मंगलबार, कार्तिक ९, २०७८
  • गृहपृष्ठ
  • राजनीति
  • साताभित्र दुई वटा प्रदेश सरकार ढल्छन्, संघीय मन्त्रिपरिषद्‍ले पूर्णता पाउँछ : माधव नेपाल

साताभित्र दुई वटा प्रदेश सरकार ढल्छन्, संघीय मन्त्रिपरिषद्‍ले पूर्णता पाउँछ : माधव नेपाल

नेपाल समय  |  काठमाडौं, आइतबार, असोज ३, २०७८

नेपाल समय

नेपाल समय

आइतबार, असोज ३, २०७८, काठमाडौं

नेपाल समय

पोखरा- नेपाल कम्युनिस्ट पार्टी (एकीकृत समाजवादी) का अध्यक्ष माधवकुमार नेपालले अबको एक हप्ता भित्रमा प्रदेश १ र बागमती प्रदेश सरकार ढल्ने बताएका छन्। एक साताभित्रै यी दुई प्रदेशका सरकार ढलेर संघीय सरकारले पूर्णता पाउने बताएका हुन्। 

संविधान दिवसको अवसरमा पार्टीको कास्की जिल्ला कमिटीले आयोजना गरेको अन्तर्क्रिया तथा कार्यकर्ता भेटघाटमा नेपालले यस्तो बताएका हुन्। ‘अब हाम्रो पार्टीका कार्यकता निराश हुनुपर्ने जरुरत छैन, प्रदेश १ र वागमती प्रदेशमा एक हप्ता भित्रमा नेकपा एमाले नेतृत्वको सरकार ढल्दै छ,’ उनले भने, ‘यसैगरी केन्द्रीय सरकारले पनि एक हप्ता भित्रमा पूर्णता पाउँदैछ।’ 

प्रदेश र संघका तीनवटा सरकारमा पार्टीको सम्मानजनक उपस्थिति हुने भएकोले कोही पनि नेता तथा कार्यकर्ता आत्तिनु पर्ने अवस्था नरहेको उनको भनाइ थियो। ‘सरकारमा सहभागी हुने भएसँगै, विभिन्न निकायमा पनि नियुक्ति छन्, त्यसमा पनि मिलाएर अगाडि बढिनेछ,’ उनले भने। 

एमाले अध्यक्ष केपी ओलीको आलोचनाभन्दा बढी पार्टीको नीति तथा कार्यक्रममा जोड दिएका नेपालले अब एकीकृत समाजवादी पार्टी जनताले माया गर्ने पार्टी हुने र सोही अनुसार जनतासँग व्यवहार र जनताको सेवा गर्न निर्देशन पनि दिए। ‘जनता र कार्यकर्तालाई दास बनाउने पार्टी होइन, जनताले माया गर्ने पार्टी निर्माणमा लाग्नुस्,’ उनले भने। 

गण्डकीमा पार्टीको आधार कमजोर भएको भन्ने गुनासो सुनिइरहेको र कार्यकर्तामा पनि त्यो आभाष भएको प्रति नेपालले चुनावमा टिकट बाँड्ने बेलामा नै धाँधली गरेकाले यस्तो भएको स्पष्ट पारे। ‘चुनावमा टिकट बाँड्ने बेलामा, मनपरी गरियो, त्यसैले गण्डकीमा हाम्रा जनप्रनिधिहरु नदेखिएका हुन्, तर कार्यकर्ता र जनताको बलियो पंक्ति हामीसँग छ,’ नेपालको दाबी थियो। 

अध्यक्ष नेपालले ओली सरकारको पालामा भएका अर्बौंका भ्रष्टाचारको छानबिन गर्न सरकारसँग माग पनि गरेका छन्। ‘म भ्रष्टाचार पनि गर्दिनँ, र भ्रष्टाचारीको मुख पनि हेर्दिनँ भन्दै, चारैतिर कोपिरिएको छ, चरम भ्रष्टाचार भएको छ, यसको छानबिन गर्न म अहिलेको सकारलाई आग्रह गर्दछु,’ उनले भने। 

नेपालले वाइडबडी विमान खरिद गर्दाको भ्रष्टाचार आफ्नै अगाडि भएको दाबी गरे। ‘वाइडबडी विमान खरिद गर्दा भएको भ्रष्टाचारको साक्षी म आँफै छु, एउटा दररेटमा फाइल उठाउने र अर्कै दररेट भुक्तानी भएको छ, कारबाही छानबिन र कारबाही गर्नुपर्‍यो भन्दा फाइल दराजमा थन्क्याइएको छ,’ उनको आरोप थियो। 

ओलीले नेपालमा कम्युनिस्ट पार्टीको अवस्था भारतको पश्चिम बंगालको जस्तो बनाउन लागेकोले आफुले पार्टीमा विद्रोह गर्नुपरेको स्पष्ट पारे। ‘भारतको पश्चिम बंगालमा २७ वर्षसम्म शासन चलाएको कम्युनिस्ट पार्टी हालैको चुनावमा शून्य सिटमा झर्‍यो, यहाँ पनि त्यस्तै बनाउन खोजिएको थियो, तर त्यसलाई असफल बनाउन हामीले विद्रोह गर्नुपरेको हो,’ उनले भने। 

नेपालले पार्टीको जिल्ला कमिटिले घोषणा गरेको पिपुल्स भोलेन्टियर्स, समाजवादी मुस्लिम संगठन, अखिल फोर्सलाई सम्मान गरेका थिए। पार्टीले रञ्जित गुरुङ्को संयोजकत्वमा पिपुल्स भोलेन्टियर्स, प्रवेशजंग ठकुरीको संयोजकत्वमा अखिल फोर्स र फैजल मियाँको संयोजकत्वमा समाजवादी मुस्लिम संगठन घोषणा गरेको थियो। सो क्रममा पार्टीमा पछिल्लो समयमा थपिएका सदस्यलाई सपथ ग्रहण गराएका थिए। 

