शुक्रबार, मंसिर २३, २०७९

किन ढिलो हुँदैछ देउवा सरकारको विस्तार?

तीर्थराज बस्नेत  |  काठमाडौं, आइतबार, साउन ३१, २०७८

तीर्थराज बस्नेत

तीर्थराज बस्नेत

आइतबार, साउन ३१, २०७८, काठमाडौं

नेपाल समय

काठमाडौं– नेपाली कांग्रेसका सभापति शेरबहादुर देउवाको नेतृत्वमा सरकार बनेको दुई दिनअघि एक महिना पूरा भयो।  तर मन्त्रिपरिषद् विस्तार हुन सकेको छैन। सरकार गठनको प्रारम्भमा जति मन्त्री बनाइएको थियो, त्यसपछि एकजना स्वास्थ्य राज्यमन्त्री थप्ने बाहेक मन्त्रिपरिषद् विस्तारमा सरकारको नेतृत्व मौन छ। 

एक महिना बित्दा पनि सरकार विस्तार हुन नसक्नुमा गठबन्धनका नेताका आ–आफ्नै भनाइ छन्। तर सरकार विस्तारमा समन्वय र परिणाम नदेखिँदा प्रधानमन्त्री देउवाले आफ्नै दलभित्र पनि आलोचना खेपिरहेका छन्। ‘शनिबार र शुक्बारको बैठकमा केन्द्रीय कमिटी बैठकमा पनि देउवाले सरकार विस्तार गर्न नसकेको भन्दै आलोचना भएको छ’, कांग्रेसका एक केन्द्रीय सदस्यले सुनाए, ‘यस्तो जटिल परिस्थिति छ। देशमा महामारी मात्र होइन गर्नुपर्ने काम धेरै छन्, मन्त्रालय खाली हुँदा सरकार निकम्मा हुने सम्भावना बढिरहेको छ। यसमा देउवाको ध्यान जान जरुरी छ।’ 

कांग्रेस सभापति तथा प्रधानमन्त्री देउवाले भने गठबन्धन दलका कारण सरकार विस्तारमा अप्ठ्यारो  भइरहेको बताइरहेका छन्। कांग्रेसको औपचारिक बैठकमा मात्र होइन अनौपचारिक छलफलमा समेत उनले ‘गठबन्धनका नेताहरुसँग पटकपटक मन्त्रीको सूची मागिएको तर निष्कर्षमा पुग्न नसकिएको’ बताइरहेका छन्। आफ्नो पाँचौं कार्यकालको पहिलो महिना पूरा गरेका देउवाले शपथसँगै चार मन्त्री नियुक्त गरेका थिए। चारमध्ये दुई जना कांग्रेसबाट र दुई जना माओवादी केन्द्रबाट मन्त्री तय भएका थिए। पछि उनले ११ साउनमा स्वास्थ्य राज्यमन्त्रीमा सांसद उमेश श्रेष्ठलाई नियुक्त गरेका थिए।

माओवादी केन्द्रका अध्यक्ष प्रचण्डले सन्निकटसँग भन्ने गरेका छन्, ‘सरकारमा जाने विषयमा उहाँहरुभित्र एकमतको अवस्था छैन, माधवजीले सबैलाई एकगठ गराउने प्रयास गरिरहनुभएको छ।’

यसबीचमा सरकार विस्तारका विषयमा गठबन्धनका दलका नेताहरुबीच पटकपटक भेटवार्ता पनि भइरहेका छन्। खासगरी एमालेभित्रको माधव नेपाल पक्षलाई सरकारमा लैजान माओवादी अध्यक्ष पुष्पकमल दाहाल ‘प्रचण्ड’को दौडधुप र कसरत निरन्तर चलिरहेको छ। ‘हाम्रो त केही समस्या छैन, बसेर सूची बनाउँला तर माधवजीहरुलाई पनि सरकारमा जान राजी बनाउन सकियो भने गठबन्धनको बलियो आकार बन्ने अवस्था रहन्छ’, माओवादी केन्द्रका अध्यक्ष प्रचण्डले सन्निकटसँग भन्ने गरेका छन्, ‘सरकारमा जाने विषयमा उहाँहरुभित्र एकमतको अवस्था छैन, माधवजीले सबैलाई एकगठ गराउने प्रयास गरिरहनुभएको छ।’

तर, माधव नेपाल पक्षभित्र सरकारमा जाने या नजाने विषयमा अलमल देखिएको छ। यो समूहको आफ्नो दल नेकपा एमालेभित्रको यस्तो अन्तरद्वन्द्वमा फसेको छ कि उसलाई पार्टी एकताको पिरलो सरकारमा जाने विषयभन्दा महत्त्वपूर्ण छ। खासगरी भीम रावल, भीम आचार्य, योगेश भट्टराई, घनश्याम भुसाल, सुरेन्द्र पाण्डे र गोकर्ण विष्टले दलीय एकतालाई प्राथमिकतामा राख्नुपर्ने भन्दै सरकारमा जाने विषयलाई ओझेल पार्ने प्रयत्न गरिरहेका छन्। ‘हाम्रा लागि एमाले एकता महत्त्वपूर्ण छ, दलभित्रको किचलो सेटल गर्न सक्दा मात्र हाम्रो शक्ति र सामर्थ्य निरन्तरता रहन्छ’, एमालेभित्रको नेपाल पक्षका एक नेताले भने, ‘यद्यिप केही साथीहरु सरकारमा जानुपर्ने तर्क गरिहरनुभएको छ। उहाँहरुका कुरामा वरिष्ठ नेता नेपाल सकारात्मक त हुनुहुन्छ तर निर्णय गरिहाल्ने स्थितिमा हुनुहुन्न।’ 


माधव समूहका नेता तथा सांसद मेटमणी चौधरीका अनुसार ‘समूहभित्र छलफल जारी छ, खासगरी प्रतिगमन र अलोप्रिय ओली सरकारको बर्हिगमन उनीहरुका लागि महत्त्वपूर्ण थियो, अब कसरी अगाडि बढ्ने भन्ने विषयमा नेताहरुबीच कुराकानी भइरहेको छ।’

नेताहरुका अनुसार माधव नेपाल समूह अहिल्यै सरकारमा जाने निष्कर्षमा पुग्न कठिन छ। यद्यपि सत्तारुढ गठबन्धनको नेपाली कांग्रेसका नेताहरुको भने ढिलोचाँडो यो समूह सकारमा आउने विश्लेषण छ। ‘राजनीतिक रुपमा एकैपटक सबै कुरा नमिल्ला तर माधव नेपाल पक्ष कुनै पनि बेला सरकारमा सहभागी हुन सक्छ’, कांग्रेस नेता डा. प्रकाशशरण महत भन्छन्, ‘सकार विस्तारको ढिलाइका कारण यस्तै हुन्। प्रधानमन्त्रीका तर्फबाट पहल भइरहेको छ।’

मन्त्रिपरिषद् विस्तारको अर्को कारण गठबन्धनका दल जो सरकारमा सहभागी हुन तयार छन्, उनीहरुभित्रका आकांक्षी र सरकारको हिस्सेदारी टुंगो नलाग्नु पनि हो। नेताहरुका अनुसार माओवादी केन्द्रभित्र झण्डै दुई दर्जन सांसदले आफूलाई जसरी पनि मन्त्रि बनाइनुपर्ने भन्दै अध्यक्ष प्रचण्डलाई दबाब दिइरहेका छन्। ‘एकातिर कति मन्त्रालय पाउँने भन्ने टुंगो भइसकेको अवस्था र अर्कोतिर आकांक्षीहरुको लाम लामो छ’, माओवादी केन्द्रका एक नेताले भने, ‘यस्तो अवस्था अरु गठबन्धनका अन्य दलमा पनि छ भन्ने सुनिएको छ। यो कारणले पनि मन्त्रिपरिषद विस्तारमा ढिलाइ भएको हो।’

‘हामी छलफलमै छौं, बिग्रेको केही छैन। सरकारमा जाने कुरा हतार गरेर निर्णय गर्ने कुरा पनि होइन’,  जसपा अध्यक्ष उपेन्द्र यादवले भने, ‘एक दलको कुरा मात्र होइन नि यो। अरु दलका नेताहरुसँग पनि छलफलको विषय हो।

दुई साताअघि भएको एउटा छलफलमा गठबन्धनका कतिपय नेताहरुले प्रधानमन्त्री शेरहादुर देउवासमक्ष ‘मन्त्रिपरिषद् विस्तारका लागि आफूहरुलाई केही समय दिन’ आग्रह गरेका थिए। खासगरी नेता माधव नेपाल र जनता समाजवादी पार्टीका अध्यक्ष उपेन्द्र यादवले दलभित्र साथीहरुसँग छलफल आवश्यक रहेको भन्दै प्रधानमन्त्रीलाई सरकार विस्तारमा हतार नगर्न आग्रह गरेको हुन्। तर सरकार गठबनको एक महिना बितिसक्दा पनि गठबन्धनका दलहरुले आफूभित्र सल्लाह गरेर मन्त्री बन्ने नामको सूची देउवालाई दिन सकेका छैनन्। गठबन्धनमा रहेको राष्ट्रिय जनमोर्चा नेपालका नेताहरुले भने आफूहरू अहिले सकारमा सहभागी नहुने बताइसकेका छन्। 

‘हामी छलफलमै छौं, बिग्रेको केही छैन। सरकारमा जाने कुरा हतार गरेर निर्णय गर्ने कुरा पनि होइन’, नेपाल समयसँग जसपा अध्यक्ष यादवले भने, ‘एक दलको कुरा मात्र होइन नि यो। अरु दलका नेताहरुसँग पनि छलफलको विषय हो। छलफल भइरहेको छ। तपाईंहरु ढुक्क हुनुहोस्, केही दिनमा पूर्ण सरकार देख्न सक्नुहुन्छ।’

प्रधानमन्त्री देउवा निकट एक नेताले भने, ‘सरकार विस्तारको काम वास्तवमै जटिल देखियो। चाहना हुँदाहुँदै पनि परिस्थिति यस्तो भयो। तर केन्द्रीय समितिको बैठक पनि सकियो, अब हामी यसैमा फोकस हुन्छौं।’

तर माओवादी केन्द्रभित्र जस्तै जसपाभित्र पनि आकांक्षीको व्यवस्थापन र त्यसलाई टुंगोमा पुर्‍याउन नेताहरुलाई हम्मेहम्मे परिरहेको छ। जसपाका अर्का एक नेताका अनुसार महत्थ ठाकुर पक्षीय अरु केही सांसदलाई आफूतिर ल्याउने र मन्त्री दिने प्रयत्नमा यादव समूह केन्द्रित छ। ‘अध्यक्षको यो चाहनाअनुरुपको काम नसिएकाले नै मन्त्रिको सूची फाइनल हुन नसकेको हो’, उनले भने।


यता सरकारको नेतृत्व गरिरहेको कांग्रेस पनि बाँकी मन्त्रीको नाम तय गर्ने मामिलामा अन्योलमा छ। सभापति तथा प्रधानमन्त्री देउवाले इतर गुटका नेता रामचन्द्र पौडेल र कृष्ण सिटौलालाई सरकारमा सहभागी हुने गठबन्धन दलको हिस्सा ‘क्लियर’ भएपछि मात्र मन्त्रीका लागि नाम माग्ने बताइसकेका छन्। ‘महत्त्वपूर्ण मन्त्रालयको बाँडफाँड  नै बाँकी छ, कसले कति मन्त्रालय पाउने भन्ने पनि टुंगिन बाँकी छ र अझै माधव समूह सरकारमा आउने कि नआउने निर्णय हुनै बाँकी छ। यस्तो अवस्थामा कसरी कांग्रेसभित्रका आकांक्षीमध्ये को मन्त्री बन्दैछ भन्ने?’, प्रधानमन्त्री देउवा निकट एक नेताले भने, ‘सरकार विस्तारको काम वास्तवमै जटिल देखियो। चाहना हुँदाहुँदै पनि परिस्थिति यस्तो भयो। तर केन्द्रीय समितिको बैठक पनि सकियो, अब हामी यसैमा फोकस हुन्छौं।’


