विद्यासुन्दरको योजना सुनेर गगन दंग

/assets/plugins/bower_components/fileman/Uploads/post_images/December/Rabipokhari.jpg

काठमाडौं- काठमाडौं महानगरपालिकाका मेयर विद्यासुन्दर शाक्यले कमल पोखरी पुर्ननिर्माणको योजना सुनाएपछि सांसद गगन थापा दंग परेका छन् । 

शाक्यले कमलपोखरीका विषयमा सरोकार राख्ने निकायका व्यक्ति र जनप्रतिनिधिसँग छलफल गरेपछि थापाले ट्वीट गर्दै कमल पोखरीलाई सास्कृति सम्पदाका रुपमा विकास गर्ने संकल्पका साथ सहयात्राका लागि काठमाडौं महानगरपालिकाले काम थालेको भन्दै धन्यवाद पनि दिएका छन् । 

हेर्नुहोस थापाको ट्वीट :

लामो समय देखी हामीले कमलपाेखरीको संरक्षण र प्रवर्द्धन गर्दै अाएका थियौं।कमलपाेखरी लाई संस्कृतिक सम्पदाका रुपमा विकास गर्ने संकल्पका साथ सहयात्राका लागि काठमाडौं महानगरपालीका पनि अाएकाे छ। यस भुमिकाकाे लागि काठमाडौं महानगरका मेयर र काठमाडौं सहरी याेजना अायाेग प्रति विशेष धन्यवाद pic.twitter.com/x8iwkmSJB0

— Gagan Thapa (@thapagk) December 3, 2018

कार्यक्रममा सम्बोधन गर्दै थापाले आफू निर्वाचित भएको क्षेत्रमा महानगरपालिकाले राम्रो योजना ल्याएको भन्दै योजना सफल बनाउन आफू लागि पर्ने बताएका थिए । ‘नगर प्रमुखलाई सबै भन्दा पहिला धन्यवाद,’ थापाले कमल पोखरी निर्माणको ढाँचा हेरेपछि खुशी हुँदै भन्नुभयो, ‘निकै मेहनतका साथ काम गर्नुभएको रहेछ । मलाई एकदम मन पर्यो । हामी महानगरपालिकासँग मिलेर कामगर्न तयार छौँ । अर्को छठसम्ममा काम सम्पन्न गर्नेगरी योजनालाई अघि बढाऔँ ।’ 

सांसद थापाले कमल पोखरीको किनारामा रहेको प्रहरी कार्यालय स्थानान्तरण गर्न पहल गर्ने पनि प्रतिवद्धता जनाएका छन् । 

मेयर शाक्यले पनि अब महानगरपालिकाले खन्ने र पुर्ने काममा मात्र नभई पूर्वाधार विकास र निर्माणमा ध्यान दिने बताए । २३ रोपनी १४ आना क्षेत्रफलमा फैलिएको कमल पोखरीको स्वरुप अब फेरिने उनले दाबी गरे ।
 




प्रतिक्रिया