शुक्रबार, मंसिर २३, २०७९

ओलीलाई दिएको त्यो प्रतिक्रिया जसले देउवा आफैंलाई गिज्याउँदैछ

तीर्थराज बस्नेत  |  काठमाडौं, मंगलबार, भदौ १, २०७८

तीर्थराज बस्नेत

तीर्थराज बस्नेत

मंगलबार, भदौ १, २०७८, काठमाडौं

नेपाल समय

काठमाडौं– सरकारले मंगलबार दल विभाजनसम्बन्धी अध्यादेश ल्याएको छ। एमालेको वरिष्ठ नेता माधवकुमार नेपाल समूह र जसपाको महन्थ ठाकुरलाई दल विभाजन गर्न सहयोग पुग्ने गरी अध्यादेश ल्याइएको छ। 

एमालेको आन्तरिक खिचातानीका कारण नेपाल समूह लामो समयदेखि असन्तुष्ट रहँदै आएको छ। यस्तै निर्वाचन आयोगले जसपाको उपेन्द्र यादव समूहलाई मान्यता दिएपछि महन्थ समूह घरको न घाटको अवस्थामा पुगेको छ। 

राजनीतिक दलसम्बन्धी ऐनमा रहेको व्यवस्थामा केन्द्रीय समिति र संसदीय दलमा ४० प्रतिशत भए दल विभाजन गर्न सकिने व्यवस्था छ। यो व्यवस्था खुकुलो पार्ने गरी र मन्त्रिपरिषद्ले केन्द्रीय समिति वा संसदीय दलमा २० प्रतिशत सदस्यले दल विभाजन गर्ने व्यवस्था अध्यादेशमा राखिएको छ।

दल विभाजनसम्बन्धी अध्यादेश आएसँगै मुलुकको राजनीतिमा १६ महिनाअघिको घटना पुनरावृत्ति भएको छ। २०७७ वैशाख ८ गते तत्कालीन प्रधानमन्त्री केपी शर्मा ओली नेतृत्वको सरकारले दल विभाजनसम्बन्धी अध्यादेश ल्याएको थियो। चौतर्फी विरोध भएपछि तत्कालीन सरकारले केही दिनभित्रै अध्यादेश फिर्ता लिएको थियो। 

घुमिफिरी रुम्झाटार भनेझैं मुलुकको राजनीति पुनः एकपटक दल विभाजनसम्बन्धी अध्यादेशका कारण गर्माएको छ। यद्यपि यति बेला अध्यादेश ल्याउनुको फरक कारण रहेको कतिपयको बुझाइ छ।

तत्कालीन सरकारले मधेस केन्द्रित दल विभाजन गर्ने उद्देश्य राखेर ल्याएको अध्यादेशमा केन्द्रीय समिति र संसदीय दलमध्ये एकमा ४० प्रतिशत भए दल विभाजन गर्न सक्ने व्यवस्था थियो। तर, देउवा सरकार दल विभाजन गर्ने सन्दर्भमा तत्कालीन सरकारभन्दा लचक देखिएको छ।

रोचक त के छ भने ओली नेतृत्वको सरकारले ल्याएको उक्त अध्यादेशको वर्तमान प्रधानमन्त्री शेरबहादुर देउवाले कडा शब्दमा विरोध गरेका थिए। अहिले उनै नेतृत्वको सरकारले सोही प्रकृतिको अध्यादेश ल्याएको छ। अनौठो यतिमा मात्रै सीमित छैन, १६ महिनाअघि दल विभाजनसम्बन्धी अध्यादेश ल्याएका ओली अहिले त्यसको विरुद्धमा छन्। अर्थात् विरोधमा रहेका देउवा अध्यादेश जारी गर्दैछन् र पहिले नै सोही अध्यादेश ल्याएका ओली विरोध गर्दैछन्। 

हिजो जे कुराको विरोधमा प्रधानमन्त्री देउवाले विज्ञप्ति जारी गरेर विरोध गरेका थिए, आज उनका आफ्नै शब्दले उनैलाई गिज्याउनुपर्ने हो। तर, राजनीतिमा अडान, जमान र निष्ठा गुमिसकेपछि स्वार्थ प्रधान बन्नु अस्वाभाविक हैन।  

ओलीले आफ्नो कार्यकालमा जसरी अध्यादेश राजनीति सुरु गरे। अहिले आफैंले सुरु गरेको त्यो अभ्यासको खाडलमा उनै ओली पर्ने स्थिति आइपरेको छ।।  

हिजो जे कुराको विरोधमा प्रधानमन्त्री देउवाले विज्ञप्ति जारी गरेर विरोध गरेका थिए, आज उनका आफ्नै शब्दले उनैलाई गिज्याउनुपर्ने हो। तर, राजनीतिमा अडान, जमान र निष्ठा गुमिसकेपछि स्वार्थ प्रधान बन्नु अस्वाभाविक हैन।  

ओलीले दल विभाजनसम्बन्धी अध्यादेश ल्याउँदा देउवाले विज्ञप्ति जारी गर्दै भनेका थिए, ‘यो बेमौसमी बाँसुरी हो।’ संसद् छलेर क्षणिक स्वार्थका लागि अध्यादेशको राजनीति गर्नु कदापि राम्रो होइन। तर, ओलीले अध्यादेश ल्याएर बेमौसमको बाजा बनाएको आरोप लगाएका देउवाका लागि अहिले बाजा बजाउने मौसम आएको हो त? अनुत्तरित छ। 

