खप्तड गोल्ड कप : गोर्खा ब्वाइजमाथी संकटा विजयी 

/assets/plugins/bower_components/fileman/Uploads/post_images/2019, January/khaptad-copy_2.jpg

धनगढी- तेस्रो अन्तर्राष्ट्रिय आमन्त्रित सुदुरपश्चिम खप्तड गोल्ड कपमा संकटा क्लब विजयी भएको छ । धनगढी रंगशालामा बिहिबार भएको खेलमा गोर्खा ब्वाइजमाथी २-० ले विजयी भएको हो ।

संकटाको जितका लागी कप्तान रभी सिलवाल र म्याक्सवेलले एक एक गोल गरे । सुरुवाती समय देखिनै आक्रमक खेल प्रस्तुत गरेको संकटाले पहिलो हाफको इन्जुरी समयमा अग्रता लिएको थियो । 

पहिलो हाफको इन्जुरी समयमा संकटाका कप्तान रभीले पेनाल्टी क्षेत्र भित्रबाट जय गुरुङले दिएको पासमा उत्कृष्ट गोल गर्दै टोलीलाई सुरुवाती अग्रता दिलाए । खेलको ९ औं मिनेटमा संकटाका सुभाष गुरुङ्ले प्रहार गरेको बल पोस्ट भन्दा केहि परबाट बाहिरिएको थियो । 

त्यस्तै १८ औं मिनेटमा गोर्खा ब्वाइजका शिव श्रेष्ठले ३५ याडबाट गरेको उत्कृष्ट प्रहार गोलरक्षक राजबाबु थापाले बचाउ गरे । ३८ औं मिनेटमा गोर्खाका गौतम श्रेष्ठको पासमा काजिमले गरेको हेडर बलले सहि दिशा लिन सकेन । 

त्यसपछि पहिलो हाफमा १-० ले अग्रता बनाएको संकटाले दोस्रो हाफमा थप एक गोल गर्यो । दोस्रो हाफमा संकटाका लागि म्याक्सवेलले खेलको ८३ औं मिनेटमा गोल गर्दै संकटाको अग्रता दोब्बर पारे । 

दोस्रो हाफमा निकै नै आक्रमक देखीएको गोर्खाले संकटाको पोस्टमा लगातार प्रहार गरि रह्यो । तरपनि गोल गर्न भने सकेन । खेलको ५८ औं र ६० औं मिनेटमा गोर्खाका खेलाडीले फितलो प्रहार गरे । 

त्यस्तै ६७ औं मिनेटमा संकटाका म्याक्सवेलले गोर्खाका गोलरक्षक सोजित गुरुङ अगाडी बढेको अवस्थामा बललाई सहि दिशा दिन सकेनन । ७८ औं मिनेटमा शिव श्रेष्ठलेको प्रहार संकटका  गोलरक्षक राजाबाबु थापाले बचाउ गरे । 

थापा खेलको म्यान अफ दी म्याच बने । संकटाले बअ आफ्नो दोस्रो खेल माघ १ गते डफिन्स टिम फ्याम्ली क्याम्रुनसँग खेल्ने छ । प्रतियोगितामा शनिबार एपिएफर मेची नेत्रालयबीच प्रतिस्पर्धा हुने छ ।



प्रतिक्रिया