हुवावेकी उपप्रमुख क्यानडामा पक्राउ

/assets/plugins/bower_components/fileman/Uploads/post_images/December/huawei.jpg

एजेन्सी–हुवावेको उपप्रमुख तथा वित्त प्रमुख मङ वान्जु क्यानडामा पक्राउमा परेकी छन् ।  उनी हुवावे कम्पनीको संस्थापक रेन जेनफीकी छोरी हुन् । उनी गत डिसेम्बर १ मै पक्राउ परेको क्यानेडा न्याय मन्त्रालयले जानकारी दिएको छ। 

अमेरिकाको आग्रहपछि उनलाई क्यानडामा पक्राउ गरिएको बिबिसीले उल्लेख गरेको छ । उनी पक्राउ पर्नुको कारण खुलेको छैन। तर, पनि अमेरिकाले इरानमा माथि लगाएको प्रतिबन्ध तोडेका कारण उनलाई पक्राउ गरिएको हुनसक्ने अनुमान गरिएको छ । 

हुवावेले, यसको विरोध गर्दै, क्यानडास्थित चिनियाँ दुतावासमा उनको रिहाईको माग गरेको छ । हुवाई र वान्जुले अमेरिका र इरानको प्रतिबन्धमा कुनै प्रकारको नकारात्मक  काम नगरेको दाबी हुवावेले गरेको छ।  

हुवावे कम्पनी अहिले बजारमा चर्चामा रहेको मोवाइल कम्पनी हो । आइफोनलाई जित्दै हुवावे अहिले अघि बढिरहेको छ । 

अमेरिकी कानुनी निमार्ताहरूले भने चिनियाँ सरकारलाई  समयसमयमा  हुवावेले अमेरिकी सुरक्षा र उनीहरूको प्रविधिलाई गुप्तचर रुपमा चियो गरिरहेको आरोप पनि लगाएका छन् । अमेरिकाले क्यानेडालाई वान्जुलाई पक्राउ गरेको आभार समेत प्रकट गरेको थियो ।

उनको धरौटी  डिसेम्बर ८ शुक्रबार हुने भएको छ । 




प्रतिक्रिया