प्रकाशित: August 15, 2021 | 21:30:27 काठमाडौं, आइतबार, साउन ३१, २०७८

तपाईं को प्रतिक्रिया

ट्रेंडिंग

सकियो समानुपातिक मतगणना, तीन दिनमा सिट बाँडफाँट हुने

निर्वाचन आयोगका अनुसार आज साँझ प्रत्यक्ष र समानुपातिक दुवैको गणना सकिएको हो। प्रत्यक्षतर्फको गणना हिजै सकिएको थियो भने समानुपातिक गणना भइरहेको थियो।

जनैसुपारी फिर्ता भएपछि युवतीले त्यागिन् प्राण, परिवारको जाहेरीमा युवक पक्राउ

युवतीको मृत्यु भएसँगै परिवारका सदस्यले घटना शंकास्पद रहेको भन्दै प्रहरीमा जाहेरी दिएका छन्। बुद्धनगर घर भएकी २७ वर्षीया पुष्पा न्यौपानेले सुधन संग्रौलाको घरबाहिर पुगेर साँझ सवा ७ बजे आफूलाई आगो लगाएकी थिइन्। सख्त घाइते भएको अवस्थामा युवतीलाई अस्पताल लगिएको थियो।

सत्ताको राइँदलोमा माओवादी, प्रचण्डलाई प्रधानमन्त्रीको अफर दिएर कांग्रेसबाट छुट्याउने एमाले रणनीति

पार्टी सभापति देउवादेखि महामन्त्री गगन थापासहित आधा दर्जन प्रधानमन्त्रीको आकांक्षी रहेका बेला माओवादीले कांग्रेसभित्रको घरझगडाको फाइदा उठाउन खोजेको राजनीतिक वृत्तमा चर्चा छ।

समानुपातिकको मतगणना मंगलबार सकिने, त्यसपछि के हुन्छ प्रक्रिया?

प्रतिनिधिसभामा सो प्रणालीतर्फ हालसम्म एक करोड चार लाख ३० हजार चार सय ३९ मतगणना सकिएको छ।

आफूलाई निर्णायक दाबी गर्ने माओवादीका तीन दाउ

शनिबार र आइतबार माओवादी मुख्यालय पेरिसडाँडामा बसेको पदाधिकारी बैठकले दुईथरी कुरा बाहिर ल्यायो। पहिलो दिन अर्थात् शनिबारको बैठकमा माओवादीले एमालेसहितका अन्य दलसँग पनि सहकार्य गर्न सकिने कुरा बाहिर ल्यायो। तर आइतबारको बैठकमा भने सो कुरालाई ढाकछोप गरेर वर्तमान सत्ता गठबन्धनकै नेतृत्वमा सरकार बन्नेबारे छलफल भएको बताइयो।

न निर्णय न टेन्डर ! आफ्नै शोरुमबाट वडाध्यक्षका लागि भनेर मेयरले किनिन् १० मोटरसाइकल

करिब ४० लाख रुपैयाँ सरकारी बजेट दुरुपयोग गरी नगर कार्यपालिकामा प्रस्ताव नै नलगी स्वमर्जी मोटरसाइकल किनेपछि मेयर शाही विवादमा तानिएकी छन्।

