पार्टीको १० औं महाधिवेशनमा भने चिनियाँ कम्युनिस्ट पार्टीका प्रतिनिधि सहभागी नहुने भएका हुन्।

सीपीसीका प्रतिनिधिको भौतिक सहभागी किन भएन भन्‍ने प्रश्‍नमा डा. भट्टराईले भने, 'अहिले कोरोना महामारी बढेसँगै चीनले यात्रामा कडाइ गरेको छ। त्यसकारण त्यताबाट भौतिक उपस्थिति हुन नसक्ने भएकोले शुभकामना सन्देश पठाउनु भएको छ।' 

एमाले सत्तामा हुँदा र नेपालका कम्युनिस्टहरुलाई गोलबद्ध गर्ने अभियानमा लागेको चीन पछिल्लो पटक नेकपा एमालेसँग दूरी बढाइरहेको भन्‍ने विश्लेषण भइरहेको समयमा महाधिवेशनमा सहभागी नहुनुलाई अर्थपूर्ण रुपमा हेरिनुपर्ने कूटनीतिज्ञहरुले बताइरहेका छन्। एमाले तथा तत्कालीन सत्तारुढ नेकपा हुँदा चिनियाँ कम्युनिस्ट पार्टीले नै प्रशिक्षण दिने गरेको भए पनि एमालेको नेतृत्व चयनको समयमा भने शुभकामना सन्देशमै टारेको छ। 

चिनियाँ कम्युनिस्ट पार्टीको भौतिक उपस्थिति नहुनुमा राजनीतिक तथा अन्य कुनै कारण नभएको डा. भट्टराईले दाबी गरे। कोरोना महामारीको दोस्रो लहर चरम बिन्दुमा पुगेको समयमा नेकपालाई एकताबद्ध राख्‍नका लागि भएको चिनियाँ दौडधुपलाई बिर्सिएर अहिले कोरोना कम भइरहेको समयमा भने कोरोनालाई बाहना गरेर उपस्थित नहुने जनाएको हो। 



प्रकाशित: November 25, 2021 | 16:08:49 काठमाडौं, बिहीबार, मंसिर ९, २०७८
नेपाल समय

नेपाल समय

नेपाल समय
काठमाडौं, बिहीबार, मंसिर ९, २०७८

थप समाचार

एमाले वैचारिक कार्यदिशाबाट विचलित बन्यो : नारायणकाजी श्रेष्ठ

नेकपा माओवादी केन्द्रका नेता तथा पूर्व उपप्रधानमन्त्री नारायणकाजी श्रेष्ठले केपी सर्मा ओली कम्युनिस्टको वैचारिक कार्यदिशाबाट विचलित भएको बताएका छन्।

विचार शून्य भएपछि हिन्दुवादी बन्‍ने दलहरुको होड

'राजनीतिक दलहरु वैचारिक बहस रुचाउँदैनन्। त्यो दृश्य विभिन्‍न राजनीतिक दलहरुका कार्यक्रममा स्पष्ट देखिन्छ।'

शिक्षा शिक्षित हुनका लागि हो, डाक्टर लेख्न होइन : ओली

नेकपा एमाले निकट नेपाल राष्ट्रिय शिक्षक संगठनको १२औँ जिल्ला अधिवेशनमा बोल्दै अध्यक्ष ओलीले शिक्षकको ध्यान व्यवहारिक शिक्षामा हुनुपर्ने र यसबाट नै देशको भविष्यका कर्णाधार निर्माण हुने बताए।

लिङ्देन समूहबाट भोट माग्न थाले विक्रम पाण्डे

दुवै समूहले वरिष्ठ उपाध्यक्षमा विक्रम पाण्डेको नाम उल्लेख गर्दै आएको भए पनि अन्तिममा पाण्डेले लिङ्देन समूहमा रहेको खुल्दै भोट माग्न थालेका छन्।

देउवा-सिटौला सहकार्य महाधिवेशनमा कति सम्भव?

सिटौला पक्षीय नेता भीमसेनदास प्रधानले यसअघि दिँदै आएका अभिव्यक्ति र तल्लो तहमा बनेका समीकरण आधार हुन्। प्रधानले आगामी महाधिवेशनपछि सिटौला कांग्रेसको कार्यवाहक सभापति हुने बताउँदै आएका छन्।

राप्रपाको आठ सदस्यीय पदाधिकारीमा १६ जनाको उम्मेदवारी

राष्ट्रिय प्रजातन्त्र पार्टीको नयाँ नेतृत्व चयन गर्न ८ सदस्यीय पदाधिकारीमा १६ जनाको उम्मेदवारी परेको छ।

ट्रेंडिंग

नेपाल समय
प्रदेश न. २

प्रदेश २ : पौडेल पक्ष चुनावी दौडबाटै 'आउट', निधि र देउवा गुट प्रतिस्पर्धामा

देउवा गुटबाट उम्मेदवार खुलेपछि प्रदेश २ मा सभापति देउवा र उपसभापति निधिको बाटो फरक भएको थप स्पष्ट भएको छ। २ आकांक्षीले देउवा निकटका उम्मेदवारलाई समर्थन जनाएपछि उपसभापति निधिका उम्मेदवार रामसरोज एक्लिएका हुन्।
नेपाल समय
राजनीति

देउवा-सिटौला सहकार्य महाधिवेशनमा कति सम्भव?

सिटौला पक्षीय नेता भीमसेनदास प्रधानले यसअघि दिँदै आएका अभिव्यक्ति र तल्लो तहमा बनेका समीकरण आधार हुन्। प्रधानले आगामी महाधिवेशनपछि सिटौला कांग्रेसको कार्यवाहक सभापति हुने बताउँदै आएका छन्।
नेपाल समय
स्वास्थ्य/जीवनशैली

ओमिक्रोनको जोखिम : ९ देशबाट नेपाल आउन रोक

पछिल्लो समय कोरोना भाइरसको ओमिक्रोन भेरियन्ट देखिएपछि सरकारले सजगताका लागि ती देशबाट आउने यात्रुमाथि प्रतिबन्ध लगाएको हो।
नेपाल समय
राजनीति

लिङ्देनसँग लड्न यसकारण सजिलो छैन कमल थापालाई

कठिन परिस्थितिहरुमा सतिसाल जसरी थापाको पक्षमा उभिएका यिनै लिङ्देन अहिले थापासँग लड्दैछन्।
नेपाल समय
शिक्षा

आन्तरिक प्रतिस्पर्धाबाट स्थायी गर्ने निर्णय तत्काल खारेज गर्न विद्यार्थी संगठनको माग

त्रिभुवन विश्वविद्यालयका कुलपति तथा प्रधानमन्त्रीसमेतको त्रिवि सभा बैठकले गत मंगलबार १० वर्षदेखि करारमा कार्यरत प्राध्यापकलाई आन्तरिक प्रतिस्पर्धाबाट स्थायी गर्ने निर्णय गरेको थियो।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C