धनुषाबाट मरिच तस्करीको गिरोह प्रहरी खोरमा

/assets/plugins/bower_components/fileman/Uploads/post_images/2019, January/marich_taskar.jpg

जनकपुरधाम- प्रहरीले धनुषाबाट मरिच तस्करी गर्ने एक गिरोहलाई पक्राउ गरेको छ । नेपालबाट भारततर्फ जाँदै गरेको अवस्थामा प्रहरीले तस्करीको मरिचसहित उनीहरुलाई पक्राउ गरेको हो।

पक्राउ पर्नेमा धनुषा नगराईन नगरपालिका-१ बस्ने ३४ वर्षीय रजय यादव, ३१ वर्षीय लालु यादव, भारत मधुबनी बस्ने १९ वर्षीय मनिसकुमार महतो, सोहि ठाउँका २० वर्षीय राकेश महतो र २६ वर्षीय सन्तोष राम रहेको प्रहरीले जनाएको छ।

https://www.nicasiabank.com/
बोरामा राखेर मोटरसाइकल चढी जाँदै गरेको अवस्थामा बुधबार राती साढे १२ बजे गोप्य सूचनाको आधारमा प्रहरीले उनीहरुलाई नगराईन नगरपालिका –६ स्थित लगमा टोलबाट पक्राउ गरेको थियो।

उनीहरुको साथबाट ६ वटा मोटरसाइकल र १२ बोरा (अन्दाजी ३ क्विन्टल) मरिच बरामद भएको जिल्ला प्रहरी कार्यालय धनुषाले जनाएको छ । नियन्त्रणमा लिइएका मरिच आवश्यक कारबाहीको लागि जनकपुर भन्सार कार्यालयमा बुझाइएको छ।

प्रतिक्रिया