मंगलबार, कार्तिक ९, २०७८

अनेक जालझेललाई पछारेर संविधान आएको हो : ओली

नेपाल समय  |  काठमाडौं, आइतबार, असोज ३, २०७८

नेपाल समय

नेपाल समय

आइतबार, असोज ३, २०७८, काठमाडौं

नेपाल समय
फाइल तस्बिर।


काठमाडौं– नेकपा (एमाले)का अध्यक्ष तथा पूर्वप्रधानमन्त्री केपी शर्मा ओलीले सात दशक लामो संघर्षबाट नेपालको संविधान प्राप्त भएको भन्दै जनताको बलिदानबाट प्राप्त संविधानलाई कार्यान्वयनको चरणमा लैजानु महत्वपूर्ण कुरा भएको बताएका छन्।

‘संविधान जारी भएपछि देशलाई अग्रगमनमा लैजाने भूमिकाले हामीले यसको सम्मान गरेका छौं,’ संविधान दिवसको अवसरमा आइतबार आयोजित कार्यक्रममा उनले भने। उनले संविधान ल्याउनुभन्दा पहिले देशबाहिर र भित्र रहेका जनता तथा बौद्धिक क्ष‍ेत्रमा बहस गरेर ल्याइएको बताए। विश्वका सबै संविधानको तुलनात्मक अध्ययन गरेर आफूहरूले देखेका सपना समाहित भएकाले नेपालको संविधान उत्कृष्ट रहेको उनले दाबी गरे।

संविधानमा आफ्नो र आफ्नो समुदायको हक अधिकारलाई समावेश गर्नका लागि विभेद हुनु स्वभाविकै भएको उनको भनाइ छ। विभिन्न जालझेललाई पछारेर मुलुकले संविधान प्राप्त गरेको उनले बताए। जनतामा रहेको सार्वभौमसत्ता र जनताबाट राज्य शक्ति निःसृत हुने र जनता नै राज्यका शक्ति हुने कुरालाई संविधानमा सुनिश्चित गरिएको उनको भनाइ छ। 

‘जनता सर्वोपरी हुन्। जनताले सर्वोपरिता संविधानमार्फत व्यवस्थित गरेका हुन्छन्। संविधान बनेपछि जनताले व्यक्तिगत रूपमा भन्दैनन्। आफ्नो इच्छाको अभिव्यक्ति संविधानमा समाविष्ट हुन्छ। जनताका प्रतिनिधिबाट संविधान लेखिन्छन् र नेपालमा भएको त्यही हो। आज संविधानको सर्वोच्चता कायम भएको दिन हो,’ उनले भने।

यस दिनसम्म संविधानलाई ल्याइपुर्‍याउन थुप्रै वीर योद्धाले सहादत प्राप्त गरेको ओलीले बताए। ‘आन्दोलन गर्नका लागि विचार चाहिन्छ। आन्दोलनलाई विचारमा प्रस्तुत गरेर राज्यको हित कसरी हुन्छ, जनताको हित कसरी हुन्छ भनेर जसरी अगाडि सारियो, ती विचारहरूलाई संगठित रूप दिएर अगाडि बढाइयो,’ उनले भने।

उनले प्रतिवन्धित अवस्थामा दलहरू खुलेर आन्दोलनलाई सांगठनिक रुपमा अगाडि बढाइएको ओलीले बताए। ‘हाम्रो संविधान जारी हुनुको अर्थ एउटा युगको अन्त्य र अर्को युगको सुरुवात पनि हो। यो भनेको सामन्ति युगको अन्त्य भन्ने हो,’ उनले भने।

उनले वर्तमान संविधानले थिचोमिचो, भेदभावको युगको अन्त्य गरिदिएको बताएका छन्। उनले वर्तमान संविधानलाई नयाँ युगको र नयाँ बिहानीको प्रारम्भको उद्घोष भएको बताए।


प्रकाशित: September 19, 2021 | 13:12:35 काठमाडौं, आइतबार, असोज ३, २०७८
नेपाल समय

नेपाल समय

नेपाल समय
काठमाडौं, आइतबार, असोज ३, २०७८

थप समाचार

आफ्नो गृहजिल्लाको विकासबारे किन झुट बोल्छन् ओली ?

पूर्वप्रधानमन्त्री तथा नेकपा एमाले अध्यक्ष केपी शर्मा ओली गृहजिल्ला झापा आउँदा विकासबारे सधैँ झुट बोल्छन्।

मन्त्रिपरिषद् बैठकले गरेका निर्णयहरु के-के हुन्?