कांग्रेस केन्द्रीय समिति बैठक बोलाउन नेता महरको माग

नेपाली कांग्रेसका केन्द्रीय सदस्य नैनसिंह महरले कांग्रेसले तत्काल केन्द्रीय समिति बैठक बोलाएर आम निर्वाचनको समीक्षा र गठबन्धन तथा दलभित्र भएका घात-अन्तरघातको छानबिन गर्न माग गरेका छन्।

नेपाल–भारत सीमामा ढुंगा हानाहान

दार्चुलास्थित नेपाल–भारत सीमामा तनाव भएको छ। भारतीय नागरिकले नेपाली नागरिकमाथि ढुंगा प्रहार गरेको बताइएको छ।

संसद्‍मा हुने १२ मध्ये ५ वटाले राष्ट्रिय दलको मान्यता नपाउने

७ वटा दलले समानुपातिकको थ्रेसहोल्ड कटाएर राष्ट्रिय दलको मान्यता पाउने भएका छन् भने पाँच वटा राष्ट्रिय दल नहुने भएका छन् ।

विश्वकपमा मेस्सीले तोडे म्याराडोनाको रेकर्ड

त्यसै क्रममा टिमका लागी एक गोल गरेका अर्जेन्टिनाका कप्तान लियोनेल मेस्सीले आफ्ना देशका लिजेन्ड खेलाडी डिएगो म्याराडोनाको किर्तीमान तोडेका छन्।

थप समाचार

नेपाल समय
राजनीति

पार्टीमा विवाद हुनु गज्जब छ : सभापति लामिछाने

भरतपुर विमानस्थलमा पत्रकारसँग कुराकानी गर्दै सभापति लामिछानेले सांसद छनोटलाई लिएर पार्टीमा विवाद भए पनि पार्टी प्रणाली र विधिबाट दायाँबायाँ नहुने बताए।
नेपाल समय
राजनीति

पार्टी प्रणाली र विधिबाट दायाँबायाँ नहुने लामिछानेको प्रतिबद्धता

कम मत आएकालाई समानुपातिक सांसदमा बनाउन लागेको सुइँको पाएपछि बन्दसूचीमा रहेकाले रास्वपा कार्यालय घेराउ
नेपाल समय
राजनीति

एमाले सरकार गठनको दौडमा छैन : उपाध्यक्ष पाण्डे

प्रेस चौतारी नेपाल, चितवन शाखाले आज यहाँ आयोजना गरेको पत्रकार सम्मेलनमा उनले एमालेले अहिले आफ्नो नेतृत्वमा सरकार बनाउने विषयबारे नसोचेको उल्लेख गरे।
नेपाल समय
राजनीति

सीके राउतले भेटे उपेन्द्र, मधेसका मुद्दामा मिलेर जान सुझाव

मधेसीलगायत उत्पीडनमा परेका समुदायको हकहितका लागि मिलेर अगाडि बढ्न सहमत भए राउत, यादव।
नेपाल समय
राजनीति

कांग्रेसमा 'बीपीजी' समूह उदयको सम्भावना

कांग्रेसभित्र ‘बीपीजी’ अर्थात् विश्वप्रकाश शर्मा, गगन थापा, प्रदीप पौडेल समूहगत रूपमा स्थापना भए भने संस्थापन पक्षलाई बलियो चुनौती दिन सक्छ। यद्यपि, विश्वप्रकाशले गगनप्रति समर्थन जनाइसके पनि प्रदीपले हालसम्म आफ्नो कित्ताकाँट गरिसकेका छैनन्।

सूचना विभाग दर्ता नं.

८५८-२०७५/७६

सम्पर्क

House -138, Suruchi Marg, New Baneshwor, Kathmandu, Nepal
फोन : +977-1-4790242 / +977-1-4790040
इमेल : nepalsamayanews@gmail.com
  • प्रबन्ध निर्देशक
    तरुणप्रताप शाह
  • प्रधान सम्पादक
    नारायण अमृत
  • महाप्रबन्धक
    जीवन तिम्सिना