यसअघि उनले पोखराको सिर्जनाचोकमा पार्टीको गण्डकी प्रदेश कार्यालय, जिल्ला कार्यालय र पोखरा महानगर कार्यालय उद्घाटन गरेका थिए। कार्यक्रम स्थलमै उनले पार्टीको जिल्ला कमिटीले चलाउने वेभसाईटको उद्घाटन समेत गरेका थिए। 

कार्यक्रममा पार्टीका गण्डकी प्रदेश ईन्चार्ज केशवलाल श्रेष्ठ, प्रदेश सचिव प्रतापलाल श्रेष्ठ पूर्ण लामा, केन्द्रीय सदस्य रेखा बस्याल, कास्की जिल्ला अध्यक्ष धनराज आचार्य सचिव होम नेपाली लगायतले केपी ओलीले धराशायी बनाउन लागेको नेपालको कम्युनिस्ट आन्दोलनलाई बचाउन नयाँ पार्टीको आवश्यकता रहेको बताएका थिए। 



प्रकाशित: September 19, 2021 | 17:06:06 काठमाडौं, आइतबार, असोज ३, २०७८
नेपाल समय

नेपाल समय

नेपाल समय
काठमाडौं, आइतबार, असोज ३, २०७८

थप समाचार

आफ्नो गृहजिल्लाको विकासबारे किन झुट बोल्छन् ओली ?

पूर्वप्रधानमन्त्री तथा नेकपा एमाले अध्यक्ष केपी शर्मा ओली गृहजिल्ला झापा आउँदा विकासबारे सधैँ झुट बोल्छन्।

मन्त्रिपरिषद् बैठकले गरेका निर्णयहरु के-के हुन्?

सरकारले बाढी तथा डुबानबाट धानबालिमा भएको क्षतिको अध्ययन गरी ३ दिनभित्र प्रतिवेदन पेश गर्न कार्यदल बनाएको छ।

उपेन्द्र यादवले भने - सरकार परिवर्तन होइन, व्यवस्था परिवर्तन आजको आवश्यक्ता

अध्यक्ष यादवले जबसम्म राजनीतिक, समाजिक र आर्थिक परिवर्तन हुँदैन, तबसम्म मुलुक विकास र समृद्धिमा पछाडि नै रहनेछ। उनले राजनीतिक परिवर्तनका लागि सरकार होइन राजनीतिकर्मीको प्रवृतिमा परिवर्तन हुनु आवश्यक रहेको बताए।

स्थानीय चुनाव चैत पहिलो साता गर्न आयोगको प्रस्ताव

प्रधानमन्त्री शेरबहादुर देउवाले निर्वाचन आयोगका पदाधिकारीसँग निर्वाचनबारे छलफल गरेका छन्।

प्रधानन्यायाधीश राणाले आफ्ना लागि तोकेनन् इजलास

कार्यपालिकामा भाग खोजेको लगायतका विवादमा मुछिएका प्रधानन्यायाधीश चोलेन्द्र शमशेर जबराले सोमबारबाट आफूलाई मुद्दा सुनुवाइबाट अलग राख्न खोजेको सन्देश दिएका छन्।

बस्न सकेन प्रधानन्यायाधीशले बोलाएको फुलकोर्ट बैठक

प्रधानन्यायाधीश चोलेन्द्रशमशेर जबराले सोमबारका लागि बोलाएको सर्वोच्च अदालतको फुलकोर्ट बैठक स्थगित भएको छ।

ट्रेंडिंग

नेपाल समय
समाज

प्रहरीमा अब कसैलाई पनि 'तँ' नभन्‍न गृहमन्त्रीको निर्देशन

गृहमन्त्री बालकृष्ण खाँणले तीन वटै सुरक्षा निकायका प्रमुखलाई बोलाएर कसैलाई पनि 'तँ' नभन्‍न निर्देश दिएका छन्।
नेपाल समय
प्रदेश न. २

यसरी कानुनी राज्यको उपहास गर्दैछ सीके राउतको जनमत पार्टी

‘स्वतन्त्र मधेस गठबन्धन’ नारा त्यागेर २०७५ फागुन २४ मा सरकारसँग शान्तिपूर्ण राजनीतिमा आउने सहमति गरी गठन भएको जनमत पार्टी अराजक गतिविधिमा उत्रिएको छ।
नेपाल समय
कला/साहित्य

'विभेद गर्ने काठमाडौं अब फर्कन्न'

कुनै बेला बागमती करिडोरमा माछा तार्दै गर्दा मैले कामेश्वरलाई सोधेको थिएँ, ‘के रहेछ त जिन्दगी?’
नेपाल समय
प्रदेश न. २

अराजक बन्दै सीके राउतको दल, खानेपानीका हाकिमलाई अर्धनग्न पारेर नगर घुमाइयो

अविरल वर्षाका कारण जनकपुरधाम जलमग्न भएपछि ढल निर्माणमा अनियमितता भएको भन्दै सीके राउत नेतृत्वको जनमत पार्टीका कार्यकर्ताले नेपाल खानेपानी संस्थान जनकपुरधामका निमित्त प्रमुखलाई कुटपिट गर्दै नगर घुमाएका छन्।
नेपाल समय
शिक्षा

शिक्षक महासंघले २८ कात्तिकदेखि सडक आन्दोलन गर्ने

नेपाल शिक्षक महासंघले कार्तिक २८ गतेबाट देश भरिकै शिक्षक कर्मचारीलाई काठमाडौंमा उपस्थित गराई दबाबमूलक सडक आन्दोलन गर्ने जनाएको छ।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C