सरकारले बाढी तथा डुबानबाट धानबालिमा भएको क्षतिको अध्ययन गरी ३ दिनभित्र प्रतिवेदन पेश गर्न कार्यदल बनाएको छ।

उपेन्द्र यादवले भने - सरकार परिवर्तन होइन, व्यवस्था परिवर्तन आजको आवश्यक्ता

अध्यक्ष यादवले जबसम्म राजनीतिक, समाजिक र आर्थिक परिवर्तन हुँदैन, तबसम्म मुलुक विकास र समृद्धिमा पछाडि नै रहनेछ। उनले राजनीतिक परिवर्तनका लागि सरकार होइन राजनीतिकर्मीको प्रवृतिमा परिवर्तन हुनु आवश्यक रहेको बताए।

स्थानीय चुनाव चैत पहिलो साता गर्न आयोगको प्रस्ताव

प्रधानमन्त्री शेरबहादुर देउवाले निर्वाचन आयोगका पदाधिकारीसँग निर्वाचनबारे छलफल गरेका छन्।

प्रधानन्यायाधीश राणाले आफ्ना लागि तोकेनन् इजलास

कार्यपालिकामा भाग खोजेको लगायतका विवादमा मुछिएका प्रधानन्यायाधीश चोलेन्द्र शमशेर जबराले सोमबारबाट आफूलाई मुद्दा सुनुवाइबाट अलग राख्न खोजेको सन्देश दिएका छन्।

बस्न सकेन प्रधानन्यायाधीशले बोलाएको फुलकोर्ट बैठक

प्रधानन्यायाधीश चोलेन्द्रशमशेर जबराले सोमबारका लागि बोलाएको सर्वोच्च अदालतको फुलकोर्ट बैठक स्थगित भएको छ।

ट्रेंडिंग

नेपाल समय
विचार

न्यायालयको यो संकटमा जिम्मेवार को?

असार-साउनमा प्रतिनिधिसभा पुनःस्थापना र प्रधानमन्त्रीको नियुक्ति गराउन सर्वोच्च अदालतको संवैधानिक इजलास पूरै समर्पित रह्यो। अगाडि परेका निवेदनको सुनवाइ नगरी पछि परेका निवेदनलाई प्राथमिकता राखी निर्णय दिने तरिका न्यायिक गुणवत्ता होइन त्यो राजनीति हो ।
नेपाल समय
शिक्षा

विद्यालय र बालविकास केन्द्रको संख्या नपठाए अनुदान रोक्का

शिक्षा तथा मानव स्रोत विकास केन्द्रले विद्यालय र बालविकास केन्द्रको संख्या सुनिश्चित गरेर पठाउन स्थानीय तहलाई आग्रह गरेको छ।
नेपाल समय
प्रदेश न. २

निर्वाचन भएको चार वर्षपछि भएको पुनः मतगणनामा पराजित उम्मेदवार विजयी

महोत्तरीको एक स्थानीय तहको वडामा निर्वाचन भएको चार वर्षपछि भएको पुनः मतगणनामा निकटतम प्रतिद्वन्द्वी रहँदै पराजित भएका उम्मेदवार विजयी भएका छन्।
नेपाल समय
शिक्षा

अन्योलमा २० हजार ६१३ शिक्षकको विज्ञापन, आयोग नियमावली मन्त्रिपरिषद्‍मै अड्कियो

प्राथमिक तहमा १३ हजार ८५, निमावि तहमा २ हजार ५ सय ९४ र मावि तहमा १ हजार ५ सय ४४ शिक्षक दरबन्दी रिक्त छ।
नेपाल समय
राजनीति

मुख्यमन्त्री आचार्य, जसले संविधान मिचेर १६ दिन सत्ता लम्ब्याए

एमाले सचिव भीम आचार्य तत्कालीन प्रधानमन्त्री केपी ओलीले दुईपटकसम्म संसद् विघटन गर्दा प्रतिगमन भयो भन्दै आन्दोलनको अग्रपंक्तिमा थिए। ओलीले सत्ता लम्ब्याउन संविधान मिचेको आरोप लगाउँदै प्रदेश १ मा आन्दोलनको नेतृत्व पनि गरे।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : info@nepalsamaya.com nepalsamayanews@gmail.com
  • प्रबन्ध निर्देशक
    तरुणप्रताप शाह
  • सम्पादकीय निर्देशक
    मुमाराम खनाल
  • प्रधान सम्पादक
    नारायण अमृत
Copyright © 2021. Design & Development by Cn’C