भारती खरेल पुरस्कार रमा शर्मालाई

/assets/plugins/bower_components/fileman/Uploads/post_images/December/Samman_program.jpg

काठमाडौं – यस वर्षको भारती खरेल पुरस्कार साहित्यकार रमा शर्मालाई प्रदान गरिएको छ। भारती खरेल प्रतिष्ठानले साधिका खरेलको ८१ औं जयन्तीका अवसरमा आयोजित कार्यक्रमम शर्मालाई ५१ हजार राशिको पुरस्कार प्रदान गरेको हो।

शर्मालाई प्रदेश ३ की प्रमुख अनुराधा कोइरालाले सम्मान प्रदान गरेकी थिइन्। सो अवसरमा कोइरालाले साहित्य साधिका खरेलका नाममा स्थापित पुरस्कार अर्की महिला साधकलाई प्रदान गर्न पाउँदा आफूलाई खुसी लागेको बताइन्। उनले प्रतिष्ठानले साहित्यको विकासमा खेलिरहेको भूमिकाको पनि प्रशंसा गरिन्।

कार्यक्रममा प्रतिष्ठानका सदस्य सचिव प्रा. प्रयागराज भट्टराईले प्रतिष्ठानका गतिविधिबारे जानकारी दिएका थिए। उक्त पुरस्कार यसअघि डायमनशमशेर राणा, केशवराज पिँडाली, प्रा. गोपालनिधि तिवारी, माधुरी भट्टराई, प्रा.डा. चूडामणि बन्धु, प्रा. जगन्नाथ शर्मा त्रिपाठी, प्रा. कृष्णप्रसाद पराजुली, प्रा. शिवगोपाल रिजाल, परशु प्रधान, नरेन्द्रराज प्रसाईं र इन्दिरा प्रसाईंले पाएका छन्।

प्रतिष्ठानका अध्यक्ष शैलेन्द्र साकारको अध्यक्षतामा सम्पन्न कार्यक्रममा प्रा.डा. हेमचन्द्र नेपालले सम्मानित स्रष्टाको व्यक्तित्वबारे चर्चा गरेका थिए।




प्रतिक्रिया