देउवाको त्यो विज्ञप्ति त्यतिमा मात्रै रोकिँदैन त्यहाँ राष्ट्रपति भण्डारीको आलोचनासमेत गरिएको छ। भनिएको छ, ‘नागरिक जीवन संकटमा रहेका बेला सरकारले चालेका कदम र राष्ट्रपतिबाट हतारमा गरिएको प्रमाणीकरणले यी सबै व्यवस्थालाई हठात् उल्लंघन गरेको छ।’

‘अध्यादेश राजनीतिले प्रणालीलाई कमजोर पार्छ। सार्वभौम संसद्लाई कमजोर बनाउँछ। हिजो ओलीले गरे, आज देउवाले उनको पदचाप पछ्याए। यो हिजो पनि सही थिएन र आज पनि छैन।’ 

देउवाका यी शब्द त्यो बेला जति सान्दर्भिक थिए, अहिले पनि उति नै सान्दर्भिक छन्। त्यो बेला पनि कोरोना कहर थियो। अहिले तेस्रो लहरको जोखिम छँदैछ। राष्ट्रपतिले हठात् प्रमाणीकरण गरेकोमा आपत्ति थियो देउवाको। त्यो बेला उनले अलोकतान्त्रिक र संविधानका मर्मविपरीतका अध्यादेश फिर्ता लिन तत्कालीन सरकारसँग माग गरेका थिए। आज उनी आफैंले अध्यादेश ल्याउने निर्णय गरेका छन्। भनिन्छ– राजनीति बक्ररेखामा हिँड्छ। तर, रेखा जस्तोसुकै होस्, कम्तीमा देउवाका आफ्नै शब्दले उनैलाई गिज्याइरहेका छन्। 


राजनीतिक विश्लेषक श्याम श्रेष्ठका शब्दमा अध्यादेश प्रकरण ‘बहुत रोचक पनि छ र अशोभनीय पनि।’ त्यसको व्याख्या गर्दै उनी भन्छन्, ‘अध्यादेश राजनीतिले प्रणालीलाई कमजोर पार्छ। सार्वभौम संसद्लाई कमजोर बनाउँछ। हिजो ओलीले गरे, आज देउवाले उनको पदचाप पछ्याए। यो हिजो पनि सही थिएन र आज पनि छैन।’ 

अध्यादेशमार्फत शासन चलाउन खोजेर अलोकतान्त्रिक काम भइरहेको प्रति उनको आपत्ति छ। ‘यो अलोकतान्त्रिक कदम हो। हिजो विरोध गर्ने देउवालाई अध्यादेश ल्याउने नैतिक बल थिएन। र हिजो अध्यादेश ल्याएका ओलीसँग अहिले विरोध गर्ने नैतिक बल छैन’, श्रेष्ठ भन्छन्, ‘बरु देउवाले आफ्नो पदचाप पछ्याएकोमा ओलीले स्वागत गर्नुपर्ने हो।’

राजनीतिक दल र नेताहरुमा स्वार्थको रोटी सेक्ने बानी छ। त्यसैले त विरुद्धमा रहेका देउवा अध्यादेश ल्याउँदैछन्, अध्यादेश ल्याएका ओली विरोध गर्दैछन्। समसामयिक राजनीतिलाई हेर्दा दीपक खरेलको दशक पुरानो गीत चरितार्थ हुन्छ– प्रतीक्षा गर मेरी मायालु, समयले मानिसले कहाँ कहाँ पुर्‍ याउँछ!



प्रकाशित: August 17, 2021 | 18:13:00 काठमाडौं, मंगलबार, भदौ १, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
राजनीति

पार्टीमा विवाद हुनु गज्जब छ : सभापति लामिछाने

भरतपुर विमानस्थलमा पत्रकारसँग कुराकानी गर्दै सभापति लामिछानेले सांसद छनोटलाई लिएर पार्टीमा विवाद भए पनि पार्टी प्रणाली र विधिबाट दायाँबायाँ नहुने बताए।
नेपाल समय
राजनीति

पार्टी प्रणाली र विधिबाट दायाँबायाँ नहुने लामिछानेको प्रतिबद्धता

कम मत आएकालाई समानुपातिक सांसदमा बनाउन लागेको सुइँको पाएपछि बन्दसूचीमा रहेकाले रास्वपा कार्यालय घेराउ
नेपाल समय
राजनीति

एमाले सरकार गठनको दौडमा छैन : उपाध्यक्ष पाण्डे

प्रेस चौतारी नेपाल, चितवन शाखाले आज यहाँ आयोजना गरेको पत्रकार सम्मेलनमा उनले एमालेले अहिले आफ्नो नेतृत्वमा सरकार बनाउने विषयबारे नसोचेको उल्लेख गरे।
नेपाल समय
राजनीति

सीके राउतले भेटे उपेन्द्र, मधेसका मुद्दामा मिलेर जान सुझाव

मधेसीलगायत उत्पीडनमा परेका समुदायको हकहितका लागि मिलेर अगाडि बढ्न सहमत भए राउत, यादव।
नेपाल समय
राजनीति

कांग्रेसमा 'बीपीजी' समूह उदयको सम्भावना

कांग्रेसभित्र ‘बीपीजी’ अर्थात् विश्वप्रकाश शर्मा, गगन थापा, प्रदीप पौडेल समूहगत रूपमा स्थापना भए भने संस्थापन पक्षलाई बलियो चुनौती दिन सक्छ। यद्यपि, विश्वप्रकाशले गगनप्रति समर्थन जनाइसके पनि प्रदीपले हालसम्म आफ्नो कित्ताकाँट गरिसकेका छैनन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना