ब्याडमिन्टन : प्रिन्सले जिते दोहोरो उपाधी

/assets/plugins/bower_components/fileman/Uploads/post_images/2019, January/IMG_0501.jpg

काठमाडौं- अन्तर्राष्ट्रिय जुनियर ब्याडमिन्टनका बिजेता प्रिन्स दाहालले राष्ट्रपति कप जुनियर अन्तर्राष्ट्रिय ब्याडमिनटन प्रतियोगितामा दोहोरा जित हात पार्दै उपाधी जितेका छन् । प्रिन्स यु-१९ र यु-१५ दुवै तर्फ बिजयी भएका हुन् । 

उनले फाईलनमा यु-१९ मा उच्च बरिएताका प्रफुल महर्जनलाई २१-८ र २१-१० ले पराजित गर्दै उपाधी उचाले । यस्तै यु-१५ मा उनले म्यानमारका ज लिन थुलाई २१-१५, १७-२१, २१-९ ले पराजित गर्दै दोहोरो उपाधी उचाले ।

नेपाल ब्याडमिन्टन संघको तत्वाधान तथा मोरङ्ग जिल्ला ब्याडमिन्टन संघको आयोजनामा भएको प्रतियोगिताको महिला यु-१९ मा उच्च बरिएताकी जेशिका गुरुङ्गले रशिला महर्जनमाथी २४-२२, २१-१४ ले पाखा लगाउंदै उपाधी जितिन् । 

यस्तै उनले रशिलासँग मिलेर यु-१९ गल्स जोडी तर्फ पनि उपाधी हात पारिन् । जेशिका र रशिलाको जोडीले शिमा राजबंशी र निता लम्साललाई २१-१२, २१-३ ले पाखा लगाए । यु-१९ पुरुष  युगल तर्फको खेलमा म्यानमारका ज लिन थु र थु रिनको जोडीले प्रफुल महर्जन र रुकेश महर्जनको जोडी माथी १९-२१, २१-१८ र २१-१७ को जित निकाल्दै उपाधी उचाले ।

यु-१५ गल्स तर्फको खेलमा उच्च बरिएताकी रशिला महर्जनले स्मृती राईलाई २१-७, २१-३ ले पराजित गर्दै उपाधी हात पारिन् । बिजयी शिर्ष तीन स्थान हात पार्ने खेलाडीहरुले क्रमशः नगद २० हजार, १० हजार र ५ हजार नगद सहित ट्रफी र प्रमाण पत्र प्राप्त गरेका छन् ।



प्रतिक्रिया